السبب الحقيقي ورا نكد النرجسي في رمضان

الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتس اب الحجز 00971568496791
لينك الواتس اب wa.me/message/...
رمضان وموسم النكد النرجسي
هو ليه النرجسي بينكد في رمضان ؟ احنا اتكلمنا في الموضوع دة مرة قبل كدة وبصراحة كان كل الكلام استنتاجات بناء على ان النرجسي مش بيحب المناسبات بصفة عامة وانه بيفقد الاهتمام والكلام دة كله ، لكن لما بحثت اكتر لقيت ان فيه أسباب كمان انا كنت بفكر فيها فعلا انها ممكن تكون أسباب قوية جدا لنكد النرجسي في رمضان ولقيت الى حد كبير بين تفكيري وبين الأبحاث والدراسات اللي بتتكلم عن النرجسيين والمناسبات الدينية والعبادات المكثفة وطبعا لان هم ماعندهمش رمضان ،فخلينا نشوف الموضوع ايه سببه ونعمل ايه معاه
بيقول لك اول سبب بيخلي النرجسي ينكد تغيير الروتين ، كلنا عارفين ان معظم النرجسيين نمطيين جدا ومسيطرين وعايزين العالم يمشي على ساعتهم ومفيش أي تغيير يحصل في أي نفس من انفاسكم ، فلما بييجي رمضان بروتين جديد بيبدأ من مواعيد الاكل ومواعيد النوم ونزول للصلاة بالاجبار والا الناس تعرف انه ماصلاش وكمان فطور برة وناس عنده في البيت وهو بيفضل ان محدش يشاركه في مملكته ولا ممتلكاته ، وفوق كل دة الحرمان من أشياء هو متخيل ان مش مفروض حد يمنعه منها
طيب تاني حاجة التجمعات العائلية اللي الناس كلها بتكون مبسوطة وسعيدة وفرحانين والروحانيات في السما والناس قادرة تحس الحب والسعادة وهو مش فاهم انتوا ازاي كدة ليه بتضحكوا وليه سعداء وانا لا ليه انتوا نفسيتكم مرتاحة وانا بغلي من جوايا ليه انتي تحديدا محبوبة كدة والناس دي كلها حواليكي وبيحبوكي وانا محدش طايقني ولا بيحبني ، كل دة بيوتره ويشحنه ضدك ولازم لازم يضايقك اثناء التجمع او يقلل منك ادام كل اللي بيحبوكي دول عشان عايز يقول لهم انا احسن منها فبغباؤه بيقول لهم تعاطفوا معاها اكتر واكرهوني اكتر ، هو للأسف كائن غبي .
كمان التجمعات دي بتوتر بعض النرجسيين لانهم بيضطروا يلبسوا القناع فترة طويلة وهو أصلا متوتر من تغيير الروتين بتاعه فبيزيد العصبية والغل
ثالث حاجة قال لك النرجسي عايش ع الوقود زي ما احنا عارفين وانتي في رمضان طول النهار في المطبخ بس ايه بدون فايدة بتعود عليه يعني مش كل شوية كوباية شاي ولا عصير فيبقى حاسس انه مستفيد من اهمالك له ووقفتك في المطبخ ، كمان لما الفطار ييجي انتي مشغولة مع ضيوفك او اولادك او حتى مع نفسك جوعتي ومفروض تاكلي وتركزي في دعائك قبل الإفطار وطقوس الإفطار وهو كم مهمل محدش مركز معاه ممكن تنسي تديه التمر ولا العصير اللي حيفطر عليه سعادته فهو فاقد الاهتمام تماما ودة شيء صعب جدا عليه ، دة غير بقى انك بعد الفطار يا تروحي المسجد دة لو سمح لك او انك تقفلي عليكي باب غرفتك وتقعدي تصلي وتختمي المصحف والتمنافسة الجميلة اللي بتكون بينك وبين الأولاد ولا بينك وبين اخواتك والمسابقات الرمضانية الدينية الجميلة وصلاة القيام . كل دي حاجات انتوا بتعملوها مع بعض وهو براها ولا قادر يعمل زيكم ولا قادر يمنعكم تعملوها ودة بيحسسه بالعجز عن انه يكون احسن منكم زي ماهو متخيل
طبعا الأنشطة الخيرية الرمضانية دي هم بيحاولوا يعملوها ويجهزوا شنط رمضان ويطلعوا فلوس ويعملوا إفطار ولكن اللذة الروحية اللي انتي بتحسيها لو طلعتي عشرين جنيه هو مش قادر يحسها وهو بيطلع عشرين الف جنيه ، وهو مدرك دة وشايفه فبيزود توتره
الأسوأ من كل دة بقى ودة رأيي المتواضع ان النرجسي زي ما احنا متفقين مش بيقدر يمنه نفسه عن أي حاجة هو عايزها هو غير قادر على انه يحكم نفسه والعياذ بالله فانتي تخيلي هو ممنوع من الاكل والشرب وايه كمان من الجنس والأفلام الإباحية اللي هو مدمنها والعادة السرية اللي هو مدمنها والسجاير كذلك ولو أي حاجة تانية بياخدها جنب السجاير والعياذ بالله ، وكل دي حاجات ادمانية هو بيتمنع منها دة لو قدر يتم صيامه ومنهم كتير بيصوم لانه فاهم ان الصيام ملوش تعويض فبيصوم ولكن اكل وشرب وجنس وصيام القلب دة ملوش فيه وصيام اللسان ملوش فيه كل دة بغض النظر عن اللي ممكن يصوم ويطلب علاقة في نهار رمضان وتحسي انك عايشة مع شخص مجنون ،
المهم ان كم الممنوعات دي بتجن جنون النرجسي عشان كدة بيطلع كل الضغوطات دي عليكي انتي واوالدك
طيب نعمل ايه لما تعرفي الأسباب تقدري تعالجيها سنة سنة على قدر استطاعتك عشان هدف مهم جدا جدا لوجه الله وهو ان اولادك مايكرهوش رمضان لا عشان تتقي شر النرجسي ولا عشان خايفة منه ابدا عشان اولادك يحبوا رمضان ،
طيب تعملي ايه أولا معظمهم بييجي من الشغل ينام فانتي هيأي له جو ممتاز للنوم (نوم الظالم عبادة) عشان يقي الناس شره ، وهو داخل لو كان مكشر ومغتاظ اعملي نفسك مش شايفة الحمد لله ع السلامة وبس او أي تحية اذا فيه مجال او تردي عليه سلام ربنا وفقط ، ولا تبتسمي ولا فرحانة برمضان ولا أي مظاهر لو بتعلقي أي زينة تفهميه ان المدرسة قالت لازم نعرف الأولاد برمضان او امك او اختك قالت لازم العيال يعرفوا رمضان فلازم نعلق زينة احنا مش فرحانين يعني ولا حاجة لاسمح الله ، وبعدين اول الاذان مايؤذن تكوني حريصة تديه فتات خبز إيجابي قدمي له التمر والعصير وحطي الاكل بأقصى سرعة وبعده الحلو ، وترصي بقى ع السفرة بعد ماتشيلي الفطار رصي الحاجات اللي بيحبها لما يحتاج حاجة يلاقيها ادامه عشان لو انتيب تصلي مايفتحش بقه ، المنافسات والمسابقات الرمضانية ياريت ماتبقاش ادامه خصصوا مكان انتي والعيال بعيد عنه هو غالبا حيقعد ادام التلفزيون او حيخرج فحاولي على اد ماتقدري ماتبينيش احتفالاتك برمضان انتي والأولاد ابدا ، ونفس الكلام في التجمعات حاولي تكوني منتبهة له قدمي له اول واحد والحقيه قبل مايفتح الجاعورة زي الرضيع لما يجوع ،
اهم حاجة انك لما تعملي دة تحددي نيتك كويس جدا خدي بالك لو النية خالصة لوجه الله مش حتقولي مايستاهلش اعبره
#صحةـنفسية #القوة #الاكتئاب #النرجسي #النرجسية