Рет қаралды 291,452
Uwo nahoze ntegereje kera
Nkeka ko uba/kuba ingabire nahawe
Nk’uko Rurema igenera abandi
Ndaye ndibwigure ihogoza
Uwo (ya)ngeneye ingabire yanjye
Uhorane Imana, Mumararungu ;)
Ugire aho uvuka, ngire abo nsanga
Dusabanye amaboko yacu
Maze dusangire n’abakunzi
Uwo (ya)ngeneye ingabire yanjye
Inzu ya njyenyine ivuga inunu
Hehe no kuyisubiramo ukundi
Nkunze ahubwo imbaga nyamwinshi
Izadushengerera ku bwawe
Uwo (ya)ngeneye ingabire yanjye
Ikuzo untamilije ni ryinshi
Sinshidikanya kuba imanzi
Mu bo tubana uzampe umwanya
Nyure mu rubuga nshize amakenga
Uwo (ya)ngeneye ingabire yanjye
Bazakuvuga byinshi cyane
Habe abagushuka, habe abagutuka
Icyakora nzakulikiza ibyanjye
Ngutezeho kugarura umutima
Uwo (ya)ngeneye ingabire yanjye
Maze dute ibyo bamwe batinya
N’ibyatanije abatali bake
Kuko twe ubwacu tuzigorora
Tugahanana; duhana imbabazi
Uwo (ya)ngeneye ingabire yanjye
Ntacyo nzakurenza na kimwe
Kuko biva mu maboko yawe
Nudasiba kungura urugo
Ukabyibwira ntabiguhase
Uwo (ya)ngeneye ingabire yanjye
Haliho abana bagira iwabo
Hali n’abandi bagira ibyago
Umenye utagilira n’umwe inabi
Imbabazi ubaha zizagusiga
Uwo (ya)ngeneye ingabire yanjye
Ubyare ibikuze urerere Imana
Ureme abantu bazishobora
Ushake yuko bamera neza
Igihugu kibone ingabo n’abageni
Uwo (ya)ngeneye ingabire yanjye
Dutengamaye mu mulyango
N’abadusanze batangare
Abasore n’inkumi barore kure
Bige gutsinda sinamenye.
Uwo (ya)ngeneye ingabire yanjye
("Uwo yangeneye ingabire yanjye" ~ François Nkurunziza, Rwanda)