قصه جوليت واسرها الجزء الثاني

[@سمرحميد-خ6ر]

شكد جنت منتضره أول تعليق

[@قصصواقعيهحقيقه]

موجهه علئ عاصم وخرطه خرط ... صرخت بصوووت عالي...لاااا عااااصم خوووويه عاصم... هو نزل من سيارته وضل يباوع العاصم الي يرفس ويشحط بدمه واني الطم وابجي واصرررخ... جان المكان مكطووع بس السيارات تخطف منه باوع بجبروت وانتقام لعاصم وتكلم من بين اسنانه...هاي نهايتك يا عاصم علئ ايدي هسه رجعت بيه الروح واجيتني برجليك اكو ناس تفوت بسياراتهم نزلوا منها ساعدوني نشيله ونخلي بالسياره ... وبعد ما شفت جاسر بينهم.. ..................... الحزن المفاجئ الي ينتاب الشخص من دون سبب تفسر علميا... بأن هو دفعه لمواقف اخيره اتراكمت بالماضي وانت جنت بيها صامد وصلب... قبل لا تجي خالتي ام هاله بدقايق انتابني نوع من الحزن والكآبة استعاذيت بالله من الشيطان الرجيم ومسحت على صدري بايمان اوووف ياربي انت جاهي انت حبيبي ارحمني يا ارحم الراحمين وطيب خاطري يارب... كعدت علئ الدرج كلت يمكن لان رهومه مريضه واني،حييل احب ريهام وهي متستاهل المرض سحبت نفس وزفرته شفت شهد طلعت من غرفتها اجت كعدت يمي، كالت...خير كاعده الوحدج بدل هل كعده جان عجنتي وخبزتي غمضت عيوني واني اصبر نفسي يالله هاي شتحجي عبالك عمتي ام رجلي جاوبتها بهدوء...عدنا خبز فرت شفايفها بطريقه سريعه كالت...شفتي نويله رجعت عزا بعينها ماطه براطمها مط بس هي حلوه ترا بس هااا مو احلئ مني لان اني علئ الطبيعه هي متصنعه هزيت راسي بأي جرت نفس وكملت...هو جعفر جذب علئ،بابا وكال طلكتها وهو جذب ممطلكها وبابا لو يعرف يطلكني لان ميصير هيج طلعتوا جذابين كلتلها بملل...اكولج انتي مو تدرين بي متزوج شكو قبلتي وكفت وتخصرت بعصبية...كولي بعد كولي اخذته من نويله عيني حبيبتي گلبي ترئ جعفر حبيبي من قبل لا يموت حمايه زوج نويله وهي اخذت جعفر مني ابتسمت...اي صح نسيت رجعت كعدت وضلت صافنه بوجهي كالت بحسره ...جولي هنيالج عقدت حواجبي باستغراب...ههه علئ شنو هنيالي؟ رجعت وكفت بحماس كالت...اممم ذاك اليوم شفتج تغسلين بالملابس وجاسر تعارك وياج ولزمج من خدودج حيييل باصابعه وهو عصبي ناااار شكد جان الموقف قاسي بس شكلج كيووت جنج كطيوه ههههههه ضحكت وهزيت ايدي...هههههه علئ هاي هنيالي رديت بلهفه...لااا لااا بس انتي اجيتي زعلانه للمطبخ واصابعه من لزمج مختومه بخدج شكد حلو وجهج صافي والطبع احمر شو اني مره ابوي ضربني صرت زركه هههههه... فإني اكول هنيالج علئ بشرتج صافيه وحلوه شنو تستعملين الها والله متت من بشرتي بيها حب وخليت درمودين وكوادريم وبتنوسام وما فاد ميروح رفعت حواجبي بصدمه...لااا عزا لا تستخدمين عصاصير تتلف البشره اولا انتي،بعدج مراهقه وهذا حب شباب اذا حابه راجعي دكتور احسن يجوز عندج حساسيه جرت نفس...اي،ان شاء الله اروح للدكتور احسن خلينه ورحنه ننضف ونشتغل بس اني اليوم كووولش ضايجه هماتين علئ ريهام وهماتين اكو شئ بداخلي ياذيني... ريهام ما نخليها تنضف ابد بس اني وشهد ونوال مخلصتها حامل ما اكدر... ونوال ما تعرف بريهام مريضه صلاح كال لا دكولون هاي فتانه واخاف دكلها انتي مريضه وتخبل البنيه

[@قصصواقعيهحقيقه]

واحنه هماتين ابد ما حجينه... شويه ودخلت خالتي ام هاله تلطم ...يمممه يمممه ولكم الحكوا اجينه نركض عليها وخالتي ام فلاح لزمت ام هاله وسالتها بخووف...شبيييج خيه شبييج شكو ليش تصرخين ردت بمكر عود هي مقهوره...اليوم تصير ملحمه جاسر لعب لعب جاااسر كتل عاصم صدمه الجمت كل حواسي و وكع الصحن من ايدي همست بقهر وروح مسلوبه ....عاصم مااات كتله جاسر باوعتلي،وهي تلطم كالت بصياح...اي كتله عمج و ولد عمج خابرهم حازم وكلهم جاسر كتل عاصم وراحوا للمستشفئ كالو مااات تجمدت اعضائي وتيبست الدموع بمحاجر عيوني جسمي كله ماات اعصابي كلها وكفت... باوعتلها بعدم تصديق وصدمه...كتللللللله كتلللله لااااا لااااا وين لكاه اصلا وكتله لا تقهريني احجي لطمت علئ وجهه وهي تصيح...عزا العزاني راح يصير كاتل ومكتول الدم راح يصير للركاب محد يسكت عن ثاره محد الكل متخبل لزمتها من اكتافها بقوووه وهزيتها بنهياااار...شلووووون كتله شلوووون هو مو هنا اصلا عاصم مو هنا هاي اكيد لعبه منكم انتم ساس البله انتم اصل الفتنه عاد هي دفعتني بغضب ...انجبي لج ولج اني خالتج ومرة عمج هيج تحجين وياي فوك ما جاي اواسيج علئ اخوج بس انتي تضلين طول عمرج حقيره وكلبه احنه طلعنه ساس البله يا سوسة البله ضليت اشهك واصرخ من كلامها وهي،كملت بعنف وبدون رحمة ....كتله جاسر واخذ حقه منه مجرم وبرگبته تلاثه ويستاهل القتل بس احنه نكول ابن عمنه وابن اختنه لازم نتاثر عليه اله هو ما يستاهل البجي وبشر القاتل بالقتل حطيت اديه علئ اذاني ما اريد اسمع كلامها اللاذع دفعتها بكل قسوه ...اطلعييي بررررا اطلعييي جذااابه الله لا يوفقكم الله ينتقم منكم صرخت بصوت عالي ما عاش اليطردني من بيت اختي اصلا انتي مالج مكان بهل بيت بيج خير اطلعي بكرامتج زوجج كتال اخووج وانتي نايمه بحضنه صدك ما تستحيين كلامها مثل سم ويدخل بجسمي خلتني تهسترت ما عرفت شنو اسوووي احتاريت ابجي،الطم انوووح نقذتني ماما رضيه من حجت وياها بغضب كالت ...اطلعي برااا اطلعي انتي شتحجين وشكو جايه اذا جاسر كتل عاصم تحطين للنار حطب لو شنو سالفتج اطلعي يالله طاحت بيها وطردتها وقفلت الباب وخالتي ام هاله ضلت تسب وتغلط علئ ماما رضيه .. باوعت الخالتي ام فلاح جانت ملامحها جامده متعبر عن اي شئ، ونوال فرحاااانه وكل شويه وكالت...يارب كوون الخبر صحيح نذر عليه رايه بيضه علئ،طول باب البيت اعلكها بس،كون هل كلب صدك فطس وثار فلاح اخذه جاسر... ريهام جانت واكفه هي وشهد ومستغربات من الصار بس جانت ريهام تتصل علئ جابر وكل شويه وكالت...جابر رد ويين رحت وييين يالله بس لا صدك كتله والله نروح بيها تصير ثارات بين العشاير... حطيت ايدي الراجفه علئ شفايفي وگلبي احس حيطلع من مكانه يربي الخبر جذب ياااارب فدوه اروحلك كون الخبر جذب... ضليت افتر بالحوش تحت انضارهن وافرك باديه بتوتر وبطني احسها سجاجين تكطع بيها ورجليه وحده تضرب بالثانيه من الخووف واردد بكلمات الله التامه واطمن بنفسي يارب ان شاء الله جاسر مو قاتل ان شاء الله ... توسلت بماما رضيه تنطيني موبايلها اخابر علئ،جاسر استفسر منه وهي،خطيه مقصرت انطتني الموبايل خابرت كم مره يطلع مشغوول لو هو يكطعه دخل صلاح وجعفر بس شنو عوود مرتبكين وحسيت بيهم مضجوجين خفت وما تشجعت وسالتهم ولا تجرأت خفت حييل ... ماما رضيه وخالتي ام فلاح راحن وراهم وتقريبا عشر دقايق وطلعوا كلهم شفت صلاح خله السلاح بحزام بنطرونه وفوكاه الستره مالته ... رغم كل الاحداث ورغم كل الي صار بس اني دا اكذب الحقيقه ماما رضيه وجهه صااار اصصصصصفر وام فلاح وجهه ينطق بالجبروت... بس وحده تباوع للثانيه حسيت اكو بينهن لغز مرتضئ جان يلعب هو ومصطفئ باوعتلهم وجريت حسره عليهم ...الله يعينا يمه شراح يصير بينه بعد هل يوم... كمزت علئ،صوت الباب شفته اييي هو جاسر دخل وعيونه تنطق بالحقد والجبروت انسلبت مني الروح مجرد ما شفت ملامحه القاسيه بين الإرادة ولا أراده بين الحقيقه والواقع تراجعت للخلف بخطوات قليله ما اريد اسمع منه كلمه تجرحني ... شجعت روحي وتقربت منه ودموعي تشكي مأساتي والروح ذايبه بحضرته لزمته من ياخة قميصه واني اباوع لعيونه دا اشوف مدئ صدق كلام خالتي ام هاله بعيونه همست بصوت حزيين...كتلت عاصم؟ ضل مركز بعيوني وثواني وعدت عليه السؤال بمره ثانيه وبمراره وعلقم وخوف جنت مترقبه الاجابه وقسئ،اكثر ما هو قاسي جاوب بجبروت...اييي كتلته وكفت بلحظة صمت وعدم استيعاب رمشت بعيوني،اريد اصدك الي،يكوووله انهيار هشم أجزاء روحي صرخت بصوت عالي...ليييييش ليييش ضلمتني جااااسر والله ضلمتني لاااااااا ليش هيج سوويت مو كتلك اني مو كتلك خلي الدوله تكتله تعدمه بس انت لااااااا شلووون اعيش ويااااك شلووووون احجي ما اهتم لدموعي المتلالاة بعيوني وصرخ بوجهي بقسووووه ..ليشش اني شلون عشت ويااااج وانت اخت كتال،اهلي صرخت بنهيار تام وصوت حزين ...اني اخته اييي اخته مو اني الي كتلت اهلك اني،ام ولدك مالي ذنب بالصار بس انت كتله انت القاتل مو اخوووك ولا اي

[@قصصواقعيهحقيقه]

شخص انت ايدك تلطخت بدم اخوويه ليييييش ليييش احسك تتلذذ بعذابي وتحب تشوف دموعي وتكسرني وتدوسني برجلك اني مو كتلللك لا تكتله انت اي،واحد يكتله الا انت خلي الدوله خلي الكل بس انت لاااااا عيونه جانت تنطق بالحقد هزني بقوووه وزمجر بصوت عالي ....اخووج قاتل قااااااتل صرخت بوجهه...وشتفرق عنه انت صرت مثله قاتل ما تفررق عنننه شئئئ ردت خالتي ببرود...وبشر القاتل بالقتل اخوج مجرم ولازم ياخذون منه القصاص واخذ حقه من جاسر درت وجهي عليها بذهول والدمعه تحرك وجناتي...فرحانه ابنج اخذ القصاص من اخويه ؟ تعرفين شحيصير حيصر دم بين العشيرتيين ناس،تجر ناس تعرفين شنو انتي متخافين علئ،ولدج ردت نوال... المهم عاصم النذل انكتل وهذا الي،نريده تخبلت من كلامهن مدري شبيهن حتئ لو مقهورات علئ فلاح وعمي الشيخ بس عاصم مات والكتله جاسر والميت ما تجوز عليه بس الرحمه ليش،هيج يحجن صرخت ولطمت وشعري ملخته واني اصرخ...يااا وييل حالي يمممه شحالج هسه سوده يمممه انهرت بصورة عصيبه وهجمت عليه واني اصرخ بوجهه...ليييش جاااسر ليييش شلووون هيييج ضربته علئ صدره وارجف بصوره مو طبيعيه وبدل الدموع توكع عشره هو لزمني وثبتني باديه وصاح بصوت عالي...تعالن اخذنها لا تخلنها تطلع دفعته بغضب شديد وبصوت مختنگ من البجي...عوفني لحد يلزمني لحد يلزمنييي خلووووني اروح لامي اررريد امي هو صاح بصوت هز اركان البيت...دخلنهااااا بسررررعه بسرررعه ماما رضيه و نوال رادن يدخلني بس اني اجتني،قوه مدري منين لان محترك كلبي مدري شنو ما خليت اي وحده تلزمني ضليت افتر بالحووش برعب واريد اطلع اريد اهج من هل بيت اريد اروح الامي،بعد ما من حقه يبعدني عن امي هو اخذ ثاره وما اله عدنا شئ مو من حقه ركضت دا اريد اطلع واني اشهك بصوت يكطع گلبي بس هو احتضني بقسوه من وره وما خلاني اطلع سحبني واني اصرخ واضرب بي فتح باب الغرفه ودخلني وقفل الباب ضليت ادك بالباب وصيح بصوت عالي...طلعوني،يا مجرميين طلعوني يا انذال اريييد امي خلوني اروح الامييي ركضت فتحت باب الشباك شفت مجتبئ ومرتضئ يصرخون ومرعوبين من صوتي وبكائي باوعتلهم بحسره محد بحالهم وهو طلع من البيت بكبره مديت ايدي الهم ...تعالو يمممه مرتضئ مجتبئ تعالوو جيبوا ولددددي مو من حقكم تحبسوني هنااااا اجت نوال وهي تضحك شالت مجتبئ وتبوس،بي وهو يدفع بيها ويصرخ ضلت تباوعلي،من الشباك باوعت الهم بحسره وسكنت من ثورتي بس الدموع تشكي حالي ... ما اريدها تلمس اطفالي،ما اريدها اجت ريهام واخذته منها وشهد شالت مرتضئ تقربت مني ريهام وهي تبجي وخلت مجتبئ قريب مني لزم اديه الي لازمه بيها حديد الشباك وهو يشهك بالبجي ... غوشت عيوني،من الدموع مسحت دموعي باردان ثوبي وباوعت الريهام بحسره همست بعذاب...شفتي شسوو بيه ؟ همست بصوت حزين وتعبان ..انا لله وانا اليه راجعون رديت عليها بحده...والله ما ابقئ دقيقه من يجي خلي امه تحجي ويه وخلي دكوله يطلكني ما اريد اعيش وياهم النفس ما تشتهيهم نزلت راسها وما حجت مجتبئ مد اديه الناعمه من الشباك وضل يمسح بدموعي وهو يبجي،ويكول.. لا ابجيين « لا تبجين » مسحت أنفي وانقهرت علئ نفسي حتئ اطفالي ما اكدر احضنهم رأسا باوعت لاديه شفت اصابعي متعوجه وعبالك واحد صاعد علئ الثاني صرخت واني اباوع الاديه...يممممه اديه ادييييه شبيهن ريهام باوعتلي مصدومه ...شبييج جولييت شصار شبيها ادييج

[@قصصواقعيهحقيقه]

ابتعدت عنها واني افتر بالغرفه مثل الفاقده نضرها والروح مسلوبه مني اباوع الاديه عبالك مثل المضروبه جلطه دخلت للحمام واني امشي بصعوبه بعدني بباب الحمام و وكعت ضليت ارفس برجليه وبعدها ما حسيت بشئ ... ............................. جابر... طلعت من الحمام جنت اسبح والدنيا واكفه بعيني علئ اختي ريهام امي وابوي ما يعرفون بيها وهذا الكاسر ضهري امي وابوي ما يتحملون هل خبر ريهام عندهم مثل الهوا شلون لا عرفوا الخبيث ينهش بعضمها نهش.. حسيت علئ وقار بعد ما خلت اديها علئ اكتافي وحضنتني،وهي تبجي،من عرفت بريهام مريضه لحد الان وهي بس،تبجي لان هن صديقات من الطفوله ورغم وقار اكبر من ريهام بس علاقتهن حلوه حييل همست بصوت حزين...الله يشفيها حبيبي،ما بيدنا غير الدعاء الها ولازم بأسرع وقت ناخذها للمستشفئ حتئ،المرض ما يستفحل عليها قبضت اديه ثنينهن وجاوبتها بتنهيده طوويله...الحمد لله علئ كل حال ان شاء الله راح ناخذها المدينة الطب ... كلبي،عندها اريد اروح الها اشوفها من يوم خبر مرضها لحد الان واني،الدمعه ما نشفت من عيني،عليها اخيتي،فقيره وحيدتي،ما رزقتي ربي بغيرها وتروح من ادينه والله قهر جريت نفس جاي اطلع وما اسمع بس،الدك علئ باب غرفتي كلت احتمال ابوي عرف ريهام مريضه وتخبل لان ما كتله بس،والله اني،اخاف عليهم اعرف هل خبر يزلزلهم... فتح الباب بسرعه و وقار واكفه وراي وخايفه طتله بقلق. .خيير يابه شكو؟ رد عليه وهو عاكد حواجبه وقابض علئ سبحته...جاسر ابن مهيوب كتل عاصم اخو جولييت خلينه نلحك عليهم لا انوب تصير كاتل ومكتول بسرعه تعال وياي وقار لطمت خدها وردت بخوف ..عزا العزاني يمه بس لا يهدون على اخواني ويكتلونهم فدوه عمو اخواني امانة بركبتك اجت امي لزمتني،من قميصي كالت بخوف وحده...لااا ابو جابر فدووه لا تاخذ جابر لا ينكتل اني ربحي بمنو اذا انكتل جابر هاي سالفة الثارات ما تفض والدم يجر اني ما اريد ابني يروح بشربة مي،من وراهم... هو باوعلي وجاوبها بعصبية...ابن عمه كاتل كتل وتردينه يكعد هنا ويه النسوان ردت عليه بقهر...اي جاسر ينسجن وفضوا السالفه وخلي الدوله هي تاخذ الحق العام وعوفوا سوالف الثار والقتل اني ما مضحيه بابني لخاطر جاسر وأخواته جاوبها بغضب...اسكتي يااا مره مو انتي التعلمينه بشغلنه انه الشيخ ابو جابر كضاي الكلافات ترديني انه وابني نكابلج ونكعد واعوف ولد اخوي انه للغرب واكف سيف و دركه تريد هسه اعوف ابن اخوي وهو بازمته شيكول عليه مهيوب بكبره هي ضلت تحجي وتبحي وتتوسل،بي،بس اني،ما قبلت ابن العم اخو واني،واجب اوكف وياهم وخلينه وطلعنه اني،وابووي، مر عليه طيف جولييت وتذكرت مره جاسر كال جولييت تموت اذا كتلت عاصم تريد الدوله تاخذ القصاص،بس ما تريد اني الطخ ايدي بي... اوووف جاسر عنيييد والبراسه يسووي،ابد ما يهتم لدموع جولييت وتوسلاتها ... وصلنه البيت عمي لكينه صلاح وجعفر لازمين اسلحتهم وناطرين بالبيت وجاسر شويه اجه ابوي ضل يحجي عليه كله السويته غلط بس هو ضل يصيح ويغلط عليهم التمت العشيره ... وابوي كال اخذ الشيوخ واروح البيت عم عاصم ونشوف شنو اليردونه وانت جاسر شوفلك مكان واكعد بي لا يكتلونك او يسجنونك رد بعنف...ما خايف منهم ثاري واخذته يردون يسجنون خلي يسجنون يردون يكتلون خليهم يكتلون اني رجال دافعت عن نفسي،وعن اهلي ابوي هز راسه باسى وخله وراح واحنه ضلينه ننطر للصبح اجه ابوي كال انطونه عطوه مده تلث ايام وان شاء الله خير... بس،هم ما رموا علينه ولا حتئ،طلقه وحده اكتفوا بالعطوه وحتئ،ما سجلو دعوه ضد جاسر احتمال هم يردون عاصم يموت او يمكن اكو غايه بنفسهم ..................... شهد... وجهه الطاوه مكيفه وفرحانه وعندها عيد لان مات عاصم خابرت علئ امها كلتلها اريد رايه بيضه اخليها بالبيت نذر اني ناذره... وامها ما صدكت جابت الرايه البيضه واجت تركض اذا هي هيج تحب زوجها وتريده ومقهوره عليه شكو تتزوج جعفر وهو حماها واصغر منها لو شلغمت اله تزوج جعفر حبيبي ويييع شكد اكرهه نفسي،من اتذكر اني،وجهه الطاوه شريكة بجعفر .... دخل جعفر وهو ملثم وشايل سلاحه وعيونه مثل عيون الصكر فديته يجنن شحلات العيون ..

[@قصصواقعيهحقيقه]

صاح...شهد جااي جاااي ركضت اسوي جاي واحضر بالاستكاين اجت ريهام تحضر وياي بس،محد يخليها تشتغل لان مريضه بس الحمد لله اجت اشواق وهي تساعدني،لان نويله محتاره برايتها اشواق اول ما سمعت اجت. . دخل نوال لازمه ضهرها وتتبطح عليه كعدت علئ الكرسي كالت بغرور...شهد صبيلي،وياج جاي باوعتلها ببتسامه مستفزه...تدللين خاله احطلج شويه شكر خاف مو زين علئ السكر ؟ ردت بعصبية...يا سكر وبعدين شنو خاله واني منيلي سكر رفعت اكتافي بعدم معرفه ...والله شمدريني البعمرج كلهم بيهم سكر باوعت لاضافرها المقلمه كالت...اول شئ اني بعدني شباب وثاني شئ صبي جاي بدون لغوه درت وجهي واني،اغسل بالاستكاين. ما دام بعدج شباب كومي اخدمي نفسج بنفسج انتي،مو عجوز وضاله تتشرطين عليه ما اشتغل عندج اني ردت بتمسكن...شصار عليج هو استكان جاي شطالبه المفطح .. جاوبتها...ادللي كلبي كومي اغسلي المواعين واني اصبلج جاي حطت ايدها علئ بطنها بدلع...حامل ما اكدر درت وجهي عليها...انتي مثل هذا المربي لحيته وغيره مبتلي،بيها هسه انتي حامل واني مبتليه بيج وبعدين يروحي قابل انتي حامل الي،حامل لنفسج شدخلني بيج .. دخل جعفر مره ثانيه بهمه كال. يالله شهوده تاخرتي ابتسمت بوجهه...تدلل عيوني هاي كملت ما عندي شئ هي وكفت وحاطه ايدها وره ضهرها وتمشي بحذر ودلع كالت وهي تمط بشفايفها...فدوه جعفر اريد اطلب منك طلب او هو مو طلب نذر رد عليها بدون ما يباوع الها وبملل...خيير احجي؟ حطت اصبعها بحلكها كالت....امممم اني ناذره اذا مات عاصم الكلب اعلك رايه بيضه بباب البيت وجبت الرايه بس اني استحي اعلكها فدووه فدووه علكها انت عاد هو باوعلها بعيون كلها غضب كلها...بله ما تنجبين لا اجفنج بالرايه البيضه وادفنج هنا هسه احنه بيا حال حتئ اجي اني،اوفي انذورج روحي من وجهي لا ابتلي،بيج عاد هي تخبلت خلت وطلعت ورفست الباب برجلها حيل اني كمزت عبالي،دگونه وجعفر ركض راد يكتلها بس لزمته وين يكتلها بهل زلك واحنه صايرين ام المعارك اخذ الجاي من ايدي،وهو يغلط عليها بقهر...ام براطم ام البتوكس توفي،انذوره ام السحوره هزيت ونفخت بملل خطيه رضيه راحت شافت جولي وانطتها اطفالها بس هي جولي تخربطت ويفركون باديها تشنجت مدري شنو... وريهام تريد تنام مستشفئ وصايره لخه مال واحد ينهزم هو هذا الزواج امداني عبالي فد شئ حلو طلع خيطي بيطي ... ...................... ريهام... ثاني يوم من الي،صار جانوا الولد ماخذين استعدادهم والوضع متوتر شويه اجتنه اشواق ضلت يمنه ... اجه صلاح دخل شافني انضف بالبيت لزمني بحزن كال...حبيبتي رهومه لا تعبين نفسج البيت ضحكت بحزن...مو دتشوف البيت مكلوب خطيه لازم أساعدهم حط ايده علئ خدي بس حسيت بي حزين كال...ميخالف يروحي انتي مريضه اكيد معذوره ولا علئ المريض حرج سحبني من ايدي ودخلني للغرفه نزع حجابي ودخل ايده بشعري بحسره جر نفس حزين كال...تدرين اكثر شئ احبه بيج شعرج جنه حرير مديت ايدي الشعري وحركته بفرفشه وبعدها قدمت بعض الخصلات باوعتله برفعة حاجب...هيج حلو:؟ ابتسم وتنهد همس عند اذاني هو كله علئ بعضه حلو لزمت اطراف شعري ورديت بهدوء...تدري صلاح اني من صرت لحد الان ابد ما كصيت شعري ما اعرف احس زينة المراة بشعرها واحسه تاجها الحقيقي بلع ريكه بغصه ووكف كال...باجر اخذج تنامين مستشفئ راح اخلي اشواق تنام وياج بين ما تهدء الامور ونشوف تالي العطوه شنو واذا ما صرتي زينه اسفرج للخارج بلعت ريكي بقلق...ليش اني شبيه كرص خدي بحب وبعدها تقرب مني وباس شفايفي...ما بيج شئ يروحي مجرد ابو صفار وان شاء الله تصيرين زينه... تركني وراح واني مذهوله من خوفه المبالغ عليه ومن لهفته يعني اني ما بيه شئ ليش هيج يخاف عليه حتئ لو ابو صفار بس قابل هو مرض خبيث لا سامح الله لا مرض عادي مر اليوم الثاني علئ خير ورحت اني وياه واشواق للمستفئ المدينة الطب حولونه للطابق السابع صعدنه دخلنه للردهه وكف بباب القاووش بصدمه من شفت اكثر المريضات بدون شعر ولا حواجب ارتعد جسمي وباوع الصلاح بحسره وخوف..اءء صلااح ليش هيج شعرهم ليش ما عندهم حواجب هذا قسم الامراض السرطانيه موو حسيت عيونه غوركت بالدموع احتضن وجهي بهدوء وابتسم يطمني...لا يروحي ما بيج شئ بس ماكو مكان بقسم لابو صفار بس هنا يعني لا تخافين ما بيج شئ... اباوع الاشواق تمسح بدموعها وتدير بوجهه خفت حييل بعدها مشت الأمور طبيعيه اخذت مكان بالردهه و اشواق ويايه بدو ويايه علاج ودم وبلازما وعلاج قوي من اخذه احس جسمي يهلك تعبت حييل بس اني نمت مدة عشرة ايام ما قبلوا اتوضه او اسبح منا لمن تخلص العشرة ايام ما جنت اعرف شنو الغايه جنت خايفه يكون بيه مرض سرطان بس تطمنت لان شعري الحمد لله ما وكع ولا حواجبي عكس باقي المرضئ... ضل صلاح يوميه يجيني وامي تجي وابويه يشبكوني ويبجون واني ابجي كرهت المستشفئ حييل بحيث ضليت اتوسل بصلاح يطلعني،وابجي وابوس باديه وهو كال مضل شئ حبيبتي كم يوم وتطلعين ........................... جولييت... فتحت عيوني واني ارمش بيهن بحنق شهكت بشهكات مكتومه ... قبضت علئ الفراش بوجع ونيران الألم مشتعلة بصدري ياريت لو كان حلم بس هذا مو حلم هاي حقيقه عاصم مات والكتله زوجي ابو اطفالي ... كعدت بتعب حسيت عبالك سياره داستني مرتين تلاثه... باوعت الاديه علئ نفس حطتهن معوجات اصابعي متشنجات مدري شبيهن .. عضيت علئ شفايفي بالم وشهكاتي المتكطعه ممزوجه بأنين موجع ... حطيت ايدي علئ صدري ...يمه اطفالي بس،لا ما جابوهم الي وكفت واني افتر بالغرفه شفتهم نايمين بمكانهم رجليه ما عانني وكعت من طولي رجعت زحفت وكعدت بزاوية الغرفة وحضنت رجليه علئ،بطني لحضات مر عليه طييف امي تصرخ وتلطم ويدخلون عليها جتة عاصم مسلوبه منها الحياة ... شهكت بحسرتي ودموعي نزلت بدون سابق انذار هاي مرتين واحد يموت من عائلتي،واني ما اكون ويه امي الله يساعدج ماما والله مو بيدي حبسني،ومنعني منج بس والله ما اسمحله والله بسييطه عبالي فرحتي بيه وبرسالتي يمه عبالي،فرحتي يوم النقذت حازم من قبضته تاليها هو حاكم خطته وكتل حازم اني كتله و وعدته ما اضل علئ عصمته اذا كتله ما اكدر والله ما اكدر اعيش،وياه ليش ما سلمه للحكومه ليش هو الي كتله بيده تعبت يمه وحتاريت احتاريت بينكم وبينه أطفالي يمه كسروا ضهري وعذبوني،... لو ما هم مجان صار الي صار جان من زمان

[@قصصواقعيهحقيقه]

طلكني وشمرني عليكم بس اكييد يمه بعد ما كتل ابنج مراح تتنازلين عني مو صح راح تجين وتاخذيني من عيونه تطلعيني من حياته وما تسمحين اله يذلني ويقهرني ولا تخلين واحد منهم يتشمت بيه ويكول اخووج مجرم وكتله زوجج شهكت بنحيب...تعالي،يمه فدووه تعبت اريد ارتاح تعالي طلعيني من حياتهم ما اريدهم ما اريد اضل عندهم رجعيلي روحي رجعيلي كياني الي انسلب مني محتاجه الحضنج كلي امل بيج ما تعوفيني واني ادري مراح تعوفيني الهم اكييد.... حسيت الباب انفتح رجعت بخوف وحضنت نفسي غمضت عيوني ما اريد اشوفه ما اريده يواسيني حسيت بادين علئ اكتافي دفعتهن برعب وبكاء واني ادفع بي بكل قووه بادية المعكوفه...وخررر وخررر ما اريدك اطلع براا عووفني هي حطت ايدها علئ،راسي كالت...اسم الله يمه اسم الله لا تخافين اني،امج رضيه فتحت عيوني المدفونه بالجفون الملتهبه ورمشت باهدابي المبلله وسكنت من روعي شويه كالت بحنان...يمه جبتلج شوربه تاكلين شويه هزيت راسي بنفي توسلت بيه ما قبلت اكل عاد هي حضنتني حيل وضلت تبجي بصوت عالي وكالت...سوده عليه يمه الله يعينج الصار وياج مو قليل الله يعين امج ويعينج حضنتها واني اشهك وابجي واتوسل بيها يودوني الامي كالت...يمه امج ملتهيه بضيمها هسه هم مددوا العطوة من تلث ايام لعشرة ايام واذا صار تفاهم ان شاء اخلي يرجعج الامج تنهدت بضيق...هو وييين ابو المصايب ابتسمت وضربت خدي بهدوء...موجود كل شويه وكال شوفي جولي وترئ،اجاج واخذ من خاطرج بس جنتي نايمه تعصبت بقهر...كليله لا يدخل عليه مو يقتل القتيل ويمشي بجنازته كتلني وجاي يقرالي القاتحه وكليله دكول طلكني،لان اريد اروح الامي ضلت تسايرني كالت...خوش،يمه اكله رجعت اردفت بقسوة...وكليله اذا شافني،بمكان لا يسلم عليه ولا يذكر اسمي مدام كتل اخويه ما اريده تنهدت بضيق كالت...جااا اخوج من كتل كل اهله غمضت عيوني باسئ...وَلَا تَزِرُ وَازِرَةٌ وِزْرَ أُخْرَىٰ ۚ ليش يصحح الخطا بخطا جان خله الدوله اقتصت منه شنو جاسر حكومه وما ادري بي ردت بغموض.. اي ابو رضاوي حكومه جاوبتها بحقد...حتئ،لو حكومه ما يهمني اخذ حقه خلي يحررني هي جرت نفس وخلت وطلعت واني طفيت الضوء ورجعت النوبة البكاء والالم احس بحسرة تاكل بصدري ميته قهر ما اريد اشوف اي شخص كرهت العالم كلها.... كعدوا مرتضئ ومجتبئ ضلوا يبجون ما كدرت اشيلهم من اديه بس حاولت احضنهم بسواعدي ونومتهم بحضني،واني،ابجي وهم يبجون ويايه ويمسحون بدموعي... الحمد لله من رزقني،بيهم ينجرحون الجرحي ويبجون الدمعتي .......................... وجعاً في جسدها وسقماً في بدنها لكن ماتزال تلك العينين تثبت للعالم انها تجتاز بقوة الصبر والرضى والأمتنان والامتثال لأمر الله ريهام.... اليوم اخر يوم الي بالمستشفئ،مرات الوجع احسه مميت ومرات اصير زينه بس،الحمد اني صابره ومحتسبه... العصر كالو نطلع اني اريييد بس،اطلع لان احس عفنت اريد بس اسبح وارتاح واصلي... اني اصلي،بس اتيمم جنت كاعده دا اقره قران وصلت السورة الكهف .. اجه صلاح تصدقت علئ،كلام الله وغلقت القران وحضرت اغراضي واشواق ساعدتني اديه مزرفه من الكانولات من طلعت من المستشفئ،حسيت نفسي،مثل،الطير الي،تحرر من قفصه رغم يوميه صلاح وجابر يجوني وابويه وامي وحتئ ماما رضيه وعمتي ام فلاح... وصلت للبيت الكل استقبلني،وسلم عليه اني ردت اروح اشوف جولي لان كالو معتكفه عن نفسها ومتطلع ومريضه ومتقبل تروح للدكتور تريد امها سمعت... صلاح جان متوتر حييل حسيت بي مقهور وجهه ينطي الوان اني اخذت ملابس،ودخلت للحمام حتئ حسيته ميريدني،اسبح فتحت الدوش واني فرحاانه حييييل واغسل بشعري انصدمت من شفت شعري كله وكع عبالك مثل الدجاجه الي تنصلخ بمي حااار انرعبت ومتت خوووف جسمي ضل كله يرجف شعري حييل طوووويل ضل يوكع خصل خصل ترس الحمام ترس حسيت صولعت... بسرعه بدلت وخليت الخاولي علئ راسي طلعت باوعت بالمرايه الموجوده يم الحمام حواجبي ماكوو ورموشي،ماكوو طلعت اركض واني اصررخ شفته واكف بحزن والدمعه بعينه كتله...صلاااح شعري وكع اني،بيه سرطان موو؟ جنت مترقبه عيونه جنت اتمنئ تكون الحقيقه كاذبه لكن دمعته اليتيمه الوكعت من عيني اكدت اني فعلا بيه الخبييث ... نهاية البارت...يتبع كونوا انتم كونوا بخير....احبكم 💔 نور سمو العراق 😘 لا تنسوا التصويت والمشاركه بكم نكتمل 🌹 اهلا احبتي تجدد الموعد معكم باذن الله كوومه مشتاقتلكم فديتكم.. اعتذر من البارت لان حزيين اكيد اول بارت يكون متوتر لحد ما تهدئ الاوضاع والنشر حيكون يومين بيوم واذا اتاخرت التمس منكم العذر تابعوا الكاتبه إسلام الدليمي فضلا وليس امرا islam_7j الطلحه اكييييد 😍😍😍😍😍 Talha-25-3 بنات اذا تحبون تتابعون حسابي تابعوا لان مرات ما انشر فد تنوية بالقصه انشره بالمنصه والي ممتابعني ما يشوفوا مثلا نشرت بالمنصه كتبت السبت انشر الكل يصيح بالقصه شوكت تنشرين 😂😂😂

[@الاميرهطيبه-ح6ظ]

خويه شوكت تنزل التكمله وادري جاي ازاحمك بس شسويه اريد اتابعه

[@دموعالورد-ف6ذ5غ]

معجبة للقصص واندمج لمن اشاهد القصص مبدع الله يوفقكم ،،،😘♥️

[@قصصواقعيهحقيقه]

ربي يسلمج

[@محمدمحمد-س8ز9ه]

بليزززز ردو عليا دارين رجعت لو لا لفرقد بليز😢

[@الاميرهطيبه-ح6ظ]

أي والله نريد نعرف رجعت الغرقد أو اكو بعد أجزاء بليززززززژ رد علينا

[@يبيب-ج8ح]

حبيبتي والله جنت انتضرج تنزلين الجزء الثاني

[@قصصواقعيهحقيقه]

اني ولد خيتوو

[@يبيب-ج8ح]

@@قصصواقعيهحقيقه اعتذر منك الله ايحفضك أستمر يا مبدع

[@الاميرهطيبه-ح6ظ]

خويه أدري جاي ازعجك بس شوكت تنزل التكمله والله متظرتك بفارغ الصبر فدوه نزلها

[@قصصواقعيهحقيقه]

عن قريب ان شاء الله

[@الاميرهطيبه-ح6ظ]

@@قصصواقعيهحقيقه أن شاء الله بنتظارك

[@قصصواقعيهحقيقه]

@@الاميرهطيبه-ح6ظ نزلت خيتوو بس على شكل فديوهات

[@حنينشعدولطروم]

اسم النغمه عفيه

[@الاميرهطيبه-ح6ظ]

فدوه نزل ابتكمله الله يخليك نزله والله اموت اشوف البارات فدوه نزلها هنا

[@قصصواقعيهحقيقه]

ان شاء الله انزل عن قريب والله بعد وفاة والدي نفسيتي كلش تعبانه

[@الاميرهطيبه-ح6ظ]

@@قصصواقعيهحقيقه الله يرحمه واسفة على زعاج وأن شاء الله النجاح وتوفيق يآرب

[@عشقيحُسَيني-ع6ض]

بعدهه القصه اني وصلت من انعمت جوليت وشالت لبيتهه الجديد

[@افنان-ق1ع]

عاشت ايدك

[@qwsayhatam3223]

كلك ذوق

[@hanenalmosoay4580]

اسم الغنيه بليزززززززززز

[@مجنونهوعاجبنيجنوني-ك2ف]

احلي روايا شكرا

[@dndnalmaliki6091]

اول

[@alaaarmy6295]

باقية الاجزء قصة ممتعة تعيش بكل خطوة معها

[@انين-ث6ح]

عاشت ايدك