Рет қаралды 1,308
Vəkillər niyə cərimələnəcəklər? - Baku TV
Qanunvericiliyə edilən dəyişikliyə görə bundan sonra məhkəmədə açıq-aşkar, əsassız vəsatət qaldıran, yaxud da şikayətlər verən, bununla işə düzgün və tez baxılmasına, onun həll edilməsinə aşkar maneə törədən tərəf, onun nümayəndəsi və ya vəkili 500 manatadək cərimə ediləcək.
Vəkillər Kollegiyasının üzvləri məsələyə kəskin etiraz etdilər.
Onların fikrincə, yeni qərar vəkillə müvəkkil arasında narazılıq yaradacaq. Üstəlik, vəkilin məhkəmədə müdafiəsini tam qurmasına maneə olacaq.
Yaranan narazılıqdan sonra Milli Məclisin növbəti iclasında məsələ yenidən müzakirə olundu. Parlament sədrinin birinci müavini Əli Hüseynli dəyişikliyi belə şərh etdi:
“Burada məqsəd həm məhkəmənin nüfuzunun qaldırılması, həm də tərəfləri intizama dəvət etməkdir”.
Ali Məhkəmənin Mülki Kollegiyasının sədri Sənan Hacıyev isə bildirib ki, məqsəd nə vəkillərin, nə də tərəflərin vəsatətlər verməsinin qarşısını almaq deyil, proseslərə qanunvericiliyin müəyyən etdiyi müddətlər çərçivəsində baxmaq imkanı yaratmaqdır.
Bununla da vəkillərin narazılığına son qoyuldu.
Qeyd edək ki, Mülki Prossesual Məcəlləyə təklif edilən dəyişikliklər II oxunuşda səsə qoyularaq qəbul edilib.
Kanalın əsas məqsədi dünyada və ölkədə baş verən ən vacib və maraqlı xəbərləri azərbaycan və rus dillərində geniş auditoriyaya çatdırmaqdır.
Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.
Facebookda səhifəmiz:
/ www.baku.tv
/ __baku_tv__
baku.tv
Kanalda bütün müəllif hüquqları qorunur.
#BakuTv #Azerbaycan #trend