أهم وأخطر إسلوب من أساليب تلاعب النرجسي الخفي "التعزيز المتقطع"

التعزيز المتقطع ،
من اخطر اساليب تلاعب النرجسي الخفي
علماء النفس بيقولوا انه تكتيك قوي جدا لدرجة انهم بيسموه (اقوى حافز للحياة) ،، ايه هو التكتيك دة ؟ هو تكتيك تكييف السلوك او تعديل السلوك ودة اللي النرجسي بيعمله فيكي بيعدل سلوكك تجاه وتجاه نفسك ، ازاي ؟ في الاول بيحط قواعد اللعبة واللي قلناه عن ال love bombing بيخلق الحب العظيم وبعدين الحب دة يبقى متقلب وخاضع لشروط ويبقى شوية فيه حب وشوية فيه غضب وصمت عقابي ،،،، كان فيه تجربة اتعملت على القرود عملوها علماء النفس عن التعزيز المتقطع واستخدامه في التلاعب ،، عملوا ايه ؟ دربوا القرود على انهم لما يضغطوا زر النور ينور وياخدوا موزة ، لقوا الدوبامين مش بيترفع لما ياخدوا الموزة لا بيترفع لما تكون الموزة جاية ، وبعدين غيروا النظام وبدأوا ميدوهمش الجوايز كل مرة يضغطوا الزر ومش بانتظام يعني مش مرة ومرة او مرة ومرتين ، لا اصبحو بيدوهم الموزة بشكل عشوائي وغير متوقع ومع ذلك فضلت القرود تضغط الزر طول الوقت على امل ان الموزة تيجي وكانت المفاجأة هنا ان الدوبامين ارتفع اضعاف اضعاف ارتفاعه في الجزء الاول من التجربة ( طب ماله الدوبامين دة ؟ دة اللي احنا اتكلمنا عنه في حلقة التشافي ٧ ودة اللي بيزود ارتباطك بالنرجسي وبيسبب لك الادمان زي الكوكايين بالظبط شوفي الحلقة عشان منضيعش الوقت في اعادة الكلام )خلينا نطبق تجربة القرود دي على اللي بيعمله النرجسي في الضحية : الجزء الاول من التجربة كان بيعبر عن الlove bombing اللي بيعمله النرجسي في اول العلاقة هو بيسستم مخك على ادمان حبه والتمسك بيه بالجوايز المستمرة اللي طول الوقت حب وهدايا ، والجزء التاني من التجربة هو بيعبر عن devaluation اللي فيها بيكيفك على البقاء معاه بقوة الmay be اللي هو يمكن بكرة يتحسن ، يمكن بكرة يرجع يحبني ، يمكن بكرة يتغير ، لان هو بيلمح لك بالحب القديم كل شوية ويفكرك بأيام الlove bombing بشوية تصرفات هزيلة عشان تفضلي عندك امل انه يرجع للمرحلة دي تاني ، يعني مرة هدية صغيرة ومرة كلام حلو ومرة يعمل لك العشاء ومرة يعزمك برة ،بس ايه بقى كل دة بيتعمل بشكل مش منتظم زي ماقلنا قبل كدة بيبقى بشكل مفاجيء عشان المفاجئات بتفرح اكتر (بترفع الدوبامين اكتر) ، لكن في نفس الوقت الكلام دة مخلوط بكلام مهين وقسوة خفية بتبان في الكلام اللي يحسسك بالضعف ويقلل قيمتك ويشككك في نفسك ويعاملك بالصمت العقابي اللي يخليكي طول الوقت تفكري هو ماله هو انا عملت حاجة غلط وسوء المزاج اللي يخليكي تعتقدي ان انتي السبب في تعاسته وكل المعاني اللي تحسسك بعدم الامان وانك دايما مش كفاية وفجأة يرجع حنون تاني ويحسسك انه رجع تمام وهكذا ، كل دة بيخليكي طول الوقت مركزة معاه وبتلفي حواليه وبتحاولي ترضيه عشان تحافظي على مود الحب والحنان اللي انتي محتاجاه منه ، وبكدة بتديه كل الاهتمام والانتباه وهو دة اللي هو عايزه وبيعذبك عشانه ،،، السؤال هنا هو النرجسي فاهم يعني ايه تعزيز متقطع ؟ ولا درس ولا حتى قرأ عن تجربة القرود؟ لا طبعا دة بيكون خبرات حياتية لان هو بيراقب الناس وبيراقب انفعالاتهم وبيراقب تأثير تصرفاته عليهم وبيتعلم الشر تلقائيا وفيه منهم طبعا بيقرأ في علم النفس،ودة غالبا بيكون النرجسي العقلاني ( اللي مشافش حلقة العقلاني يشوفها) واغلبهم بيكون من اسرة نرجسية فمتعلم جاهز من اللي اتعمل فيه .
الاعتذار الوهمي
طبعا دة مش بيحصل من النرجسي الظاهر ابدا لكن بيحصل من النرجسي الخفي طول ماهو حريص على استمرار العلاقة فهو ممكن يعتذر وبسرعة وكتير ،ازاي ؟ كانت حالة بتقول ان في اول الزواج لما بدأ التصرفات السيئة معاها وهي تعاتبه يعتذر فورا ويوقف التصرفات دي يومين ثلاثة ويرجع لها تاني وتعاتبه تاني ويعتذر اعتذار مصطنع بدون قلب ويرجع بعد يومين يعيد تاني ومع الاستمرارية هي زهقت وبطلت تعاتبه وتقبلته زي ماهو وهنا هو دربها على انها تتقبل الاهانات بدون ماتعاتب وفي نفس الوقت دربها على انها متعبرش له عن مشاعرها لان هي طبعا لقت ان مفيش اي نتيجة الوضع زي ماهو والاعتذار اللي هو يطبطب على كتفك ببرود ويقول لك حقك علي وانتي مثلا مكتشفة خيانته فاعتذار قلته احسن وبالتالي فهو اعتذاره وهمي والغرض منه انه برضه يلخبطك لان اللي بيعتذر يبقى مش عايز يزعلك .
تابعونا على الفيس
اكونت الفيس بوك
www.facebook.c...
جروب ادرس عدوك النرجسي
/ kawthersanad11
قناة التلجرام
t.me/learnabou...
الكتب
the covert passive aggressive narcissist

[@nibalnasr742]

فعلا فى حاجز فى احساس غريب غير واضح غامض لحد انى شوفتها فى رؤية احساسهم فى الحب ولحظات الحميمية غريب غامض تحسي ان فرحتك غير مكتملة وانا فى ضباب ومتحسيش بالامان ولا الاحتواء

[@sanaaelbotaini4869]

كلامك كلة بالضبط حصلى لما لقيت نفسي مش انا حتى اقل التصرفات مكنتش بعرف افكر فعلا كل دماغى متمحورة حوالية وردة فعلة واتقاء شرة كان شيطان فعلا

[@mareaahmad552]

نفسي لي صار معي

[@amanykhaled1191]

كل كلامك صحيح أنا لما بنهار كنت بشوف على وشه ابتسامة فهمت اخيرا من حضرتك انى كنت بديله وقود نرجسى

[@mahsenbadwy40]

ياااااااه حضرتك وصفتي عمق عمق الشخصيه بكل تفصيله حتي الكلام (انا بحب اراقب من غير ماتكلم)😂يارب يكون كلامك عون لكل متألم ويكون في ميزان حسناتك

[@ranoonmohamed1564]

فعلا باستمرار كئيب وشكاي لابعد حد وباستمرار عنده صداع والوحيد اللي تعبان في الشغل وانتي مش مقدرة رغم قايدة صوابعي ١٠ شمع كنت فعلا ماشية واره اقوله مالك يقولي مفيش بطلي رخامة انا بحب الحرية

[@ياسمينالشام-ع1ض2ر]

نفس كلامك والله عطول عندو صداع وكئيب وان ماحدا غيرو بيشتغل ويتعب ربنا ينتقم منهم

[@amiraeissa2987]

عشت معاه 5 سنوات و كنت بخاف يتركني .. ف اخر سنه لما عرفت انه نرجسي اكتشفت ان هو اللي جبان و كنت كل ما اقوله هاسيبك يترعب❗️❗️ هو عارف كويس هو بيعمل ايه سبحان الله غالبا الضحيه بتكون بنت ناس و اعلى منه و هو طول الوقت بيدوس عليها

[@newphonehuawei8713]

ده وش ضحية النرجسي هو بيختارها بنت ناس ومؤدبة ومتعرقش اي حاجة في الدنيا وهو وغد حقير

[@amiraeissa2987]

@@newphonehuawei8713 صح جدا 👍

[@mezoandroza1905]

فعلا بتكون اعلي منه شهاده وأهل وعلم..قدر ينزل بيا لتحت تلارض

[@amiraeissa2987]

@@mezoandroza1905 ده حقيقي قدر ينزل بيكي تحت الارض بس شطارتك ترجعيه يشوفك بس نجمه ف السما و مايطولهاش... انا عملت كده و انت تقدري 😘😘😍💪

[@amiraeissa2987]

@roro roro الاول لازم انت من جواكي تحسي انه اقل منك و انه هو اللي ماستحقميش مش العكس .. ثانيا شيلي من جواكي الخوف منه ... الخوف من انه يسيبك اقسم بالله هو خايف من انك انت اللي تتركيه علشان كده بيسيطر عليك و بيتباعب طول الوقت .. اي كلمه بقولهالك يقلل منك ردي عليه و بسخريه كمان اقسم بالله بيتلم علطول لا و بيحايلك كمان .. اخر كلام بينا و كان كالعاده بيسخر و بياريق لا و بجاحه .. انا عندي عربيه و معلومات ف العربيات كويسه .. هو قرر يجيب عربيه اخيرا لم فلوسها .. سوري مبلغ حقير و جاب عربيه .. عربيتي ب 4 اضعاف ثمنها الاقيه بيقولي انت ازاي مش ( مُنبهره ) بيها و بيقولي اعلمه السواقه ف كان رد فعلي بارد 😂 يعني ماطرتش من الفرحه ب عربيته الحقيره و لا موت من السعاده اني هاعمله السواقه على عربيتي و ابوظها و انا بعلمه .. ف بيقولي غريبه رد فعلك غريب مش ده السيناريو اللي رسمته .. بسخريه قلتله لا احنا نفركش بقى و ضحكت بنفس طريقته المستفزه .. اقسملك اتلم و فضل يتكلم بلطف و ادب و يصلح كلامه .. تعرفي زمان كنت بعمل ايه .. بحاول ابرر و اعتزر و هو يفضل يأنب فيا و يتريق و يقلل و يخليني احس انه اقل بنت ف الدنيا احسن مني.. كان يخليني امشي ابُص على اي بنت و احسها احسن مني و اقول ياريت مايشوفهاش... دلوقت بعد ما سبته رجعتلي ثقتي بنفسي و بقيت بنام و برتاح .. و لا حتى ايه ذكريات معايا لانه اي حاجه بفتكرها علطول بفكر نفسي انه كان تمثيل و كدب ف هافتكر ايه... سوري يا رورو ياختي طولت عليكي بس ماصدقت اتكلم😅🌹

[@عاشقةالوردفاتي]

بالنسبة لمسالة المزاج السيء يكون مع الاسرة فقط لكن مع اخواته واخوانه ضحك هستيري وتنكيت ووو واحيانا يستهزؤون بضحاياهم يعني زوجاتهم وأبنائهم ويتغامزون بينهم ويتحدثون احاديث مشفرة ببساطة لم اشعر انهم عائلة بقدر ما اراهم عصابة ونحن رهائن بالنسبة لي لم يكن ضحكهم علي يؤثر في لانني اثق بنفسي لكن بعد ان عرفت حقيقتهم انهم نرجسيين اصبحت ادقق في الكلام ولم اعد اعارض كثيرا اسايرهم فقط وارتب افكاري وخطواتي المقبلة وكيف اؤمن خروجي من هذه البؤرة وانا قوية ومحصنة باذن الله واصلي عزيزتي فاسلوبك مختلف واحيانا كثيرة تريحنا نبرة الام الحانية في صوتك 😚

[@latifa7553]

فعلا شوية عصابة .

[@لارانوفل-ع4غ]

بعد كل الحرب معوو بعض النظر عن الاثار والضحيا والالم والوجع والدموع وبعد مافهمت هو ايه وعرفت حقيقتوو وشفت كل فيديوهاتك وبشوف لسه ولاني مابقدر اتركو لاني ماعندي دخل اعتمد عليه بتربيت ولادي قررت انجو بنفسي انا وولادي لغيت وجودو والا كانو موجود يروح يجي يعمل يلي بدو اياها تركتووو زي مابدو بس تركتو وانا مقتنعه تماما براحتو وعملت شغله وحده اي نعم سبتوو والا كانو موجود بسسسسس ما النا الا الدعاء عليه قسما بالله ربناااا بس هو يلي باخذ حقك لا تدخلي معو باي معارك بسسسس فوضي امرك وامر ولادك وحياتك لربناااا وضلككك ادعي عليه الي ٥سنين بدي ورح اضل ادعي لما ربنااا يكرمني واخذ كل حقي منووو

[@marwaviolin]

بجد فيديوهاتك في الصميم وشرحك يجمع بين الاحترافية والبساطة ، أشعر بأن فيديوهاتك ربنا قد جعلها سببا لإنقاذنا ، أنتِ نبهتيني لأشياء كانت بتحدث معي ولكني مكنتش عارفة مسمى لها ، جزاكِ الله خيرا

[@nisreenhasbelnaby7012]

كملى من فضلك سلسة النرجسى الخفى ارجوكى

[@ommohammed6274]

فعلا نبهتينا لما يحدث معنا لكن ما كناش فاهمين. الفهم نصف العلاج. حسيت براحه كبيره بعد إما فهمت وإن شاء الله أعرف أتصرف معاه بناء علي توجيهاتك

[@azzanawar8221]

والله العظيم هو ده اللي عندى بالظبط الاعتذار سريع جدا ودائما يقول اسف بسرعه جدا كنت عايشه فى طريقة أسخف ما يمكن والله احنا اتبهدلنا كثثثثثثثثثثير جدا اجعله يا رب فى ميزان حسناتنا ويا رب يبارك فيك يا حبيبتي

[@وردورد-خ6د]

بالله عليكي المزيد المزيد بفضح النرجسي الخفي علشان تاءثيره على الضحيه يكون اكثر خطوره والناس على طول بتلمع فيه وحتى الضحيه تقوم بتبرير كذبه وبتدافع عنه باستماته وشراسه

[@ranoonmohamed1564]

دايما كنت اقول في حاجة غلط

[@shoshoradwan5378]

جزاكم الله خيرا يا ست الكل نورتي لنا الطريق وفهمتينا ما لم نفهمه في العمر ال ضاع هدر .... حسبنا الله ونعم الوكيل وكفي به وكيلاً

[@alhlmamhrry6612]

جزاكي الله خير ياليت تتكلمي عن النرجسي الخفي المتعاطي

[@saraahmed369]

جزاكي الله كل الخير جعلتيني أفيق بعد معاناة طويله لم أجد لها تفسير او مبرر ووصلت لمرحله انهيار نفسي وكنت أشك في نفسي وعقلي وقدراتي وأخيرا اااا سوف استعيد عافيتي ونفسي وطموحي

[@أمةالله-ب3ز]

احبك في الله الله يسعدك وينور طريقك ويشفيكي ويعافيك أنا هاطبق التعافي باذن الله ومعايا 3شهور من النهاردة هبدا باذن الله وهابلغ حضرتك بالنتايج

[@fatoosh3067]

النرجسي الخفي بيسبب فقدان الاحساس بالذات والاكتئاب

[@وردورد-خ6د]

اي وربي صدقتي

[@amiraeissa2987]

لانه بيجننك و بيفقدك ثقتك ف نفسك و هو ف نفس الوقت بيقتعك انك حته منه و انه ماحدش ف الدنيا بيحبك و لا هايحبك اده ف بتصدقي نظرته ليكي

[@MariaGarcia-bp3iz]

نعم عن تجربة،👌

[@حصةف]

نريد حلقه عن النرجسي كيف نجعله يعيش يومه ف غم وهم.وشكرا

[@دموعالورد-ج7و2و]

هو فعلا عايش في غم وهم بينه وبين نفسه لا تخافي افرحي وانسيه النذل الله ياخذو

[@haddouyamina7390]

انا تطلقت منه ولم افكر أبدأ في الانتقام الضلما التي هي فيه تكفيه

[@سهامالليل-م3خ]

الله يجزاك كل خير يا أستاذة كوثر كل اللي حضرتك بتقوليه ينطبق على الشخصية التي أعاني معها بالإضافة إلى إنه رغااااي كثير الكلام لدرجة لا تحتمل

[@manalabdelazeem3268]

ممكن حضرتك تكلمينا اكثر عن الطيف النرجسى والف مليون شكر على كل ما تقدميه لنا

[@zouzounana1473]

كل لي شرحتيه صحيييح خاصه الضحيه الي تكلمتي عنها فاخر الفيديو زي تمام الفضل يرجع لله وليكو انتو بتوعوا الناس قصدي الضحيات يعجز اللسان عن الكلام لما اسمع ان النرجسي واعي بكل الي بيعملو لا استطيع النطق الا بحسبي الله ونعم الوكيل 😌😌

[@daliamohamed9250]

عاجزين عن شكرك دكتورة كوثر وبندعي لك من قلوبنا ربنا يكرمك ويسعدك دنيا واخرة

[@raedz7792]

جزاك الله خيرا. محتوى مفيد يعزز المحتوى العربي بفكر علمي من كتب مختصيين ،توعي المجتمعات العربيه التائهه في الاعلام التافه من برامج طبخ او تك شو. ضحايا النرجسي ليست فقط الزوجه بل ايضا الابناء .اول مره حد يتحدث عن هذا الاسلوب. سؤالين كيف نتعامل مع النرجسي الخفي. كيف نتعامل مع القرود الطائره. كما تقوله الكتب المختصه. وشكرا على هذا المجهود الواضح والغايه. النبيله.

[@ضوءالقمر-ن8ط4غ]

لا والإعلام يطبطب عليهم ولايكشف عوارهم ولايبين معاناة الضحايا

[@oumanas8420]

انا اسفة النرجسي عمرو ما يعتذر اسءلوني انا زوجت نرجسي خفي الله يصبرني ويعطيني القوة

[@emansaleh4588]

الله يجزاكِ خير في الدنيا والآخره، دراما النرجسيين مضيعة وقت اللهم اكفنيهم بما شئت ياارب

[@hamdyahmed351]

بقالي ٢٤ سنه متجوزه من نرجسي خفي ومكنتش أعرف إنه نرجسي حسيت معه بكل احساس حضرتك شرحتيه وعدم الأمان ووصلني اني عدمت الثقه في نفسي ولدرجة اني كنت مفكره أنه متجوز غصب عنه وكنت اقوله انت شخصين عكس بعض تمامآ ويضحك وأنا مكنتش فاهمه ولا أعرف أنه نرجسي لحد لما سمعت حضرتك وزي ما تكوني عايشه معي كل كبيره وصغيره ياااارب يعوضنا خير في أؤلادنا وما يجعل أؤلادنا مثلهم 🤲🤲♥️♥️

[@kaiskais5776]

ارجوكي اعملي فديو ازاي اخليه يزهق مني وسبني انا بعدماكشفتو بقا يقلي اناحمشي ؤسيبك انا تعبت من اتلاعب

[@dinahafez7983]

حبيبتي قولي له لو قالك همشي مع ألف سلامة هتلاقيه ينصدم

[@Aaddh]

للأسف كنت متزوج نرجسية خفية مطلقة وكل كلامك صح وكانت فقرية فقر موقع وللأسف ضحكت على ٢ أولياء والله عل ما اقول شهيد وعملت نفسه متدينه وانا كان كرمنى وكانت هتدمرنى والحمدلله نجاني بس ضاع عمرى ١٧ سنه مرار ربنا يديكى الصحه ويكرمك وتشوفي عيال عيالك

[@hbakar6731]

من فضلك تكلمي عن النرجسي الخفي والخيانة

[@memomahmoud9931]

ربنا يبارك فيكي و يرزقك العافية علي مجهودك فعلا نحتاج تفاصيل تصرفاته وتبريره وطريقته في الخيانة

[@shrefshref716]

فيديو جميل جدا.تحياتى لشخصكم المحترم ١٩ نرجسى عملو نو لايك😁😁

[@روروجوجو-ه8ص]

شكرا كتير دكتورة انتي اكتر حدا حكى بوضوح وتفصيل عن النرجسي الخفي كان عندك شك انو اللي بعرفو نرجسي لانو كان يعتذر كتير طبعا بعد فترة يرجع كان اعتذارو وحنيتو المصطنعة تشككني بنرجسيتو رغم انو كل شي تاني بدل ع نرجسيتو بعد كلامك تاكدت شكرا الك ريحتي حيرتي

[@kenzysaeed6633]

حسبى الله ونعم الوكيل فعلا فاقده الامان ولكن الله هو الامان الحقيقى

[@sanaabasi5700]

ماذا عن النرجسي الخفي الي يدعي الطيبة والتواضع وانو بيتنازل عن حقو بيبان كانو شخصية ضعيفة ومسالمة مع انو لما بتعارضيه بيبان الشخص الحقيقي الي قاسي ومش متعاطف ويطبقالصمت العقابي لشهور ايه نوع النوجسي ده عقلاني ولا متزن ولا ايه حظرتك

[@linaelina7969]

هو لا عقلاني ولا متزن هو مريض نفسي والنرجسي الخفي هو اصعب الانواع لانو ميبينش دغري ودايمن بيبين الطيبه والضعف وهو الضحيه فكلشي هو بيطبخ كلشي عنار هاديه واسلوب الصمت العقابي بيستعملو لاخضاع الضحيه وكمان لما يفقد السيطرة عليها بس لما تركزي فصفااتو كتيير منيح تلاقيه ما بيختلف عن النرجسي الظاهر

[@salmafarah7688]

ماشاء الله عليك. وگانك حاضرة معي . كل ما قلتيه صحيح. تكتيك فعلا كما سميته. أنا قال لي " غادي نعاود لك التربية" يعني يريد إعادة تربيتي. صنع مني إنسانة خائفة و حزينة و " مكشرة" طول الوقت. أنا أفرح لما يبتسم. أفرح حينما يقول صباح الخير رغم أن نبرة الصوت كلها جفاء إلا أني أرى في كلمة منه كأنها " كوكايين المدمن" و كنت إذا سعدت بابتسامته خرجت إلى السوق و اشتريت حاجيات البيت و ملابس له وكل مايحتاجه الأبناء . و أعود إلى البيت لأرتب و أنظف و أطبخ و أنا فرحانة و أسمع موسيقى وأتكلم وهو كلامه قليل إلى منعدم . و انا أظنني سعيدة به لكني كنت سعيدة بما أقدمه أنا لبيتي وله و لأبنائي . و الله حتى الهدية لا أعرف معناها. بالعكس في كل مناسبة اخاف حرب حقيقية و بكاء حتى يوم عرفة و العياذ بالله. اسمحي لي على الإطالة لكن فعلا توضيحاتك و توجيهاتهك أنار مصباح الوعي لدي كما تقول الاخت في قناتها ( قناة امرأة وقادة) . لن أنسى ابدا ما حييت فضلكم علي. لقد كنت أضحوكة الحي. كل الجيران يضحكون في. حسبي الله ونعم الوكيل

[@linaelina7969]

@@salmafarah7688 اختي الحمد لله انك وعيتي وعرفتي طبيعه جوزك...بس رح قلك نصيحه من عندي من تجربتي انو النرجسي اقوى سلااح تحاربيه فيه هو القوة والرفض لاا تبينيلو انك ضعيفه ابدا لانو بيتغذى على ضعفك مع انو انساان ضعيييف بالاخر

[@salmafarah7688]

@@linaelina7969 جزاك الله خيرا. اللهم ارزقنا القوة و العزة و الحكمة و حسن التصرف. تحياتي لك.،🤗

[@linaelina7969]

@@salmafarah7688 اميين ياا رب....تحيااتي لكي كمان

[@lailalaila4306]

السلام اختي الفاضلة شكرًا كلامك جديد عليا مع انني شفت كل الفيديوهات عن النرجسي و حفظتها عن ظهر قلب اكن كلامك جديد اول مرة اسمعه مع انني شفت كل فيديوهاتك حزاك الله خيرا

[@Rahatrips-7]

فعلا الشخص النرجسي الخفي اغلب الاوقات عنده غضب مكبوت ومتقلب المزاج وملك التحول المفاجيء من حنية وطيبة وتواصل مستمر الى قسوة وخبث وقطيعة وصمت عقابي للسيطرة والتحكم بالضحية وجعلها دوما في قلق وخوف وعدم الامان وبالتالي يكون محور العناية والإهتمام وفعلا اعتذاره يكون وهمي ولهدف معين ولجعل الضحية في موقع ارضاخ ويدفعها للصمت وتقبل الإهانة والمعاملة السيئة وعدم العتاب اللي مالوش فايدة

[@روحناديا]

الله عليكي بجد انت حليتي اصعبه حجيه مكنتش عارفة افهمها في حياتي بجد ربنا يسعدك ويفرح قلبك

[@عاشقةالوردفاتي]

النرجسي يستفيد من هذه الثقنية كثيرا لان الضحية تبدل جهد مضاعف لكي تحصل على الرضى النرجسي البعيد المنال

[@فطرهوإدراكمعرضوى]

والله يا دكتوره حضرتك يترفع لك الفبعه🌹

[@enasabo4018]

دكتوره اسلوب فتات الخبز

[@tvnews1851]

أسلوب تأمن

[@enasabo4018]

@@tvnews1851 يعنى ايه

[@raghadsuleimansaleh9899]

الله يعطيك العافية يا رب ويجزيك كل خير ♥️ كيف نتعامل مع القرود الطائرة الي بتمجد بالنرجسي الخفي؟ انا ما بدي أخسر أهلي ولا بدي أقطع الno contact لانه حازمة فيه وقوية جدا وصارلي أكثر من ٩ شهور عامليته

[@yasmeen784]

كل كلامك صح جدا جدا وحصل معايا بالحرف والحمد لله سيبته بعد خطوبه سنتين بس الوقتي من كتر ماانا لاقيت ناس كتتير بتشتكي من النرجسين عموما عندي احساس ان الرجاله كلها كدا او معظمها فانا خايفه بجد من الجاي

[@dinahafez7983]

حبيبتي اشتغلي على نفسك أكثر ولا تعطي إلا لمن يستحق

[@mariam8116]

ايه والله

[@loulouadam7513]

١٠٠/١٠٠ وصف دقيق بارك الله فيك... فعلا.

[@mahamahmoud149]

لما قرات الكلام ده حسيت بضيق تنفس بجد نفس اللي كان بيعمله معايا

[@PSI2011]

كان كل فترة يقولي انت عزلتيني عن العالم وكل الصحاب وخليتني كئيب ومحدش بقي يسأل علينا ولا يلا ننزل… ننزل مع ده لأ طيب الناس أصحابنا دول خارجين يلا؟ وأنت تقول لأ، أنا مكنتش كده قبل ما أجوز ان كنت بخرج وأروح ….

[@Liya0507]

والله كلامكي صواب فهمت تجربة قرود والله انا عشتها 😟😟😢 انا راج جن منه

[@majidserif8550]

تحليل رائع الله ينور عليك " سؤال : هل توجد شخصيه لا يستطيع النرجسي التلاعب بها ؟؟ مع الشكر مقدما على الاجابه إن أمكن .

[@pharmacistasmaaahmed2937]

اعتقد الشخصية السيكوباتية

[@egyycode5319]

الشخصية الصامتة والتي لا تاخذ ولا تعطي معه ،وتعمل حياة موازية لها بعيدة عنه تعمل فيها كل شيئ بتحبه ،وان يكون في حياتك ناس بيحبوكي وبتحبيهم حتي تستطيعي الحفاظ علي توازنك النفسي حتي لا تجني لان احيانا بيتهمك انك مريضة نفسية

[@ثقتيباللهتكفيني-ل8ك6ف]

@@egyycode5319 صحيح أنا سلفتي كدا بالضبط عايشة معاه احسن عيشة الكل يحسدها عليها وانا امشي حياتي بطلعان الروح مع زوجي الخفي الخبيث وانا شخصية منعاطفة

[@جنةالرحمان-ب8ب]

@@ثقتيباللهتكفيني-ل8ك6ف كيف تتعامل معاه اختي من فضلك

[@أحبنفسي-ن5ض]

شخصية المتعاطف هيوكا لا يقدر عليه أو عليها النرجسي

[@xbbxbxzbbzxbbxxbxbb1277]

ممكن اعرف ازاي اخلي النرجسي هو اللي مشغول بيا وهو اللي يعمل المجهود اللي الصعب ده يعني اكون انا المحور مش هو

[@treeoftrees7523]

الابتعاد أفضل حل

[@xbbxbxzbbzxbbxxbxbb1277]

@@treeoftrees7523 الحمد لله قدرت وبعدت الف حمد وشككر لله بفضل فيديوهاتكم وكلامكم ونصايحكم

[@AbdullahAhmed-zv1hi]

السلام عليكم ورحمة الله وبركاته. عندي زوجه فيها كثير جدا من صفات النرجسي ولكن ما عندها ابدا love pumping. ماهو السبب لو سمحتي

[@user-id-kawthers-sanad]

بعض النرجسيين سواء رجال او نساء من فرض الكبر والانانية مبيعملوش love bombing وبيستبدلوه بالهدايا او المعاملة الكويسة

[@sallyalaasar5127]

فعلاً جزاك الله خيرا على المحتوى الرائع الذي تقدمينه

[@shaimoza1]

فعلا مرة اتكلمت على سجيتي معاه وقولتله انت مش بتعتذر الا بتكون عايز حاجة لاقيته بعدها بيقولي كل مرة ليه قولتيلي كده وكأني فعلا كشفته قدام نفسه!!

[@ahmadelaolaky2725]

لو سمحتي نبي حلقه عن الجاز لايتنج اسلوب الشعلله

[@sidrasidra706]

شكراا دكتورة دقيقة جداا ♥

[@duhaa.abdullah1562]

شكرا لكتابة المحتوى...

[@nuhamahmood3192]

ميه بالميه دا الي بحصل في بيوتنا مع الناس المفتريه الله ينتقم من كل بني آدم ظالم وحقير الله ينتقم منهم بحق لا إله إلا الله محمد رسول

[@mayadaharastani3945]

اذا ممكن دكتورة كوثر تعطي نصيحة لكيفية التعامل مع النرجسي الخفي والظاهر للتخفيف من المشاكل والاضرار النفسية والجسدية لعائلة النرجسي الخفي وكيف نتفادى تلك الأضرار

[@haddouyamina7390]

الحمد لله اني طلقة منو بعد 34 سنة زواج نرجسي خفي

[@betterwe602]

الحمدلله على سلامتك ..وكيف كان وقع الأمر على اولادك؟

[@haddouyamina7390]

الولاد كرهو منو مش فارق معهم عشان كمية القهر لشفتو معاه

[@salihameta5091]

كيف اقتنع بالطلاق

[@salihameta5091]

اتفقت معه على الطلاق بالتراضي امام محامية وافق وبدأنا في الاجراءات اليوم الجلسة لم يأتي رفض الطلاق انه نرجسي حقا لم اعد اثق فيه رفعت قضية خلع جن جنونه كيف اتصرف ساعدني بتجربتك

[@yousryaibrahim746]

@@salihameta5091 استمري في قضيه الخلع وما تصدقيش اي حاجه يقولها او يعملها.... ربنا معاكي

[@molisrwtsrwt9362]

بارك الله فيكي وزادك من فضله

[@naimamhibla]

اول مرة الاقي وصف دقيق لزوجي 😳😳😳

[@monmonashaheen1237]

فعلا بيجرب ويتفرج ع ردود الافعال، الله يهده

[@sosoo8547]

ربنا يسعدك يا رب..ويزيدك من فضله

[@Tms872]

طريقة الاعتذار انا أسف لو كنت زعلتك في حاجة انا معرفش عملتلك ايه انا أذيتك في ايه يا بنتي ألا لعنة الله على الظالمين حسبي الله ونعم الوكيل

[@haynab1603]

ممكن تكملي حلقات ا لنرجسي الخفي

[@nuhamahmood3192]

دايما كئيب ويتحسر وشكاي ودايما يتمارض يخرب بيته كمية قهر ماشي عللارض

[@dinahafez7983]

لا تتمارضوا فتمرضوا سيبيه يتمارض بكرة يمرض وتشوفي غضب ربنا عليه

[@ImanAtef-nh4yc]

يتمارض ياالله

[@لمياءالابراهيمي]

انا زوجي نرجسي خفي ولكنه لا يعتذر ابدا ولا مرة بحياته لانه يعتبر الاعتذار ضعف في الشخصية.. وفي المقابل يريدني انا اعتذرله على أخطاء هو عملها معايا وطبعا انا ماأنطي اي اعتذار.. وهو يتجنن.. وفجأة يقلب ويصبح مثل الحمل الوديع معايا ويصالحني وبدون أي مقدمات وهذا مقرف جدا..تحياتي من العراق🇮🇶💖🌹

[@niels_yt9418]

هذه صفاتي نعمل هيك حتى تستمر الحياة نوع من التواضع

[@ghner877]

للاسف هدا التكتيك يمارسه معي مند بداية زواجنا لكن لم انتلهولقد اخبرتني احدى قريبانه انه قال لها انه سبطوعني ويصقلني كما يشاء كم كنت مغفلة وحاليا هو في صمت عقابي لمدة تزيد عن20يوم

[@دالياالبراوى]

حلقه جميله اوى كانك شرحتى إللى انا فيه

[@آنيميو]

ممتااااااااز ربنا يكرمك و يوفقك♥️

[@عاشقةالوردفاتي]

ربما هذه هي ثقنية فتات الخبز

[@سارياالكعبي]

دكتوره هل ممكن أن أنو النرجسي يقلد أبو أو واحد اكبر منه للعائله يعني هوه مو نرجسي بس متأثر بشخص نرجسي ويقلد تصرفاته

[@طورسينين-ه5ض]

نعم يكون نسخه منه

[@chahrazadelhadjmimoune5471]

من فضلك ان امكن حلقات عن الابن النرجسي وكيف يجب على الاخوة الحساسين التصرف معه

[@ntalynanosaly3843]

انا بحس هوة مكس بين الظاهر والخفي

[@yousryaibrahim746]

اكتر من رااااائعه... تحياتي لك

[@azzanawar8221]

انا كنت بالفطرة اقول له هوانا افضل عايشه على ذكر ا السنه الاولى زواج يقولننحمد ربنا يمثل التدين وهو لآيعرف لى عن الدين

[@talaldimo1]

شكرا سيدتي الكريمه

[@rajaakareem6717]

دكتوره تنصحيني أقول لحد من اهلي او اخواتي عن حقيقته مع انهم خذلوني كثير لما كنت بشتكيلهم من سنين وانسحبو وعلاقتهم معاه ممتازه هل اوضحلهم حقيقته بعد ماأنا اكتشفتها من شهر ولا أسكت أحسن ؟ انا محتاره جدآ ومقهوره اكثر 💔😔

[@princessnelly5070]

قولي ليهم لانهم دائما بيكونوا في صفة ومش فهمينه

[@monzothmanf3141]

فعلا كلامك صح حسبي الله ونعم الوكيل فيهم انا مهما عملت بيقولي انا كفايه مستحملك ولما اقوله طب طلقني ليه تستحمل بيقولي عشان الناس ماتتكلم عليكي ليه اطلقتي ويحكوا عليكي وحش .

[@ضوءالقمر-ن8ط4غ]

كذاب هذي لغة الإسقاط عنده والعكس هو الصحيح يخاف الناس يتكلموا عليه

[@AmalAhmed-gv6uv]

النرجسي الخفى من أهم اسليبه أسلوب فرق تسود

[@shoshoradwan5378]

ياريت تقوليلنا ازاي نخليه يكرة نفسه وحياته زى م كرهنا في كل حياتنا رغم حبنا للحياه

[@umm7md44]

مامن إمرء تكبر أو تجبر الا لذلة وجدها في نفسه

[@mouadsaad1964]

هو اصلا يكره نفسه المريضة المعوقة نفسيا الخالية من الاحاسيس والمشاعر ويحب ذاته المنتفخة التي صنعها بنفسه اسوا عقاب له هو التجاهل وقطع الوقود النرجسي سواء ايجابي او سلبي وتركه وحيد يواجه حقيقته المرة.

[@newphonehuawei8713]

كنت دايما اقوله انت عندك قسوة على غير مبررة

[@daliamohamed9250]

حسبي الله ونعم الوكيل فيه عيشني في عذاب ودمار نفسي ٣٠ سنة

[@meiadaamedoo1804]

صرت مرتين بسمع كل فيديو

[@dinasayed233]

في الحقيقه زوجي بيعمل كل اللي حضرتك بتقوليه بالحرف لا وبيطبق خطه القرود بحزافرها وهو عارف ومدرك هو بيعمل ايه وفي فلم مشهور للقرود القرد اللي كان بيحرر القرود من سجنهم وبيتجمعو كلهم علي جسر الحقيقه مش عارفه اسمه اه بس هو دائما كان بيقولي أنا بحب الفلم ده وشفته كتير بصي هما بيفهمو ازاي وعملو جيش ازاي وهما كانو بيعمل عليه تجربه مع العلم أنه بيحب يتفرج علي افلام اجنبي وانا عرفت دلوقتي السبب ايه أنه بيطبق اللي بيشوفه وبياخدو افكار منها حسبي الله ونعم الوكيل في كل زوج نرجسي منهم لله ولا تحسبن الله غافل عما يعمل الظالمون

[@mshjas4460]

ودايم النرجسي يكون يا اجتماعي بإمتياز او متدين لأنو بهذي الصفتين حيكسب نظرة المجتمع

[@ghner877]

اجتماعي ومتدين جدا ومحبوب جدا وله قدرة عظيمة على كسب ود الجميع

[@sahar_Rita]

ربنا قادر يتفضحوا ويتكسرو

[@محمدالباز-خ6ص]

سبحان الله نفس ما كان يحدث معى

[@omseif8599]

فعلا كلامك صح جدا

[@sosayed6027]

حسبي الله ونعمه الوكيل بجد

[@وردةالجنه-ي9ع]

بالله عليكم ادعولي ربنا ينتقم من زوجى نرجسى انا بأخدم امى ست كبيره مسنه وانا عايشه معاها فى شقته وانا شقتى فى نفس البيت عاوزياخد فلوس من اخواتى الصبيان عشان يزلهم مع العلم أن مرتب امى كله بتصرف فى البيت واحنا معاها حسبى الله ونعم الوكيل فيه ومعاى اولادى فى الجامعه ومصاريف كتيره جدا ادعوا لي ربنا ياخد اخذ عزيز مقتدر يارب 😭😭😭😭😭😭😭😭

[@yassmineyassmina6502]

شكرا دكتورة

[@dollyseif2]

فعلا 27 سنه في عدم امان

[@zahraahamza8973]

ست اني اكو صفات بنرجسي الخفي تنطبق ع زوجي واكو بنرجسي الظاهر تنطبق عليه

[@حَياه-ب4ذ]

اختي جزاكي الله خير ع فيديوهات الجباره انا عاوزه اسأل بنفع معه الشروط اذا نويت ارجعله؟!انا عند اهلي صارلي شهرين ولا سأل عني وعن ابنو حتى؟!

[@dinahafez7983]

لو تقدري تسيبيه لا تترددي واوعي ترجعيله لأنه هينتقم منك

[@truthseeker8132]

مصدر المعلومات ابليس شخصيا

[@مجيدة-ز5ف]

جزاك الله خير الجزاء🌹

[@ليالالربيع-ك6ر]

برافو عليك

[@حمودة-ط2غ]

النرجسي ما بيعرف الاعتذار ولا الاحساس بالاخر ولا بيحس انو غلطان اصلا في كل الحالات هو الاله والصح والملاك والضحية لاتطاق ولا بيتعاش معاها اني هو اللي متحماها واحد شيطان بكل معنى الكلمة ما بيجيب هدايا وبخيل ولا يطاق ولا بيعرف عيد ولا مناسبة ولا بيشبه الأدميين خارج المنزل بيهزر ولطيف وما منو وبالبيت متل الشيطان قاسي قاسي قاسي بشكل لا يمكن وصفو ولا بعمري ضحك معايا ويهزر معايا مروا علي عشرين سنة ولا فاهمة عليه ولا بشعر معاه بالامان والاستقرار وكل الوقت بيعملي صمت عقابي بالسنين وبيحرمنيمن كل حقوقي وحتى حق الفراش هادا نوع شو بيكون خفي ولا لأ لحد الآن مش عارفة حاجة واللله جنني رسمي مش طايقة نفسي لاني فضلت معاها بس عشان الاولاد

[@awatefkhlifi229]

اختي هذا نرجسي خفي الله يصبركم انت و الاولاد

[@Halaaaaaaaaa]

من فضلك يادكتورة اختي الكبيرة نرجسية وامي ضحية وتعبانة نفسيا وعصبيا ومدمرة جدا جدا، كيف اقنع امي ان اختي نرجسية وانها تمتص طاقتها وتدمرها وأنه لازم تبتعد عنها ؟؟؟ اختي تعيش في بيتها مش عندنا

[@ranoonmohamed1564]

صحيح جدا جدا

[@halahala7070]

عايزه اعرف أحمي أبني من أنه يكون نرجسي