ايجابيات وسلبيات رام 2020

[@محمدعلي-س6ذ4ح]

السلام عليكم يعطيك العافيه ياخوي وانا مستانس وفرحان على صراحتك انا سيارتي دوج رام كلاسيك ٢٠٢٠ موافق على جميع السلبيات الي ذكرته و أكد عليه واهم سلبيه التكيف الفاشل جداً جداً جداً خاصه عندنه فالكويت الحراره ماترحم و أهم اجابيه الموتر وحش في طريق السفر خاصه المسافات الطويله وشكراً لك مره آخرى عل صراحتك وانك تقول الحقيقه بدون زياده او نقصان وبعد نقطه سلبيه من باب التأكيد وهي صرفية البانزين عليه جداً جداً جداً

[@usoofii]

الله يجزاك خير شاكر لك تاكيدك على الملاحظات الي ذكرتها لان الهدف من الموضوع نشر الفايدة للجميع 🌹

[@Jokerq8ku]

@@usoofii انصحك ركب مروحه سبال اماميه تفرق معاك بالمكيف

[@nobunaga-oda]

صج ماعندك سالفه شاري سياره ٨ سلندر و تبي صرفيتها للبنزين تكون صرفية كورولا مع احترامي لك ماعندك سالفه ولي مو قد ٨ سلندر لايشتريه

[@usoofii]

انت صح 👍

[@nobunaga-oda]

@@usoofii 🤣😂 انا ماقصدك انت انا اقصد تذمر صاحب التعليق الأساسي استمر مقاطعك رهيبه 😍

[@lilo6]

نحتاج صانعين محتوى خليجيين ما يطبلون للشركات ويخدعون المتابعين في كل المنتجات سيارات وغيرها...اهنيك على صدقك 👍🏻

[@usoofii]

شهادة اعتز فيها طال عمرك ، الدنيا للحين فيها خير وفي ناس كثار عندهم مصداقية وكلهم خير وبركه

[@عبدالله-س7ه2ن]

يشيخ مليون لايك

[@HellcaaT]

اهم نقطتين وهي تكسر الظهر فعلا هي المكيف والبنزين اشياء مهمه وزعلتني والله اما الباقي سياره خورافيه

[@hmoooooode06]

الله يعطيك العافية.. معي رام ليمتد 2019 ممشى قارب 100 الف كم بخصوص السلبيات اتفق بقوة بموضوع المكيف وسويت تضليل عازل لكامل السيارة وفتحة البانوراما سويت لها عازل قوي جدا لتخفيف الحرارة اللي تدخلها ..تحسّن معي المكيف بعض الشي ..أما باقي السلبيات ما واجهتها الحمدلله مثل الزجاج الخلفي وتسريب الماء ومثل الكاميرا ومثل مشاكل فتح وإغلاق الزجاج ..واتفق معك في موضوع جودة المواد الداخلية فعلاً عالية جدا جدا وعلى فكرة كنت من ملاك الفورد F150 وكان عندي سيارتين كان عندي لاريات 2016 وبعته واشتريت كنج رانش 2017 كان الفورد فيه مشاكل من ناحية جودة المواد الداخلية واستخدام البلاستيك بشكل كبير وتسمع اصوات صرصرة بشكل مستمر والشي هذا ما واجهته بالرام .. ولكن اهم ميزة اشوفك ماذكرتها بالرام اللي هي النعومة الفائقة بحكم الهيدروليك والشي هذا كنت اعاني منه بالفورد ولكن صراحة الشي الوحيد اللي افتقدته من بعد الفورد اللي هو المكيف كان صراحة بطل بطل واسيات او مراتب الفورد كان مريحه اكثر من الرام وخصوصا فئة الكنج رانش ولكن بالمقابل واجهت مشاكل كثيرة بالفورد وتم إصلاحها بالضمان لايتسع المجال لكثرها.

[@jabersultan2581]

يعطيك العافيه على هالمحتوى الطيب وانك ذكرت السلبيات الي الاغلب عانى منها وانا واحد من الاشخاص الي بعت الرام عشان سواء اداء المكيف وتنسيم الهواء من المرايات الجانبيه والابواب الاماميه … بالتوفيق إن شاء الله

[@ibrahimkhalid8243]

سبحت الرام وغرقته وماشفت اي تسريب للماي بوسلمان 🤣🤣🤣 اتوقع ربلات موترك فيها شيء مشكور وماقصرت على هذا الفيديو الجميل

[@usoofii]

يجوز بعض السيارات فيها مشاكل لاني لقيت كذا واحد عنده نفس المشكلة وقريت في منتدى الرام الامريكي كذا واحد يتكلم عن نفس المشكلة

[@عبداللهفهد-ت5د]

السلام عليكم،، بالنسبة للحرارة أتوقع لون السيارة وفتحة السقف لها تأثير قوي على أداء المكيف. فيه موترين عندنا واحد أبيض والثاني أسود داخليتهم الظهر فرق السماء عن الارض الأسود غادي فرن. وفيه معلومة بخصوص اللون الأسود يفرق حول 20 درجة حرارة في الشمس لأنه يمص الحرارة. فيه مقاطع كثير تحكي عن ذا الشيء. وفتحة السقف أغلب السيارات تكسب حرارة عن طريقها.

[@usoofii]

كلام علمي وصحيح واتفق معاك اللون يلعب دور كبير فالموضوع اكيد لكن لو كان اداء المكيف ممتاز كان الموضوع طبيعي وماراح نعاني منه بس مكيف سيء وسقف بانوراما واللون اسود ! اجتمعت كل السلبيات في سيارة وحده هههههههه

[@jamesmarble2825]

@@usoofiiطيب جرب تحط عوازل حرارية على شبابيك السيارة الغريب في الموضوع انا عندي رام 1500 موديل 2014 و التكيف فيه ثلج وفوق هذا كله انا ساكن بسعودية الحرارة توصل عندنا 45 بعز الظهر نصيحتي لك افحص التكيف و ركب عوازل حرارية على نوافذ السيارة واتمنى الرد اخوي يوسف

[@ba7ar]

مع اني تواصلت مع الوكاله بخصوص المكيف والحجه انه كبير من داخل ويحتاج وقت لتبريد ،،، عذر غير مقنع ،،، ولكن اشوف سلبيه لم تذكر وهي الاضاءه تكون شغاله اذا انت واقف وفي الاساس انت مطفي الاضاءه الخارجيه اساسا ،،، لازم تطفي السياره لجل تطفئ جميع اليتات الخارجيه وهذي اشوفها سلبيه

[@3bdulmajeed936]

بخصوص تسريب الماء من القزازة الخلفية كنت أواجه نفس المشكلة واستخدمت هالمنتج (ATP AT-205 Re-Seal) على ربلات القزازة وبعدها اختفى التسريب

[@fahadq8274]

وقسم بالله متحييير بين رام ريبل 2022 و وانيت فورد Fx4 2023طبعه الكل غمارتين

[@alyamiV8]

ماشاءالله تبارك الله احسنت الاختيار في الرام وعسى ربي يبارك لك اخوي يوسف❤

[@Abdullah-nv7ru]

الرام ماخذ افضل بيكاب في امريكا في اكثر من سنه وانا بالنسبة لي افضل بيكاب في الامريكي سيارة تتحمل الكرف واخوي معاه موديل 2011 واستخدامة جدا سيئ وبالرغم من كذا ما اشتكى منها

[@محمدالشرقي-خ9ح]

مشكله المكيف من الباناروما،،، ماتصلح عندنا ابدا حتى الفتحه العادية ماتصلح مع اجوائنا اللطيفه.

[@azadgenk8280]

انا كان عندي رام لارامي 2019 صراحة بيها عيوب كثيره مثل صافره اذا مشيت فيه فوق 150 بس اشتريت واحد 2021 صلحو كلل العيوب

[@عبدالرحمنصالح-ض8ب]

المقطع جميل و مفصل و تشكر عليه جداً 🌹. عندي نقطتين بخصوص السلبيات ، اولاً المكيف الصراحة اشوفه ممتاز جداً ونادراً استخدم الدرجة السابعه بس اذا كانت السياره واقفه في الشمس في الظهر و اكون توني مشغلها للتنويه اني مركب تضليل عازل حراري اصلي درجة العزل ٣٠٪؜ و هو اعلى حد مسموح في السعودية . النقطه الثانيه الدريشة الخلفيه الصراحة ماني مواجهها ولا اعرف احد من الشباب مرة عليه المشكلة ، فأتوقع عندك عيب مصنعي بسيط او مشكلة في احد الجلد . بالنسبة لمشكلة الشاشة و ازرار الدرايش فالغالب انها عيب مصنعي و من المحتمل جداً ان الوكيل يعالجها مجاناً 👍🏻

[@usoofii]

صادق كلامك صحيح في سيارات جربتها شخصياً مافيها المشاكل الي ذكرتها ولكن في دفعة من موديلات ٢٠٢٠ ونازل كان فيهم العيوب هاذي وللاسف سيارتي وحده منهم

[@Simpify_VR]

فعلا الرام مريح في الدرب لاني اخذت الياي اللي يجي للرام مع مساعدات فوكس وركبته للتاهو حقي موديل 2016 وصار سيدان من الراحة.

[@mohamedgamerdh4733]

ماشاء الله. ترتيب وتنضيم المعلومات وتوثيق والتدقيق ف التفاصيل يزيد من مصداقيتك. ناهيك عن المونتاج الخرافي. مبدع يوسف ماشاء الله. استمر 😁

[@usoofii]

الله يجزاك خير شهادة اعتز واتشرف فيها 🌹

[@MrOmar717]

اول شي قبل كلشي ,اشكرك على جعودك بتقديم محتوى نظيف واضح خال من الموسيقى المزعجة , حتى الي داخل بس يتفرج راح يستمتع جدا جدا ,اششكرك على المصداقية وان شاءالله تستمر في طرح هذا المحتوى المفيد والجميل

[@akk5863]

والله من افضل القنوات اللي تستعرض مميزات وعيوب السيارة

[@نوافالسبيعي-ظ7ر]

اهنتك على صراحه كل سياره فيها عيوب وفيها ايجابيات بس اشوف إف ١٥٠ الافضل بين منافسين

[@usoofii]

صحيح حالياً اشوف الفورد افضلهم

[@taimalamri882]

الصراحه انه توني اعرف عن هذي السلبيات الله يجزاك خير افدتني بس لو تكرمت فضلاً وليس امراً نزل مراجعة عن تيوتا افجي او تندرا

[@ಠ_ಠ-ಶ8ಳ]

الموسيقى حراام!

[@W7SH-7]

وين تجربتك ل F-150 ؟ اذا ما سويت سو لنا تجربه لاهنت

[@usoofii]

جربته عند واحد من الشباب اول ما شراه تجربه سريعة لكن ان شاء الله اذا سمحت الظروف بسويله تجربه شاملة لليوتيوب

[@tmem9800]

الغيبة لاتجوز

[@Jacop78]

مشكورجداً على شفافيتك وبالنسبة لي اللي شدني اكثر مو الميزات ولا العيوب اللي شدني ماشاءالله تبارك الرحمن الترتيب والاضافات والافكار اللي على موترك الله يهنيك فيه ☺️👍🏼

[@abdullahdalmook1166]

عندي وام لمتد ٢٠٢٠ واتفق معاك وبقوه

[@sultanahmed8231]

من ناحية البانوراما تقدر تركب عليها عازل حراره 3m قوي جداً اما من ناحية التكييف تقدر تكرب كمبروسر ايزوزوا راح يخليه لك ثلاجه بس

[@usoofii]

السقف عليه عازل حراري نوعية ممتازة خفف الحرارة ولكن مازالت المشكلة ملحوظه

[@faheemalfarsi1702]

السلام عليكم ورحمة الله وبركاته يا أخوي الغالي كلامك صحيح بااااارك الله فيك عن بعض النقاط وخاصه عن التكييف المشكله المروحه الي في الرام مروحه كلش وحاليا بإمكانك تغيرها إلى كهربائيه وتوجد فيشه لها جاهزه على اليمين جنب البطاريه وتكييف يكون غير بإذن الله تعالى هذا توقعي وتقبلوا مروري بصدر رحب ولكم منى كل التحيه والتقدير والاحترام

[@faheemalfarsi1702]

dodge ram fan change to electric fan

[@البدرالعنزي-ج5ي]

السلام عليكم اخوي معي رام موديل 2020دبل رباعي عندي الدفرنس الخلفي خرب مع العمود الي هي الكرونه ممكن تفيدني هل يوجد سياره ثانيه تركب لها نفس الدفرنس من شركه ثانيه لان انا في اليمن ومافي لها قطع غيرا متوفره اذا تعرف بالله فيني في الموضوع ذا يعني مثلا دفرنس جمس يركب لها او شركة ثانية

[@fahdii.2.2mohammed38]

اول شي أسلام عليكم ورحمة الله وبركاته اول مره اتابعك بصراحه وعجبني طرح وتصميم موفق خير انا من المهتمين ف السياره لكن فئة الصالون لكن اسمع كثير نقاد بخصوص مكيف رام لكن من وجهت نضري يمكن تغيره ف كنبريسر ثاني اكيد فيه شركات تقدر تعدل لكن الخوف من الباور الزايد ف السياره لكن لكل مشكله ولها حل استمر يا اخوي وموفق خير ♥️♥️

[@usoofii]

الله يجزاك خير اتشرف بمتابعتك، نعم صحيح حل مشكلة المكيف سهل جداً مجرد تبديل للثرمستات ويصير الاداء ممتاز لكن هذا التبديل يلغي الضمان كان الوكالة تجربك تستخدم السيارة بمكيف سيئ

[@salehal-ghamdi4834]

من غير زعل الصراحه راحه اذا ما فيها تجريح 👍🏻 و اللي زعلان يشرب من البحر 😊 ...

[@22boali]

الله يرحم والديك نصايح طيبة من وجه طيب الله يكثر من أمثالك كنت أبحث ابي اشتري رام وأستفدت من كلامك

[@مشارك-ي9ث]

تسلم يالغالي ماقصرت ...بالعكس خليتني أحب موتري الرام أكثر ..

[@احمدالسبيعي-د2ز]

قناه مميزه تصوير ومونتاج واهم شيء شخصيتك خفيف نفس الله يوفقك واستمر

[@usoofii]

شهادة اعتز فيها طال عمرك 🌹

[@mohammedtalib9486]

السلام عليكم اخوي فية مشاكل ميكانيكية او لا

[@usoofii]

ماواجهت غير المشاكل الي ذكرتها بالمقطع

[@ASIRI9]

اذا الواحد يقول الصدق ويبغا ينفع ويفيد اء احد يقرأ كلامه علدي ترا ابد ولا يهمك احد بس أهدا شويه وتأكد من معلوماتك قبل لا تقول اي شي هذي نصيحه لك ياصاحب المقطع ونت براحتك. عاد ب التوفيق أن شاء الله لك.

[@mardrgabr-se6hl]

الله يفتح عليكم يا اصحاب الخليج ويزيدكم من فضله حافظو على هده النعم بالشكر الله يزدكم

[@rooon1n]

ماقصرت ياوحش شرحك خفيف لطيف مختصر دقيق

[@farisali7262]

بيض الله وجهك على قول الحقيقه بعضهم يتكلم عن سيارته ع اساس ماخذها من شركة ابوه

[@mohamedalnaimi6288]

في سلبيه ماذكرتا وهي الباب الخلفي أحيانا مايسكر عدل وانا صحاب رام لارامي 2020

[@MO-00]

ياخي كاباتك وش اسم الماركة حقتها

[@usoofii]

new york yankees cap 🧢

[@وليٰد-ش6ف2ج]

بالنسبة لصرفية البنزين الي شاري زي ذي السيارة لا يدور توفير صراحة تبغى توفر خذلك سيارة صغيرة

[@usoofii]

المقارنه بالمنافسين الي من فئتها تعتبر اكثرهم صرفية، كلنا ندري ان ٨ سلندر يصرف بس التقنيات تطورت

[@Frdan011]

ي رجال ما عنده سالفه شرى اف جي علساس صرفيته احسن 😂

[@ahmedtech090]

موضوع الدريشه هذا عيب مصنعي ارجع للوكاله

[@x-zlc]

انصحك البانوراما ظللها تظليل كتم انا عندي سيارة فيها فتحة سقف وفادني هالشي كثير

[@mohamedalbadi971]

اما من ناحية الصرفيه عادي ترا انت تسوق وحش 😂

[@harbifamily8935]

كلامك صحيح عن التكييف

[@wisamamer6054]

يا كذاب معنا رام لارامي دامت معنا كثير ولا سلبيه من هاذي السلبيات فيها فقط المكيف بس بدلناه ومعاد فيها أي مشكله❤

[@usoofii]

انت صح وانا كذاب ولا تزعل 😘

[@Frdan011]

@@usoofiiمكيفه بارد يمكن فلتر المكيف تهمله او ما تعطيه ٢ ونص ار بي ام

[@usoofii]

الموتر شاريه اصفار من الوكالة مكيفة تعبان شلون اهملت الفلتر؟ وكل الناس الي واجهتهم عندهم نفس المشكلة اهملوا الفلتر!!

[@ahmedtech090]

للامانه انا عندي رام ٢٠١٨ ممشى السياره ١٤٠ الف بخصوص الدريشه الخلفيه ماوجهه فيها تهريب واغلب المشاكل اللي ذكرتها ماطلعت معايا الا موضوع المكيف للامانه في الصيف يفرق كثير ومايكون مره بارد

[@usoofii]

اغلب المشاكل الي ذكرتها على الجيل الخامس الشكل الجديد، اما الشكل القديم مشاكله اقل

[@rayanalenazii6462]

مجهودك يشكر ولكن مافصلت لنا اداء السياره مقارنة بمنافسينها خصوصاً انك مجربهم كلهم ويعطيك العافيه

[@usoofii]

التفصيل تلاقيه بقنوات ثانية انا حبيت انقل انطباعي عن السيارة بعد ما امتلكتها لا اكثر ولا اقل

[@mohamedalbadi971]

اعتقد المشكله من الكمبريسر صغير على سياره بحجم الرام لكن السؤال هل بيتعدل أداء المكيف لو بدلته ببديل أقوى منه؟؟؟

[@tariqshanfari]

طبعا الكمبريسر يلعب الدور الاساسي في التبريد لكن يحتاج لك واحد شبيه له من حيث القاعده والحجم اغلب السيارات تختلف في الكمبريسر

[@hazratifahad]

جزاااك الله خيرررر الف مره ياخوي جزااك الله خير من القلب الله يطول عمرك ويرزقك ،، اخوك من الكويت

[@saidahmedou1080]

ما شاء الله بطل

[@granddark5926]

افضل من يتكلم بالسيارات يوسف النعيمي ..انتهى

[@محمد-ق2ب7ب]

اذا تشوف تعليقي يا يوسف انا يوم شفتك هضمت وجهك و الله يباركلك في حلالك ماشاءالله تبارك الله

[@أحمد-م4ط2ط]

4:28 مسوي لايك قبل ما أشوف الفيد😊

[@usoofii]

انت احسن واحد حتى انا بحط لك لايك وقلب بعد

[@أحمدالمدفع-ط9ذ]

الله يعطيك العافيه ماقصرت،،، صراحه تعطي رايك بدون انحياز تستاهل مليون لايك

[@Cristiano84]

صديقي اتمنى تجرب سيارة تويوتا تاندرا الجديدة

[@zainfadhil2588]

هذه اخر سنه لهلموديل؟

[@GoRostart]

اي سياره مكيفها اي كلام ما انصح فيها كلش .. كفيت ووفيت يوسف اخوي 🌹

[@hamdan.shehri]

تستاهل اللايك والاشتراك موفق 👍🏻

[@RayanAhmed]

حبيبنا يوسف انت مطفي نظام الـECO بالسيارة اول ماشريتها ٥:٢٠ فعشان كذا صرفتيها سيئة جيدة

[@usoofii]

السيارة مافيها نظام ايكو بحثت عن الموضوع مع الوكالة قالوا مافيها

[@RayanAhmed]

@@usoofii قصدي في نظام الايكو هو نظام الـ MDS في مقطع kzbin.info/www/bejne/gpWWfqxsgtGnhZo انت مطفي هذا الخيار وكوني مجرب موضوع الـMDS سيارات دودج بدون MDS ماتسوى ، صرفيتها عالية تذبح الواحد وتخليك تكرهها 💔🙂

[@usoofii]

اذا تقصد mds رجعت شغلتها بجهاز ديابلو صحيح تقلل استهلاك البترول بس مازالت السيارة تصرف

[@عبداللهالمنصوري-ث9د]

👍👍👍👍

[@محمدجواد-ب5ر3ك]

اجمل تقرير على رام وحش فيديو لطيف 🇮🇶

[@ASEsrty]

الصراحه السييرا افضل منه

[@abdullaalkaabi3625]

اول شي اشكرك على صدقك وبارك الله فيك والله يرزقك على نياتك والفلوق مميز وستفت منه لاني مخطط على فورد او رام وانت وضحت لي الصوره بشكل افضل وفرت علي عناء السؤال؟؟ لاني اثق فيك .... شكرا لك بو سلمان ....👍

[@sulimansuliman180]

اذا تفكر في F150 انا استخدمة من ٢٠١٥ فيه سلبيات بذكرلك اياها ١- فيه اصوت مزعجه لما تفتح وتسكر الابواب الاربع مع رشة دبليو فورتي تروح ولكن ترجع مره ثانيه ٢- عندي التواير الي قدام تتأكل من الاجناب وكل مرة اسوي ميزانية رود اكتشفة المشكله في ربل المقصات هو الي يتقصص ويبيلهم صيانه تبديل كل فترة ٣- بدي السيارة المنيوم عندي الولد من كثر مايصفق الباب وهو نازل لقيت شلخ بالطول في البدي وراء الباب الخلفي بديه لك عليه ٤- لفته كبيرة خصوصاً اذا بتكوع في الاشارات معاناه وفي المواقف حجمه كبير فترة لين تتعود عليه الايجبيات مكيفة ممتاز صرفيه ممتازه في القلص موتر اعتمادي مريح في الخطوط اعطاله قليله وفي الرملة وحش بس تأكد تركب عليه تواير كوبر او بي اف قودرش نسم وروح اي مكان

[@usoofii]

الله يجزاك خير ان توفقت في ملاحظاتي فهذا من ربي وان اخطيت فهذا مني، ارشح لك الفورد حالياً افضل المنافسين والله يعطيك خيره ويكفيك شره مقدماً

[@Frdan011]

@@usoofii سييرا دينالي افضل وين يا يوسف ترا تزعلني

[@usoofii]

الله لا يجيب زعل بس انا جربتهم كلهم اكثر اثنين حسيتهم مناسبين للاستخدام اليومي الرام والفورد (وجهة نظر واختلاف اذواق) هذا لا يعني ان الدينالي سيء

[@fars-ud1uh]

العيب الي كان في الجمس الجديد الي ذكرته عدلوه

[@mrhab75]

حياك الله من ليبيا بصراحة عندك ملكة في الإلقاء وقبول امام الكاميرا 🎉🎉 وفقك الله

[@usoofii]

الله يجزاك خير هذا من طيب اصلك واخلاقك على راسي ليبيا 🇱🇾 واهلها الكرام 🌹

[@jaberaljalahmah2061]

محتوي راقي لشخص راقي شكرا لك ✋️

[@كحيلانالقحطاني-ق1غ]

كنت باخذ رام بس هونت

[@majed_alshaya]

تستاهل كل التفاعل الجميل

[@Oldsnake6]

ماشالله المقطع روعه تحياتي لك

[@tripelhabloshi1814]

احب قطر

[@حمودي28]

الله يوفقك وحش 👹 🇺🇸🔥

[@abuali9845]

ممبدع😊

[@fahadves9071]

السلام عليكم و رحمة الله لو تحط لنا روابط القطع او اسمهم اكون شاكر لك الغالي

[@usoofii]

جميع القطع من محل فولتج لخدمات السيارات instagram.com/voltage_qtr

[@abdullahashkanani4473]

السلام عليكم ،، الاضافات من وين جبتهم ؟

[@usoofii]

عليكم السلام من محل فولتج لخدمات السيارات instagram.com/voltage_qtr

[@Kbi-ws3hu]

سلبيت الميكف صح انا معاك بس الدريشه الخليفه لا يمكن الي عندك ف عيب من المصنع 🫡

[@usoofii]

موضوع التسريب شفت كذا رام فيه نفس المشكلة وقريت عن المشكلة في منتدى الرام الامريكي، يمكن المشكلة في بعض النسخ مو كلها

[@_16idon]

شكرا على كل شيء يا غالي😇🤝🏽

[@دمعةالحرمان]

اشتراك ولايك لعيون الجميع ولعيونك يالغالي والله كلامك علي العين والراس 👍✨️🌹❤️

[@usoofii]

الله يجزاك خير اتشرف بمتابعتك يابعد راسي 🌹

[@بوحسنالنفيحي]

بيض الله وجهك كفيت ووفيت 👍

[@Mohamed-rk4bz]

فيدنا بالاضاءة الداخليه الي مركبها

[@usoofii]

كل الاكسسوارات من حساب فولتج على الإنستقرام voltage_qtr

[@abdulla-7528]

القطع من وين ماخذهم ياخوي ؟ قطع الداخلية

[@usoofii]

كل القطع من محل voltage instagram.com/voltage_qtr

[@v5x.r7]

استمر ❤👌

[@iaqa]

ابدعت وعساك عالقوه 👏🏻👏🏻

[@elias44x25]

ركب تضليل في البانوراما

[@usoofii]

مركب تظليل نوعية ممتازة خفف شوي ولكن مازالت تدخل الحراره بشكل ملحوظ

[@abdullh7984]

لايك بالله من وين جبت الاضاءات الار جي بي حط لنا الرابط

[@usoofii]

كل الاكسسوارات الي فالمقطع من محل VOLTAGE حسابهم على انستقرام @voltage_qtr

[@hayderalajmi3182]

ابدعت 👌

[@alattarf]

انا تلفتني مشكله تهريب كهربا السيارة وكاله على ايدي ماخذها خلال سنة و نص بدلت البطارية ٣ مرات !! الرام حلو و فخم و قيادته راسيه روعه لكن مشكلته المواصفات الكهربائية الي فيه صحيح فخمه و مريحه و الافضل بين منافسينه كسعر و مواصفات لكنها تستهلك كهربة السياره و رام مو عارفين شلون يتعاملون مع هالمشكله للاسف

[@usoofii]

كلام صحيح، انصحك تستخدم بطاريات اوبتيما راح تحل المشكلة شوي

[@alattarf]

@@usoofiiاحسنت يا خوي انا بغيت احط بطارية امارون لكن قالولي تطيح الكفاله لان البطارية تجارية و بعدين المفروض هذا شغل الوكاله السيارة مكفوله

[@usoofii]

معلومة جديدة هاذي اول مره اسمع ان بطارية تطيح الكفالة 😂 عندنا الامور طيبة لكن بطارية امارون ماتنفع للرام، احسن بطارية جربتها اوبتيما 💪🏼

[@alattarf]

@@usoofii مع وكالاتنا تشوف العجب .. ليتات ال اي ديه تطيح الكفاله .. مرايه داش كام تطيح الكفاله .. لازم تاخذ سيارتك ٥ سنين ما تجيس منها و لا برغي عشان تضمن الكفاله يا ريال خلها على الله مقصوص علينا ادفع و انت ساكت 😅

[@usoofii]

الله يعينكم، الي عندنا ارحم متفهمين ومتساهلين

[@جاسمالمعيلي-ث9ذ]

صرفيه البانزين ماتعتبر سلبيه انت ماخذ سياره فوق الطنين و٨ سنلندر المفروض انت عارف شنو ماخذ

[@usoofii]

لاحظ اني قلت تعتبر سلبية فالوقت الحالي مع ارتفاع سعر البترول وقلت سلبية فالمدينة فالخطوط ماعليه كلام يمشيك 700 كيلو كحد ادنى

[@جاسمالمعيلي-ث9ذ]

@@usoofii وجهت نظر بس انا اشوف حتى لو صغروا المكينه وحطوا قير ١١ غيار سيارة بهالحجم بتصرف

[@usoofii]

لو يسوون مكينة بنفس نظام الفورد ايكو بوست بيطلع شي جبار، شوف الفورد ايكو بوست اداء قريب من الرام ومع ذلك مكينة اصغر واستهلاك اقل بشكل ملحوظ

[@جاسمالمعيلي-ث9ذ]

@@usoofii تصغير المكينه يعطيك خفه وزن وقوة تيربو صح لكن صعب عشاق ال ٨ يتقبلونه وحتى دوج صعب تستثمر بمحرك جديد وهي شغاله عالكهربه حالياً

[@usoofii]

انا من الناس الي صعب اتقبل الرام بمكينة 6 سلندر لكن هذا المستقبل شر لا بد منه يا 6 سلندر يا كهرب زمن الـ8 سلندر قاعد ينقرض حالياً لازم نتقبل الواقع

[@akk5863]

4:22 اكثر شي يعجبني فيك👍🏼👍🏼

[@usoofii]

وهو نفسه اكثر شي يكرهونه فيني المتعصبين والوكالات هههههههه

[@akk5863]

@@usoofii 😂😂😂😂

[@hasheln5661]

انل عندي رام و الدريشه الخلفيه ما تهرب ماي

[@usoofii]

انت محظوظ 👌

[@zoozeGamer]

+٢ غريب الموضوع ذا اول مره اشوف احد يسرب عنده

[@usoofii]

شفت ٣ غيري عندهم نفس المشكلة + في منتدى الرام الامريكي تكلموا عن هذا الموضوع كثير

[@fahadm8260]

انا خذيت رام 2022 ، صلحوا مشكلة المكيف ولله الحمد مشكلتي الوحيدة معاه حجمه في المواقف مثل ما تفضلت يعطيك الصحه والعافية

[@usoofii]

صحيح موديل 2022 صلحوا فيه مشكلة المكيف، اما الموديلات الي قبل راحت علينا خلاص

[@cartierblood1626]

الله يعطيك العافية اخوي والله اني احترت بعد الفيديو حقك والسلبيات وانا بصدد اشتري رام باور واجن 2500 اذا سيارتك 1500 وتعاني من المواقف كيف اللي انا باخذه ومبلغ وقدره علما انها بتكون سيارتي الأساسية بالمدن والسفر اكثر من البران والصحاري المشكلة اني طايح عند الباور واجن 2500 وعلى أساس بحجزه هالشهر هذا عموما الله يديك العافية ماقصرت بالعكس انت توضح الإيجابيات والسلبيات من تجربتك وتفيد اللي بيشترونه مستقبلا اخوك من السعودية

[@yousefbkk4753]

تسلم ما قصرت. انا شفت الفيديو متاخر وعجبني الكلام لانه عندي رام لارامي ٢٠٢٠. ما اشكي منه باس قويه مريحه بس خذلتني في الرمول حتي الخفيفه او يمكن انا ما عرفت اتعامل مع الدفع الرباعي لاني متوعد عاياباني شورتنصحني كيف اتعامل في الرمل مع الرام شو انسي وضعيه الدفع الرباعي. او تعمل فيديو ما عليك امر لاني اعشق الرام بس الدبل

[@faisalathaalyy6876]

سوال مهم هل التندرا الجديد فتحة البانوراما تدخل حرارة ؟ مثل الرام