Рет қаралды 7,836
"Интервю 24" кўрсатуви
"Ўзбекистон 24" телеканали
“Илҳақ” бадиий филми иккинчи жаҳон урушида бир оиладан беш фарзанд урушга кетиб, ҳеч бири қайтмаган оила ҳақида ҳикоя қилинади. Бу оила Тошкент вилояти, Зангиота туманидаги Хонобод қишлоғида яшаган Зулфия Зокирова оиласидир. Она машъум урушда беш ўғлидан Исоқжон, Аҳмаджон, Мамажон, Ваҳобжон ва Юсуфжон исмли фарзандларидан жудо бўлган, унинг тўрт келини бева ва беш нафар набиралари етим бўлиб қолган ўзбек аёли қисматидир. Мазкур филм қандайдир бадиий тўқима эмас аксинча тўлиқ реал ҳаётга асосланган бир хокисор ўзбек аёлининг дардли шу билан бирга сабр-матонат қиссасидир. Филмни диққат билан томоша қилар эканмиз, она ўз фарзандларини урушга юбориб, улардан соғинч хатларини эмас, бирин-кетин ўлим хабарларини олганда ҳам келинлари, ёру биродарлари орасида дод солиб йиғламади сабр қилди, келинлари ва набиралари ўртасида сабр-матонат намунасини кўрсатди. Ва филмнинг бир эпизодида она саҳарда туриб кўл бўйида фарёд чекиб йиғлайди. Бу эса ҳар бир ўзбек аёлининг нақадар ҳақиқий сабр матонатли эканлигини кўрсатади.
Филмда Ватанга садоқат онага бўлган меҳр-муҳаббат яққол кўзга ташланади. Ўтган йили Хотира ва қадрлаш кунида Президент Шавкат Мирзиёев Зулфия Зокирова ва унинг фронтдан қайтмаган беш ўғли садоқатли келинлари хотирасига атаб муҳташам ҳайкал ўрнатиш ҳамда унга Матонат мадҳияси деб ном бериш таклифини билдирган эди. Бугун эса ушбу обида Ғалаба боғининг марказида қад ростлади.
Агар каналимиздаги видео Сизга ёққан бўлса ЛАЙК босинг ва каналимизга аъзо бўлиш учун "ПОДПИСАТЬСЯ" тугмасини босишни унутманг!
Манба: Ўзбекистон Миллий Телерадио Компанияси.
www.mtrk.uz