Рет қаралды 4,251
رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب wa.me/message/MKKOMJ3C77WMB1
حجز الاستشارات : kawtharsanad.com/
أحيانا بنكون لسة أجزاء مننا مانمتش لسة محبوسة في أوقات الصدمات اللي اتعرضنا لها في حياتنا والاجزاء دي مننا لسة محتاجة للرعاية والحماية اللي مااخدتهاش زمان سواء في الطفولة او في الشباب مع النرجسي الزوج ، وانتي الوحيدة اللي تقدري تقدمي الرعاية والحب والقبول والونس للاجزاء دي عشان تنموا وتكملك وتبطل تقاومك وتبطل تعطلك ، بتقاومك ازاي ؟
بانها تبث فيكي الخوف اللي جواها اللي اتكون فيها نتيجة صدمة معينة او انها تبث فيكي الغضب اللي محبوس جواها من الأشخاص اللي اذوها او الحزن اللي متخزن جواها بسبب اهمال الاب او الام وهي طفلة ، وتلاقي نفسك فجأة غضبتي على سبب تافه او حزنتي من غير سبب او خايفة تاخدي خطوة مهمة في حياتك كل المشاعر دي خاصة بالاجزاء اللي لم يتم نموها ومحتاجة تنتبهي لها وتعالجيها وتشجعيها وتغذيها عشان تنمو وتنضج ،
الكلام دة كان جزد من حلقة ليه ماسكة في النرجسي ومش راضية تسيبيه ؟
والحقيقة فيه ناس قالت عايزين تفاصيل اكتر في الجزئية دي
الحقيقة ان الانسان مهما عاش في بيئة سوية الا انه لازم بيتعرض في حياته لمشاكل لكن اثناء طفولته المشاكل اللي ممكن يتعرض لها ممكن تؤثر عليه تأثير يستمر معاه طول العمر اذا كانت المشاكل دي قوية شوية ، اللي بنقول عليها بتسبب للطفل صدمات ، فلما بيتعرض الصفل للصدمات دي بتبدأ نفسه تتجزأ جزء بيخاف ويقعد في مكانه ويتجمد ومايقدرش يكمل نموه ، او جزء يغضب ويحصل له نفس الكلام وجزء يحس بعدم الأمان وجزى يحس بالحزن وكل دي بتكون مشاعر ناتجة من الصدمات وكل طفل على حس ب الصدمات اللي بيتعرض لها المهم ان الأجزاء دي بيتوقف نموها فليا وبتفضل مستخبية جواكي عبارة عن مجموعة من المشاعر السلبية المكبوتة اللي بتخرج في مواقف مشابهة للصدمة اللي مريتي بيها وانتي طفلة ، والجزاء منك دي محتاجة تتعالج عشان تنمو وتكبر وتبطل تطل براسها وتوجعك بمشاعرها وممكن تؤذي اللي حواليكي كمان
طيب ازاي نعالج الأجزاء دي منك ؟
اول حاجة انك تعرفيها وتفهمي انها موجودة وتتعرفي عليها واولها الطفل المجروح اللي تم اهماله وحرمانه من العاطفة والحب من الابوين ، الطفل دة بيفضل جعان حب وقبول لحد البني ادم مايموت بيفضل طول عمره يدور على حد يحسسه بقيمته وحد يمدحه او حد يحبه ويقبله ودايما خايف من الهجر او الرفض وطبعا بيدخل في علاقات سامة وبيتعلق تعلق مرضي فيها ،
كمان الجزء الغاضب والجزء الحزين والجزء اللي بيشعر بعدم القيمة وفقدان الثقة بالنفس ، كل الأجزاء دي ممكن تنموا من تاني وتخرج من طور الطفولة كالآتي
اول خطوة انك تقربي من الطفلة اللي جواكي وتتكلمي معاها وتراعيها صحيا وجسديا وعاطفيا اعتبري نفسك طفلة من ضمن اطفالك اتبني نفسك بدل ما انتيب تتبني النرجسي ، ازاي يعني ؟ دراسة عملمية اتعملت سنة ١٩٧٥ بعنوان "إعادة تربية الطفل الجريح: رحلة عبر شفاء الصدمة والعمل مع الطفل الداخلي" الدراسة دي طرح الباحثين فيها فكرة إعادة تربية الطفل الداخلي تربية صحية بمعنى منحه كل ما تم حرمانه منه من حب ورعاية وقبول ، واظهرت الدراسة دي ان الناس اللي اشتغلوا على رعاية الطفل الداخلي دة قدروا يوصلوا لمرحلة من التوازن النفسي والسلام الداخلي ، ازاي نعمل دة ؟ زي ماقلت لك اعتبري نفسك طفلة في بعض الأوقات اتعاملي مع نفسك زي مابتتعاملي مع اطفالك ادخلي عالمهم وعيشي حياتهم ، ارعي نفسك معاهم ، مثلا وانتيب تشتري لهم العاب اذا كنتي من الأطفال اللي اتحرمت من اللعب والألعاب اشتري لنفسك لعبة زيهم لعبة كنتي بتتمني تحصلي عليها وانتي صغيرة ، العبي معاهم الألعاب اللي كنتي بتتمني تلعبيها وانتي طفلة في امان من غير ماحد يزعق له ولا يحسسك بالذنب انك بتلعبي او انك صوتك علي او انك ازعجتيه بكتر حركتك . او اتحرمتي منها لان محدش كان فاضي ولا مهتم يوديكي حديقة تلعبي فيها زي الأطفال ، اشتري لنفسك ايس كريم ولا تشوكليت مع اولادك اذا كنتي اتحرمتي من انك تعيشي طفولتك في الجزئية دي ، المفصود بكلمة عيشي حياة اطفالك انك تعيشي اللي كنتي محرومة منه لكن انتبهي ان دة بيتعمل بقدر مش حنقلب أطفال ونتخلى عن مسئولياتنا ونقول بنتعالج ، لا طبعا اكيد انتي بتقضي كواليتي تايم مع اولادك اعتبريه كوايتي تايم مع اولادك وطفلك الداخلي ولما تخرجيهم اخرجي معاهم واستمتعي معاهم يعني عيشي معاهم اللحظات اللي ماعيشتيهاش في طفولتك لان اللحظات دي هي الغذاء العاطفي للطفل المحروم اللي جواكي
ودة اللي قصدت بيه انه حيقربك منهم ويعوضك عن حاجات كنتي محرومة منها زي الاحضان والقرب منهم حيخليهم يبادلوكي الاحضان ويحسسوكي انك مقبولة ومحبوبة ودة كمان تعويض عن أدوات النمو اللي اتحرمتي منها وانتي طفلة والتفاهم معاهم والحورات والمناقشات حتعوض عندك نقطة انك مش مسموعة
كمان فيه دراسة اتعملت سنة ٢٠٠٣ اتكلمت عن التعاطف الذاتي وقالت ان الناس اللي بتمارس التعاطف مع الذات وبيعاملوا نفسهم بحب وتفهم بدل النقد وتوجيه اللوم والقسوة الناس دي بيكون عندها قدرة اكبر على التعافي من الصدمات ،كمان بيقل مستوى التوتر والاكتئاب عندهم والموضوع سهل وبسيط ،انتي تنتبهي لحوارك الداخلي شوفي انتي بتكلمي نفسك ازاي بتقولي لها ايه هل بتلوميها ولا دايما تطمنيها وتقولي لها انك موجودة لحمايتها ومساندتها وانك بتحبيها ومتفهماها وحاباها ، ولا طول لاوقت توجهي لها اسالقاب مش لطيفة زي انا غبية انا مفيش فايدة فيا انا فاشلة مستحيل حقدر ،انا ماعرفش اعمل حاجة لوحدي . كل الكلام دة بيقاوم علاج الصدمات وعكسه بيساعدك على العلاج
كمان دراسة اتعملت سنة ٢٠١٠ قالت ان من ضمن طرق علاج الصدمات العلاج الحركي واللي بدوره بيساعدك على تحرير المشاعر المكبوتة ، طيب ايه العلاج الحركي دة؟
0:00-0:41 المقدمة
0:41-3:17 صدماتك من النرجسي
3:17-10:13 علاج الأحزاء الغير ناضجة
10:13-10:36 الخاتمة
#صحةـنفسية #القوة #الاكتئاب #النرجسي #النرجسية