الأمان المالي 💰 تغيير أفكارك يغير واقعك

dans cette vidéo de la chaîne de elmara-najiha ont parle du confiance financière et de la liberté financière
comment ont peut changer de la montalité du pauvre a la montalité du riche
la Richesse est dans nos idées
si ont change nos idées notre réalité et notre situation financière change
il faut arrêter de réfléchir comment gaspiller notre argent et commencer a réfléchir comment investir notre argent
comment faire des économies et comment les investir pour aboutir a la liberté financière
comment agrandir nos revenus et comment les investir pour avoir de nouveau revenu pour augmenter le taux de nos économies
sa c'est la montalité du riche
de cette façon ont peut aboutir à la liberté financière
في هذا الفيديو من قناة المرأة الناجحة نتكلم عن الامان المالي و عن كيفية تغيير طريقة تفكيرك و تغيير أفكارك لتتحول عقليتك من عقلية الفقير الى عقلية الغني
الفقير هو الذي همه الوحيد هو صرف المال و التخلص بسرعة من اي مبلغ مالي يدخل رصيده لأنه دائما يعيش في دائرة الحرمان و يضن بصرفه لأمواله سيشعر بالرضى لكن على العكس يبقى شعور الحرمان موجود و يصرف المزيد من الأموال دون نتيجة ضاهرة في تغيير واقعه
انا عقلية الغني فيشعر بالإكتفاء و الرضى و لو يلزمه العديد من الأمور لكن تفكيره و همه الوحيد هو كيف يمكن لهذا المبلغ المالي الذي دخل رصيده كيف سيستثمره من اجل ان يدخل له مبالغ مالية جديدة و يكون له مصدر دخل جديد
عقلية الغني تتركز على ادخار المال من اجل استثماره و ليس صرفه على متع لحضية
عقلية الغني هي تعدد المداخيل و تنوعها مما بسمح له بالحصول الى الحرية المالية بسهولة لأن هذا هو فكره و يصبح يدخل رصيده اموال دون تعب اوجهد و هو نائم
لهذا الوصول الى الحرية المالية ليس ارتفاع دخلك لكن افكارك و كيفية صرف اموالك و كيفية التعامل مع المال
#libertadfinanciera
#libertéfinanciere
#money
#argent
#succès
#success
#successmotivation
#gestionbudget
#gestionfinanciera
#gestionfinancière
#gestiónfinanciera
#investissement
#investing
#investment
#richesse
#economía
#economia
#economy
#reussite
#الجزائر
#السعودية
#العراق
#الكويت
#المرأة_الناجحة
#المغرب
#النجاح
#تونس
#فرنسا
#كندا
#امريكا
#السعوديه
#الامارات_العربية_المتحده
#الكويت_السعوديه_قطر_الأمارات_البحرين
#المال
#الادخار
#التوفير
#الاستثمارات
#الاستثمار_الناجح
#عقلية_المليونير
#عقلية_الثراء
#عقلية_الغني
#عقلية_الفقير
#التفوق

[@Celinagomis]

من فضلك انا عاملة حرة دون ذكر النشاط دخلي محدود يعني مانيش كغيري من اصحاب مهنتي فاتحة في مكان نائي يعني في حي بسيط ومانقدرش نتحول منو عندي عشر سنوات عمل و 9 سنوات زواج وعندي طفلين زوجي شهار خلصتو 6 ملاين كنا دايرين طلب سكن واقصاونا بسبب ورث مشترك تاعي مانقدر نبيعو مايقدرو خاوتي يعوضوني يعني كأنو مش موجود المهم راحت فرصة السكن من عند الدولة انا وزوجي مفلسين دورو ماناش حاطينو بجهة وانهار اقصاونا من السكن صبنا رواحنا صفر اليدين.فشلت وقلت أكيد رايحين نكملو حياتنا كاريين واحسست بخيبة امل كبيرة ولكن ملي اكتشفت قناتك تفاءلت وقت لازم نبدا من جديد ونوفر سكن لولادي ولكن راني نفشل كي نتفكر ثمنو ...بالمناسبة انا وزوجي نقدرو نوفرو 10 ملاين شهريا اذا اقتصدنا وحنا طبعا مش مقتصدين عاونيني انا اختك حاسة روحي قعدت ضحك وسط العائلة رغم اننا للزوج خدامين ماتخلينيش نفشل وارشديني الله يجازيك

[@minomino9794]

سلام حبيبتي راني من متتبعات تاعك نقلك حاجة بصح ما تضحكوش علي انا من نهار بديت رحلة التغيير أصبحت لا اصرف فرنك رغم راني خدامة ناخذ مصروفي كما ولادي من عند راجلي الحمد لله عندي هدف باغية انشاء الله نكملو علما كنت مهووسه بالشراء وما نحمله الدراهم في جيبي لازم نصرف 🎉

[@yelisntamazgha8355]

اعطيلنا افكار وين نقدرو نخبو اموالنا و ذهبنا بامان و بعيد عن استعمال واش رايك في ccp لي نبلوكيوه مدة معينة

[@lammariryma4960]

كلامك عسل حبيبتي ماينشبعش منو من فضلك اختي اقترحي عليا افضل و اول كتاب لازم يكون عندنا و نقروه بعد القرآن الكريم اود ان يدخل العام الجديد وانا عندي موهبة قراءة كتب نافعة ديرو جام باه ترد عليا اخوات

[@younessch2984]

فضلكم طلعولي الكومونتار باش تشوفه اختي انا راجلي يخلص 8ملاين ويخدم اور ولاية يعطيني 4وهو4 هو ياكل وحده وحنا وحدنا حتى واحد ميبقاله حتى دورو انا نخلص الروضة 3500والطبيب النفسي 3500 لشهر والأنترنات2000 هو يخلص الضوء والماء من فضلك انقديني😭😭😭😭😭😭😭عندي 3دراري وزوج يجي من الوكاند الوكاند

[@sandidafahla3552]

اية الرزق بصح لازم ترشيد مصروفاتك ناقشيه قوليلو خلصتك شابه ننجمو نديرو بيها حاجه لازم توعيه

[@gfk1893]

يعطيك الصحة راكي فور والله مزال مشفتش وحدة تطرح الفكرة بطريقتك عندك افكار ومعلومات ما شاء الله تستاهلي تكون قناتك مليونية إن شاء الله توصلي للقمة وفي ميزان حسناتك

[@Elmaranajiha]

شكرا شكرا حبيبتي الله يوفقك و يسعدك و يعلي مقامك و مرحبابك حبيبتي

[@AmiNa-r5x3v]

😊😊😊.

[@RachidBoukrif-k9d]

شكرا يا اختي العزيزة❤

[@kerbaaleila2664]

ختى والله أنا والزوج نخدمو لكن دورو ما تحتيش راح نبدا التغيير معاك والعام الجاي نردللك صح

[@malakmaloka2897]

صباح النور ❤ يعطيك الصحة ربي يعطيك ما تتمني❤شوفي شهرية راجلي 4ملاين و 400 و أفراد العائلة 6و وعندي بناء سكن و كيفاه نقسم عندي بيبي و النقل و فواتير و لمجة الاولاد كل شهر نقسمها و ما تكفنيش

[@mina-ip4rt]

ضحكتيني كي قلتي كاين عندهم خساسية لدراهم.وراها عيطيلي راجلي قالي نشري قاطو قتلو عندك حساسية لدراهم.كثريلنا من هاذ المواضيع.خلينا من مواضيع الزوج و الاسرةلانو الزوج جزائري ما يتبدلش

[@Elmaranajiha]

شكرا حبيبتي الله يوفقك و يسعدك و عام سعيد

[@mayammaryomamaryam2364]

ربي يحفظك ويرزقك من حيث لاتحتسبي وليت ما نقدرش بلا بيك كل يوم نسمع فيديو نحسك راكي 12:42 ضيفة عزيزة على قلبي انا كنت نبذر كل ما يدخل شهر ناكلوا ونقعد هكاك نحيير وين يروح بصح ملي عرفتك تغيرت ودرت القلب وليت نصدق مبلغ ونصرف مبلغ وندس مبلغ للأمان وليت نحس روحي غنيا حبست السلف لي كنت عايشة بيه

[@lavieestbelle7487]

بغيتكم تعطوني حل قاع لي تقرا تعليقي انا نخلص منحة البطالة و كنت نخسر بصح دروك راني لامة خمسة ملايين بغيت نشريها حاجة تاع ذهب بصح تاني بغيت نتعلم الخياطة و نشري ماشينة حرت شاندير خفت اعطولي حل❤❤❤❤

[@sandidafahla3552]

استثمري في روحك نفضل الخياطه لانها تعود بالفائده عليك

[@aymenmachta4484]

انا بعت مناڨشي وشريت مشينة نخيط بيها ولكن ماشي ديما كي جيب رب سبحانو رزق ويرزقني نخيط ومانحبسش وديما عندي سوارد مانطمعش طول في زوج والي نحبها نشريها والا الي تخصني ماشي شرط تخيطي روبات اشري درا واتشجعي ليوتيوب راه معمر خياطات وينعتولك كفاه تخيطي

[@oumaya3043]

نسميك جرعة الطاقة الايجابية.ربي يحفظك اختي

[@Elmaranajiha]

شكرا اختي مرحبا بك و الله يوفقك و يسعدك

[@NabillaTemmar]

سلام ختي ربي يحفظك ويسعدك ويوفقك يارب ​@@Elmaranajiha

[@jalilbouhacida]

يختي والله غير حطيتيلي الدوا على الجرح وعطيتيني كف فطنتيني انا نخيط وراجلي خدام والحمد لله ايمدلي نصرف بصح المشكل اني منخبيش الف فرنك ربي يحفظك فطنتيني وحفزتيني

[@fadhila5862]

ربي يوفقك اختي انا حابة نخلف مقياسي تاع الذهب هل ندخر وكي نكمل المبلغ كامل روح نشري ولا نشريه لويز كل مرة ومبعد نبدلوا بالمقياس شوري عليا ونشكرك على نصائحك ان شاء الله يكونو في ميزان حسناتك

[@Fatima.Rinade]

الذهب راه غي يطلع شري لويز و دسيه كي تلايمي حساب مقايس بيعي لويز و شريهم

[@fadhila5862]

@@Fatima.Rinade شكرا اختي على النصيحة ربي يوفقنا ربي

[@sohaibbibou2723]

صح انا وحدة من النساء الي حكيتي عليهم الحمد لله مانخصش بصح عندي احساس بالحرمان نحب ديما جديد ومانعرفش نخبي دراهم نقلق ونقعد غير نحسبلهم حتى نصرفهم كامل ونقعد نشوف حتى شهرية جاية نفس الخدمة بصح ضرك قررت نتبدل ونخبي يالوكان حاجة قليلة

[@NounouMimi-kg1ix]

تعرفي كي توحشت ختي 🙂انا متابعة قدييييمة غي بدلت تلفون📞 وبدلت الايميل تعقلي قتلك خونولي خواتمي💍 ومرضت بزاف دروك الحمد لله ميمتي وخوااتاتي تفارضو وخلفولي 2خواتم 💍💍المهم ربي يعطيك ماتتمناي وهدرتك دوا ربي يوفقك إن شاء الله حبيبتي🤲🤲🤲كنت ديت منك بزاااااف نصائح ودايمن نعاودهم لدارنا الله يحفظك أختي

[@ملكةطيبي]

يعطيك .الصحة باينة شربتي كأس كبير ماء بعد هذا الشرح ❤شكرااا على هذا المجهود ونتلاقاو العام الجاي ان شاء الله مع التغيير 🎉كل عام وانتم بالف خير والف تغيير والف انجاز ان شاءالله ❤

[@fatimazohras5343]

ههههه😂 حقيقة الله يعطيها الصحة

[@AmirAmir-qq2gg]

يا اختي عندي ادخار والحمد الله تعبت عليه بصح خممت باش نشري لويز وباش نص الاخر نخبيه والاخر ندير بيه تجارة انصحيني وردي اختي على تعليقي الله يسترك 🙏🙏

[@Darine1992]

من فضلك يا امرأة ناجحة، دبري علي و دبارتك على العين و الراس انا خدامة، و حاليا راح نخرج من البيت العائلي الى سكن عدل. و راني مدخرة مبلغ من المال ، راجلي شرا الكتروميناجي و انا قتلو علي انا الماعن و الفراش و الصالون و الطابلة و اشياء اخرى...يعني القش، كي طلعت حسابي تجيني واحد 60 مليون، مع العلم ماراناش مزروبين بش نخرجو، بصح المشاكل شوية مع عائلتو ، هل نخليه يدبر راسو و ندير دراهمي ذهب كما قلتيلي و نطول بش نخرج من دار العائلة، و لا نزيد نزير العام الجاي و نشري كلش ، والعام لي موراه نبدا نخبي في دراهمي و نديرو ذهب ديرولي جام بش تشوف تعليقي

[@Mstg91]

ربي يباركلك في بيتك و ان شاء الله عتبة مربوحة مادمتي خدامة و تقدري تخبي اربحي راحة بالك أولا لأنو الضغط النفسي ماشي مليح لصحتك راكي تخدمي باش توفري راحة لنفسك ننصحك أشري الضروريات مثلا وفري الراحة فغرفة النوم خاطر هذيك الغرفة لي رايحة ترتاحي فيها و زيدي وفري راحتك فالمطبخ اشري ثلاجة و كويزينيار و بيترا و ماشينة لافي ... اي حاجة توفرلك الراحة فتلوقت الحالي .. ماتصرفيش دراهمك كل ومبعد كل شهر اشري بشوية بشوية حتى تكملي كلش بإذن الله و زيد ماتنسايش العين حق كون تشري كلش على ضربة يبقاو يعسو فيك و يقولو عندها دراهم .... و تكوني في حاجة تولي في حاجة أخرى لا قدر الله استري روحك و ديري لعقل غير بشوية حبيبتي و ربي يباركلك ولعقوبة ليا ندير سكنة ان شاء الله كي ليوم

[@Darine1992]

@@Mstg91 شكرا لك. صح الواحد يشري الهنا بالدراهم ،شكرا ليك، وربي يرزقك بالدار عاجلا غير اجل

[@الحمدلله-ع5م8ي]

​@@Mstg91راي مليح ❤❤❤❤❤

[@samradechana9544]

اخرجي راحة بالك خير ومنباعد ابداي لمي وياريت متشريش قيس 60 مليون حاولي نقصي شوي ووفري حتى 10 ملاين بش تزيدي تخبي عليها هذا راي ونسناو راي المراة الناجحة

[@malek2993]

مبروك مسبقا يا ختي الدار غولة لا درتي عليها مليار و ميكفيكش شري الأساس تاع الأساس و الباقي مع الوقت و زيديه متشريش كلش و تبقاي 00 دينار

[@NourNour-ex7fe]

شكرا لك اختي انصحني أنا عندي ديون 35مليون ماعنديش راتب لكن عند ي منحة الباطلة نقسمها مع الزوج على العلم أن زوجي بطال ويحبش يعمل ماذا افعل جزاك الله خيرا حبيبتي

[@ibtissemLahmar-vz9dn]

شكرا لكي حبييتي انا هي مولات التعليق الله يحفظك ويفتح عليك و يفرحك ان شاء الله تأمنيني والله غير نتفرج فيدو تاوعك في كل وقت طي نبفي ندير عشا كي نوض صباح كي نبغي نتقهوى والله مشاء الله قتلك على فيدو باش نقعد غير نعاوده خاطر راني عاد في الشهر الاول تاع الخدمة وبارح شريت حصالة و بديت تاع ادخار درت وحدة تاع صرف و حدة تاع ادخار من راتب وحدها وشريتها تاع طين باش منهرسهاش ونعاود نشكرك جيتي في وقتك راني نتبعك دايما وان شاء الله توصلي وين تحبي الله يوفقك حبيبة و شكرا على الإجابة 🙏💯🥰

[@ibtissemLahmar-vz9dn]

حبيبتي ممكن طلب تاني الله يخليك خصني تقسيم شهرية 6 ملايين لشخصين

[@MayaMimi-kf3im]

السلام عليكم روحو اسمعو بودكاستات اللي تخص الادارة المالية وعقلية الثراء والفقر و كيف تصبح غني من الراتب أهم البودكاستات تاع الخليجيين و الله روعة روعة

[@nadialounis4659]

الله يعطيك الخير ولهنا ولغنا ياختي، راكي قستيني فصميم، انا من هاد الفئة لي مترقدش حتى تصرف واش عندها دراهم، ربي يهديني وانتبدل من عقلية الفقير الى عقلية الغني .

[@Elmaranajiha]

ان شاء الله حبيبتي الله يوفقك و يسعدك و مرحبا بك

[@prof-oum-mouhamed]

ثبتيلي تعليقي اختي ❤❤،أنا أستاذة إبتدائي أردت مساعدة الامهات لتقديم دروس نشاطات تمارين واجبات منزلية تقويمات مقترحة بقوة لكل سنوات الابتدائي من الاولى الى السنة خامسة جعلت تلاميذي يتحصلون على علامات ممتازة مرحبا بكم صديقاتي الأمهات والتلاميذ.

[@assiaslimane4764]

عطيني الصفحة تاعك اختي

[@ghoulamabir3797]

مهتمة اختي

[@noralhayat2151]

ان شاء الله ختي ياربي يفتحها علينا عجبني كلامك والله رائع ومشجع ❤❤❤

[@lailaomelesraa8569]

ربي يفتح عليكم

[@houdaadjir3665]

عندك صفحة

[@fatimacher2728]

سلام اختي بارك الله فيك اختي هدري على المتقاعدين لي ما دارووالو اراهم اتبعوك حابين يتغيرو بصح ىقاو روحهم كبرو الله اخليك قري تعليقي وافيدينا😢

[@ImaneAlger]

راني معاك 😢 عندي دين 4000 دج و املك 3000 دج كنت حابة نخبيها للحوم رمضان . شحال صعيب الدين و لو كان دينارا . في رأيك نخلص ديني او ادخرها رغم انني يمكن ان اتحصل على المبلع قريبا

[@abdalissara182]

خلصي نص و دسي نص .... كي يدخل المبلغ الجاي كملي الدين و زيدي دسي لرمضان 😊 ربي يرزقنا من حيث لا نحتسب... آمين

[@ImaneAlger]

@@abdalissara182 بارك الله فيك صرصورة هههه . فرحتيني عطيتيني حل لم يخطر في بالي

[@rosedesable9090]

و الله هدرتك صواب انا راني بديت التغيير راح نبدا بالحصالة تع عشر ملاين و نخرج من العشوائية فالمصروف و مزال نزيد نتعلم منك ربي يحفظك

[@missdalal307]

ختي محتاجاتك تهدريلنا على المتغربين و المتغربات خاصة لي يبغيو يدخلو للبلاد définitive، شا هوما المشاريع الناجحة للنساء كي ندخل، علما كنت استاذة و تزوجت في فرنسا، و لكن الوضع ماراهش يعجب لينا المسلمين مع وليداتنا

[@imenehm7413]

احسن حاجة تشري عقارات ولا متاجر ولا تحلى سوبيرات تاع مواد غذائية او روضة اطفال او مركز تعليم لغات بما انك أستاذة راح يكون تووووب ورب يسهل لاختي

[@NesrineHafsi-yo2hu]

السلام عليكم و رحمة الله و بركاته.ماشاء الله عليك تبارك الرحمان.تعلمت منك بزاف أمور وبفضلك تغير تفكيري 180 درجة .في ميزان حسناتك ان شاء الله.ربي يوفقك ويعلي مقامك باذنه تعالى

[@ikhlasmavie5352]

بارك الله فيك مواضيع قيمة جدا ممكن مساعدة من فضلك انا امراة متزوجة و عندي طفلة عاملة راتب شهري 44000 و زوجي عامل يومي ليس لدي سكن نسكن في بيت ابي مؤقت ة ممكن تقسيم شهرية و هدفي نشري ارض نبني سكن كيفاش نتصرف ارجوك

[@wahidbachir4320]

ربي ينسرك والله ياحبيبتي والله منقدش نفوت ونشوفش ليفديو تاعك ربي يخليك لينا راكي نعوني في القليل ربي يكملك ماركي متمنيا

[@NabilHamchaoui]

شكرا لكي،داءما متالقة هدرتك موزونة عندك حق، لزم نبدلو عقلية كول كول ولبس البس،ولازم نخمو لزمان سورتو لعندو اولاد .❤🎉🎉😊

[@omminofadou-lb4fb]

متألقة كعادتك ❤❤❤❤❤ اللهم لا تجعل لنا في 2024 مريضا إلا شفيته ولا مييتا إلا رحمته .ولا ضالا إلا هديته ولا سائلا إلا أعطيته ولامهموما إلا فرجت همه .ولا فقيرا إلا أغنيته .ولا مسجونا إلا أطلقت صراحه. ولا مغترب إلا رددته ولا داعيا إلا أجبت دعائه وان تجعلنا من حملت كتابك الكريم .وٱخر دعوانا أني الحمد لله ربي العالمين 🤲

[@Elmaranajiha]

أمين يا رب العالمين ، شكرا اختي مرحبا بك

[@maissam690]

آمين يارب العالمين

[@BanatiBanati-v2d]

بارك الله فيك على المواضيع لي تقدميهم من فضلك اتكلمي على التسويف انا نعاني منو بكثرة

[@fatted9251]

نشكرك على كل ما تقدمينه و قاع كلامك صخيح. انا درت. مساج. و الله وصلت 4 ملايين الله يحفظك. حييبة

[@benhikelwahiba1301]

سلام كراكي ختي ربي يحفظك ويسعدك على المحتوى نتاعك نشالله فميزان حسناتك ..من فضلك دريلي تقسيم شهرية خمس ملاين للعلم كارية مليون ومتين وعند طفلة تقرأ تحضيري وطفل عند مربية وانا اعمل راتبي ستة ملايين ..الله يخليك باغا نطبط نفسي ونلم بش نبني ونغير من حياة العشوائية للعلم زوجي يحب ماكلة مليحة وهو فعمله يتنقل ..كذلك نسكن في الجنوب مواد غذائية شويا مرتفعة على الجهة نتاعكم ..ارجو ان تهتمي بي من فضلك وجزاك الله خيرا..نشالله تردي عليا اني ننتظر منك فديو تحفيزي

[@faroukunaitid3605]

يعيطك الصحة حبيبتي نفرح كي نشوف الدويرة الخضراء ربي يعطيك على حساب قلبك إن شاء الله حبيبتي والله استفدت منك بزاف راني بعتلك فالانستغرام ياريت تجاوبيني ربي يعطيك ماتتمناي إن شاء الله ❤❤❤❤❤❤

[@outrodjati3098]

اللهم صلي وسلم وبارك على سيدنا محمد وعلى آله وسلم تسليما كثيرا عدد ما ذكر ه الذاكرون وعدد ما شكره الشاكرون

[@zoubidarayane2742]

السلام عليكم أختي سبحان الله تخمام الراجل والمرأة ماشي كيفكيف أنا الزوج نتاعي حقيقة يستثمر دراهمه كيما يڨول هو ندورهم مانخليهمش على حالهم ولكن مايعرفش كيش يصرفهم يبغي يفحشش ولادنا ولا يبغي يبدل السيارات و البنيان مازال ماكاملش صحا ماعندناش مشكل الكراء و لكن أي ربة بيت تبغي دارها كاملة و متولة هو يحب يعيش البحبوحة ماعندهش مع الإقتصاد كيفاش نقنعه يمدلي غير مصروف الكوزينة 😢عييت معاه مابغاش اعطيني فكرة من فضلك ❤مع العلم هو تاجر يعني ماعندهش دخل شهري محدد 😊

[@لارينلارين-ق9ض]

سلام حبيبتي حبيتك تنصحيني ومذبيك مطوليش عليا لانو مزروبة قبل مايدير راجلي رايو ...لميت مبلغ وحبيت نشري ماشينة لافي اوتوماتيك لقيت الج 12كغ تدير 12مليون وخمسمية ورايلان 12كغ تدير سبعة ملاين وميتين هنا معرفتش واش نشري منا نقول نجيب ماركة مليحة رغم أنها غالية ومنا نقول نجيب لي رخيسة والباقي نشري بيها حاجة ناقصتني ولا نخليهم دراهم معرفتش كيف نتصرف وراني غير مترددة وربي يحفظك

[@اماسراء-ع3ب]

ان شاء الله ترد عليك حتى انا عندي نفس السؤال

[@Nofal-hb1gm]

حتى انا نفس سؤال ان شاء الله ترد

[@Fatima.Rinade]

يعطيك الصحة زيدي ديرينا الڨلب رانا نخدمو غي على الخاوي لا ادخار لا ذهب لا سكنة ربي يرزقنا

[@khadidjahanafi3206]

بوركت ...المستقبل يكون لاولئك الذين يؤمنون بجمال الأحلام ...التغيير صعب لكنه ليس مستحيلا ..على من يصنع الفرق بين من ينام ليستمتع بجمال الاحلام وبين من يستيقظ لتحقيقها.

[@wardawarda8522]

أختي اهدريلنا على بنات الجامعة على الزواج ف هادي المرحلة اعطينا نصائح و شكرا

[@SaraSara-zi5rd]

بارك الله فيك أختي أحبك في الله ، من فضلك وش رأيك في الادخار بالأورو

[@أممروةمنار]

صحيتي. كنت. عايشة. عشواءية. بفضل. الله. ثم. فضلك. حسنت. افكاري. وراني. نتبع. فيك. باذن. الله. صح. حقيقة. كنت. مثل. الحيوان. الدورو. الي. يدخل. ينصرف.

[@ghoulamabir3797]

كلما يدخل دوروا في جيبي مانتهنى حتى نصرفه ومايبقى عندي والو مانقدروش ندخر

[@oumhamidayoub7380]

نتي تستاهلي الذرع الذهبي في الافكار ،بارك الله فيك

[@maifibesma7982]

عندي مشاكل مع فيديوهاتك تعك ههههههه ندير جامي قبل ما نسمع😂 متأكدو بلي راح يعجبني

[@Elmaranajiha]

مرحبابك حبيبتي و الله يوفقك و يسعدك و عام سعيد و مليء بالإنجاز و التوفيق في كل المجالات

[@maifibesma7982]

@@Elmaranajiha امين رب يحفظك

[@bluegazella5875]

نفسيا. اي احساس كي تتصرفي على اساسو راح يقوا و يتثبت مش حيروح. مثلا عندك احساس بالغضب كي تتصرفي عليه عقلك الباطني راح يثبت الغضب هذاك و ردت الفعل هاذيك كي الطريق. و على قد ما تتصرفي على اساسو على قد ما يتزفت الطريق اذاك و يولي المشي فيه اسهل. نفس الشيئ بالنسبة لاحساس بالحرمان. صح كاين راحة بعد ما تصرفي دراهمك بصح هك راكي تقوي فالاحساس هذا باطنيا. الحل هو تجاهل ذالك الاحساس تماما مع الوقت عقلك الباطن سيدرك انه مش مهم. و مع الوقت يروح. صدقوني ابنات كون تعرفو كبار التجار قداه يدخلو من دراهم من لحوايج التافهة لي يبيعو فيها لي نشوفوها حنا مهمة تقعدو بلا راص. و زيد يديرو حملات اعلانية بملايين الدولارات تستعمل تقنيات علم نفس تخلي الحجر يحب يصرف دراهمو. ما تخلوهمش يتلاعبو بيكم و لمو دريهماتكم صدقوني راو عالم اوخر تع التجارة.

[@khaledbouchachi7187]

ختي شكرا على النصائح وعندي سؤال كل مرة نتردد باش نسأله لي هو شحال يحكملكم بدون 5ل تاع الزيت😂😂 والله سيريو حبيت نشوف روحي وين راني ندور نحسه يطير بلخف يكمل

[@fatimaamira5491]

على حساب اذا درت فطير و موسكوتشو و قاطو طابع يشد شهر نيشان بصح القليان مياكليش الزيت منقليش بزاف و الطياب ياربي مغرف باه نقلي برك بصح القاطو ياكلي الزيت هذا كروكي هذا طابع هذي موسكوتشو و خاصة الفطير نديرها بزاف و اذا مدرتش يشد كثر من شهر

[@khaledbouchachi7187]

​@@fatimaamira5491😮😮 أنا كيندير هاذو لي راكي تهدري عليهم ماكسيموم15يوم والله حتى نحيير نقول واقيلا رانا نشربو منها 😂😂

[@fatimaamira5491]

@@khaledbouchachi7187 هههه معليش المهم الصحة

[@الأستاذة-زهرة]

الله يبارك هاذو النصائح لازم نكتبهم . فيديوهاتك مفيدة حقا احسن من الروتينات تاع اليوتيوبرز 😅

[@tahabrahmi5910]

سلام بارك الله فيك يا أختي ولاكن اللويز حرام من أجل صورة الوجه

[@ليلىالعامرية-ز9ب]

كاين لويز فيه صورة القدس

[@إسلامادمأنسامجد]

فيديوهاتك رجعتلي ادماااان😊😊يعطيك الصحة اختي الغالية

[@anaisblt6798]

حبيبتي كاينة حاجة عييت نفهمها .. كي تقولي الذهب يحفظ قيمة المال.. مثلا شريتي حاجة ب خمس ملاين و منا على عشر سنين تقدري تبيعيها ب 7 ملاين ( مثلا ). ما تنسايش انو الدينار كأي عملة راو يهبط قيمتو يعني كلش رح يغلا و رح تكون قيمة 7 ملاين بعد عشر سنسن هي نفسها تاع العام هذا لي شريت فيه بخمسة .. منيش نشوف فيها استثمار طول لأنو مفيهش ربح. هو صح تجميد للمال برك مش استثمار مربح. يعني انا نقول اذا وحدة حبت تبيع ذهبها باش تشري دار ولا ارض ولا تفتح مشروع نشوفها احسن بزاف من انها تقول نخلي الذهب باش تعلى قيمتو .. راهي برك جمدت دراهمها

[@nassimatouil3001]

والله عجبتيني وفجيتي على خاطري ربي يحفظك

[@Elmaranajiha]

شكرا حبيبتي مرحبا بك و الله يوفقك

[@omsedik]

شكرا اختي علي هذه الافكار التحفة عام سعيد مليء بالنجاح والتطور لكل امرأة تحب التغيير ❤❤

[@rahmalouzani2853]

شكرا عالمعلومات حبيبة انا مدايرة مشروع منزلي حبيت نلم نشري سكن منعونش زوجي غير حوايج خفاف عندي طفلة تقرا جمعية نخلصها انا ونشري ليا كلش ممكن نصيحة وكي تنصحيني. قولي ام اريام باه نعرف بلي تحكي عليا مع العلم زوجي عندو 3 بنات عايشين معايا ويخلص 7 ملاين ميمدليش نصرف خلاص هو يصرف فالمبلغ تاعو بكل

[@امتسنيم-ن4ي]

يارب ارزقني سكن فى هذا العام يارب سكن وسكينة يارب

[@Elmaranajiha]

الله يرزقك السكن الواسع حبيبتي

[@anwermel-md5mp]

ماشاء الله متتبعة جديدة كلك طاقة ايجابية فعلا كنت نحتاج نصائح قيمة كما هاذي ❤جزاكي الله خيرا

[@Patatecarotte]

حساسية مدراهم 😂😂😂 و الله غير صح😂

[@Elmaranajiha]

الله يوفقك حبيبتي

[@Patatecarotte]

@@Elmaranajiha merci آمين اجمعين يارب العالمين

[@oumyassinlegaid3429]

بارك الله فيك النصاءح لي تمديها الناس راهم يخلصو دراهم في دورات باش يستفادو ربي يجعلها في ميزان حسناتك❤

[@زهرةأمل-ر4ه]

سلام اختي والله تحسبي راك عليا عقلية الفقير ودايما نحس روحي خاصني كل شيء عكس زوجي وانا منيش خدامة بصح يعطيني مرات مصروف للدار ومعرفتش نلم ومرات نلقى ولادي خصهم صوالح ودراهم ليكوغ يرحم والديك سحقيتك

[@hamzachadia7182]

شكرا عالنصيحة في ميزان حسناتك ممكن تعطيني رايك في اني نبيع الءهب تاعي ونفتح مكتب محاماة علما اني كارية وام لثلاثة اطفال زوجي موظف

[@fatimaFatima-nd3yb]

سلام عليكم شكرا اختي على المعلومات نحكي عن نفسي اقتطع تقريبا 80 بالمئة من شهري لكن نطم و كل مرة يجيني ظرف اما وفاه او مرض احد الوالدين او انا نمرضج مهم والله مانصرفو براحتي مانستثمرو فهمتيني الاخت ، كرهت و حبيت نبدا نصرف شهري هكذا نحس بيه عايشة بيه بديت نطم نطم من بعد نلقى روحي مادرت والو لنفسي لا ذهب لا كروسة لا سكنة و صراحة نشريذهب يخرج فياحتىنبيعو تمتم ترجع صحتي ، ممكن تنصحيني و شكرا

[@nourbousaleh4816]

هههه عقلية ضحية تبالي قاع احنا جزائرين فينا عقلية ضحية نحصو في ناس ياربي نتبدلو الى احسن الله مستعان

[@omyacine1749]

ربي يجازيك حببتي صح الانسان يقرا للزمان عقوبة وانا مريت بالتجربة ولكن الحمد لله كان عندي وعي الصرف العقلاني وهذ بعد مطورت من نفسي بدورات فالمال وقرأت الكتب الي ذكرتيهم و ننصح اي وحدة تقرأ من المال لان علم وطاقة ولي متقدرش تقرا كاين فاليوتيب كتب مسموعة

[@تخطيط-ط4ر]

اول تعليق نحبك بزاف

[@Elmaranajiha]

شكرا حبيبتي مرحبا بك و الله يسعدك

[@nouriaradia]

شتنصحيني بلويز حمبوكي هو انواع وينهو لنشريه ربي يفرحك حبيبتي

[@kamykamel4513]

لي وصلن للوفرة هل يجوز تعيش الرفاهية ولا تبقى مقتصدة وتكمل في نفس العقلية

[@moumou5966]

ارجوك ردي عليا انا مشرفة تربية وراجلي شهريتو دوبل نتاعي وهو مايخبيش كما يلزم دبري عليا واش ندير. اسكو نخبي انا بصح ماحاباش نحرم روحي كلشي مخصوصة فيه

[@NourElyakin-h2t]

ربي يحفظك افكارك ماشاء الله تستاهلي المليون بالتوفيق انشاء الله❤❤❤ احبك في الله

[@lamiahamoun287]

انا عندي عقلية الغني كيما راكي تحكي 😅 مي اهم الحاجة هي كلما تدخلك شهرية تصدقي

[@oumhamidayoub7380]

نتي تستاهلي الذرع الذهبي في الافكار ،بارك الله فيك

[@Fatima93348]

أزول يعطيك الصحة سيدتي الفاضله راكي top du top 👌👍 بارك الله فيك ربي يوفقك فى الدنيا والآخرة ربي يرزقك سعادة الدارين ❤❤❤❤

[@منكلبستانزهرة-و1و]

انا كنت نعيش عشواءية و نشري و نبذر و الشهرية نصرفها في سيمانة و نقعد نطلب في دراهم طرونسبور سيرتو كي كنت سيليباتير و ديت هاذ العقلية معايا كي تزوجت و صراولي مشاكل مع اهل الزوج في العام الاول و تماك فقت بلي معنديش حاجة نولي عليها ندمت و بدلت عقليتي و بديت نداخر تبدلت ان تكرهو شيءا و هو خير لكم

[@abdelkaderbeggui4261]

ربي يعطيك حتى يرضيك ويجزيك خيرا على نصائحك الثمينة ❤.

[@prof-oum-mouhamed]

شكرا اختي

[@nafahateimaniaa]

مساء النور والسرور❤يعطيك الصحة 👍 ❤ ألاخت لي درتلي ابوني ربي يخلي شملك مجموع وكلامك مسموع وراسك مرفوع وين ما روحتي ربي يجعل ربي يجعل مقامك عالي في جنة الفردوس أمين يارب العالمين 🤲 🤲 🤲 💞 💞 💞 💞 💞 💞 💞 💞

[@outrodjati3098]

ان شاءلله ياربي الله يبارك في عمارنا ويدخل عليك العام الجديد بكل خير وسعادة دائمة

[@timo7490]

انشاالله نتغير والله شخصتيلي روحي انا اكبر مبدرة دراهم كي كونو عندي تقول بومبة لازم نصرفهم باش نرتاح والله حايبة نلم دراهم ونحي قضيان العشوائي

[@janaaicha2289]

🎉🎉🎉🎉🎉

[@zahosaidani1721]

بارك الله فيك و زادك علما جزاك الله خيرا❤

[@bahloulifarouz6413]

مواضيع مهمة بوركت ولكن أظن انك تكثرين الكلمات اكثر من اعطاء الحلول

[@janaaicha2289]

🎉🎉🎉🎉

[@صفيةعمران]

والله درتيلي الڨلب وبديت نحسب ههههه

[@kerzazimourad8068]

حيت وموت انتي رگي ضمنا عمرك

[@onia5777]

Je vous félicite pour ces belles idées. El hamdouleh personnellement j'ai fais comme ça. Besah l'entourage familier n'accepte pas. Je suis cretiquée. Je ne change rien, vous m'avez rassuré💕 Merci.

[@LardjamMoad]

سلام صديقي غالية رسلت بصح ماجاوبتينيش😊

[@sarazell9795]

مساء الخير اختي شكرا جزيلا على النصائح و الافكار المفيدة ربي يعطيك ويرضيك ويفتح عليك ، امين

[@cuisineetroutinesdeleiladz846]

مشتركة جديدة معاك تبارك الله عليك حبيبتي تشرفت بالانضمام لقناتك الراقية لكن عندي طلب ممكن نتواصل معاك عبر الفايسبوك ؟؟؟🥰

[@Elmaranajiha]

مرحبابك اختي انستقرام elmara-najiha

[@chahdechahde2498]

بورك فيكم استاذ تنا الفاضلة شهد من الشرق الجزائري

[@batouldifallah9977]

كفاش نتواصل معاك خاص اذا ممكن

[@zouakrahimma1465]

ماشاء الله عليك راني فديو لي ندخل ليه ندرلك جام تستهل 🎉🎉🎉🎉🎉 درع ذهبي ربي يحفظك

[@Elmaranajiha]

شكرا حبيبتي مرحبا بك و الله يوفقك و يعلي مقامك

[@hananearzew2065]

السلام عليكم معضمنا لا نعرف ماذا نفعل بالمال المدخر و ليس لدينا عقلية الإستثمار

[@lapharmaciealgerienne3199]

راكي ذكرتي الزكاة و انا علقت فالفيديو لموراه على الزكاة و نتي كنتي ذكرتيه....برافو عليك

[@mineteminini5123]

كلام صواب نشاله قاع نقدرو نطبقوه ربي يوفقك حبيبتي

[@sarahhope9107]

❤❤❤❤ Nhebekkk

[@ithrinile9381]

شكرا جزيلا أختي على النصائح القيمة..جزاك الله خيرا

[@omyacine1749]

ربي يجازيك حببتي صح الانسان يقرا للزمان عقوبة وانا مريت بالتجربة ولكن الحمد لله كان عندي وعي الصرف العقلاني وهذ بعد مطورت من نفسي بدورات فالمال وقرأت الكتب الي ذكرتيهم و ننصح اي وحدة تقرأ من المال لان علم وطاقة ولي متقدرش تقرا كاين فاليوتيب كتب مسموعة

[@Elmaranajiha]

شكرا حبيبتي الله يوفقك و يسعدك و مرحبا بك

[@mohamedalimerina6467]

شكرا جزيلا حبيبتي الغالية ربي يحفظك ويسعدك ويبارك فيك