إذا تجاهلتي النرجسي حيعلي ليفل الاستفزاز و اذا رفضتي الهوفرينج حيعلي اكتر طيب تعملي ايه؟..

اذا تجاهلتيه حيعلي ليفل الاستفزاز و اذا رفضتي الهوفرينج حيعلي اكتر طيب تعملي ايه؟
التجاهل خلاه يعلي ليفيل الاستفزاز و بعدها بنفعل مش بقدر امسك نفسي يسيبني يرجع بعد ايام يعمل هوفيرنج .. اعبرله عن رفضي ليه .. ينتقم و يعلي ليفيل الاستفزاز ..
قبل ما أتكلم النهاردة عايزة أقول ان الكلام للي مضطرة تعيش اللي ملهاش حل فعلا عشان الناس اللي بتقول دي إهانة والهوفر إهانة لكي ومتقبليهوش ،طيب هي عيشتك مع النرجسي كلها على بعضها مش إهانة ، يعني لما يعمل لك صمت عقابي وبتتعايشي معاه غصب عنك مش إهانة ، الهوفرينج بقي اللي حيديكي هدنة وراحة كام يوم هو اللي إهانة ، انا عايزة أقول للناس دي ان احنا بنتكلم مع واحدة ملهاش مكان تعيش فيه ولا فلوس تأكل أولادها وبنقول ان المفروض ان كل دي حلول مؤقتة لحد ماتقدري تقفي على رجلك وتشتغلي وتصرفي على نفسك واولادك وتسيبيه اذا كان فعلا صعب التعايش معاه ،،انا بس قلت انوه قبل الهجوم مايبدأ
شوفي مينفعش تبدأي التجاهل ابدا غير لما يكون عندك ثبات انفعالي فائق ،ودة لازم توصلي له بكل الطرق وطبعا لازمك تكوني تعافيتي تماما من ادمانه يعني هو مش فارق معاكي نهائيا ولا كلامه ولا رأيه ولا تصرفاته وحتى لما يستفزك مفروض تهدي نفسك وتفكري نفسك انه مريض ومش طبيعي فتهدي ، ازاي نوصل للثبات الانفعالي العبي رياضة واعملي الاسترخاء كل يوم ، كل مرة بقول نفس الكلام وانتي تقدري تعمليه بس انتي كسلانة ،وانا كمان زيك بكسل لكن لما بكون فعلا في حالة شد عصبي ومتنشنة مش بلاقي حل غير السباحة والمشي والاسترخاء وفعلا بجبر نفسي عليهم انا عارفة انه مش بسهولة لكن انا فعلا صحتي بتحكمني لكن انتي لسة صغيرة واكيد الأغلبية العظمى منكم حيكون عندهم صحة احسن بحكم السن يعني تقدري تحكمي نفسك وتعملي أي رياضة وتقعدي تسترخي خمس ست دقايق كل يوم ، دة عشانك عشان لما النرجسي يستفزك مهما وصل مستوى استفزازه ماينجحش في انه يوصلك للانهيار وياخد منك اللي هو عايزه ،
طيب احنا ممكن نحل مشكلة جنان النرجسي بسبب التجاهل وخصوصا اننا عايزين نستمر في الحياة معاه ، وانا قلت الكلام دة قبل كدة وحقوله تاني طول مانتم لسة بتقولوا التجاهل بيؤذينا ، تعملي ايه غير انك متتجاهليهوش غير لما تحسي انه مش فارق ، متخليش التجاهل تام في كل حاجة وفي كل معاملة ، يعني لما يتكلم معاكي وهو مبتسم اتكلمي معاه مبتسمة اعملي له ميرور لتصرفاته ، كمان قلنا قبل كدة ان النرجسي خصوصا الخفي بيحب الاكشن وبيحب الخناقات فلما يبدأ خناقات لطيفة وهايفة زيه وخصوصا لو الأولاد مش موجودين او في غرفتهم يعني بعيد ومش حيلاحظوا اللي بيحصل ، وانتي مفروض تعوديهم اول مايحصل زعيق يدخلوا يقفلوا عليهم غرفتهم ،طيب حقول لك مثل للخناقات الهايفة يعني مثلا فين المقص مش محطوط في مكانه ليه ويزعق ،انتي تفاعلي معاه بذكاء ،واديه شوية وقود صغيرين يعني مثلا تقولي له انت اخر واحد كان ماسكه ، انت اللي ضيعته ،انتي كدة بتدخليه في معركة وهو دة اللي عايزه ، معلش عادي انك تطلعي انتي اللي مضيعة المقص وتبقي مهملة هنا بقى حتتجاهلي كلمة مهملة ومش نضيفة والكام كلمة اللي شايفهم في نفسه وعايز يخلص منهم ويحدفهم عليكي ،ومتدافعيش عن نفسك بالعكس انتي تقولي له معلش انت اللي مرتب بزيادة وانا مش عارفة ابقى زيك (وقود إيجابي) وبكدة بتكوني اديتيه اللي هو عايزه وفي نفس الوقت تجاهلتي اساءه الادب واديتيه إحساس انه كويس وانه مش همجي ولا قذر (الصفات اللي جواه وبيحاول يسقطها عليكي ) فدة حيهديه شوية ويعمل لك هدنة شوية . دة التجاهل المقصود لما نكون عايزين نعيش ، اما لما يعمل لك صمت عقابي فبرضه حتعملي له ميرور وتعملي له انتي كمان صمت عقابي ، ولو حسيتي منه اعتراض على سكوتك تقولي برضه بذكاء انا شايفاك محتاج تكون لوحدك فمش عايزة ازعجك ، سايباك براحتك ، او انا حسيت اني متوترة فقلت اسكت شوية يمكن اهدى ،المهم انك ماتقوليش انت مش بتكلمني فانا مش حكلمك لا طبعا اتعاملي معاه بطريقته انا مشغولة انت مشغول ، كلام كدة ميقولش انك بتعانديه لان دة بيزود جنانه العند ، طيب لما يرجع بقى يعمل هوفرينج انتي لو تعافيتي تماما وعندك ثبات انفعالي وواثقة من نفسك مش حترفضي الهوفرينج ليه ترفضيه خدي منه أي حاجة خصوصا مصالح الأولاد وخدي بالك اننا قلنا منرفضش الهوفرينج الا اذا احنا ناويين طلاق لان رفض الهوفرينج يعني رفض النرجسي وهي دي اكبر مشكلة في قلب الشخصية النرجسية هو أصلا من ضمن ركائز تكوينها الرفض فانتي لما ترفضي بتبقي كأنك مسكتيه سلك كهرباء عريان ، يعني بدون عازل انتي لما ترفضي النرجسي بتدوسي على اكبر جرح عمله فيه ابوه او امه وبالتالي بتنشطي الشعور بالعار وبالتالي طبيعي انه يعمل غضب نرجسي او ينتقم وياخد حقه منك ومن اهله فيكي ، فانتي لازم تقبلي الهوفرينج وتستغليه كمان وتاخديه منه اللي انتي عايزاه
جروب ادرس عدوك النرجسي
/ kawthersanad11
صفحتي الخاصة للتواصل معي
/ kawthersanad1.wordpress
رابط حلقة السيرة
• السيرة النبوية الشريفة...

[@Mamazozo81]

فعلا انا استغليت الهوفرينج وقت الطلاق واوهمته بالرجوع وطلبت يكتب لي البيت بأسمي لانه دائم طردي منه انا والاولاد ف الشارع. وحصل فعلا وكتب البيت وانا اللي طردته ورفضت الرجوع والحمد لله تعافيت بعد سنين ذل ومهانه وخيانه

[@fatihakhair6619]

مامعني لبعوفرينج من فضلك يا اختي؟

[@hdd9827]

برافو عليكي

[@user-vo3jz8rm9u]

مامعني الهوفرينج تكفين؟

[@toot671]

@@user-vo3jz8rm9u يعني يعطي ويعدل بعض تصرفاته عشان يوهمك ويخدعك انه تغير وانصلح وتعدل لفترة قصيرة ويرجع لطبعه الأولى

[@user-vo3jz8rm9u]

@@toot671 اهااا مشكووره حبيبتي الحين فهمت

[@souheila1061]

اصعب شيء يحدث الضحية انها تعيش دائما تنتظر ما الذي سيحدث و كيف سترد وتتصرف ، و تفتقد عفويتها و براءتها و راحتها ، منهم لله العلي القدير ،الله ياخدهم اخد عزيز مقتدر يارب

[@fofomma1169]

امين

[@kenzysaeed6633]

اللهم امين يارب العالمين

[@user-oy8mx3bd1p]

امين

[@halaalhih2958]

امين

[@rehabbadr3866]

يارب يارب

[@UserRoza509]

ياجماعه عن تجربه بعد الانفصال النهائي بترجع صحة الزوجة وعافيتها ونظارة وجهها وتصغر سنوات عشان بتهتم بنفسها إلي كانت ناسياها والنرجسي محطمها وأهم حاجه النفسيه بتتحسن أوي

[@emanalithey8177]

اتطلقتي ازاي .... رفعتي قضيه وكانت الفتره ادايه

[@aumtota1766]

ماذا فعلتي؟

[@UserRoza509]

@@emanalithey8177 خلعته

[@user-hh3sv8zb7y]

عمر زواجك اد ايه وهل عندك ولاد من فضلك وضحي تجربتك نستفيد

[@houdajabali4851]

ان شاء الله انا اتطلقت من كم يوم ومش ندمانة بس في بقلبي جرح مش عم اقدر افهم ليش ،والحمدلله ما عندي اولاد منو ٣ سنوات من ابشع سنوات حياتي. الحمدلله على كل حال

[@marwadlshadmarwa8468]

والله نحن نعيش في حرب قذره مع النرجسي المجرم لانجاة منها الا بأمر الله تعالى

[@user-tw8ed9fo4n]

النرجسي الخفي، ليس خفيفا ولا ضعيفا، بل أخبث الأنواع وأذاه أفضع من أذى الظاهر

[@malakmohamd1092]

وآلله كلامك صح لأنه خفي ومحدش مصدقناملي بي عمله فينا 😭😭😭😭😭😭😭😭😭😭😭😭😭😭

[@user-tw8ed9fo4n]

@@malakmohamd1092 حتى اكتشافه صعب، فلولا لطف الله بنا لما اكتشفناه وبقينا في عذابنا ومرضنا ونحن لا ندري السبب، اللهم فرجا قريبا من عندك.

[@ammuhamad8415]

انا 26 سنه نرجسي خفي ولا ادري الا لما سمعت عن كوثر سند جزاه الله خيرا وافوض امري الى الله انا الله بصير بلعباد

[@UserRoza509]

@@malakmohamd1092 صح بعد مامضى قطار العمر تبدأ في اكتشافه وقد دمرها واضعفها

[@user-qh6km7qc3i]

الله المستعان على كل ظالم الوحده منا تعيش بما يرضي الله وقابله بنصيبها ومتحمله لخاطر اطفالها وبيتها النرجسي يفكر بس بنفسه ما يهما بيت لو اطفال محتاجيه

[@user-uf2wh3hh5o]

يابنات رررربي أقوى منهم خلي يقينكم بربي قووووي والقرآن والدعاء والصلاة على النبي والاستغفار

[@mariamelmalky2835]

ونعم بالله

[@dr2dr296]

اللهم اريني في زوجي عجيبة من عجائب اسمك المنتقم يا الله

[@-kwake3516]

انا نفسي اعرف هما كل الرجالة النرجسيين متفقين مع بعض نفس الطريقة والاسلوب هما عملين شركة مساهمة لتحطيم الضحايا اللي هما الستات ربنا يصلح لنا الحال ويهديهم دة مرار طافح

[@teeiff]

انا انجن اقول كيف يخططون من بداية العلاقه كيف تتنفذ خططهم، ووكيف وكيف ونحن في سبات عميق، نمشي نمشي نفكر انهم عصبيين او بسبب حاجه عملت فيهم كذا، وهي كلها خطط حسبي الله ونعم الوكيل فيهم اذا كل حياتنا معهم دمار وحرب وخوف وبعد كشفناهم حياتنا معهم دراسه لكل شي نسويه معهم، وين الحياة الطبيعيه وين العفويه، اختفت اشياء كثيره في شخصياتنا واروحنا كله عشان نكمل حياتنا بدون مشاكل اللهم ارني عجائب قدرتك اللهم اضعف قوتهم واكسر جبروتهم..

[@manalmouhammedsaleh4822]

😆😆😆

[@aumtota1766]

@@teeiff اللهم آمين وحسبنا الله ونعم الوكيل

[@rightthing8099]

لان هذا مرض نفسي

[@jijijiji8695]

@@teeiff amin

[@user-m3Qurany]

والله النرجسي مدرسة قعدي وتعلمي منه ....انادخلت وحدة بأول الزواج وطلعت وحدة تانية ...حكيمة ...ثبات انفعالي ...انتقام بارد ...دهاء

[@hanadiyousef9005]

علميني

[@fatimaassi2600]

كلامك كله علي أرض الواقع اخر جمله لحضرتك دي رهيييييييبه( هوه بياخد حقه من أهله فيكي )عظمه علي عظمه لحضرتك

[@wafyaaahmedahmed8491]

حقيقي والله

[@sousou-ju7og]

حقيقي والله انا كل ما أمو تعملو قرصت وذن او حقنة سامة من عندها يأتي و يفرغ سمو فيا أنا

[@user-kk4ub5lp1y]

تعتقدون ان الام بتألب وإلا بتخصمه عشاني

[@Jami399]

دائمآ ادعي ( اللهم اكفينيه بما شئت وكيف شئت وحسبي الله ونعم الوكيل).

[@amiraboukherissa5973]

إكفنيه بما شئت و كيف ما شئت إنّك على ما تشاء قدير.

[@saharsahar278]

من أجمل الحلول الي بتخرج الضغط النفسي وبتهون مشقات الحياه. هو حلقات القرآن. ادخلي مجموعه مع معلمه والتزم بها بشده. ❤

[@user-ul1rh6kd5k]

علي فكره الناس دي مع مرضهم مبيكنوش عارفين انهم نرجسيين والله بيكونو فاكرين ان اللي حوليهم مختلف معاهم ووحشين هما،، نسأل الله السلامة والعافية

[@khtabeazawai9098]

حسبي الله ونعم الوكيل بكل انسان اذاني في حياتي قهرني ونزل دمعتي يا عساه في صحته وعافيته يا عساها تنزل متقطعه تقطيع يارب يارب يارب يا عسى حوبتي ما تعداك يا اللي في بالي

[@mahamadhi8622]

بعد البعد عن النرجسي راحه نفسيه عجيبه عن تجربه اللهم لك الحمد

[@read55]

انا حملت الحلقة وشفتها... لسبب مجهول انا بعيط وانا بتفرج... مش عارفة ايه النقطة اللي اتقالت خلتني اعيط... هعيدها تاني عشان اعرف ايه الكلمة اللي جت عالجرح... هو ايه ده ...انا رجعت للصدمة تاني ولا ايه...لاحول ولاقوة إلا بالله....مش هنكد علي نفسي تاني... الله المستعان اقدر اقاوم..... و طبعا بحبك و انقذتي حياتي ... 🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹

[@fatimaali3384]

الله يعينك اختي و يقويك

[@aberazmy297]

لا يا حبيبتى انت اقوى من كده ارجعى لقوتك اللى عودتينا عليها بسررررررعه،🌹💕🌺🍄💐

[@nosamohammed3492]

يمكن لما اتكلمت عن الاهانة ربنا يجبرك يا حبيبتي

[@AA-wx7bh]

فعلا عندك حق. أنا كنت قعدت فترة مرتاحة و كل ما اسمع فيديوهات استاذة كوثر اكرهه اكتر و احب نفسي و كنت بدأت انساه خالص. بس دلوقتي في فيديوهات لما اسمعها بحس بألم و غصة في الحلق و بدأت استرجع أوجاع السنين تاني😥

[@fatimaali3384]

@@AA-wx7bh استعيذي باللهو تمسكي بحبل الله ..و تذكري انت انسانه رائعة تمتلكين صفات ممتازة ربك اكرمك ورزق اياها لا تستسلمي لوساوس الشيطان اكتبي كل ما تشعرين بورقه و مزقيها و توضئ و صلي و سجدي سجدت شكر لله بانك الان حرة و دعيلي و دعي لعيالي لان نتحرر منه و نتخلص من شره هذا مرض هذا سم هذا مو حب و لا حياة سوية هذا استنزاف لطاقتك و صحتك صدقيني اختي عن تجربة

[@user-fu6hk9cz5j]

انا بعد ٢٠ سنه صار الصمت العقابي بيريحني جدا واتمنى يطول ولا هممني اهم حاجه بيصرف علينا وهو بياكل بره وبيغسل ملابسو بره عادي جدا مع انو اول مره يطول صمتو دا احنا دخلين في الشهر الرابع مع اني كان عندي تعلق شديد انا مستغربه نفسي

[@user-he6pj8vj8s]

ماذا فعل الان معكي هل مستمر في الصمت العقابي ؟

[@malakmohamd1092]

الله يرضي عليكي لو سمحتي اعملي حلقه عن النرجسي البخيل والي بيسممنا في كل حاجة ازاي اخد منه طلبات من غير مضربات ويعمل غضب نرجسي وفضائح علشان بتطلبي فلوس والله المستعان لو سمحتي ردي عليا 😭😭😭😭😭😭

[@zaidlesang567]

ربنا يعينك يا حبيبتي

[@user-cb2qu3bs7f]

قراءة القرآن الكريم..يعطي ثبات انفعالي عجيب

[@Sabrina-vq8rj]

ضحكتني قصة المقص لأن زوجي فعلاً يفعلها .في يوم من الايام سأجده مخبي التلفاز هههه

[@lahiaamina4386]

لا بجد انت بتدخلي جوانا وتعرفي حالنا وتيجي تعملي الفيديو ولا ايه سبحان الله انت بتيجي فوقت تقولي رسائل وكان ربنا بيقولك قولي الكلام ده دلوقتي بجد ربنا ما يحرمنا منك وبارك الله فيك

[@user-id-kawthers-sanad]

حبيبة قلبي ربنا عالم بحالنا جميعا فله الحمد وله الشكر

[@user-ov4xg5mi5m]

انا زوجي صااامت طول الوقت يدوب يقول كلمه+اهمال البيت م ناحيه صيانة البيت يكره بقوة هذا الامر+بلا عواطف ومشاعر واحاسيس لا يشعر بالسعادة ولا يرى الكون الجميل الذي خلقه ربي-لا حول ولا قوة الا بالله+اي وحده عندها حلول ترد علي

[@ghadabaghdady3863]

نفسي حالتي

[@fgyshvfjv8232]

قومي بالاعمال انتي قد ماتقدري لانك راح تتعبي اكثر

[@elsaidasaleh9052]

انا اعرف انسانة تزوجت مثل هذا الرجل تماما ذائد جبان ملوش شخصية طول حياتها عايشة تتحسر علي بختها وعلقت املها في اولادها الذكور وبعد متجوزوا اهتمامهم كله راح لزوجتهم وأولادهم المهم النصيحة لو محتاجة زوج فعلا يبقي لازم تسيبيه لأنك هتتعبي معاه جدا اما لو مضطرة تعيشي معاه فلازم تنسيه خالص وتعتبريه مجرد شكل اجتماعي وتهتمي بنفسك وتحاولي تسعدي نفسك ومتعلقيس أملك إلا بالله فقط ومتحرميش نفسك من أي حاجة ممكن تريحك وتسعدك

[@user-ov4xg5mi5m]

@@elsaidasaleh9052 شكرا جدا ع كلامك الي ريح بالي

[@noraahmed3548]

تعرفى يا دكتورة انا ماما الله يرحمها متوفيه من وانا صغيرة لما بشوف حضرتك بحس ان ماما بتكلمنى. ربنا يديكى الصحة وطولة العمر يارب ويجزيكى عنى خير الجزاء

[@maryammaryoma3749]

البركة فيك وربنا يرحمها ويغفر لها

[@noraahmed3548]

@@maryammaryoma3749 ياااااارب اللهم آمين

[@hodatarek119]

حلوة اوي الحلقة ارجو تتكلمي بالنفصيل عن الزوج النرجسي البخيل ازاي تاخدي منه طلباتك المادية بذكاء لان كل الطرق مش نافعة

[@malakmohamd1092]

ياريت لحسن احنا تعبنا وربنا عالم والله المستعان

[@amalmahdi3520]

ياريت

[@oummounib6037]

قوليلو : لو تجيب الحاجة.... على ذوقك،، أصله لما تشتريها انت رايحة تكون من النوعية الجيدة. والله أعلم أنا اعمل كده احيانا،،

[@memmem6777]

ادي له شوية وقود ومع اهتمام وإظهار حبك له وغيرتك عليه وبعدها هات وجيب وربنا معاكي ومعانا

[@ommohsenkhaled652]

افهمي هو غذاؤه ايه ، بالنسبة للزوجي يجب يعيش دور انه احسن واحد ومافي زي اثنين وانا بجاريه طبعا ومن جوايا بضحك عليه 😂 بس بعدها بكدا موقف اعمل نفسي بحكي عادي عن جارتنا زوجها الي جاب لها وعمل وسوا مش بجيبها من حيث المقارنه لا من ضمن الحديث يعني ، وارجع اكمل كلامي اني رديت عليها وقلت لها وانا كمان زوجي جب لي وعمل لي عشان ابين من كلامي انك انت الافضل كيف زوج جارتنا يعلي عليك ، وساعتها يحس بالمنافسه انه عايز يكون الافضل والاحسن ويجيب كل حاجة وبزيااادة كمان 🤣🤣🤣🤣 وكل مرة اغير الجارة مش بثبت على جارة واحدة خصوصا لو في جارة زوجها حريص ومش بيصرف الا في محله بحكي له انه جاب لزوجته كدا وجاب لعيال كدا ، وانا صادقه انه جاب لجارتنا بس انا بعلي وبفخم بالحاجة ، عشان يجيب احسن منها 😆😆

[@user-ul1rh6kd5k]

الواحد بيخاف يظلمه ويتركه وبيحاول يفتكر الفضل له...

[@cubedaniel211]

علي فكره بعد ماتقبلي الهوفرينج بيبقي بيخطط ويستني لأي هفوه ويجرجرك بخبثه لغايه فجأه يعملك الصمت العقابي واتبهدلي تاني...بس الحقيقه هي هدنه

[@rehabmamdouh7510]

عاوزه اعرف يعني ايه هوفرينج؟

[@sihamlahlou3814]

@@rehabmamdouh7510 لما يعاملك كويس ويديكي هدنة

[@user-iu3uz7ey4e]

الهوفرينغ علشان ينتقم منك خليكي حذره ولاتفتحيها معه عالبحري

[@user-id5mr2oo6j]

الحلقة مؤلمة تضغط على الجروح اللي داخلنا يارب ساعدنا وقوينا

[@totaahmed3122]

عليكي بالاستغفار والله والله والله ورد الاستغفار يومي بعدد اكثر شئ قواني لدرجة انه اصبح يتصور ان صديقاتي بيقووني عليه وكل شوية يحلف عليا طلاق ان لا اكلم فلانة ولا اكلم فلانة وكل يوم ازيد في الاستغفار ازيد قوة نصيحة غالية استغفري بنية القوة النفسية والبدنية

[@user-id5mr2oo6j]

@@totaahmed3122 جزاك الله خير

[@user-gl3jy7ik2g]

ممكن رابط الجروب

[@fifififi1644]

حلقة رائعة حبيبتي واستاذتي ، كل ما قلتيه انا اعيشه حقًا , حقًا هزمته بنصائحك ، صرت قويه مهما يعمل العصبية صار ضعيف أمامي بعد عشرين سنه صرت أتصرف معه بحكمة وذكاء ، فمسكين هو مريض نفسيا والحمد لله الان صرت واثقة من نفسي بفضل منك حقًا مقولة "العلم نور والجهل ظلام" ، وانصح الآخرين حقًا بالهدوء التام أمام إستفزاز النرجسي , تحسنت نفسيًا أشكرك كثيرا دكتورة ❤️☺️🌹.

[@saneem2732]

انا زيك تماما انا استقيت ماديا وهو نرجسي خفي ضعيف عايشة معاه عشرين سنة وبقيت زي ما قلت واثقة اوي من نفسي بخرج زي مانا عايزة بتصرف بحرية وما بقيتي بخاف منه خالص وبقيت بتعامل معاه بحكمة وحيلة ساعات ومسيطرة على الوضع الحمد لله

[@ghadaibrahim739]

أحييكي 👍

[@dalisarra4751]

الى متى حبيبتى الى متى

[@aichaayoub6254]

@@saneem2732 من فضلك ممكن تشرحي كيف، اخذتي حقوقك خاصة حرية الخروج

[@aumtota1766]

@@saneem2732 كيف السبيل الى ذلك رجاء

[@drines4254]

كان عامل صمت عقابي ودلوقتي عايز يحكي معي بس انا ولا كلمة معاه فلمارحت اصلي صار يضحك بصوت مرتفع والله قمت الشيطنة دا مايخافش من ربنا

[@moamenadel450]

دكتور انا اول مرة اشوف ڤيديوهات حضرتك النهاردة انا اول مرة الاقي حد يوصف حالتي ويفهمني زي حضرتك كلامك خلاني اعيط غصب عني ربنا يبارك في حضرتك يارب

[@saharsahar278]

😢ابكيتني عليكي. كلنا مرينا بهذه الحاله

[@ruaa6897]

ادعولي عندي اول جلسة نهاية الشر حاسة حتجنن من كثرة العصبية والزعل على نفسي ومن كثر ما ألوم نفسي قد ايه كنت غبية وساذجة ومسالمة معه وكنت بتعامل معه بمودة كأنه شخص طبيعي والان بدأت مرحلة الهوفرنج وبعثلي قروده الطائرة بعد ما وصله بلاغ المحكمة أمانة تدعولي ربي ينصرني واخذ حقي منه

[@aichaayoub6254]

ربى ينصرك ،هل اطلقتي فعلا؟؟؟

[@ruaa6897]

@@aichaayoub6254 لسه في بداية الحرب

[@selma___09]

كيف الان بعد الطلاق

[@user-lo3ek9nq2q]

الله ينزل عليك السكينة والطمأنينة والرضا ،،ادعي كثير ان ربنا ينور بصيرتك ويسددك في كل تصرف وكل كلمة

[@user-xt3rz4co7o]

والله حلقه جميله جدا جات في وقتها كنت بحاول اصبر نفسي هو حضرتك ساكنه جوانا حاسه بينا ربنا يجزيك خير ويطول في عمرك احبك في الله سمعت االفيديو مرتين حكايه المقص حصلت معايا كذا مره بس بشكل مختلف وحضرتك النبهتيني بقيت اتصرف بهدوء وسبات انفعالي لاني عارفه حركاته يارب قويني

[@rozbena351]

سيدتي النرجسي لا يسأل ليه متتكلميش معايا والله ولو اعدت الدهر مكلموش مش حيفرء معاه عندو صحابات يتكلم معاهم

[@zeyadmahmoud2028]

طب والبخيل الاستغلالي اللي متجوز علشان تحقق له أحلامه ومسبب لها القهرة وبيستمتع باستغلالها ويفرح لما ياخد منها فلوس وكل فائدتها عنده هو الفايدة المالية وسبب لها كره ناحيته وكل صبرها علشان ولادها

[@monmonashaheen1237]

نطع

[@monmonashaheen1237]

حسبي الله ونعم الوكيل ف كل من أكل شقى ست

[@roukaiyaalfarwan3026]

أختي لا تعطيه فلوس ابدا ولا تسمحي له باستغلالك ابدا استجمعي قواك و خبي فلوسك في مكان غير البيت عند احد تثقي به واخبريه دوما انك صرفت المال على البيت

[@zeyadmahmoud2028]

@@roukaiyaalfarwan3026 انا فعلا بدأت اعمل كدا لما بديت افهمه

[@sgjkhffddsgg443]

إذا عندك استقلال مادي طلقيه

[@user-yf9tk6uh3d]

طب ودى تبقى عيشة احاسب على كل كلمة واخطط اقول اية واستحمل استفزازه واجيب. بعد كل ده طاقة منين لولادى

[@Sh-nb5oh]

نفس الي قلته لنفسي

[@user-rw2hq2ep3d]

الاحسن انو مهما استفزك تجاهليه اعتبريه واحد سفيه ولما يعمل صمت عقابي افرحي بالخلاص منه ومن زنه وعيشي حياتك قدر استطاعتك

[@user-sl1le9ue8z]

بعد ان توفت امي الله يرحمها وكل ماحسيت اني محتاجه نصيحتها وشكيلها اشوف قناتك وشكرا لك 😭💔❤

[@gogahelal4141]

دكتوره كوثر سند قطعة السكر..كلك حنيه واخلاص فالنصيحه..ربنا يبارك فعمرك ويجازيكي عناكل خير.❤️🌹

[@amelr]

قرأت التعليق اقطعو السكر بدل قطعة سكر فعلا اقطعوا السكر من أكلكم كفايا هد الصحة منو نقص السكر أو قطعو بيفيد جدا ويقلل التوتر والالتهابات

[@taghreedtasbeeh3836]

كل الشكر و التقدير لك أستاذة كوثر 🌹

[@rahmashaker507]

تسلميلنا حبيبتي دكتورة كوثر بس والله اللي عندي الشيطان بيتعلم منه ازاي يقهر بني ٱدم لا يستاهل خدمة ولا يستاهل تسامح وقررت الانفصال بإذن الله

[@ghodihaddad7957]

يسعد اوقاتك. ويعطيكي الصحة والقوة......ربي مايحرمنا منك ومن كلامك. وطاقتك الرائعة.....

[@bobochwki9548]

والله يا اختي الفاضلة كرهت التعامل معه وكرهت العيش معه، يارب العالمين اجبر خواطرنا وهجرة بلا رجعة

[@yahyaalqalisi8448]

جزاك الله خير ورزقك من حيث لاتحتسبي.

[@nidazawaneh479]

جزاك الله خيرا وبارك الله جهودك

[@user-ir5fp8bl1x]

حلقة رائعة كالعادة جزاك الله خيرا 💕

[@halikaemera2105]

جزاكى الله خير حبيبتى ربنا يجعله في ميزان حسناتك

[@ebtisamahmed2013]

حلقه رآئعه ونشكر الله عرفنا بك وربي يسعدك ويوفقك 🌸🌸🌸

[@nuhamahmood3192]

حلقه رائعة شكرا استاذتنا الغاليه

[@amalfarouk1662]

والله انا بحبك وبستفيد منك جدا مش عارفه بحس انك حنينه وخايفه علينا وقريبه مننا ....تحياتى لحضرتك🥰💘

[@user-xr5kv5jm6c]

ربنا يجزيكي كل خير يااااارب علي كلامك الفوق الرائع

[@monaahme2565]

حضرتك ممتازه ربنا يخليكي ويبارك في صحتك وعمرك ويجزاك خير

[@magdashady8273]

أجمل كوثر وأكبر سند لينا حبيبتي❤️🌹

[@magdashady8273]

انسانة أمينة علينا بجد ربنا يجعله في ميزان حسناتك🤲

[@bouchrabouchra7132]

الحمد لله. الذي جاد علينا بحضرتك أصبحت مدمنة على مشاهدة فيديوهاتك التي تخفف علينا مآسي النرجسي. زوجي سلوكاته عدوانية من زمان مدة الزواج 26 سنة ولم أكتشف أنه نرجيسي إلا بعد مشاهدة فيديوهاته مؤخرا كأن الله تعالى أرسلك لتعطينا نصائح توجيهات لحماية أنفسنا من مكر النرجيسي منذ أكثر من شهر في حالة صمت عقابي يتمللص من مسؤولية البيت والاولاد أحمد الله أنني مستقلة ماديا أتوسل الى الله تعالى أن ينجيني وأولادي من مكره وشره أصبحت أكرهه ولا أطيق رؤية وجهه اللهم اجعل كيده في نحره

[@solafamasarwa3310]

الله يرضى عليكي بارك الله فيكي 🌹🌹🌹

[@sosohassan8185]

من قلب الحدث.. خلصت لفل التجاهل والاستفزاز والان وصلت لفل الوحش!!

[@oumahmed7475]

شكرا على هذه الحلقة الرائعة التي أراها تخصني بالذات وكنت بحاجة أليها جازاك الله خيرا.

[@user-jm5ux1is5h]

بارك الله بيج دكتورة انتي مبدعة

[@sarahkamal9899]

ربنا يبارك في حضرتك 🌷 و حسبنا الله و نعم الوكيل ❤

[@kuliislam8893]

بالنسبة للزوج النرجسي مع زوجته فقط وطيب مع الأولاد كيف نتعامل معه ارجو الرد

[@eluoom5511]

ياريت المزيد والمزيد عن هكذا نوع من النصائح

[@izziemermaid]

حلقة حلوة جدا ربنا يبارك لحضرتك و يجازيكي خير علي الدعم ده كله ❤

[@zada1309]

بارك الله فيك وجزاك الله خيرا كثييرا

[@ghadaibrahim739]

انت أم واعيه لك منا كل البر بالدعاء بالخير كله في الدارين بظهر الغيب جميل اوي الكاروهات احلي من الساده و افيد 🌹

[@msra9693]

والله حبيتك وحبيت قناتك الله يجزيكي خير

[@arwaelmain6216]

الكلام دا صعب يا دكتوره...تجاري النرجسي وتعالجي نفسك وتحاولي تخلقي بيئة كوسيه لاولادك...دا كتييير

[@user-bl7wu2rm2y]

انتي راااائعة 👍 👍 يا دكتورة مافيش كلام يعبر عن امتناتي لحضرتك.. شكرآ ❤️ لوجودك بحياتي

[@omo7346]

اول ما امسك التليفون افكر أن أسمع نصاءحك شكرا من كل قلبى

[@hiamkassab556]

الله يطوّل عمرك ست كوثر ... كل معلوماتك مفيدة

[@monaragheb2205]

حضرتك انسانة رائعة وانا بحبك اوي ربنا يفرح قلبك ويسندك ❤️🙏

[@ghadahamdy7266]

جزاكي الله خيرا 💜💜💜💜

[@amalsaleh1078]

كلامك صحيح ممكن حلقه عن البخيل النرجسي والمسيطر عليه من اخته واخو النرجسين وتسلطهم على بقية الاخوة ومحاولة تخريب الاسرة

[@laylaisa2219]

جزاك الله خيرا 🍃🌸🍃

[@HighSpirit1]

من أروع الحلقات.تحياتي لحضرتك.

[@user-ko5kl8kq2e]

افدتيني جدا خصوصا انو زوجي نرجسي خفي ، الله يجازيكي عني كل خير يارب

[@hadeerhefny6035]

بجد شكرا شكرا شكرا ربنا يباركلك ف صحتك بجد انت عظيمه ❤

[@yaseenashraf3750]

❤❤❤❤❤❤❤❤ بحسك أمى والله كأنك عايشه معايا وكلامك كله بييجى على الجرح ...يطيبه . بحبك فى الله

[@samahhussin1018]

السلام عليكم حبيبتي ربنا يبارك فيك انتي انسانه طيبه ومحترمه وحسه بينا ربنا يكرمكك ويرضيكي

[@user-rc9pn8ru3r]

دكتورتنا واختنا كوثر سند فعلا انت سند لينا بعد ربنا وربي يجزاك خير الجزاء على الفوائد العظيمة

[@noraaitkhelifa9998]

انا مزمنه على نصائحك يا دكتوره، انا بقالي 20 سنه جواز مع نرجسي في البدايه خفي و بعد ما استفزيته وقلتله لا اصبح ظاهر و صعب كثير، سابني سنتين ب 3 ولاد و بيت اشتريناه انا الي بدفع كل شىء ما بيعطيني فلوس للاولاد ولا حاجه، بعدين بدا يستفزني بالاولاد، بعد كدابها ولد و سافر لفرنسا ، واعترضت وهددني، بعدين بيهددني من بعيد و للان قريب 4 سنين لا مطلقه ولا مجوزه ، رحت البنك عشان اشتري البيت قالولي ما تقدريش لازم واحد يضمنك وانا في كندا ما عندي اي واحد قريب في الغربه عشان عملت حضانه في بيتي و الله مش قادره اكمل القصه، اصلي لما اتفكره بتجيني الغثيان و القيء، ربنا يحفظك، اتعلمت كثير منك🙏💪

[@user-sg3hw1qm4s]

اي والله صادقه الله يسعدك سعادة الدارين ياالله ياكريم استفدت كتير كتير كتير والله من فيديوهاتك الله يبارك فيك يارب

[@ayakhalid9920]

جميلتي كوثر سند جميله جدا انتي بتحسي بينا وبتنزلي الفيديو المناسب في الوقت المناسب

[@user-oy6tc2bm6y]

روعة ماشاء الله تبارك الله عليك دكتورة أحبك في الله

[@emeijikayin8647]

تعرفي يادكتوره. احلى مافيك. تفصلي في الشرح. انت بجد عبقريه. ادعي لي اني ابطل عصبيه واكون عقلانيه اكثر ابي اتحكم في اعصابي

[@ranyabotros1569]

شكراً أستاذة ربنا يخليك وربنا يقدرني على الصبر

[@EmanSameer-jl2fj]

والله انتي جميل واستفدت منك جداً ربنا يباركلك

[@amrody5529]

شكراً لحضرتك وكأن بتتكلمي عليه والله جدا جدا انا فعلا اللي محلتيش حاجه ولا اقدر ابعد فعلا بستفيد كتير من كلام حضرتكبجد انت بقيتي صحبتي اوي اللي بلجالها في اي مشكله بدخل ع القناه وفعلا بلاقي الحل شكراً بجد لحضرتك

[@Marwa-Ragab]

حلقة رائعة جدا 🌹

[@oum_Idris0603]

والله غيرتيلي حياتي بفضل ربي وفضلك بحبك في الله💕

[@yacineyacine7059]

الحمدلله.. مزيد من التغير للاحسن، لكن ملاحظة نقول بفضل الله ثم بفضلك... لا نشرك مع الله أحد وهذا ورد عن النبي صلى الله عليه وسلم، عن عبد الله بن عباس رضي الله عنهما أن رجلا قال للنبي صلى الله عليه وسلم ماشاء الله وشئت فقال "أجعلتني لله ندا؟ ماشاء الله وحده"

[@hozhozhalim7200]

كل الشكر والتقدير يا دكتوره كوثر المحاضرات فرقت كتير بعد ٣٨ سنه وعتينا وانتبهنا

[@amalmahdi3520]

الله يبارك في حضرتك يا دكتوره

[@mimidjerraya4829]

يا حبيبتي واستاذتي على الحلقةالراءعة تلميذتك من الجزايرشكرا والف شكر

[@rodyhema6403]

ربنا يجازيكي خير علي صبرك علينا

[@user-pl1vj4gx7z]

الصلاة على النبي والاستغفار تساعد جدا على الاسترخاء ويفتح لك الله بها افاق للحلول عن النبي -صلى الله عليه وسلم- قال: «من لَزِمَ الاستغفار جعل الله له من كل ضِيقٍ مخرجًا، ومن كل هَمٍّ فرجًا، وَرَزَقَهُ من حيث لا يحتسب».

[@wafyaaahmedahmed8491]

جزاك الله خيرا

[@janat1870]

هذا الفيديو موجه لي . كل كلمه قلتيها موجوده فيا وموجوده في زوجي . أنت خبيرة بالفعل شكرا على التوعيه

[@yosefsayed4540]

عسل يا دكتوره والله ⁦❤️⁩⁦❤️⁩

[@abeerabdelhaleem7822]

بارك الله ف حضرتك كل كلامك مفيد جدا ف طرق التعامل مع النرجسى جزاكى الله كل خير

[@ommahmoud357]

سمعت حضرتك كتير وفعلا كل الصفات تنطبق عليه وعرفت أنه نرجسى بس عرفت متأخر

[@mahaalbetar3572]

كانك تعيشين معنا لحظة بلحظة تعجز كلامتنا عن شكرك ولكن قلوبنا تنبض بالدعاء لكي جزاك الله كل خير استمري

[@user-rw2hq2ep3d]

اي والله الي درجة اني مصدومة الله هي عرفت كل ده كانها مركبة كاميرا خفية علي حياتي