Рет қаралды 44,457
Song: Love your wife
Lyrics: Muhemmedjan Rashidin
Artist: Memettursun Qurban
ئۆزگە باغقا كۆز سالما، ئۆز بېغىڭدا گۈلزارىڭ،
نېمە تەشۋىش ئالەمدىن، تۇرسا ياندا ئۆز يارىڭ.
ئاشناڭ ساڭا ئاش بەرمەس قازىنىدا ۋاپانىڭ،
ئاغرىپ قالساڭ ئاشلايدۇ ئاپئاق ناندا ئۆز يارىڭ.
يار ئۈستىگە تۇتقان يار بەڭگە ئوخشار بىر چىلىم،
لەززەت يوقتۇر تەكتىدە تاۋۇز كەبى بىر تېلىم.
مۇڭداشقانسەن مۇڭداشساڭ تۈگىگىچە بىر فېلىم،
مىڭ سۆيگۈ بار ئۇ يەڭلىغ، ئاچقان پالدا ئۆز يارىڭ.
پىچاق كەسسە قولۇڭنى ھېچكىم ئۇنداق تاڭالماس،
تىكەن كىرسە پۇتۇڭغا، ھېچكىم ئۇنداق ئالالماس.
يۆلەپ يۈرەر ئۆمۈرلۈك بولۇپ قالساڭ ماڭالماس،
نىجاتلىق بار سەن ئۈچۈن ياققان شامدا ئۆز يارىڭ.
يۈگۈرۈپ چىقار ئالدىڭغا قايتىپ كەلسەڭ سەپەردىن،
ئېسىلىدۇ بوينۇڭغا يارىڭ، ئامان چىقساڭ خەتەردىن.
يامان كۈن يوق ئالەمدە يارسىز يالغۇز ئۆتەردىن،
تۈنەپ چىقار سەن بىلەن ئەسكى تامدا ئۆز يارىڭ.
جۇدالىققا دۇچ كەلسە، ئاۋۋال سېنى ئەسلەيدۇ،
سەن بولمىساڭ، سۇ تۇتۇپ، ئۆزى خامان چەشلەيدۇ.
بىلىندۈرمەي يوقۇڭنى، ئۆزى ئوتۇن كەسلەيدۇ،
راھەت دېگەن ئەسلىدە ئەتكەن خامدا ئۆز يارىڭ.
چىنىسىدىن ئىلغايدۇ قىيمىسىنى چىنەڭگە،
ئاش ئۇسقاندا، بىچارە بىللە چىقىپ بىنەمگە.
باي بولغاندا ياتقۇزار ئاۋۋال سېنى گىلەمگە،
تولغىنىسەن راھەتتە، ئويغاتقاندا ئۆز يارىڭ.
كۆكلىتىدۇ تەر تۆكۈپ، تۇرمۇش ئاتلىق باراڭنى،
سەن تالانى ئويلىساڭ، ئۆيدىن باشلار پاراڭنى.
دۈشمىنىڭگە كۆرسەتمەس يىرتىقىڭنى، ياراڭنى،
سۆيگۈڭ كېلەر سەن ئۈچۈن ئۇھ تارتقاندا ئۆز يارىڭ.
جاھان قىلغان جاھاننى شۇلاردىكى ساداقەت،
چېچىلغاندۇر شۇلاردىن يەر - زېمىنغا سائادەت.
باھار قەلب، ياز چىراي، ئۆز يار دېگەن گۈل قامەت،
كەلمەكتىدۇر ئات چېپىپ، شەرەپشاندا ئۆز يارىڭ.
өзгә бағқа көз салма, өз беғиңда гүлзариң,
немә тәшвиш аләмдин, турса янда өз яриң.
ашнаң саңа аш бәрмәс қазинида вапаниң,
ағрип қалсаң ашлайду апақ нанда өз яриң.
яр үстигә тутқан яр бәңгә охшар бир чилим,
ләззәт йоқтур тәктидә тавуз кәби бир телим.
муңдашқансән муңдашсаң түгигичә бир фелим,
миң сөйгү бар у йәңлиғ, ачқан палда өз яриң.
пичақ кәссә қолуңни һечким ундақ таңалмас,
тикән кирсә путуңға, һечким ундақ алалмас.
йөләп йүрәр өмүрлүк болуп қалсаң маңалмас,
ниҗатлиқ бар сән үчүн яққан шамда өз яриң.
йүгүрүп чиқар алдиңға қайтип кәлсәң сәпәрдин,
есилиду бойнуңға яриң, аман чиқсаң хәтәрдин.
яман күн йоқ аләмдә ярсиз ялғуз өтәрдин,
түнәп чиқар сән билән әски тамда өз яриң.
җудалиққа дуч кәлсә, аввал сени әсләйду,
сән болмисаң, су тутуп, өзи хаман чәшләйду.
билиндүрмәй йоқуңни, өзи отун кәсләйду,
раһәт дегән әслидә әткән хамда өз яриң.
чинисидин илғайду қиймисини чинәңгә,
аш усқанда, бичарә биллә чиқип бинәмгә.
бай болғанда ятқузар аввал сени гиләмгә,
толғинисән раһәттә, ойғатқанда өз яриң.
көклитиду тәр төкүп, турмуш атлиқ бараңни,
сән талани ойлисаң, өйдин башлар параңни.
дүшминиңгә көрсәтмәс йиртиқиңни, яраңни,
сөйгүң келәр сән үчүн уһ тартқанда өз яриң.
җаһан қилған җаһанни шулардики садақәт,
чечилғандур шулардин йәр - земинға саадәт.
баһар қәлб, яз чирай, өз яр дегән гүл қамәт,
кәлмәктидур ат чепип, шәрәпшанда өз яриң.
Özge baghqa köz salma, öz béghingda gülzaring,
Néme teshwish alemdin, tursa yanda öz yaring.
Ashnang sanga ash bermes qazinida wapaning,
Aghrip qalsang ashlaydu apaq nanda öz yaring.
Yar üstige tutqan yar bengge oxshar bir chilim,
Lezzet yoqtur tektide tawuz kebi bir télim.
Mungdashqansen mungdashsang tügigiche bir félim,
Ming söygü bar u yengligh, achqan palda öz yaring.
Pichaq kesse qolungni héchkim undaq tangalmas,
Tiken kirse putunggha, héchkim undaq alalmas.
Yölep yürer ömürlük bolup qalsang mangalmas,
Nijatliq bar sen üchün yaqqan shamda öz yaring.
Yügürüp chiqar aldinggha qaytip kelseng seperdin,
Ésilidu boynunggha yaring, aman chiqsang xeterdin.
Yaman kün yoq alemde yarsiz yalghuz öterdin,
Tünep chiqar sen bilen eski tamda öz yaring.
Judaliqqa duch kelse, awwal séni esleydu,
Sen bolmisang, su tutup, özi xaman cheshleydu.
Bilindürmey yoqungni, özi otun kesleydu,
Rahet dégen eslide etken xamda öz yaring.
Chinisidin ilghaydu qiymisini chinengge,
Ash usqanda, bichare bille chiqip binemge.
Bay bolghanda yatquzar awwal séni gilemge,
Tolghinisen rahette, oyghatqanda öz yaring.
Köklitidu ter töküp, turmush atliq barangni,
Sen talani oylisang, öydin bashlar parangni.
Düshminingge körsetmes yirtiqingni, yarangni,
Söygüng kéler sen üchün uh tartqanda öz yaring.
Jahan qilghan jahanni shulardiki sadaqet,
Chéchilghandur shulardin yer - zémingha sa'adet.
Bahar qelb, yaz chiray, öz yar dégen gül qamet,
Kelmektidur at chépip, sherepshanda öz yaring.