Амир Темур ва Темурийлар даврида Самарқандда қурилган меъморий ёдгорликлар | Ko'hna manzillar

"Кўҳна манзиллар" кўрсатуви
"Ўзбекистон тарихи" телеканали
Археологик ёдгорликлар ва ундаги топилмалар муайян бир халқнинг ўтмиши, тарихи, маънавияти ва қадриятларини ўзида акс эттиради. Шу боис дунёнинг барча давлатларида археологик ёдгорликлар ва уларда қайд қилинган ноёб топилмаларни сақлаш ва келажак авлодга етказиш долзарб масалалардан бири ҳисобланади.
Юртимизда ҳам мустақиллик йилларида маданий ёдгорликлар, жумладан археологик ёдгорликларни сақлаш, ҳимоя қилиш ва улардан фойдаланиш борасида қатор ижобий ишлар амалга оширилди. Жумладан, Самарқанд шаҳрининг тарихий қисмидаги миллий маданий мерос объектлари тубдан қайта таъмирланиб, ҳудуд таниб бўлмас даражада ўзгарди.
Олиб борилган саъй-ҳаракатлар натижасида мазкур ҳудуд 2001 йил ЮНЕСКОнинг Бутунжаҳон мероси рўйхатига “Самарқанд - маданият чорраҳаси” номинацияси билан киритилган. Уч қисмга бўлинган ҳудудда жами 513 та моддий-маданий мерос объектлар жойлашган.
Самарқанд вилояти ҳудудида 1105 та археологик, 670 та меъморий, 37 та диққатга сазовор жой, 18 та монументал, 21 та мемориал, жами 1851 та моддий-маданий мерос объектлари мавжуд. Улар вилоят ҳокимининг 2013 йил 14 ноябрдаги қарори билан давлат муҳофазасига олинган.
Робинжон, Чархинтепа, Учтепа (Нарпай тумани), Кўктепа (Пайариқ тумани), Қулдортепа (Ургут тумани), Арабтепа, Навбоғтепа (Самарқанд тумани), Тиллатепа, Бўритепа, Капсатабоботепа (Каттақўрғон тумани), Кумушкент, Суғуда (Оқдарё тумани), Мингтепа (Жомбой тумани) каби ёдгорликлар шулар жумласидандир.
Нуробод тумани Сазағон қишлоғида жойлашган антик даврга оид қалъа, Пастдарғом туманида жойлашган Қўрғонтепа, Нарпай тумани Кўприкбоши қишлоғидаги Лангартепа, Ёнариқ қишлоғидаги Ширинхотинтепа, Урғуч қишлоғидаги Қўштепа, Хўжакорсон қишлоғидаги Шўртепа, Пайариқ туманида жойлашган Қоровултепа ва унинг яқинида жойлашган мозорқўрғон каби ёдгорликлар юртимиз, хусусан вилоят тарихининг нечоғлик узоқ ўтмишга бориб тақалишини ифодалаб турибди.
Археологик ёдгорликларни халқаро талабларга жавоб берувчи коди, бугунги ҳолатдаги фотосурати, топоплани, GPS координаталари, библиографияси ва каталогини яратиш чоралари кўрилмоқда.

[@СалимДжураев-з6х]

Тожикистондан тусунзода шахридан катта салом 3марта тамоша килдим жуда Гузал жой❤️❤️❤️❤️❤️❤️

[@shohizindaxonxolmaxmatova445]

Go'zal joy

[@shohizindaxonxolmaxmatova445]

👍👍👍👍👍👍

[@TelefonUz-dq4dz]

Assalomu alaykum Samarqand zor

[@SigmaN2tdmer]

Худо назар солиб юртимизга Темурбек ва унинг авлодлари Мирзо Улугбеклар ва яна канча Бобурийлар тугулган экан юртимизни шулар туфайли дунё тан олиб келмокда.

[@НаимаСайдахметова]

Темурийлар узларидан илм фан ва меъморчиликдан мислсиз едгорлик колдирган

[@Зилола-ы7я]

Шохи зинда-Кусам ибн Аббос р.а Хазрати Хизр масжиди 712 йилда Кутайба ибн муслим олиб келган лар Исломни юртимизга Бибихоним масжиди Регистан майдони Улугбек мадрасаси Хазрати Дониёл а.с макбара си

[@kadirovdamir1165]

Бесок мулласи сокол кой удан кора махтовни хам ошиворди