٨ قواعد بيفرضهم عليكي النرجسي لازم ترفضيهم. .... كوثر سند

٨ قواعد النرجسي بيحطهم لك من غير مايقولهم هو بيفهمهم لك بتصرفاته ومعاملته وتلاعبه وانتي المفروض ترفضيهم من اول يوم ولو مكنتيش رفضتيهم ارفضيهم دلوقتي لانك لو مرفضتيهمش حتفقدي نفسك
١- لما تختلفي مع النرجسي لازم تشرحي له وتبرري له مشاعرك ودة معناه انك تبرري نفسك يعني تبرري انتي ليه طبعك كدة او انتي ليه طيبة او انتي ليه ذكية او انتي ليه معطاءة ، دي حاجات مش بتتبرر محدش بيبرر نفسه ولا افكاره ولا مشاعره ، للاسف هو بيوصل لك انك مطالبة انك تبرري كونك نفسك ، المفروض تبطلي دة ويكون ردك انا حاسة بكدة عشان الطبيعي اني احس كدة وتقطمي الكلام ، او عشان انا دة ودي مشاعري او دي افكاري وبس برضه تقطمي الكلام
٢- انتي لازم تخافي مني ، طبعا نجح فيها نجاح ساحق مع انه ممكن ميكنش بيعمل غضب نرجسي اصلا او مثلا حصل معاكي مرة او اتنين ، وممكن ميكنش بيعمل صمت عقابي طويل لكن مخليكي ماشية على قشر بيض وفعلا عايشة في رعب ، ليه لانك خايفة تفقديه لانه حسسك انه عادي يسيبك ويجيب غيرك هو كلام بيقوله بمنتهى الهدوء وممكن يقوله وانتي في حضنه وقاعد يهزر وممكن يقوله في صيغة تهديد بس بهدوء المهم انه بيوصل لك انك قليلة عليه جدا وهو يستحق احسن من كدة وبالتالي اما حيتجوز عليكي او حيسيبك ودة طبعا الرعب بعينه عشان كدة بتعيشي حياتك في قطر الموت طالع نازل وحتقعي وتلاقي نفسك موقعتيش ودة بيربطك بيه اكتر زي ماقلنا برابطة الصدمة وطبعا قبلتي الخوف وقبلتي القاعدة ، طيب تعملي ايه ، امني بربنا ، يعني ايه هو انا مش مؤمنة ؟ لا انتي مؤمنة بربنا بس للاسف ايمانك بيه ضعيف وايمانك بالنرجسي اقوى انا اسفة بس هو دة اللي باين ادامي ، يعني هو ربنا قال قل لن يصيبنا الا ماكتب الله لنا ، وقال واعدوا لهم مااستطعتم ، وانتي قاعدة خايفة النرجسي يسيبك وسايبة لن يصيبنا الا ماكتب الله لنا ، قاعدة تتذلي ويلطش فيكي ادام الناس وادام العيال ويخونك ويزني وينقل امراض وقاعدة عشان خايفة يصيبك مصيبة انه يتجوز عليكي او يسيبك طب ماهو لو كتب الله لنا تبقى خلصت لو انتي مؤمنة بقى بربنا اكتر من ايمانك بالنرجسي مش حتبقلي غير اللي ربنا عايزك تقبليه وربنا مش عايزك تقبلي الذل والخوف والظلم (مش معنى كلامي انك تقفي تشتميه او تستفزيه لا خالص معنى كلامي انك متخافيش يسيبك وتقبلي ذله واهانته )
٣- المفروض انك تكوني فاهمة ان وضعك مع النرجسي ماهو الا انك دمية وهو بس اللي يحركها ، لاينفع تعملي اي حاجة من غير اذنه حتى لو من حقك تعمليها ، وملكيش اي رزي في اي حاجة ولا ينفع يكون فيه حاجة تمتلكيها لنفسك ولا حتى نفسك والكلام في النقطة دي يطول واظن انك عرفاه كويس ، وطبعا قبولك للقاعدة دي بيتوقف على قبولك لقاعدة الخوف لانك حتقبليها خوفا منه
٤- انا صح على طول الخط وانتي غلط علي طول الخط ، يعني اوعي تفكري تنتقديني ( احنا عارفين انهم وخصوصا الخفي حساسين جدا للنقد ) فطبعا مش مسموح لكي تطلعيه غلطان لان دة نقد وطبعا انتي اصلا السبب في ثقب الاوزون فمش حتكوني غلطانة طول الوقت انتي السبب في اي حاجة وحشة بتحصل وهو السبب في كل حاجة وحلوة بتحصل ، القاعدة دي تقدري ترفضيها جوة نفسك مش حتخافي منه لو رفضتيها لان المهم هنا مش انه يعرف انك رافضاها لا ان انتي من جواكي ترفضيها ومتصدقيهاش عشان متفضليش طول الوقت حاسة بالذنب وتفقدي ثقتك في نفسك وتكرهي نفسك لانك غلط طول الوقت وكمان عايشة مع حد مثالي مش بيغلط ابدا تبقى قليلة اوي وهو كتير عليكي ولازم تعوضيه بدل مايروح لغيرك وتفضلي في الدايرة السودا دي
٥- انتي مسئولة عن تظبيط مودي وحالتي النفسية ، وطبعا انتي بتقبليها بناء على الكلام اللي لسة قايلاه ، فلو مقبلتيش رقم (٤) مش حتقبلي رقم (٥)
٦- مهما كنت عامل فيكي ومبهدلك وهاينك وشاتمك ومتهمك في شرفك او حتى ضاربك لازم تحافظي على صورتي ادام الناس ومتحكيش لحد اللي بيحصل بينا والاحتكوني بتخرجي اسرار بيتنا وتبقي زوجة غير صالحة ، طبعا دة عشان يضمن ان محدش يفوقك وينقذك من ايده ، ودة كمان سهل جدا انك متقبليهوش لانك مش حتحكي ادامه ، لازم تحكي اللي بيحصل معاكي لحد تثقي فيه وتاخدي نصيحته
٧- لازم تقبلي ارائي وافكاري وحكمي على الامور وتعتنقيها ومتخالفينيش الرأي ابدا عشان انا بس اللي بفهم ومينفعش ان اي حد اقل مني يخالفني الرأي ، ابدا متتنازليش عن نفسك ، افكارك وارائك وحكمك على الامور جزء من نفسك ابدا متتنازليش عنها ، مش لازم تناقشيه ولا تدخلي معاه في جدال ولا لازم تعلني له انك مخالفاه في الرأي طول مانتي لسة ضعيفة وبتخافي ولسة متعافيتيش لكن من جواكي ومع اهلك واصحابك لازم تقولي رأيك وبصوت عالي ولازم تجتمعي مع اهلك وصاحباتك عشان تفكي عقدة لسانك وتعبري عن نفسك في بيئة صحية بعيدا عن النرجسي
٨- لازم ترفضي الناس اللي انا رافضهم وتقاطعي اللي اقاطعهم ودة طبعا ممكن يكون صعب رفضيه لو كنتي بتخافي منه لكن ممكن ترفضيه في السر يعني متعرفيهوش انك على علاقة بالناس دي مؤقتا لحد ماتقتلي الخوف اللي جواكي وتبقى قوية ومش فارق معاكي يسيبك ولا يقعد ساعتها حتقدري ترفض علنا
اوعي تفقدي نفسك وروحك عشان حد بيمص دمك
اكونت الفيس بوك
www.facebook.c...
جروب ادرس عدوك النرجسي
/ kawthersanad11

[@ahlan_arabiteam5988]

والله العظيم قررت الطلاق بعدما شفت فيديوهاتك، كنت اخذ ادوية، هربت وخلعت.. وقفت الادوية، صرت حرة، حاسة متل الاطفال ، الهي يجزيك كل خير، بحبك

[@يومياتنيفين]

عقبال يارب ارجوكم ادعولي

[@khadijakhattabi4786]

نفس حالتي

[@Amany_tohamy83]

عقبالي يارب انجو بنفسي

[@khadijanasser3862]

انتي وعيتنا ونورتينا الله يجزيك كل خير

[@malakmohamd1092]

اللهم لاحسد يبختك عقبالي انا أولادي اخد الحرية يارب

[@umloly_2016]

كنت عايشه معاه بالغربه وبعدين قررت استقر بالوطن وتركته بغربته قسما بالله اريح سنه بعيشها انا والولاد البعد عنه راحه نفسيه

[@امعمراحمد-ق1ل]

افتكيتي والله انا زيك خليته بالسويد ورجعت واطفالي وكانت اجمل سنين عمري أنجزت فيها لي خاطري فيه. الى ان رجع زي العظمه في الحلق... قرابه قريب ان شاء الله

[@masomah6999]

مبارك عليكم وعقبال الفرح الكبير 😁

[@nouraadel7709]

يا جماعة قدر الله ان احنا نعيش مع شخصيات زى ديه ....ده ينبهنا ان احنا عند ربنا حاجه كبيره فلازم نقرب منه قوى لانه هو إللى قادر على جبر قلوب انكسرت واتجرحت جروح محدش يقدر عليها غيرة اللهم لا تجعل فى قلبى أحد غيرك❤

[@hendsayed2789]

كنت زمان بعمل كل الحاجات اللى فاتت كلها دلوقتى خلاص فهمته كويس ومش بخاف خالص ولا ببرر مواقفى ولا بجادل وربنا يصلح حالى وحال اللى زيي

[@maryan2755]

وانا كمان مبروك 😍😍

[@azzanawar8221]

امين يا رب العالمين اصلح حالنا وحال المسلمين جميعا ويجعلك فى الخير

[@azizaben1356]

وانا كمان ولله الحمد

[@gannamohamed895]

ادعولي ابقي زيكم لسه عندي شوية خوف ، بخاف من الهجر

[@عبداللهالعراقي-ت2ض]

الف الحمدلله انو عرفنه حقيقتهم..انا صار عندي احباط في بداية الامر بس بديت اتقبل الوضع وبديت احاربو بنفس اسلوبو....مع اني احبو بس فهمت الوضع الحمدلله الذي هدنا

[@sawakimomo551]

جزاك الله خير الجزاء احبك جدا دكتورة... والله كأنك توصفي حياتي وانا مسلمه امري له ومعتزلة عن اهلي وعندي طفل فيه توحد وهو بقمة النذالة.. وانشاءالله اتابع واكمل واتعلم... كنتي فين السنين الفاتت.؟ متابعتك من العراق ❤️❤️❤️❤️

[@anwarnono5471]

ممكن تتواصلين معاي؟

[@الفكرهامالاختراع]

ورقم اتنين برضو كنت دايما احس انى عايزنى اخاف منه من اول جوازنا فاانا يعينى كنت اقوله بمثليتى الزياد ة ورومانستى الى موتها ياحبيبى الافضل من انى اخاف منك اخاف على زعلك اعمل الى تحبه علشان بخاف على زعلك مش خوف منك كان ينغاظ قوى وبقيت استغرب هو لى بيزعل دالمفروض ينبسط واخيرا عرفت السبب حسبى الله ونعم الوكيل فيه

[@azzanawar8221]

وانا مثلك انا كنت اخا ف على زعله وكنت عبيطه وبصدق انا احاول أن اعوضه على كل شيء هو عانه ولكن كله جاء فوق دماغى للاسف الشديد سبحان الله الحنان المنان بديع السماوات والأرض انا للاسف فقدت الحنان من أهلى وزوجى الله المستعان

[@الفكرهامالاختراع]

@@azzanawar8221 الحال من بعضه واللهى يااختى ملقناش الحنان فى بيوت اهلينا روحنا ندور عليه بره وادى النتيجة كونا صيدا سهله لشياطين الانس والى بنحسبه موسى طلع فرعون اللهم اجعل مصيرهم مصيرفرعون واجعلنا ممن ءامنو مع موسى االلهم امين

[@املولو-ش5ه]

وانا زيك بضبط اعوذبالله من شرهم

[@غفرانكيارب-و8ض]

ملي غير ربي اتوصل معه حسبي الله ونعم الوكيل شكرا دكتورة الله يخفظك

[@نجمةالليل-ع4ط]

انا قلبت الطربيزة عليه وعلى اهل حطيت امام الامر الواقع وخيرة بين اتنين يا يطلق ويا حفضح في المحاكم وحخليه يندم على كل دمعة نزلت من عيني بسبب تلاعب وخليت يلف حول نفس انا شخصية حدية ومعنديش مع اللف والدوران كان قرفني في حياتي قبل ما اعرف حقيقة بعد معرفت حقيقة بقيت اشوف زي الصرصور وانتفضت لنفسي ولكرمة مع العلم هو كان متزوج قبل مني وكان بيقول ليه انها مجنونه بس بفضل حضرتك اكتشفت ان هو الى كان سبب في مرضها حسبيا الله ونعم الوكيل فيه يارب اعطيني القوة والصبر اخلاص من الكرس دي

[@nuhamahmood3192]

انا نفسك كان يقولي هي مجنونه الله ينتقم منهم الله يقوكي ويقوينا يااارب

[@haha6755]

انا طلع عليه اشاعه وناس حكولي من وحده موجوده بالمكان وبتساعده عملها سبلاي الجديد ليمص طاقتها ...ولما رحت طلبت طلاق من خالي رفض وعمل حاله مسكين ... وصار وكشفه نفسه بقول عامله غسيل مخ وبدا يسقط بصفاته يكذب علي اهلي الله المنتقم ... اعرفت بشوه بسمعتي ومطلع كلام عليه نفس ماقولتي اني مجنونه لانه كشفته نرجسي سيكوباتي حسبي الله ونعم الوكيل في ظالمين وسبلاي الجديده مصدقه كدبه يارب تكتشفه ياكاشف يا الله يارب ... امس ضرب ابنه كف لا يتحمله شخص كبير ... بقلو انت غلطان تعال قول اسف وطفل ما عمل شي وكدب بكدب بجد مجانيين ومرضي الله يحفظنا منهم علي غكره هو قال عن زوجته مجنونه لانه اسقط صفته عليها افهمتي

[@fadwajapan79]

ايه الحصل معاك يا نجمة الليل .

[@solafamasarwa3310]

ربنا يجعل علمك في ميزان حسناتك وعلم ينتفع به السعادة لقلبك حبيبتي كل الاحترام

[@anissarahal8180]

هاد الي كنت عايشة فيه بالضبط، صرت مثل المجنونة، بدون شخصية، و هلأ انا في التعافي، بس بنتي مقطعة قلبي، هو يجي يشوفها بس مرة بالشهر، و هي لسة صغيرة عمرها سنتين و نص بتسأل كثير عنه، الله يعوضنا

[@sajedaibrahem3867]

تعيش بعيده عنه احسن ليها عالاقل متطلعش معقده من تصرفات ابوها وتكره الرجال لما تكبر الزمن كفيل ينسيها هي طفله وهتتعود على غيابه

[@kookaaka6902]

يادكتورة امتى الضحية تقول لنفسها انها انتصرت على النرجسى

[@memeabbas5213]

اكو فيديو نزل قبل كم يوم اسم الفيديو اعتقد ٦ حاجات لو عملتيها تبئي هزمتي النرجسي بالقناه

[@dr_afraamohamad6650]

لما تلتفت لنفسها وتهتم بحالها وتلتفت لربها أكثر وأكثر بيبقى هوي ماضي وهيي عندها الحاضر والمستقبل

[@قطوفدانيه-خ4ت]

@@dr_afraamohamad6650 صح كلامك.

[@kuwait5313]

طبيعي انا بديت بالبكاء و انا اتفرج ع الفيديو.🥲🥲🥲

[@سعادالاسود-ن6ض]

بارك الله فيك يارب والله كلامك يلمس جروحنا بلحرف الواحد ربنا يجعله بميزان حسناتك يارب ابشع ما في هذه العلاقه شعور الظلم انك تعرفي انه شخص تافه وخاين وتضطري لاجل اولادك ان تخضعي لشروطه رغم كل شخصيتك القويه مع كل مجتمعك الا معه لانه يضغط باهم ما يكسر ك اولادك ربنا يقوينا وينصرنا

[@yodyyody4722]

فعلا ده اللي بيحصل بالنص جزاكي الله خيرا دكتوره نورتي افكارنا كتير حسبنا الله ونعم الوكيل

[@chamss2335]

ربنا يكرمك👍👍👍

[@hindajaj2095]

حسبي الله ونعم الوكيل الله ينتقم من كل ظالم

[@duhaa.abdullah1562]

أكثر الناس بهذا الشكل!! الوعاظ في مدارس الوعظ.. الأهل... الصحبات !! الواحد يكتفي بنفسو!!!

[@prettyangel8267]

جزاك الله خيرا عن كل مجهودك و عن كل حرف أنتي بتنورينا بيه. ربنا يكرمك

[@rimkefi5834]

هو مش بيحسسني انه مش فاهم لا هو بيقولها بصريح العبارة دايما لما بنكون بنتناقش (ان صح التعبير ) يقولي : يعني ايه ؟ انا مش فاهم . فهميني معلش فسري تاني لسة ما فهمتش وانا عاملة مجهود خرافي عشان اوصل المعلومة بكل صدق و امانة و كنت احس ان فيه حاجة غريبة و انا مش فاهماها احيانا كنت بشعر ان انا الغبية و اني معنديش القدرة للتعامل و ايصال المعلومة لحد ما وصل الامر اني توقفت عن الكلام و عن النقاش معاه او مع غيره توقفت عن الكلام فعلا مش مجازا و عديت سنين على الحال ده يمكن 10 سنين او اكثر مش فاكرة بالظبط فكنت لما بتكلم حتى مع اولادي كنت بتأتأ و مش بلاقي الكلام حتى في الشغل مكنتش بتكلم كتير ببساطة لاني ماعنديش كلام اقوله و ماكنتش بفهم كلامهم اصلا كنت عايشة غباء لامثيل له يااااه 22 سنة راحو من عمري قبل ما ارجع لنفسي واكتشف الوضع اللي انا عايشاه و خرجت من العلاقة السامة دي بسرطان ثدي بعد 15 سنة جواز والحمد لله انا بتعالج بقالي 6سنين سبته دون طلاق و قعدت في بيتي اللي اشتريتو بفلوسي و دون درايتي و ما رضيش نسكن فيه ومعيشني في الاجار ....ياااااه احكي ايه ولا ايه 😢😢😢😢😢 المهم الحمد لله رجعت لنفسي و بفضل الله سبحانه وتعالى بديت اتعافى منه و استرجع ثقتي في نفسي غيرت طبيعة عملي و اصبحت قادرة على التعامل مع الاخرين و ابداء رايي من غير تاتاة نصيحتي لاي حد راجل او ست ابتلاه ربنا بشخصية سامة عكرت عليه صفو حياته : اشتغل على نفسك و ما تشغلش بالك بيه عشان ما تضيعش وقت اكثر كفاية اللي راح مالعمر اشتغل عاللي باقي و قل الحمد لله ان فتح بصيرتنا و كشف لنا حقيقتهم استعينو بالله الواحد القهار واخرجو بكل قوة من الدائرة التي حبسكم داخلها

[@mkhadija7784]

السلام عليكم اختك من المغرب حلقات قناتك جميلة ومفيدة استفادة منها كتير

[@omo7346]

سبحان الله وبحمده سبحان الله العظيم

[@ommahmoud7732]

انا مش عارفه اشكرك ازاي كل القواعد ديه عندي بس الحمد لله

[@saharsaad6168]

ربنا يبارك فيكى ويسعدك دنيا وآخرة كأنك عيشة معايا حياتى بالحرف

[@asmaaz7457]

أحسنتي النشر والحديث وجزاكي اللله بالخيرررر

[@hebaahmed2565]

القاعدة الثانية .....لو امنت بربنا واحببت ربنا اكتر من النرجسي والاولوية لله وحده في الامور ....هقدر انتصر عليه لانه خلاص مبقاش رقم واحد في الاهتمام علشان كدة هتلاقي انه بيبعدك عن العبادة ويشكك في عبادتك ....بيحصل معايا للاسف ....ربنا يهديه ويبعد شره عني .....ويصلح حالكم ويقربكم من الله

[@متعةالطبخ-م1ق]

شكرا على هذا الطرح صحيح القرب من الله بكل صدق تزيدك ثقة وأمان وصفاء ونقاء والله يكون مع الضحايا

[@وردةالربيع-ب9ض3ذ]

الله محتوكي جميل جدا متابعتك من العراق

[@daliaeltorky2069]

قلتى الخلاصة ربنا يباركلك 👏👏👏 فعلا الخلاصة كلها فى الايمان واليقين بالله

[@ريحانالجنة-ش8ه]

والله حضرتك نعمة من نعم الله وميزة النرجسي فى حياتى أنى عرفت حضرتك ساعدتينى انى ابنى نفسي والله مهما اوصف لحضرتك مش هقدر اوصف لحضرتك أنا كنت ازاى إنسانة مهدومة بفضل الله وبرحمتة ثم حضرتك بقيت قوية شخصيتى ونفسي اتبنت من اول وجديد علاقتى بقت اقوى بربنا جزاكى الله خيرا على كل حاجة حلوة فى حياتى كنتى حضرتك سبب فيها وان كان فى نرجسي فى ناس زى حضرتك وده يبين رحمة ربنا بينا بجد جزاكى الله كل خير

[@mohammedbilal4122]

جزاك الله خير دكتوره إنا تعلمت منك كثير

[@ابتسامالغ]

بارك الله فيك دكتورة كوثر، تحياتى.

[@salimachergui6091]

خطيبي كان بيقلي انتي تخافي مني اقولو لا وليه اخاف منك ،فكان يحاول يخوفني على كلمة صغيرة اقولو مثلا ليه ماعملتش الحاجة دي كان يزعقلي ما تسالينيش أسئلة تفتح باب الشيطان وانتي ما تعلمتيش في المدرسة وكنت احتار واقولو ما بعلمو الحاجات دي في المدرسة ،كنت بريئة جدا في الرد عليه

[@HajarHajar-xd1ye]

اعيش هذه الحالات مدةطويلة والان تعبت والتزمت الصمت العقابي مارايك

[@rashaabdo9016]

شكراً لك

[@مودةعرابي]

ابتديت اشعر بخوف هل أنا مريضة نفسيا أم فعلا محاطة بنرجسيين ..هل ممكن ان تكون عائلة بكاملها لديها هذه الصفة ...منذ 23عام وانا اعيش معهم على أعصابي وأي وغلطة ولو بسيطة ينسون اي شيء جيد عملتيه في الحياة ويكبرون اخطائك ويضخمونها ويجعلونك نادمة لأنك فضحتي نفسك وبل تظنين انك فعلا مخطئة وهم الصح وللأسف عائلتي لها الظاهر وانا يتيمة الأب واخواتي يخافون من ان بتحملو مسؤوليتي لو تركت زوجي ويخافون من كلام الناس فكلما اشتكيت يقولون عليكي بالصبر من اجل اولادك ويتهموني باني مقصرة ولولا ذلك لما وصلت الأمور بي لهنا

[@goodman9291]

احيانا يكون الفرد محاط بعائله نرجسيه ولكن ما دام تصرف عائلتك دائما بالتبرير والحجج هذا نرجسيين شيء واضح ، والله يكون بكون ويسخر من عباده الصالحين يكون سند لك بحياتك يارب

[@mariamustafa1169]

شكرا لمجهودك وتعبك

[@nahedfathy7774]

حسبنا الله ونعم الوكيل

[@newwomen4668]

شكرا دكتورة. جزاك الله خيرا.

[@nahedsalem4900]

رائعه كعادتك ❤❤

[@shimaahassan2807]

لو سمحتي دكتورة كوثر انا محتاجة اتكلم مع حضرتك ضروري

[@hendali54]

ربنا ىجزىك خىر كتىر شكرا الف شكر والف لاىك ليى عندك طلب اعلم انك مشغوله وربنا ىقوىك وىسعدك ىاربممكن لو امكن تردى على تعلىقتنا وده أننا بنطمن بكلامك وبنحب نسمعك داءم

[@safaaalashri7539]

احسنت .......الف شكر

[@hibaaissa4627]

حركتيلي المواجع

[@لليبيةوأفتخر369]

مرسي💟

[@gogo9404]

مش بخاف من خالص

[@fatimzahrasousou1039]

فعلا أنا عشت الرعب ولسنين طويلة بس الحمد لله أنا تغلبت على خوفي منو وإدماني ليه وتخلصت منو وطلقي نفسي

[@الأمل-ص4ث]

ممممتاز ة فعلا يادكتوره الف شكر لك 👍🏻👍🏻♥️♥️

[@aichamiss9485]

لشخصيتها ضعيفه راح يلعب بيها النرجسي حتة متش كورة محصلش ، الخوف من الله فقط و من دونه دلك هو متساوي في الحقوق و الوجبات معايا و لشايف حاله انه هو كتير عليا يالله مع السلامة و بوسه كبيرة لانكل فروق و الباب يفوت ديناصور

[@yasmeen784]

💓

[@hatemazap4683]

فيديو جارح جددددا للزوجة الصالحة للأسف الحياة وحشة اوى مع هذا المريض

[@wijdandaboo8534]

❤

[@nahedezzat8893]

الشخص النرجسى بيحب اللى يضحك عليه وبيبقى مبسوط وفاهم نفسه فرعون زمانه

[@وضاحوضاححسن]

حقيقه يحب النرجسي التطبيل والشكر والدفعة المعنويه ويصادق من هم أقل معرفه وسن

[@enasadel6227]

فعلا

[@سلاماسلام-ذ4غ]

8:30 يا ويلي عاللي عمله فيه لما حكيت لوالدي واشتكيت له لأول مرة بعد صبر ١٠سنين في المرار ..وعقابا لي على افشاء الاسرار ( المقدسة) قاطع أهلي وخاصم أبي الذي أوصاه خيرا بي وذكره بمعاملة ابنته بما يرضي الله .

[@سمسمه135]

يا جماعه كل وحده عيشه مع نرجسى ثلاث حاجات لازم تعمله اولا لا تحزني ابدا لان الحزن اصعب من اى شئ نحزن عليه ثانيا تاكل اكل صحي لأن صحتك اهم حاجه فى الدنيا ثلاثا تهتمى بالبسك وشكلك جدا جدا وارجو الدعاء لى اسال الله العظيم السعاده لى ولكم

[@iffhhjk1840]

ربنا يسعدك يارب ويحلي ايامك

[@سمسمه135]

@@iffhhjk1840 امين يارب اناوانتي

[@جورياحمد-ك3ف]

انا فعلا باعمل كدا من تلت شهور باحس براحه وتغيير كبير قوي 👍👍👍👍

[@سمسمه135]

@@جورياحمد-ك3ف برافو عليكي

[@EmanAhmed-pp3pw]

يآرب يزيل الغمه. امين

[@iffhhjk1840]

والله العظيم يمين اتحاسب عليه واحنا داخلين على العشر الأوائل من ذي الحجةكل كلامك صح ميه بالميةربنا يجزيكي كل خير ادعولي ربنا يصلح حالي انا واولادي

[@mnaleldoaa8424]

مش عارفه بس هو إبتلاء وربنا عالم بينا وسبحانه لولا أنه أراد لنا هذا الإبتلاء ما وصل لينا فنسأله سبحانه أن يرفع عنا ويعلي درجاتنا ويعافيهم فهم بكل جبروتهم بين أصابع الرحمن عليهم من الله ما يستحقوا

[@Howto_81]

صحيح التبرير المستمر لاشياء اساسا ما بدها تبرير ومستحيل اي شي الا يطلع فيه شي يعني اي تصرف عادي ضروري يعمل موضوع منو

[@روحناديا]

الله عليكي وجعتيني بالكلام زي الدكتور اللي بينضف جرح علشان يقفل علي نضافه وميعملش صديد ربنا يبارك في عمرك ويسعدك

[@inaskhateeb5666]

فيديو رائع جدا والجميل في فيديوهاتك انك بتحملي الضحيه مسؤوليتها و بتدليها على طريقة الاصلاح من الداخل

[@arzaqqasim1630]

جزاكي الله خيررر الجزاء والله حسنتي حالتي النفسيه جداا وكمان بديت استعيد ثقتي ب نفسي وكمان بديت ارجع البنت الهادئه ال مش اي حاجه تهزها

[@manalelsawaby2214]

في منهم بيتحكم في الحاجه اللي فيها الفلوس وبس لما تكون الشخصيه اللي قدامه قويه وماتقبلش اي غلط او نقد او ابتزاز عاطفي لذلك بيعمل صمت عقابي بره البيت بالسنه ويلاعبها بالفلوس حتي لو كان في مصلحة عياله

[@Mariam_2020]

انا بحب صوتك جدا جدا... وبحب لما تقولي في قناتكم ادرس عدوك النرجسي

[@ayashihada2328]

انت فعلا رائعة. انا في الطريق للتشافي ادعو لي ربنا يثبتنا.بس فعلا الاولاد هم اللي بيكسروا. الظهر

[@ilhemmima3643]

ربي يحفظك ويباركلك في كل شيء تملكيه يا دكتورة انتي صرتي في حياتي الصديقة والأم والأخت والجارة وكل شيء....لنا نسمع صوتك نحس براحة و ونس كبير.....متابعتك من الجزائر

[@malakmohamd1092]

علي فكرة وأما كمان ربنا يخليهالنا ومننحرمشي من الدكتوره العسل دي

[@zohratariket9735]

انا كذلك حبيبتي من الجزاءر زوجي نرجسي

[@Soso-th3pe]

التبرير التخويف النقد موافقة اراءه

[@waeelq1213]

والله أنك صادقة ، كنت استغرب ليه هو مبسوط بخوفي منه

[@fatimaali3384]

مفتقدينك و الله يا استاذة كوثر و حشتينا 💐

[@safyamohamed5626]

ياريت عرفناكي من زمااااان....تسلمي دكتورة كوثر وربنا يكرمك ويوفقك ⚘

[@read55]

عايزين فيديو كل ساعة... الفيديو بينزل على وشي زي القلم... يا ربي لحظة الوعي دي حاجة صعبة اوي... ساعات الغباوة بتبقى نعمة... 🥺🥺🥺🥺🥺... احنا دلوقتي حياتنا عبارة عن قبل و بعد... قبل الوعي و بعد الوعي.. والعوض على الله في العمر اللي راح

[@الفكرهامالاختراع]

واللهى ياختى الضربة الى مش بتموتش بتقوى ولازم الوعى يقوينا مش يضعفنا دلوقتى بقيت اقوى بالوعى مش بالجهل العلم نور خلانا نشوف فى الظلام الى كانو معيشنا فى وعرفنا نتعامل معاهم واخلصنا من الحيرة الى كانت هاتموتنا

[@tasnemhessin6104]

اه والله عوضنا عند الله.

[@hendali54]

صدقتوا فى كل الى قولتله ربنا ىنجىنا من الظلام و بصرنا بالحق وىرزقنا التصرف الصح

[@dilalutfi7147]

الله المستعان

[@BakiYamak-ph8ff]

انا متعجبه كيف العدد الكبير الي زيي ،،،كنت اقول مافي الدنيا زي زوجي ولايمكن احد يفهمني لو تكلمت عنه ،،،سبحان الله ، كيف ربي نورني ودلني وهداني للاستاذة العظيمه كوثر ،ربنا يكرمها ويغفر لها ولوالديها❤❤❤❤❤❤

[@omislam2596]

35سنه زواج وبسال نفسى هو فى ايه لكن فديوهاتك فعلا عرفتنى فى ايه كلامك صح جدا والله

[@jasmin8548]

هو اللى بيسبق و يحكى بالعكس و معندوش مانع للفضايح

[@asdffgh7221]

وصفتي جوزي جداااااا بالتفصيل النهارده.. ارجوكي ردي عليا فاض بيا وفضحته هو وأمه عند أهلهم وعاملي صمت عقابي ومهددني بالطلاق

[@المعتصمةبالله-ش7م]

هو اللي بيهددك بالطلاق وانتي متمسكة به ده يبقي ربنا كرمك انتي عايزة تكملي في المرار ده

[@asdffgh7221]

@@المعتصمةبالله-ش7م لأ مش متمسكه بيه خالص الحمدلله انا مابقتش متعلقه بيه خالص بس ولادي للأسف متعلقين بيه ثانيا ماليش اي سند بعد ربنا لاني يتيمه ومافيش أهل ثالثا ماعنديش سكن خاص بيا واخده شقه إيجار بالرغم إنه عنده بيت ملك عمله على حساب حياتي وشبابي لأنه كان بيسافر بره مصر وانا كنت هنا بشتغل وبصرف ومتبهدله بولادي وشطب شقه لأمه في البيت وسايبنا بره في إيجار انا حاليا بس خايفه بصراحه بعد ما فضحتهم قدام أهلهم من طريقه العقاب غير الطلاق

[@salimachergui6091]

@@asdffgh7221 ما تخافيش مالطلاق قوليلو طلق مع السلامة ،وتعطيني كل حقوقي ،ما دامك خايفة راح يعملها انزعي الخوف من قلبك ،كوني قوية ،هو يعمل اي شي يخيفك ويعمل عكس اي حاجة انتي بتحبيها

[@animeamv6544]

السلام عليكم ورحمة الله وبركاته انا الان اعيش حالة غضب نرجسي و عندي نوبة هلع ٢٠ سنة و انا عايشة معاه بكل هذه التفاصيل و حديثا فقط عرفت انه نرجسي يا ريت يا دكتورة تقوليلي ماذا أفعل بحاول اتنفس بس قلبي راح يخرج من اضلاعي محسسني اني مسؤولة عن الحرب العالمية

[@lulaahmed6827]

اااااخ من احساس الخوف من الصوت العالي والاحراج قدام الناس وقدام اهلي وعيالي عسي الله ان يريني فيه ما يجعل صدري ينشرح ووجهي يبتسم من جواه

[@SamSung-qz6bz]

اه ماحدش يعرف الاحساس ده غير اللى عايش فيه والله ٢٠ سنه ساكته بسبب ردود افعاله الغبيه قدام الناس وصوته الغبى العالى قدام أى حد عمره ماخاف على شعورى واحساسى وقتها ببقى نفسى الارض تتشق وتبلعنى حسبي الله ونعم الوكيل اللهم ضعه يارب فى نفس الشعور ونفس المواقف عدلأ يارب وخذلى حقى منه فى الدنيا امام عينى

[@SamSung-qz6bz]

أمين يارب العالمين

[@سمارالمسك-ب2و]

النرجسي فرعون يمشي على الأرض

[@goodman9291]

فرعون قلبه فسفوس اصغر من النمله 😂👏

[@sarasaleh9778]

حاسه ان حضرتك بتحكى عن حياتى فى فيديو

[@سبحاناللهسبحاناللهالعظيم-ز7ب]

سبحان الله كلهم فارضهم علي ماعدا الاخيره ماصار عندي اخد حتى اهلي يتضايق اذا رحتلهم او زرتهم بحسسنني انه مخلوقه لخدمته وله فقط مالي حياه يستغرب اذا طلبت اطلع او اروح لاهلي يسالني شنو تبين بالطلعه او ليش بتروحين لاهلك كل شي يستكثره علي واذا تجادلت معاه وتخانقنا قال احمدي ربك انك عايشه معاي واذا ماعجبك روحي بيت اهلك وانا اصلا بتزوج علييك ( مع انه يعاني من ضعف قوي ) وعلى طول محسسني اني مقصره معاه وانه يستحق افضل مع انه كله متروس عيووب سبحان الله اللي نور بصيرتي وعرفت هالقناه كنت ميته وردت لي الحياه والقوه

[@azzanawar8221]

حبيبتي يا دكتوره انا كنت كل شيء من اللى قولتيها كان بيحصلى ولكن بفضل الله ومنه أنه ارسلك لينا لكى توعينا ونعرف فعلا أننا لسنا مسؤولين عن العذاب اللي بيحصل لنا وانا كنت بخاف جدا منه واقسم بالله العلي العظيم أنه كل ما احكى حكايه واحد ه ومحذوف منها الكثير يقولو ا لى زوجك انسا ن مش طبيعي انا احاول أن أقول لنفسي احمد الله انى لست ظالمه لهذا الرجل

[@olaelguindy3535]

اشكرك والله انت بتقولى الواقع فعلا

[@Baghaza-l6k]

اهم شيء ينبغي مراجعته في حياة كل واحدة ابتلاها الله بالنرجسي هي ان تعيد مراجعة علاقتها مع الله ...وتعيد دراسة عقيدتها....وتضع لنفسها برنامجا لطلب العلم الشرعي ...وبرنامجا للعبادة....والا ستبقى في حلقة مغلقة

[@Om-ze8ro]

هو بسبب للوحده رعب وبقتل روحها وبتحس انها مش عايشه وتعاسه مدمره ،حسبي الله ونعم الوكيل ..

[@haha6755]

احسنت ... الله ينتقم منه

[@didisayed5720]

استاذه كوثر ممكن اسال حضرتك علي حاجه انا زوجي متوفي من ثلاث سنوات ورغم كده لسه ببكي عليه مع اني عشت معاه ثلاثون سنه عذاب وتعبانه نفسيه حسه اني الحمل ثقيل عليه وعندي اربع اولاد نفسي اخرج من الكابوس ده اعمل ايه

[@eslamgems5383]

قوي ثقتك بنفسك.....واستعيني بالله...اكيد جوزك كان لاغي شخصيتك...وهو الي بيتصرف في كل المواقف...عشان كدة وانتي خايفة من المجتمع

[@amfggfhbgg3435]

اين انت من الدعاءومن سورةالبقرة

[@hendali54]

حبيبتى قوى نفسك بنفسك واولا استعني بالله. ثم شوفى لولىك اخت اوقرىبه ممكن تبقى داعم لىك وتقولك ومتخافيش من حاجه الله يعينك وان شاء الله تبقى احسن

[@المعتصمةبالله-ش7م]

حبيبتي انتي مش صفيرة و٣٠ سنة زواج يعني اولادك خلاص بقوا عرايس وعرسان رجالة لكي ...موضوع انك بتبكي لانك كان نفسك يكون فعلا من الازواج اللي بيتبكي عليها ولانك كنتي بتحبيه فصعبان عليكي عشرة الزواج ال ٣٠ سنة اللي كانت في الهم والغم ....لكن اشغلي نفسك بولادك واخرجي وزوري اقاربك واعملي صداقات ...وقربي من ولادك وانسي ٣ سنين كتير عليه اصلا ولا يستاهل يوم واحد عارفة ليه ...انا كان صعبان عليا جوزي لما كنت فاكرة انه مريض نفسي مش داري باللي بيعمله لكن من وقت ماعرفت انه بيبقي عارف وفاهم كويس بيعمل ايه ومش بصعب عليه قلبي جمد ناحيته ومبقاش فارق معايا ....ربنا كرمك وكفاية عليكي ٣٠ سنة متحوليش تفتكريه وان وصلت لانك تغيري البيت خالص وغيري حياتك وذكرياتك المحزنة ....ربنا يجعله في ميزان حسناتك ويوفقك ي حبيبتي

[@هدراءطلعت]

لما انا بفكر اموته

[@wardawarda4637]

والله والله دائما يعمل نفسه من فاهم وابدأ ابرر وابرر واشرح ولكن بامسكه باب حاجة يقولي انت لووكنت محامية كنت تربحي قضايا كثير تعرفي تكسبي او مثلا يبدأ يضحك ووجهه يحمر

[@لاإلهإلاالله-ت3ن]

امور لازم اتركها التبرير الخوف اكون كدمية عدم الانتقاد أرفض الي يرفضه

[@maryan2755]

صح جدا خصوصا انه مثالي وصح علطول وانا من الجيل التافه بتاع السوشيال ميديا اللي غلط علطول

[@monaadel187]

هو سافر ليه ٤شهور وعاملي بلوك من كل حاجة ورافض يطلق وحاليا رفعت عليه قضية خلع مع اني قلتله هتنازل عن المؤخر والنفقة بس رفض يطلق حسبنا الله ونعم الوكيل

[@ربيلاتذرنيفردنوانتخيرالوار-ظ5ذ]

قليله هخلعك اذا انتا ما طلقت انا بطلقك هجيبلك المؤخر قليله حكون مفتخره بنفسي اني خلعتك حتكون سمعتك بين الناس وحشه مراته خلعته

[@monaadel187]

@@ربيلاتذرنيفردنوانتخيرالوار-ظ5ذ الحمدلله خلعته طلع الحكم من خمس شهور وهو الي طلب اني اخلعه ربنا يعوضني ويجبرني ويعوض كل مظلوم

[@ربيلاتذرنيفردنوانتخيرالوار-ظ5ذ]

@@monaadel187 الله يعوظك مع الي يستاهلك

[@ahmedohed2724]

ربنا شفي كل الضحايا من النرجوس ان شاءالله اول رمضان ليا ووانا في شفاء تام من النرجوس تصدقوا ان شاء الله هتصدقوا اول احساس احسه بفرحه رمضان بعد 20سنه الله يبارك فيكي ولا تنس ذكر الله

[@gehadmohamed4906]

كان بيفضل يقولى انت اقل منى مع انى مش اقل منه في حاجه بالعكس بس انا احتقرته وقولتله انت الى اقل منى وبقيت اتعالى عليه ومن ساعتها بطل الحاجه دى

[@السيدةعائشة-ز6ث]

واللي ما يطلع من البيت نهائيا واذا طلع شوية ويرجع زي القضاء المستعجل

[@المعتصمةبالله-ش7م]

هههههه اه والله قلبنا بيتقبض لما بيفتح الباب 😂

[@Mariam_2020]

احذري ان يتنصت قبل دخوله البيت... انا كان يقعد 10 دقايق واقف قدام الباب يتصنت قبل ما يفتح الباب بالمفتاح...

[@المعتصمةبالله-ش7م]

@@Mariam_2020 انتي عرفتي منين هو ده اللي بيحصل فعلا ...ويخزن وبعدين نكتشف انه عارف الموضوع اللي كنا بنتكلم فيه ...بس كلنا بنتصرف بعفوية وملوش مواعيد يعني قاطع لانه مش بيشتغل ربنا موقف حاله ومقدر عليه عيشته ... سبحان الله كما قال الحق سبحانه ( ومن يتق الله يجعل له مخرجا ويرزقه من حيث لا يحتسب ) وده عشان لا يتق الله ربنا فقره وقافلها في وشه

[@Mariam_2020]

@@المعتصمةبالله-ش7م انا بيحصل معايا كده ومن لما اكتشفته وقع من عيني وحاليا اتخذت قرار انفصال في الأشهر القليله القادمه بس ع نار هاديه وحرجع للتعليق ده واحكي تجربتي بعد التخلص منه..

[@Mariam_2020]

@@المعتصمةبالله-ش7م انا مش بيشتغل عشان انا الحمد لله أنعم عليا ربنا فأنا اللي بصرف...

[@هديراممنار]

سوال انا زوجي ما يخليني حتى اطلع تغير جو صار عشر سنوات ما طالعه اغير جو

[@howidahelmy3198]

يروح ف داهيه

[@chahiramaati1673]

انا قلتلك كازا مرة انتي كابالسم الشافي على قلوبنا الله يرزقك من حيث لا تحتسبي ربنا بعتك رحمة وسكينة للقلوبنا المكسرة الله يقوينا على دي شخصية مختلة الله يخدو ورتاح بقى

[@umohusseinomran8662]

حسبي الله لا اله الا هو عليه توكلت وهو رب العرش العظيم ٧ مرات يا رب ارفع عنا هذا البلاء يا رب

[@sumayadr9488]

اول كلمة قلي جوزي نرجسي خافي ياريت تنسي القراى والكتابة استغربت كتير ولم أعرف ليش بعد ثلاسين سنة جوازنا ولم أعرف أنه شخص نرجسي خافي ايلا الان ربي يحفظك ويبارك فيك كي يا دكتوووووورة

[@mshmshana8005]

من فضلك طيب انا دلوقتى هو رافض يصرف عليا سواء علاج أو لبس وانا عملت قرض عشان عمليه فى سنانى اعمل ايه وهو رافض انى انزل شغل مع انه. كان بيقولى اشتغلى بس دلوقتى عشان لقينى فعلا محتاجه الفلوس من فضلك ردى عليا ضرورى اعمل ايه

[@lailalaila-fm1th]

افضحيه قدام الناس و قدام اهلك و اهلو ، خلي الكل يعرف انو بخيل و مبيصرفش عليكي ، النرجسي بيخاف على صورتو قدام الناس ، روحي شغلك عادي متخافيش من كلامو ، و حتا لو بيصرف عليك ، حافظي على وظيفتك لانها امان و قوة ليكي من بعد ربنا ، متخافيش منو ، اسبقيه و هدديه انك حتطلبي الطلاق لو فضل منعك من شغلك و من حقوقك عليه

[@hatemazap4683]

عوزة محتاجله دايما وضعيفة عشان القرش عوز يذلك بالفلووووس

[@azizaben1356]

انا حسة اني عيشة وعلى قيد الحياة، تحررت منو، جزاك الله خير الجزاء

[@dodolilly8383]

حقيقي والله وكنت ببئا مرعوبه ومش عارفه حتي اتكلم وافكر قبل الكلمه كنت بموووووت بالبطئ . الحمدلله هربت واختفيت

[@umjaser1233]

اللهم يا مقلب القلوب ثبت قلبي على دينك والصلاه والسلام على رسول الله صلى الله عليه وسلم تسليما كثيرا عدد خلقك و رضى نفسك و زنة عرشك ومداد كلماتك

[@tasnemhessin6104]

ونعم بالله اليقين بالله جميل وكلامك مفيد وعلى الوجيعه وبيفتح الجرح وبيدوس على الدمل يارب اشفينا ويعافينا. منهم. كل جمعه وانتم بخير وكل عام وانتم بخير لا تنسوا العشر ايام من ذى الحجه صيام وذكر صلوا على رسول الله للنجاه والراحه. بارك الله لكى دكتورتنا الحنونه الراقيه

[@emh.6332]

ربنا ..يسعدك .منذ ١٣سنه واني مااعرف شنو يصير وياي ...رغم اني مااحب المشاكل .ومنذ شهرين عرفت هذة القناة ..عرفت شنو حياتي . الحمد لله والشكر ...احس نفسي افضل بكثير ..شكرا لك

[@emano8062]

انا مثلك لي ١٢ سنه ودلتني وحده عالقناة من التيك توك 😭😭😩 من اقوى صدمات حياتي خصوصا ان عندي اطفالي منه

[@لمياءالابراهيمي]

ماشاء الله عليكِ بتختاري المواضيع المهمة والمفيدة جداً.. شكرا لكِ تحيات متابعيك الكثيرين من العراق 🇮🇶🙏🌹💖

[@اميرعلي-ظ7د5ز]

اهلا بيج بنت بلدي الغالي

[@اميرعلي-ظ7د5ز]

بنات بلدي الغالي ١٦ سنه عذاب هسه يلا فهمته والناس القرود الطائرة تلومني دكولي احمدي الله وشكري شون انسان واكعه بيه ونعم بالله لكن ميعرفو داخل بيته شيسوي بينه من صمت وقهر وذل لكن عرفته وفتهمته زين ودرست حالته الشاذة وعرفت بيه مريض نفسي سايكوباتي نرجسي خفي صارلي سنتين عرفته

[@اميرعلي-ظ7د5ز]

@@ربيسندي-ض5ب اي بعدني بجحيم اذا عفته والجهال ياخذهم ومشاكل ودراستهم ومستقبلهم اني بمرارة بحياتي الي عدهه اولاد شلون صير بين نارين اتمنه اعوفه لكن راح يحرمني من اولادي وووووووو راح اعاني من كثير من الأمور وتعرفين بيت الاهل مو مثل بيتج لكن الي مدمرني الاولاد ما اكدر اعوفهم ولازم التعايش ويه هيج مصاص دماء شيطان موتني جمالي راح فقدت ضحكتي وعافيتي عايشه بجحيم

[@اميرعلي-ظ7د5ز]

@@ربيسندي-ض5ب ميفيد ويا ثعلب ماكر راح اياذيج بكل صورة تافه جبان بس على عائلته كادر

[@masomah6999]

@@اميرعلي-ظ7د5ز وراح يدمر أولادك بعد

[@hagaryasser1659]

انا فعلا حسيت بكده

[@alaamagdy7495]

يا دكتوره انتي كأنك عايشه معانا بالظبطت والله 😅😅ربنا يبارك فيكي انا قربت اتجنن والله ومحدش فاهم الوضع حضرتك انقذتيني بجد والله ♥️

[@princessosa9550]

سبحان الله كنت بعمل كل الي حضرتك بتقولي من غير مااعرف انو نرجسي