ازاي تقددري توقفي جدال مع النرجسي ”لا للاستفزاز“

Рет қаралды 13,128

Күн бұрын

الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
باقي القبول والانتقال للعقل
اتكلمنا في مستوى القبول بالنسبة لهاوكينز والرضا بالنسبة لنا وقلنا ان انتي لما بتوصلي للمستوى دة بتكوني في افضل حالاتك النفسية لانك شايفة كل اقدار ربنا خير لكي الحلو والمر لانك راضية ومطمئنة ، ولما تكوني في مستوي الوعي دة بتبدأي تفصلي بين مشاعرك وعقلك وتميزي بينهم وامتى مفروض تفكري بالاتنين وامتى بالعقل بس ولما بتفكري في المواقف بعقلك بس بتقدري توزني الأمور صح وبتحكمي ع الموقف مش ع الأشخاص ع الأفعال مش على الأشخاص ودة بيخليكي فاهمة انك مش مفروض تحكمي على الناس فلان معندوش اخلاق وفلان ماعندوش دين وفلانة خطافة رجالة وفلانة ماشية وحش لا حكمك هنا بيكون ان الفعل الفلاني خطأ وغير مقبول سواء دينيا او اجتماعيا لكن مش فلان بالاسم بيعمل كذا فهو عديم الاخلاق ، لا دة حكم ناتج عن انفعال وغضب ومشاعر بتؤدي للاتهام التشهيري والتهجم عشان كدة لما يرتفع مستوى الوعي عندك بتلاقي ان مش مفروض نحكم على فلان ولا الجماعة الفلانية انهم كفرة ولا انهم كلهم اخلاقهم وحشة ليه مستوى الوعي دة بيوصلك لعدم اصدار احكام ع الاخرين؟ لانك بتبدأي تفكري ان اللي كنتي قبل كدة بتشوفيه تجريح (زي كلام النرجسي مثلا) بتعتبريه حاجة كدة شبه الطقس السيء او رعد وبرق مثلا مش في ايدنا نمنعه لكن نقدر نتجنبه فمحدش يقدر يمنع الظواهر الطبيعية لكن نقدر نتجنب اذاها مش حنفضل ليل نهار نشتم في المطر اللي بيطين الدنيا ويوسخ هدوم الأطفال ويغرق الشوارع ويبوظ السيارات في حين ان هو في الأصل خير ربنا خلقه نعمة لنا بس احنا اللي مش عارفين ناخد خيره ونتجنب اذاه طبعا مش بشبه النرجسي بالمطر لكن آثار المطر السلبية أحيانا تشبه اثار النرجسي الخفيفة عليكي . في النهاية المستوى دة بيعلمك تبطلي تحكمي ع الناس لان التخلي عن اصدار الاحكام ع الناس بيحررك من مشاعر الازدراء والبغض المتعمقين في نفس النرجسي واكيد انتي مش مفروض تكوني شبهه في حاجة ، التحرر من مشاعر البغض والازدراء دة بيحرر روحك وبينور لك بصيرتك وبيزيل غمامات كتير من على عيونك وعيون قلبك ، دايما اصدار الاحكام على الاخرين بتعمل انتفاخ الانا وبتحسسنا زي ماقلنا قبل كدة انت غلط وسيء يبقى انا صح وجيد ودة برضه من صفات النرجسي واحيانا الشخصية الاعتمادية . في النهاية لما تبطلي تصدري احكام على الاخرين دة فيه استسلام لله لان الحكم العدل هو الله فقط ودة كمان كلام هاوكينز بيقول ان الله يقول ان الحكم لي ،واحنا بنقول ان الحكم الا لله صدق الله العظيم ،فمانحكمش نفسنا على حد ،افهمي الآخر وتجنبي اذاه وارضي بحكم ربنا وارضي بعطائه .
كمان في المستوى دة بتلاقي نفسك في غنى عن اثبات وجهة نظرك فبتبعدي عن الجدال ودة المطلوب جدا في العلاقة مع النرجسي وهنا الثقة بتكون عالية لدرجة انك بتفضلي الخروج من المناقشة عن انك تجادلي وتحاربي وتبرري نفسك عشان تثبتي انك صح لانك أصلا عارفة ومتأكدة انك صح فمش محتاجة ان حد يعرف غيرك لان انتي كافية .
المستوى دة مهم جدا لانه بيعمق معرفتك بنفسك وثقتك فيها وبيقربك اكتر من ربنا لان الرضا لمن يرضى ،يعني اذا رضيتي عن ربك وعطائه لكي هو حيراضيكي فوق ماتتخيلي
نقطة مهمة جدا جدا بيذكرها هاوكينز في المستوى دة هي انسحاب الانا من موقف انا اقدس منك ، يعني ايه الكلام دة ؟ فاكرين لما قلنا اننا أحيانا والنرجسي دايما يحب يطلع الآخر غلط عشان يطلع هو صح ماهو لو انت غلط يبقى اكيد انا صح ودة معناه اني احسن منك دة اسمه موقف انا اقدس منك عشان كدة النرجسي طول الوقت يدور على أخطاء عشان يحس انه احسن من أي حد ففي المستوى دة الانا بتاعتك بتنسحب من الموقف بتاع انا اقدس دة لانك مش محتاجة له انتي عندك إحساس بالرضا ماليكي مخليكي مش فارق معاكي مين احسن من مين انتي كدة مبسوطة ومتطمنة انك في كنف ملك الملوك وليل نهار تشكريه انه ربك وانك عبدة له وانه قبلك ورضي عنك وراضاكي ، لو انتي في المكان دة فعلا تفتكري حتدوري على مين احسن من مين
حنوصل للرضا دة ازاي ؟ كل شيء في الكون بييجي بالتدريج والتدريب واللي عايز يعمل حاجة بيعملها ، الأول التوبة و بعدين نتقي الله وبعدين نزهد فيما ليس لنا ولانتعلق بالاشياء ولا الأشخاص وبعدين نفتقر الى الله وندرك اننا فعلا فقراء الى الله مهما كنا اغنياء ولا أقوياء ولا ملوك الأرض فاحنا مازلنا فقراء اليه لان كل مانملك موهوب منه لنا وهو يقدر يفنيه في لمح البصر فاحنا فقراء اليه، بعدين الصبر على ماابتلانا بيه سواء نرجسي او غيره وصبرنا يكون لله مش للأولاد ولا الفلوس ،ويكون صبرنا بالله مش بالملهيات ، وبعدين التوكل وبعد التوكل بتوصلي للرضا ، او امشي مع مستويات الوعي خدي الحلقات من أولها وركزي فيها حيرتفع مستوى وعيك وحتمري بالمراحل اللي قلتها دي بشكل تلقائي المهم انك تبدأي
#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية

Пікірлер: 105

@الحمدللهعلىنعمه-ه8ض 10 ай бұрын

ربنا ينور طريقك يا دكتورة أنت علمتينا مش بس كيف نفهم النرجسي ونتعامل معه،أنت علمتينا شيء أهم بكثير ألا وهو جوهر الإيمان بالله وكيف نكون مؤمنين قلبا وقالبا ،أدعو الله لك كل ما رأيت فيديوهاتك أن يرزقنا الله وإياك الفردوس الأعلى من الجنة (أنا أحسبك جند من جنود الله في أرضه هكذا أحسبك والله حسيبك)❤❤❤❤

@esmaylmaz8488 10 ай бұрын

جزاك الله خيرا على كل ما تقدميه ياريت يا دكتورة تعملي لنا حلقات عن تقوية الشخصية لأننا اغلبنا اهلنا نرجسيين وكسرونا وكسروا شخصياتنا

@rihamriham3166 10 ай бұрын

جزاك الله خيرا وعلى فكرة الشيخ ابو اسحاق الحويني بيشرح كتاب الرقائق على اليوتيوب في سلسلة حلقات حلوة جدا للناس اللي مش بتحب تقرأ

@fatemaalgarni3777 10 ай бұрын

رائعة استاذه كوثر ماشين معاك ويارب نوصل يارب يخليك لينا نفسي كل نساء الكره الارضيه تشوف فديوهاتك وتسمع كلامك ويحسون بكميه الحب والحنان الي نحسه في كلامك ❤ على فكره انا بحط الايك قبل اسمع الفديو 😂

@asmaa_abdelaleem 10 ай бұрын

انا بحبك اوي .. ربنا يملأ قلبك بحبه و يرزقك السكينة و دوامها و الشكر عليها يا رب

@sarawafaa3351 10 ай бұрын

ربنا يسعدك ويراضيك يا ماما كوثر ❤❤❤❤❤❤ الله لا يحرمنا منك ❤

@شروقالشمس-ل8ظ 10 ай бұрын

شكرا لحضرتك استاذة كوثر من اعماق القلب❤ربنا يسعد قلبك

@samiaelsaed1578 10 ай бұрын

ربنا يجازيكي خير علي كل ما تقدميه لنا بجد ربنا يحفظك ويراضيكي

@kyyy359 Ай бұрын

الله ينور دربك يا دكتورة، انا بهاي المرحلة

@fatmaemad4181 10 ай бұрын

انا بقيت حافظة كلام الدكتوره لما بتقول القبول عندنا ايه بجاوب بسرعة واقول عندنا اسمه الرضا 😅 انا بحبك اوي يا دكتورة كوثر وكلمت حضرتك قبل كده من سنه بس انا لغاية دلوقتي مش عارفه افك التعلق ربنا يقويني بس بحاول كمان بيصعب عليا الغريب اني مش بصعب عليه 😂 الحمد لله

@emmy1452 10 ай бұрын

جزاك الله خير الجزاء في الدنيا والاخرة مدام كوثر حقيقي كنت محتاجة للفيديو ده وربنا اكرمني اني اشوفه النهاردة واستوعب ايه الاخطاء اللي كنت بقع فيها ربنا يعفو عننا ويفرج همومنا ويرفع عننا اللي بنعانيه بسبب عيشتنا مع النرجسيين

@yourlocalwaffle7245 10 ай бұрын

شكرآ ~ المهم فعلآ "البداية" 😊

@gamilajad5730 10 ай бұрын

عاوزاكى تعرفي انى بحبك قوى بجد انتى بحسك مامتى فى الموضوع دة لان مامتى الحقيقة كانت ضحية لنرجسي وعمرها ما بتفهمنى وتنصحنى ولا تقف جنبي بس انا بحبها وصعبانة عليا ، انا اخدت كل احطيتاتى ومضطرة اتعايش مؤقتا او على طول على حسب انا عاوزة اية مش هو

@kayafatoom 9 ай бұрын

الله يباركلك ويفتح عليكي ياماما كوثر من سنه وانا اتابعك ربي حطك قدامي في وقت شديد كنت امر به مع زوج نرجسي ونور بصيرتي ربي يزيدك نور كنت كل مره اجي بكتب تعليق مش قادره ابدا كيف لانه من كثر حبي لك وتغير حياتي بسببك عندي كثير كلام اترجم في حبي لك بالدعاء اعظم نعمه في ابتلاء النرجسي. انك تعرفي ربك وتترقي معاه سبحانه وتكتشفي ذاتك ومكنوناتك وتحسني شخصيتك باستمرار وانه صار في حياتي (ماما كوثر)❤ دائما اقول فديوهاتك عباره عن تزكيه للنفس انتي داعيه الئ الله جزاك الله كل خير الله يسعدك في الدنيا والآخره

@استغفراللهالعظيمواتواباليه-ف5ب 10 ай бұрын

جزاكى الله خير ياااادكتوره والله بحبك من البى بعتبرك اختى اكبيره وصديقتى العزيزه احبكى فى لله

@kalpahayirtf 9 ай бұрын

ازاي اعيش مع زوجي في استقرار ومحبة وشفافية وصدق وامان بكل سهولة ويسر وافضل احتمال وايسره وامان وكل مايعيق ذلك انسفه ودمره من نقطة خلقه ولا تسمح له يا الله باعادة خلقه من جديد لقد تم لقد تم لقد تم اللهم ارنا نشهد على ذلك شكرا لك يا الله ايها الكون ارنا السحر والمعجزات في تحقيق ذلك

@anfal2552 10 ай бұрын

ادعولي بظهر الغيب ربنا يفرجها عليي بعد 13 سنه من القهر والذل اكتشفت أنه كل يوم بطلب زواج من مره غيري هاد غير الخيانات والزنا إلي بعمله تخيلوا اليوم شفت فاتوره في جيبته بقلاوه مشكل 50 دينار موديهم هديه للمره إلي رايح يطلب ايدها طبعاً ع أساس أنه هو الزوج المظلوم وأنا الظالمه

@safaasherif1444 10 ай бұрын

أسأل الله العظيم رب العرش العظيم أن يعوضك خيرًا

@fatmaabdelhamed3451 10 ай бұрын

ربنا يعوضك بالخير ❤

@mariacb5597 10 ай бұрын

اهربي هالانسان ميستاهل اظفر رجلج 🥺💔الله يعوضج ويعوضني يارب

@maremtamer6640 10 ай бұрын

أسأل الله العظيم رب العرش العظيم ان يفرج همك و يبدلك بخير حال يارب العالمين

@nadaelsisy7814 10 ай бұрын

ياستي هوه الي مريض انت ماعندك مشكله

@noorelhda126 10 ай бұрын

عاوزين فيديو التعامل مع الاولاد النرجسيين

@محمودحسن-ج3و7ي 10 ай бұрын

شكرا دكتوره حلقه مميزه جزاك الله خير .

@NadaA-vy3yf 2 ай бұрын

المشكله اذا كان هذا الشخص الذي يتصرف خطأ انت مرتبطه فيه وتوجد اشياء مشتركه رغما عنك مثل الزوج هنا كيف تتواصلي معه تسكتي عالخطا يعم عليك شره

@بريقالأمل-ل2ر 10 ай бұрын

اول لايك ❤واول تعليق❤

@FaizaAhmed-xx6py 10 ай бұрын

حمد لله تعافيت من زوجى النرجسي وتخلصت منه بعد 10سنين لاقيت كل انواع العذاب النفسي والبدنى منه ومن اهله هربت منه واخدت اولادى من حوالى 6سنوات وللاسف والداتى تعايرنى به وبأنى سمحت له بتدميرى وهى ايضا بتقوم بمعايرتى على كل عمل تساعدنى به وبانى لست ام صالحه ولا زوجه صالحه ولا حتى امراه وصلت معى لحافه الانهيار والله تعبت

@استغفراللهالعظيمواتواباليه-ف5ب 10 ай бұрын

والله العظيم والذى خلق السموات والارض انى كنت ادعى الله وانه الهمنى المعمله هذه الذى تتكلام عليها الدكتوره بنقس الحرف وسبحان الله كيف تغير زواجى مايه وعشرين درجه اللهم لك الحمد ولك الشكر صح فى عنده اخطاء كثيره لكن ان عرفت اخذا حقى منه واعيش حياتى بعيد عن الظلم والاستبداد

@أممصطفي-ق4غ 10 ай бұрын

عندي بنتي سنها 14 سنة بتقلد ابوها النرجسي في كل حاجة.. 😢😢😭😭

@Username-wu2ps 10 ай бұрын

ربنا يهديها يارب

@sarawafaa3351 10 ай бұрын

ربنا يهديهم كلهم حبيبتي ادعي لها

@amenset 10 ай бұрын

يعني بتقلدو إزاي من فضلك بتعمل إيه بالضبط من فضلك؟؟

@أممصطفي-ق4غ 10 ай бұрын

@@amenset بتشتم وبتغلط وبتتعامل ببرود وقذرة جدا وبتحب الكركبة زي ابوها وطبعا هو بيقويها علينا علشان هي شبهوه وطبعا كل التصرفات دي قدامي انا بس لاكن كويسة حدا قدام الناس... 😭😭😭😭

@ghizlanmorabit5242 10 ай бұрын

الله يهديها

@مونياعرفة-ت7م 10 ай бұрын

اعزك الله واكرمك

@ggjanatgames6170 10 ай бұрын

السلام عليكم دكتورة ارغب في استشارتك في موضوع حياة أو موت

@emankasem1448 10 ай бұрын

بحبك قوى

@NM-wu8gh 10 ай бұрын

مستنياكى❤❤

@salwaali4066 10 ай бұрын

حلقه ممتازه

@amala5522 10 ай бұрын

فعلا لما يبدا يتكلم قدامي باقوله بص انا مش عاوزه اتكلم في حد وماليش دعوه بحد برا بيتي صار بيعمل نفسه بيكلم ويقول اللي هوه عاوزه هههههههه

@azzaazaa5008 10 ай бұрын

بحاول اتواصل مع حضرتك على الايميل مش عارفه اوصل لحضرتك يا يا استاذه كوثر النرجسي يتلاعب زوجه ابني علشان يكد بيها وانا مش عارفه اتصرف ازاي

@fadumofilsan3251 10 ай бұрын

انتهى الزمن الجدال مع النرجسي 👀

@fatmadakhli1618 10 ай бұрын

Vous êtes formidable je vous aimes

@YATO-t7s 10 ай бұрын

بس انا لمن احكم على تصرفات النرجسي أنها غلط مو بمقياسي وانما بمقياس الشرع والعرف هي تكون فعلا خطا فكيف عندما يخطأ بحقي او مثلا يحرمني حق من حقوقي كفله الشرع لي مثلا يكون المفروض أن احس مشاعر الرضا بذاك الوقت طبعا تملكني الرغبه بالنقاش معه وإثبات مظلوميتي

@hanaaothman8807 10 ай бұрын

النقاش مع النرجسي لا بيقدم ولا يأخر ومحاولاتك لإثبات وجهة نظرك تكون أولا :هباء وثانيا: يسعده تضييع وقتك وانفعلاتك

@linasaleh8019 10 ай бұрын

بس يا دكتورة ازا التصرف اتكرر وانا بكل وضوح خبرته هاد الشيء بأذيني وبشوه سمعتي لكن بلا نتيجه … كيف اتجاوز كيف اسامح كيف اكمل كان شيءٍ لم يكن 😓

@arfizerarga8558 10 ай бұрын

احس اني نرجسي اكثر من النرجسي

@GoogleUser-cn7pj 10 ай бұрын

ونعم بالله

@majdaamer503 5 ай бұрын

❤❤

@mamty893 10 ай бұрын

❤❤❤❤❤❤❤❤❤❤❤❤❤

@mariacb5597 10 ай бұрын

ست كوثر زوجي نرجسي رافض يطلقني وناوي يعلقني شنو اسوي💔

@اممعتزكامله 10 ай бұрын

اسألي عن "فسخ العقد" ما له حق يظلمك بس انتي كمان دافعي عن نفسك

@fadumofilsan3251 10 ай бұрын

🎉

@oumaimaoumaima1596 10 ай бұрын

یاریت حضرتک تجاوبینی اعرف واحد نرجسی و واعدنی انه یخطبنی و انا موافقه وعارفه انه حیاتی معه راح تکون جحیم بس مجبره اقبل لانی معندیش بدیل عن الشخص ده وذه لاشباب مش حاقدر اذکرها هل اقبل الزواج کصفقه حتی لو حصل الطلاق بعدین او الافضل بلاش یاریت تجاوبینی

@ماريامحمد-ج4ر 10 ай бұрын

حياتك حتفضل دمار انتي عاما بر لا تغوصي في أعماق النرجسي

@نداءالروح-ن4ل 10 ай бұрын

الحياة مع النرجسي إمراة كان إو رجل يشبه القصف الإسرائيلي على غزة آسفة على قساوة التشبيه، لكن أوجدي حل بديل لمشكلتك غير هذه الفكرة المتهورة

@user-id-kawthers-sanad 10 ай бұрын

لا تتزوجيه وفوضي امرك لله وهو حيدبر امرك بس انتي ارجعي له وهو كفيل بك . النرجسي اصلا ممكن يعلقك سنين ولا يسيبك ولا يتجوزك والعمر يمر ولا انتي حاسة اهربي منه والجأي الى الله (ففروا الى الله)

@JojoJana-rx8mv 10 ай бұрын

ادام عارفه وعوزاه يبقي استحملي لحد ماتندمي

@الحمدللهعلىنعمه-ه8ض 10 ай бұрын

⁠ ‎السلام عليكم ورحمة الله وبركاته يا دكتورة بترجاك تجاوبينيأنا عندي مشكلة انه زوجي عديم المسؤولية ويحاول انه يرمي علي مسؤولية الاولاد واذا قلت لا بينتقم مني انه يحرمني من أي حق من حقوقي ،فأنا مؤخرا طلبت منه انه يدفع اتعلم سياقة السيارة فهو شرط علي انه باليومين اللي يودي الاولاد عالمسجد أمشي أوديهم بداله ،وهو بيستغل وقته انه يشتغل اكثر ويا ريتنا بنطول شي من فلوسه ،كل المسؤولية على ظهري وما يعطيني ولا جنيه بإيدي وما نعني اني أشتغل وياذوبه يوكلنا كيف اتصرف أقبل بهالشي واعمل سواقة السيارة ولا ارفض واروح اشتغل واعملها لحالي غصبا عنه لأن موضوع الشغل براوضني رغم رفضه لأني تعبت منه بمعنى الكلمة لأني أعيش زواج بدون زوج للأسف! @@user-id-kawthers-sanad

@abdozain6200 8 ай бұрын

الله ينور طريقك دكتورا كوثر

@zienab.mohamed.selim8532 10 ай бұрын

❤❤❤❤❤❤❤

@worldwide8485gh 10 ай бұрын

جزاك الله خيرا دكتوره كوثر ❤❤❤❤❤

@fifiitalia9821 10 ай бұрын

اللهم لك الحمد والشكرعلى نعمة الرضا شكراً جزيلاً على كل مجهوداتك

@fadumofilsan3251 10 ай бұрын

جدال عقيم مع النرجسي

@carlamissali2025 10 ай бұрын

شكرااا انقدتي حياتي الان صرت مسيطرة بعد ٢٥ سنة وانا تحت حكم نرجسي حقير دمر كل حياتي بفضل الله اولا ثم بفضلك انا اقوى ❤

@asmaa_abdelaleem 10 ай бұрын

صبرنا يكون بالله مش بالملهيات صبرنا يكون لله مش للأولاد او للفلوس 13:36

@malakahmad1305 10 ай бұрын

دائما ما اقول..اللهم اني استغنيت بك فاغنيني..واكتفيت بك فاكفيني..وفعلا ربنا مطمن قلبي ومليه سكينة..الحمدلله

@مطبخوتدابيراسراء 10 ай бұрын

زوجي النرجسي يخيرني بين وظيفتي او الطلاق مع العلم تنازلت على وظيفتي من قبل وندمت ساعدوني من فضلكم

@worldwide8485gh 10 ай бұрын

مقامك حيث أقمت نفسك لا حيث أقامك الناس ، فالناس لا تعدل و لا تزن

@user-id-kawthers-sanad 10 ай бұрын

مقامك حيث اقامك (الله)

@fohanona9510 10 ай бұрын

@@user-id-kawthers-sanadدكتوره كلمينا على الزواج التاني في السر وانا عرفه وهو شاكك فيه بخل اكتر وسمعتها وهي تقوله اني بتلاعب بيه وبدء ينتبه ليه ومش عارف اطلب ابسط حقوقي زي الاول الحل بالله عليك

@worldwide8485gh 10 ай бұрын

هذه المقولة ل الرافعى معناها أن تستمد تقديرك لنفسك من نفسك و ليس من الناس الله سبحانه وتعالى فوق كل شيء ، له كل شيء... إن الحكم إلا لله... ربنا سبحانه وتعالى يهدى من يشاء و يضل من يشاء المشيئه هنا اختيار الإنسان و الحساب يوم القيامة و ما تشاؤون إلا أن يشاء الله...

@worldwide8485gh 10 ай бұрын

جزاكم الله خيرا دكتوره كوثر ربنا يعزك و يرفع قدرك في الدنيا والآخرة 🌺🌺🌺🌺🌺🌺🌺🌺🌺

@user-id-kawthers-sanad 10 ай бұрын

شيوخنا كانوا يقولوا لنا مقامك حيث اقامك يعني احرص انك تكون مكان ماهو سبحانه وتعالى عايزك وارضى واستسلم واحرص على كونك حيث يريدك وكيفما يريدك 🌹

@lamiaasadeldeen5322 10 ай бұрын

مبدعة ماشاء الله زادك الله علما وفهما وجعلك مباركة أينما كنت

@user-xy1uu6qm7wEmyTah 10 ай бұрын

تحياتى احضرتك.. انا موعودة بالنرجسيين انا ارملة وكان نرجسى بالرغم انى كنت بحبه لكن قسوته ضعيت الحب ولانه كان مريض بالكبد تحول الحب لتعاطف واتقاء لله فيه فقط حتى توفاه الله حزنت عليه جدا مكنتش اتمنى كدا ابدا وفى نفس الوقت اتعقدت من الارتباط وبعد عشر سنين يقتحم حياتى نرجسى اخر وبرده احبه لكن المرة دى هلحق نفسى وباذن الله هقدر انساه.. هو الفرار الى الله

@ريان-خ5غ8ذ 10 ай бұрын

ياختي تحزني،علي،نرجسي ربنا،ياخذهم كلهم،ونرتاحو،ونربو،أولادنا في،بيئه صحيه،سليمه،.كفايا تعاطف،

@user-xy1uu6qm7wEmyTah 10 ай бұрын

ربنا قال ولا تنسوا الفضل بينكم .. مهما حصل لما النرجسي بتاعك يموت والله هتزعلى لاننا اصحاء ودا الطبيعى اصبرى واحتسبى خليك انت الافضل والاقرب لربنا وان شاء الله يجعلك مخرج وتكونى مرتاحة الضمير