أثر الضغط النفسي اللي بيمارسه النرجسي على ابناءه بيستمر معاهم طول العمر

٤-الالقاب والمسميات السيئة اللي بيطلقها الواد النرجسي على اولاده ، زي تختخ وسلوع وازعة والكلام القميء دة ، وكل ماكانت الالقاب دي مبالغ فيها كل ماكان احساس الطفل بقلة قيمته و انعدامها اقوى ، وللاسف بتفضل معاه طول العمر وبتحجم اي محاولة للتطوير والتقدم بالنسبة للطفل وطبعا النرجسي نفسه بيفضل محبوس في سجن الالقاب دي اللي لصقها فيه احد والديه ، دورك انك دايما دايما تديه القاب عكسها وتمنعي اي حد يقولها له ولو قدرتي تعاقبي النرجسي بحرمانه من الوقود في كل مرة يقولها حتجيبي نتيجة او انك تخوفيه ان الولد حيطلع كدة فعلا وحيخلي شكلك وحش ادام اصحابك واولادهم حيكونوا كذا وكذا وانت بس اللي اولادك حيكونو وحشين ، التهديد دة جربته مع حالات كتير وجاب نتيجة كويسة .
٥- مفروض ان الطفل عشان ينموا ويصبح انسان سوي محتاج انه يتحب حب غير مشروط ، يعني ايه غير مشروط يعني يتحب سواء هو هادي او حركته كتير ، سواء هو بيغلط او مش بيغلط ومفيش حد اصلا مش بيغلط ، مينفعش نقوله له اعمل كذا عشان احبك ، دة الحب المشروط ، وطبعا للاسف كلنا بنعمل كدة في اولادنا بنوصل لهم ان الحب مشروط وانهم لايستحقوا الحب الا بتقديم المقابل ، يعني مش النرجسي بس اللي بيعمل كدة ، اعمل الواجب عشان المس تحبك الولد المؤدب كل الناس بتحبه ، كل طبقك عشان احبك خليك هادي عشان طنط تحبك ، كل دي جمل احنا والنرجسي بنقولها والنرجسي بيزيد علينا بانه بيعملها عملي يعني ممكن يجيب هدية للطفل بس لو حقق له اللي هو عايزه ويضربه ويؤذيه لو معملش اللي هو عايزه سواء اللي هو عايزه دة صح او غلط يعني مش بيوجهه حتى لاخلاقيات او غيره لا دة بيوجهه للانحراف زي انه يخليه يروح يجيب له سجاير ، يخليه يروح يوصل رسالة غرامية لجارته ، بيستخدمه ويرشيه ويهدده وكمان يقول له عشان احبك ، وطبعا دة بيخلي الطفل يكبر وهو عنده احساس بعدم الاستحقاق وانه مفهوش حاجة تتحب وانه لازم يقدم حاجة عشان ياخد الحب وبالتالي هو كمان مش حيدي الحب بدون مقابل ومع الوقت الطفل بيكبر ويتحول لشخص عنده احساس انه لايستحق اي شيء ، دورك انتي انك تفهمي ابنك انك بتحبيه في كل احواله وانك بتعترضي علي تصرفاته مش عليه هو وانه لما بيغلط انتي بتكوني بتحبيه وحبك له مش بيقل مهما عمل لكن انتي بتزعلي لما يغلط الزعل عمره ماكان معناه عدم الحب ، لازم طول الوقت تقولي لاولادك بحبك بمناسبة ومن غير مناسبة ، لازم دايما تقولي لابنك او بنتك انتي تستحقي الحب وتستحق الاحترام والتقدير ، وعامليهم بدة قبل ما تقوليه ، انا عارفة انك منهكة ومستهلكة لكن عشان اولادك حتقدري تتعافي وتحميهم .
خدي بالك بقى الاهانات بتعمل ايه في الطفل مع استمراريتها وتكرارها ؟
الطفل بيصدق الاهانات دي وخصوصا لما تحصل بعد غلطة غلطها ، زي ايه لما يجيب درجات وحشة في مادة ونقول له اصلك غبي اصلك مهمل اصلك فاشل ، طيب هو دلوقتي عمل حاجة فعلا بتدل علي الغباء والاهمال والفشل بغض النظر هو وصل لكدة ليه وازاي المهم انه شايف ان الاهانات دي منطقية فبيصدقها وبتعيش معاه طول عمره وفيه ناس بتتحطم وبتفشل في كل نواحي حياتها بسبب التلات كلمات دول بالرغم من انهم بيكون عندهم كل مقومات النجاح الا ان ابويهم غرسوا جواهم انهم عمرهم ماحينجحوا ولا حينفعوا ومع باقي الصفات اللي قلناها اللي بيكتسبها طفل النرجسي بتكمل بتصديق الاهانات دي ،
٦- الهجوم المتواصل على الطفل بيولد عنده احساس انه متحمل مسئولية مزاج ابوه او امه السيء وانه دايما السبب في احباط ابوه والسبب في انه مزاجه سيء ودة بيولد عنده الشعور بالذنب اللي برضه بيكون موجود عند ضحية النرجسي ، ، وكون الطفل هدف لافراغ الاحباط النرجسي باستمرار فدة بيطور عنده احساس انه هدف للجميع في كل مراحل حياته سواء مع اصدقائه او مع شريك حياته او زملاؤه في العمل او ….. ودة بيكون بذرة للبارانويا اللي هي جنون العظمة
اكونت الفيس بوك
profile.php?...
جروب ادرس عدوك النرجسي
/ kawthersanad11
قناة التلجرام
t.me/learnaboutnarcisest

[@wafaaelnomrosy2736]

فعلا ربنا ساعدني اني اتخلص منه الحمد لله بحب حلقات حضرتك اوي ربنا يجعله في ميزان حسناتك ياريت حلقات اكتر عن الاولاد علشان اعرف اظبط نفسيتهم ازاي وازاي ينسو الاذي ده

[@abeermajeed7483]

حلقة ممتازة لابد من سماعها مرات ومرات .. جعل الله مجهودك وتعبك من اجلنا في ميزان حسناتك 👍

[@azzanawar8221]

اقسم بالله العظيم أنه فعلا كان بيحصل زمان فى البيت وانا عايشه مع اهلى وفعلا هو بيفرغ الإحباط فى ولاده وكل كلامه مع ولاده شتم مستمر الله المستعان على ما نحن فيه من18 سنه النكد وهم وياحببتى ربنا بعثك لنا قبل فوات الاوان المهم أنه الواحد فاق

[@user-zm1vn1ym9z]

والله يا دكتوره في واحده جوزها قالها أنا عاوز ارجع من بره الاقي الولاد نايمين .مش عاوز يشوفهم ولايقعد معاهم .أنا قلت لها زي ما حضرتك قلتي .أنه فضل من ربنا أنه بيبعده عنها وعن ولاده .بس كنا عاوزين حلقات عن الضحيه بعد الطلاق خصوصا في بيت أهلها النرجسيين .يعني بعد ما تطلع من النقره تقع في الدحضيره

[@Om_haytham15]

مهتمة

[@masterphoneblida2802]

صح مهتمة

[@flower-fh8hl]

مهتمه

[@besure277]

فعلا واحد من ولاده "كبش الفدا " حبيبي حطمه ١٤ سنة بيضرب ويهين واخدته وقلت له ابوك تعبان لا ترد عليه انت ممتاز و ذكي و انسان رائع والولد محافظ عالصلاة وحنون بس ابوه مش شايف حسبي الله ونعم الوكيل

[@slimaniihaman8806]

شكرا جزيلا لك انت فعلا بتقدمي رسالة عظيمة للامهات يلي بعانو من الزوج النرجسي ربنا يجازيك كل خير

[@razanosama9404]

حضرتك يا دكتورة كأنك عايشة معانا ورغم جهادنا ومحاولات الاصلاح الا ان النرجسي يدمر ويحطم فيهم لله الامر من قبل ومن بعد سبحان الله

[@hamada.ah149]

فعلا دى مش حياة ربنا يكرمك ويجازيكى خير عنا احلي حاجة فيكى بتحطى ايدك بالظبط عالمشكلة وبتشخصي صح والاحلى والاجمل انك بتعرفينا حل المشكلة ونتصرف ازاى اقسم بالله انتى هتتدخلى الجنة عشان كل زوجة لنرجسي بتبقي على شفا الجنون او الانتحار او.. او... وانتى اللى بتنقذيها بالعلم والخبرة والفهم الصحيح والتعامل الجيد مع المشاكل ربنا يجعل كل دة فى ميزان حسناتك ان شاء الله.. بحبك اوى ❤️❤️❤️❤️❤️

[@mikeysenju4620]

كان نفسي ماما تكون مستقلة ماديا عشان تبعد عن الشيطان دا و تبعدنا عنه معاها لكن واضح مفيش امل غير ان انا اللي اجتهد و استقل

[@Mamamama-ek8rc]

دائما في القمة ،جزاك الله خيرا.

[@user-ff6bw3oz6s]

كلامك جميل وليس كثير ليتكي تكثرين♥️

[@user-se4sl7gh2o]

جزاك الله خير الجزاء نورتينا في اشياء كثير الله يكتب اجرك 👍🏻😍

[@kenzysaeed6633]

حلقه اكثر من رائعه بارك الله فيك استاذه كوثر والله المستعان على ماابتلينا

[@user-by6xy1gg8f]

حلو جدا دايما مميزة يا استاذة ...كنت محتاجة جدا للفيديو ده ...جزاك الله خيرا

[@midou7722]

ألف شكر يا أستاذة على كل مجهوداتك !أنت رائعة بمعنى الكلمة 👍

[@jasmin8548]

جميلة و رائعة كالعاده و كلام بيوجع القلب🥲

[@midou7722]

ننتظرك بفارغ الصبر

[@sarahyahya3627]

الله يا دكتوره كلامك كله صح سبحان الله الذي اعطاكي والعمك للعلم كل ما بسمع حق الاطفال بيدمعوا عيوني وعيشه بنفس الموقف مع مضطرب حبسي الله ونعم الوكيل

[@koky6463]

جزاك الله كل خير...ياريت تدعمينا دوما بفيديوهات متل هذه 🌷🌷

[@user-ew1wc4qz5u]

ربنا يكافيء حضرتك على مجهودك و حرصك على إفادتنا

[@nibalnasr742]

ياربت حلقات عن بناء الحدود والثقة بالنفس وجزاك الله كل خير ورفع قدرك بين العباد

[@najetbenbacha9121]

شكراً جزيلا على هذه النصائح القيمة أنت اديتينا شحنة معنوية كبيرة ،انا جوزي أثر على ولادي تأثير كبير و و يقلل من قيمتهم دائما لكن الحمد لله عوضتلهم وادتهم الحب والحنان والاهتمام... ربنا يدينا القوة والصحة ونكمل المقاومة 😥😥

[@user-zd5xp6tx1j]

الله يباركلك يارب ويجعله فى ميزان حسناتك

[@yassmineyassmina6502]

حلقة رائعة دكتورة الف شكر لك وتحية طيبة لك من المغرب

[@sallyalaasar5127]

حلقة ممتازة.. جزاك الله خيرا

[@user-jq1rk6ne9b]

انا لو اقدر اديكى الف الف لايك هعمل كده جزاكي الله عنا كل خير وربنا يزيدك من علمه احبك فى الله 🌹

[@ekhlasturki6778]

جزاك الله كل خير ...كلام مفيد جدا ..لكن الحلول صعبه جدا جدا ..ربنا يكون في العون ..الله غالب

[@MARIOWORLD-jq5so]

اشكرك هدا تحفيز لينا يترافع من معنويات

[@hodhod6300]

النرجسى - بلوتى فى الدنيا اللى ابتليت بيها - بيوعد ولاده بأى هدية لو نجح بس لازم يخلف وعده ولو ابنه فكره بوعده لازم يدور على سبب يكسر هذا الوعد ولا ليزمه به فيضع شرط جديد لم يكن موجود ليس له علاقة بالموضوع نهائى . منافق كما قال الدين إذا وعد أخلف .

[@aboora2344]

شكرا شكرا لك بالعكس كلام حضرتك مفيد جدا ربنا يمتعك بالصحة والسعادة

[@faridaelbehery]

ماشاء الله تبارك الله الحافظ استاذه كوثر 🎉🎉🎉🎉🎉🎉

[@yamb8971]

ربنا يبارك فيك ويجازك كلامك بلسم

[@flower-fh8hl]

بكيت وبسمع الفديو يارب ارحمنا من هل عذاب ثقل كبير والله تعبت الحمل ثقيل ربنا يعينا ويقوينا علشان نسند نفسنا ونحاول نسند عيالنا .

[@reem.bateisha]

الله عليكي في انتظار المزيد

[@ommohammed6274]

كنتي فين من زمان أكثر من ثلاثين سنه كنت لاافهمه. ما أسعدني الان انى فهمته يارب اخطي بأمان مرحله التشافي كل كلامك وتوضيحاتك مفيده جدا جدا

[@nazihamosbahi4046]

والله نحنا كنا نضرب من الاهل وكنا تحت المراقبة المستمرة ثم امهاتنا مكنوش يتعبو معنا مثل ما نتعب مع اولادنا زمن بشع ومتعب

[@kenzysaeed6633]

الله يباركلك يا استاذه كوثر

[@yousryaibrahim746]

اكتر من رااااائعه...با رك الله فيكي

[@nounouyah4656]

ولادي تعبو. من شتايمو. كسر نفسيتهم. وانا السبب لاني تجاهلتو. اعمل ايه اركع زي ما كنت عشان يسيب الأولاد. والله غزابي زاد. حسبي الله ونعم الوكيل

[@user-id-kawthers-sanad]

لا حبيبتي لاتركعي ادعي في الليل ربنا يفرج كربك وفهمي الاولاد لايهتموا ويتجاهلوه ويبعدوا عنه على اد مايقدروا

[@raniafarouk7562]

نفس الكلام حسبي الله ونعم الوكيل

[@user-ew1wc4qz5u]

الله يكفيكم شره

[@salmalaaroussi4116]

لاتتراجعي اختي ألجأ إلى الله واكثري من الدعاء والاستغفار وربي حيساعدك وتابعي نصائح الدكتوره كوثر

[@Raniya425]

الحمد لله رب العالمين أن أعطاني الصبر ومازلت أجاهد من أجل أولادى ..هو يحطمهم حتى الآن

[@sanachrifa4730]

جازاك الله عنا خيرا

[@taghridabdelhamed6001]

حلقة رائعة حاجات كتير مكنتش فهماها

[@mayorreada2784]

جزاك الله خيرا

[@raedz7792]

جزاك الله خيرا. هل يوجد في الكتب عن كيفية التصرف للابن الذي يطبق عليه النرجسي اسلوب كبش الفداء؟ كيف اقاوم هذا الاسلوب.وشكرا.

[@user-id-kawthers-sanad]

حبحث حاضر

[@bushrakarim3769]

الله يحفظك من كل سوء

[@Zakaria54232]

بارك الله فيك

[@manarfouad3954]

والله بتنشيلنا من عز الهم وبتدينا امل

[@MM-BMY]

مجهود رااائع وعلم غزير ربنا يعزك يااارب الحلقات دي كنز والله لان مش الكل هيتاح ليه اللجوء لمختص نفسي عايزة اضيف إضافه بسيطه بس ان دايما تفهمي الاولاد طالما عملوا اللي عليهم وبروه وما قصروش يبقى يعرفوا من جواهم ان it's all about him يعني علشان مايحسوش بالذنب طول الوقت لأ في مرحلة ما لازم الولاد يفهموا طريقة تفكيره ويتعلموا ما يتأثروش بنظرته هو للعالم لكن يشوفوا العالم بعينيهم هم وبعيونك اللي مليانه حب وتعاطف وايجابيه ودايما كل ما يستغنوا عنه كل ما قبضته عليهم هتقل كل ما يبينوش نقاط ضعفهم ما يعرفهوش هما بيحبوا ايه وبيكرهوا ايه او ايه اكتر حاجه بتوجعهم زي ما قلتي البعد هو الحل لو مش مكاني يبقى عاطفي وبالله عليكم يا امهات اوعوا تتحولوا لقرود طائرة للنرجسيين واعوان ليهم خوفا من بطشهم عليكم اوعي تبقي بوق ليه وسط ولادك اه بتعلميهم البر لأن احنا مسلمين لكن في نفس الوقت بتحميهم بالوعي وبتعلميهم يحموا نفسهم ويبقى عندهم حدود شخصيه على اد ما الموضوع صعب على اد ما الولاد لو اتعاملوا صح من الأم بيخرجوا عندهم خبرات نفسيه مش زي غيرهم .ربنا يبارك في اولادنا جميعا ويحفظهم وينجيهم

[@rimaalbasha1323]

الله يعطيكي الصحة وبارك الله فيك على هذا الدعم وما لنا إلا الدعاء لأولادنا بالصلاح والهداية والبعد عن اذى هذه الشخصيات المسممة والله يحمي اولادنا يارب والخلاص من الأذى النفسي الذي سبب لهم

[@Umtota119]

سبحان الله كل علامات المنافق فيه من بدايه اذا وعد اخلف الخ

[@user-nf4yc3qz7w]

السلام عليكم انا اولادي دمرهم نفسيا حسبي الله ونعم الوكيل فيه

[@Umtota119]

انا بفتره علاج نفسي انا ويناتي الله ينتقم منهم

[@abeerseif6633]

حسبنا الله ونعم الوكيل تعبنا اووووى

[@abeerseif6633]

كان مش شايف البنات كان بيستخدمهم ليستفزنى بيهم وفرق بينهم عشان يخلى البيت دايماً فى قلق احنا خرجنا من بيته عشان احميهم منه واحمى نفسى انا كمان

[@fatenfadel4664]

انا وصل ابنى وبنتى لحالة انهيار لدرجة أن ابنى كان مش بيطيق يسمع صوت أبوه وكان بيقطع ف وشه ويقول ابعد عنى وهو عمر 11سنة وطبعا ده كانت بدايه المراهقة وأبوه مش فاهم ده والبنت صرخت وتشنقة بسبب كلام ابوها ولما كان بيدعى على اخوها .. الحمدلله أنه مشى من البيت كانوا عيالى هيضيعوا لولا ستر ربنا ورحمته بينا

[@nohaahmed3044]

جزاك الله كل خير.. انا استمريت فى علاقة صداقة مع نرجسية واذتنى اذى غير عادى ربنا ينتقم منها.. السؤال انى طول الوقت منتظرة انتقام ربنا منها ومبيحصلش حاجه بالعكس سعيدة وكل الناس تحت رجلها حرفيا.. ازاى اشيلها من دماغى

[@maryamamraoui9669]

شكرا لك فعلا انا محتاجة كيف احمي اولادي منو لانه فيروس مدسوس بيننا

[@user-kg4jn4lh4s]

ممكن تتكلمي عن تربية الأبناء وجزاك الله خيرا

[@zohradellaa4921]

ربي يحفظك

[@minabenahmed527]

السلام دكتورة اشكرك كثيرا هل من الممكن الاتصال بكِ أرجوك ؟؟

[@nawalmohamed3696]

حسبي الله عليه ابنائي ياخذون علاجات اكتئاب ومحاولات انتحار

[@sanaoumwael6836]

تحياتي

[@hanamost7006]

ربي نورك

[@loaysalim6257]

اعمل اى ابنى داخل على المراهقة وكأنه تشبع من شخصيه ابوه بسبب تصرفاته الغلط وأصبح بقى يعملنى سئ جدا وبعض زواج ابوه بقى يحملنى السبب اعمل اى وبقى خلق ضيق جدا

[@ghadaibrahim301]

موفقه دكتوره حلقه جميله

[@user-er1yv9rq3t]

استاذه كوثر اذا صار انفصال والأم نرجسيه هل يكونو في حضانتها او يكونو في حضانه ابوهم سؤال مهم جدا جدا

[@user-ss3qv5tv3b]

ربنا عوضني لولادي هما متجوزين وحنئنين عليا ومتحفظين علي ابوهم

[@yossefobama6016]

بيهز العيال وزعيق واقذر الشتام وضرب والعيال مش عاوزين يتعامله معه وأنا تعبت من وجوده فى البيت رغم أن العلاقة مقطوعة أكثر من ٥ شهور وأنا من كتر الضغوط مش عاوزه ابص في وشه ومبوظلى الغساله علشان أغسل على أيدى والسخان فى عز الشتاء العيال بيقوله إحنا سقاعنين يقول ممعيش فلوس وألو حد طلب منه حاجة ممعيش فلوس واللى مش عاجبه يمشي الباب يفوت جمل اعمل ايه أنا فى نار غير إنتى فشله واقذر الألفاظ والعيال نفسيته زفت

[@user-id-kawthers-sanad]

هو عايز يخلص منكم اوعي تخرجي من البيت ان شاء الله يزهق هو ويمشي

[@esjshshehh1577]

ماشاء الله نصائحك ممتازه لستات لكن تركتي اخوانك الرجال كيف يحمون ابناءهم من النرجسيات الذي قد يكون المهم اصعب عليهم لانهم قد لايستطيعون ابعاد الاطفال عن امهم ابد

[@umloly_2016]

تفريغ الاحباط هاد اكبر شي كنا نعاني منه

[@fofatota5147]

كل ده حصل لطفلي لأول وأنا ضميري مش مرتاح لأني معرفتش انقذه من ابوه وضاع مني

[@user-id-kawthers-sanad]

مفيش حاجة اسمها ضاع ادعي ربنا ومتيأسيش

[@fatenfadel4664]

لو سمحتى يا دكتوره عايزه اعرف ادخل اونلاين اذاى من زووم والمواعيد ايه

[@UserRoza509]

بالنسبة للنرجسي الي كنت معاه هو خفي كان لطيف مع اولاده ونادر جدأ لما بيعصب عليهم ويتكلم معاهم ويضحك معاهم وينصحهم وبيساعدهم في المذاكرة ويدفع لهم رسوم المدرسه وده إلي مستغربه منه ده الي بشوفه قدامي وهما بيحبوه هو بيرسلهم على طول يشتروا له سجاير والحمدلله انهم مابيدخنوا شيء محير المهم الحمدلله اتخلصت منه بعد معاناة طويله

[@lolaahmed7213]

حبيبتى 💖 جزاكى الله خير الدارين.. فتحتي ليا طاقة امل ونور انا وولادى بعد الجحيم اللى عشناه والدمار النفسى اكتر من ٣٠ سنة ولاقيت انى كنت ومازلت باعمل كتير من اللى حضرتك قولتيه لحماية نفسى وولادى اجتهادى كدة وبغريزة الأمومة بعد سنوات كلها عذااااااب قسوة رهييييييبة وبإذن الله احاول اشارك معكم

[@maryahmad7426]

زوجي عندو نفس صفات النرجسي ...وصلت لمرحله لا تطاق الحياه معه ...قدرت اتركه بدون طلاق لكن اريد ارشاد

[@fatenfadel4664]

فعلا حاول يشوه صورتى أمام اولادى بس الحمدلله الحمدلله قالوا بالوهم اذاى يا بابا انت شايف ماما بالشكل ده طبعا ماما مش كده ايوه واحنا عارفينها كويس واكتر منك الحمدلله الحمدلله

[@user-ss3qv5tv3b]

احتويت ولادي وخلتهم في صفي

[@user-qo8ch1lr8i]

للاسف انا بدعى الى بباهم طول الوقت حطناىفى داءره مش عارفه اخرج ننها انا بكره نفسى وولادى وكل حاجه

[@khadijanafti3232]

جازاك الله كل خير 🙏 انا بنت نرجسي منحرف عانيت كثيرا و إلى الآن و للأسف امي لم تكن بالوعي الكافي لتساعدني بل زادت على الطين بلة كانت تؤنبني هي أيضا و تكون بصفو دائما حتى انها تتهمني بالعقوق انا عمري 37 سنة و إلى الآن اعاني من آثار ما تلقيته من عنف جسدي و معنوي في طفولتي و إلى الآن ليس لديا ثقة في نفسي ضائعة تماما ليس لديا شعور بالاستحقاق لأي شيء ارجو منك المساعدة ان أمكن

[@selma77442]

انا مثلك ونفس عمرك بس انا حيرانة رغم كل شي كنت بحبهم والان صارو يعملولي مشاكل في حياتي مع زوجي النرجسي كذلك. وانا تقطعت الف حتة وتهت وكل واحد فيهم بيهددني بظلم الثاني مش لوحدك ربنا معانا. للأسف الام كانت مسانده في كل شيء. حتي فلوسنا عاوزة تخذها وتديهاله وتحسسنا بالذنب لأننا نصرف فلوسنا على نفسنا.

[@user-qo8ch1lr8i]

فات الوقت وكانو على طول شايفنى مرمطون

[@salmalaaroussi4116]

الحمدلله نجحت فتربيت أبنائي بيحبوني وبحبهم جدا وعايشة عشانهم هم كل حياتي لكن واحد من ابنائي اكتشفت مؤخراً انو له صفات نرجسيه يمكن لانو تعرض لصدمة كان حابب يدرس في إحدى المدارس لكن تعذر عليه ذالك ونعتوا ابوه بالفاشل الآن أشعر انوا معدش بيحبني وكئيب معرفاش أتعامل معاه بتألم يا دكتوره ارجوك ساعديني كيف أتعامل مع إبني 🙏

[@user-id-kawthers-sanad]

حعمل ان شاء الله حلقة عن الموضوع دة ادعي لي اوصل لمعلومات كافية

[@Thiziribdelmalek8531]

@@user-id-kawthers-sanad انا وماما نستناكي بفارغ الصبر، يا رب تقدري توصلي وتعملي الحلقة، بندعيلك، انتي ساعدتينا كتير، مارح ننسالك مجهوداتك وتعبك على طول بندعيلك، تحياتي الحارة من الجزائر.

[@salmalaaroussi4116]

@@user-id-kawthers-sanad احبك كثير دكتوره وبدعيلك من كل قلبي توصلي لمعلومات اكثر انا بتابعك دائما واعتبرك منقدتي الله يوفقك😘

[@mari-lp3og]

دكتورة انا بقيت عصبيه جدا مع ولادي وحاسه اني اعذبهم من وره زوجي النرجسي

[@superidol7216]

احذري ان يستطيع جوزك المريض الضعيف يجرك لدرجة انك تؤذي فلذة كبدك اعرف واحدة جوزها النرجسي يعذبها دايما و هي تفش قهرها بابنها لدرجة انها حاولت مرة تخن.ق ابنها عوضي عنف النرجسي الى حنان مضاعف

[@user-jn2mb8im6r]

حبيبتي دكتورة زوجي نرجسي واكتشفته وقطعت علاقتي بي ولكن بنتي عندها ١٦ سنة وعندها جزء قليل من تصرفاته وتحقد على اختها ٨ سنوات كيف اتعامل مع هذه الحالة تكلمت بحنية وما فاد الكلام

[@naglaamohamed6550]

نفسي حد يرد عليا اعمل ايه ف علاقاته النسائيه!!!؟

[@amel-ux1hm]

يقول لابنه انا مليت منه قدام الطفل على طول

[@user-el1cb3sn2p]

والله يا دكتوره جوزي كان بيخلي بنتي الصغيره تنقل له كل اللي بيحصل في البيت وهو مش موجود ويقول لها هجيب لك شيكولاته وحاجات حلوه

[@haseebrehman8076]

ما نقدر نبعدهم عنه هوه متحكم فيي والاولاد

[@user-qo8ch1lr8i]

منهكه جدا وصعبين اوى والماديات وقعهولا ببحضنونو ولا رجاله للاسف انا حزبنه انا بسحت الولادةالثغيرين انا بهبن ولادى من الصغط

[@user-ir5sl3ms7c]

🙏🙏🙏🙏🙏 شكرا شكراً 🙏🙏🙏🙏

[@abeerrashad8405]

هل ممكن اقول لاولادي الشباب ان ابوهم نرجسي علشان يتعالجو واحميهم منه

[@maryahmad7426]

لو سمحت ممكن اتوصل معك ع الخاص

[@seline5656]

هو شخص مش طبيعي مينفعش يتجوز أصلا

[@yosrashaalan7442]

انا عندي قناة على اليوتيوب عن التربية و فيها فيديوهات باتكلم فيها عن الحب غير المشروط و تأثيره على تكوين شخصية الطفل و علاقته بأبويه يا ريت تشوفيها و تشتركي و تدعميني بالشير

[@user-ss3qv5tv3b]

هو مش بيدي مكافأته ولا حاجه هو بيأنب فقط

[@user-ds9sm6lb6i]

والله النرجسي مكان السجن او مستشفي المجانين

[@dollyfoad]

ارجوكى يادكتوره تردى عليا اعمل ايه النرجسي عامل صمت عقابي وانا بعامله بنفس معاملته ومش فارق معايا خالص بس هو بيحاول يشد ولادى ليه ويحسسهم انى مليش لزمه في حياتهم وعاوز ياخدهم ويسافر في العيد عند اخته ويسيبونى لوحدى هو دلوقتى بيلاعبنى بيهم انا طبعا مش ببين انى متضايقه لكن بصراحه بغلى من جوايا وخاصتا انى عارفه هو عاوز ياخدهم بس علشان يضايقنى

[@samahsamah1961]

شكرا دكتوره على هذه المعلومات جزاكي الله كل خير عندي مشكله زوجي ديما كان يقول لانبي وهو صغير انت هتكون السبب في طلاقي من امك الان ابني شاب وكل ما تحصل مشكله بيني وبين والده ويكون سببها الوالد ابني يقلق ويتوتر ويقول ليه زعلتيه صالحيه ويخاف من كلمة الطلاق انا اتصرف معاه ازاي وشكرا لك

[@Rehab-tn2ot]

ياحبيبي انتي دلوقتي فهمتي وهو ماشاء الله كبير فلازم يتوعي ويفهم هو كمان انه مايحملش نفسه ذنب هو ماعملهوش ويفهم ان ابوه مضطرب نفسيا ميحاولش يعالجه لكن يعالج نفسه ويتخلص من عقدة الشعور بالذنب اللي ابوه زرعها له انا كمان اللي عندي بيقول لابني كده وبيهينه ويشتمه لما يتخانق معايا وانا القي قوية فيحاول يكسرني بيه ربنا ينتقم منهم المهم لازم توعي ابنك وتفهميه انه ميتحملش دنب هو ماعملهوش وهو لو عايز يطلق حيطلق بدون سبب دي مجرد حجة بيلجمكوا بيها عشان تفضلوا تحت سيطرته ومتحاولوش تعترضوا عليه في اي شئ

[@user-qo8ch1lr8i]

للاسف ادمرو وكبرو وبقم اصعب من بباهم وجدتهم حتى المدرسه منها لله وقفتلهم على الواحده

[@mari-lp3og]

فـ؏ِـلاً لا يعرف الصح من الغلط ويعلم اطفاله حاجات مخالفه للصحه والاخلاق

[@wafaal3920]

امي نرجسية 🖓

[@Thiziribdelmalek8531]

أنا أبي النرجسي💔

[@369_Neveensorour]

انا جربتها ربنا يعينك

[@nashwaelezbawy8506]

امى كانت نرجسيه ..الله يرحمها ..

[@farhg1912]

فعلاا كلامك صح جدااا كل شي احبه يعمل عكسه تمامااا اكلمه نظف الشعر واحلق شعر وجهك يضايقني ابدااا يخليه يكبر اتنظف واتعطر يقول انا متوضي دايماا ومعه زوجه اولي في الريف وويشتري لها حاجات بسيطه اقله اعدل قال معك والمهم طمع وجشع ووحتا لو معي اشياا ياخذها ويحلف يمين علي يقلي زوجك حلف خلاص وبيتحجج بالدين دايمااا ومستغل ويغيب عن البيت ويقول عقاب لغلطك ويجي فجاه هو واولاده وعارف انه ماحب الدخول فجاه محاصره بالتلفون ويفتش الاتصاالات ويقول الزوج والزوجه عادي مافي كرامات بينهم واحد وغيره علي يقنعنني

[@farhg1912]

اشياا كثيره جدااا تضايق جداا كنت استغرب كثير من هذه التصرفات اول ماحملته مسووليه وقلت كمل بناا الارضيه كان يصيح ويتكلم ويتشنج والمهم ماتحمل وكانني عدوه له يعاملنا بغضب كبير ولما قلت له اكتب البيت لنا ماوافق وصيح وقال لااا انا ربي بيحاسبني ولاتدخلي بهذه الامور وكثير من الاهانات وكلما اطلب الطلاق ويقول روحي للمحكمه المهم وقت مامرضت بالسرطان ماوقف معي والفلوس ماقدم كثير ويقول للناس اني ببيع حتا ثيابي واعالجها ومرواغه وبالاخير لما اشتكيت به لاهله رجع جاب الفلوس وملايين علشان هددته بالطلاق ورجع كانه ولا شي حصل بس الان افكر في خلعه افضل وباذن الله يحكموا لي باولادي بس صغار بخامس ورابع

[@wafaaabouelaizza8284]

انا ضحية ام نرجسية .انا الاولي امي حملت بعد مكان عمري 7شهور اخ بعد سار عمري 3سنوات كانت مش بتحبني لدرجة انها قالت لي خالتي خديها .اخدتني خالتي كانت شعالة في معمل .مقدرتش توفق بين شغل بيني .خالتي اخدتني عند جدتي .مصيبة ان جدتي كانت تسافر كتير لحد كبير .ما قدرتش علي كنت صغير.جدتي اخدتني عند خالي . زوجت خالي هية احلا اروع ام كانت تحضني تبوسني كانت تحبني كتير عندها 3بنات مفرقتش بنا ابدا كنت معها لزقة فيها ولكن خالي اخدني عندي امي مرة اخري مرضت كتير عندي لان امراض مالي كان عمري 7سنوات امي .شوفتني جميع انواع تعديب .كانت تقول لي شغالة تحب اخي كتير اقسم بالله انا عمري 32سنة لحد ليوم معتبرني ضيفة عندهم حتي اني اشك انها امي.حمدالله احب ربنا كتير ولكن اني اشوف نفسي يتيمة معتبرها زوجت اب كي اعيش بسلام نفسي .

[@seline5656]

النرجسي 💩💩💩