Рет қаралды 76,790
#جميع_الحقوق_محفوظة
السلام عليكم 👋🌹اخواني اخواتي..لطلب التصاميم ولارسال الصوتيات والمجالس الحسينيه ونشرها في القناة👇🏻👇🏻👇🏻
للتواصل مع المصممه برائة العشق الحسيني👇
t.me/ABRAR5325
رابط قناتي التليكرام نشر قصائد الشعراء والشاعرات + تلحين
t.me/Wounds_As...
#حـصـريـ#الشاعرة_نورس_الحلفي
الرباب اليوم متوجله اعله ابنها
طول الدرب وتلولي اعله ابنها
گلبي يخاف ياويلي اعله ابنها
منها تاخذه وسفه المنيه
ــــــــــــــــــــــــــــــــــــــــــــــــــــــــــــ
خل اشمك يمه واشبع شوف منك
خاف نبلة حرمله تبعدني عنك
خل الوليلك وانام
لاتفرگنه السهام
خل اشمك يمه خل اشمك
ــــــــــــــــــــــــــــــــــــــــــــــــــــــــــــ
نطيني نحرك يالمدلل خل اشمه
خاف نبلة حرمله تحرمني منه
گلبي حسبات المفارگ لوعنه
گلبي ضل خايف عليك
كربله تفجعني بيك
خل اشمك يمه.. خل اشمك
ــــــــــــــــــــــــــــــــــــــــــــــــــــــــــــ
گلبي يمه يلوج من هذا السفر
بحضني انيمك وانه يحلالي السهر
وانت نايم وانه عيني اعله النحر
نحرك الكله ترافه
ينگطع يبني حسافه
خل اشمك يمه خل اشمك
ــــــــــــــــــــــــــــــــــــــــــــــــــــــــــــ
تمر الايام وانه عله بدليلي
نهاري يخلص بالبجي وبالحسبه ليلي
يخله منك باجر ويفرغ شليلي
ومنك انت يصير قهري
ليش يا شمام عمري
خل اشمك. يمه خل اشمك
ــــــــــــــــــــــــــــــــــــــــــــــــــــــــــــ
شلون يافرحة زماني لو رحت
احسبني بغيابك يعبدالله متت
انه من هسه ييمه تعذبت
گرب موتك گمت احس
گلبي يرفسني رفس
خل اشمك يمه خل اشمك
ــــــــــــــــــــــــــــــــــــــــــــــــــــــــــــ
گرب موتك لو وصلنه لهالبلد
هنانه نتفارك وماشوفك بعد
انعصر گلبي عليك ياوجه السعد
صعبه يبني فرگتك
شلون احمل غيبتك
خل اشمك يمه خل اشمك
ــــــــــــــــــــــــــــــــــــــــــــــــــــــــــــبقلم خادمة اهل البيت ـ ع ـ
#الشاعرة_نورس_الحلفي
اسألكم قراءة سورة الفاتحه الى روح والدتي ولأمواتكم
غير مبري الذمه اليحذف الاسم وينسب الكلام له
t.me/nawrasalh...