Рет қаралды 2,641
Лхасүрэн нь Хятадын Төвийн Үндэстний Дуу Бүжгийн чуулгын цээл хоолойтой дуучин бөгөөд, 1947 оны 6-р сард Өвөр Монголын Ордосын тал нутгийн ардын дуучны гэрт заяасан юм. 1960 онд “Улаанмөчир”-т орж, урлагийн замаа эхлүүлсэн байна.
1962 онд Өвөр Монголын Өөртөө Засах Орны урлагийн сургуульд элсэж, мөн Хятадын Хөгжмийн Дээд Сургуульд сурч, профессор Зууннаст, Өвөр Монголын дууны хаан гэж өргөмжлөгдсөн ноён Лхажав, Бээжингийн профессор Тан Шюе Гэн болон алдарт морин хуурчин Сэраш зэрэг нэрт багш нарт шавьлан сурсан юм. Дөч гаруй жилийн турш Лхасүрэн 3000 гаруй удаа тайзнаа тоглож, бүх Хятадын чанартай том том тоглолтод уригдаж дуулдаг байсан юм.
Тэрээр мөн төрөл бүрийн хэлбэртэй, төрөл бүрийн стильтэй хувийн концертуудаа олон удаа тоглосон банйа. Лхасүрэн Хятадын дуун урлагийн алдар хүртсэний хувьд, 1995 оны 9-р сард Бээжингийн хөгжмийн театрт "НОГООН УЯНГА Лхасүрэнгийн гоцлол дууны концерт"-оо амжилттай тоглож, мөн 1997 онд "ногоон уянга" дууны эмхэтгэлээ гаргасан байна.
Лхасүрэн үндэстний дууны онцлогийг залгамжлан бадруулсан үндэс дээр, өрнөдийн дууны ур дэмийг багтаасан бусад үндэстний дуулах ур, мэргэжлийн чансааг шингээн авч, уртын болон богино дууг дуулах явц дах амьсгаа солих талын бэрхшээлийг маш сайн зохицуулж, төрөл бүрийн дууг маш сайхан дуулсан юм. Тэрээр өөрийнхөө ариун хөдөлмөр асгарсан хөлсөөрөө дотоод гадаадын өргөн олон үзэгчид сонсогчдын халуун таашаалыг хүлээж, “Орчин цагийн дууны хаан” гэсэн яруу алдар хүртсэн банйа.
Өнгөрөгч зууны жараад оноос хойш одоо болтол Лхасүрэн Өвөр Монголын радио болон бусад орон нутгийн радионуудад монгол хятад 500 гаруй дууны бичлэг хийж, арав гаруй кино буюу телевизийн олон ангит киноны дууг дуулж, Төв Телевизийн эрхэлсэн цагаан сарын үдэшлэгт оролцож, тоглолтоо толилуулж байсан бөгөөд Төв телевизийн "дорно дахины хөвгүүн", "Хятадын үндэстэнүүд", "Жэн да корпрацийн ивээн тэтгэсэн уран сайхны үдэшлэг" зэрэгт тусгайлан уригдаж оролцож байсан юм. Алдарт дуучин маань 2022 оноо отголоод, 2023 оны 1-р сарын 1-ний өдөр бурхныг зорьсон юм🙏🏻🙏🏻🙏🏻