ვაქცინაციის საზოგადოებრივი აღქმის პრობლემა

ეს ვიდეო იმ პრობლემებს და შეკითხვებს ეხება, რაც გასათვალისწინებელია ვაქცინაციის მხარდამჭერი საზოგადოებრივი აზრის ჩამოყალიბებისათვის: ჩამოთვილია კითხვები, რომლებზეც ყოველდღიური, გასაგები და დეტალური პასუხებია საჭირო.
დღეს საზოგადოების პოლარიზაციის ერთ-ერთი მიზეზი ვაქცინაციის თემა გახდა. ისევ ორი დაპირისპირებული მხარე აღმოჩნდა: ვაქცინაციის მომხრეები და მოწინააღმდეგეები.
სოციალური ქსელებში საშინელი დაპირისპიებაა, რაც აგრესიული და კონტრ-პროდუქტიული კომენტარებით გამოიხატება. ამის მიუხედავად, ვაქცინაციის პრობლემის სიღრმისეული ანალიზი არავის გაუკეთებია და ვაქცინაციის მნიშვნელობაზეც რეალური ქმედითი კამპანიაც არ მიმდინარეობს.
ვინმემ იფიქრა როგორ იღებს ადამიანი გადაწყვეტილებას განახორციელოს ახალი ქცევა? ვინმემ მიაწოდა ის გადამწყვეტი და მნიშვნელოვანი ინფორმაცია საზოგადოების იმ წევრებს რომლებსაც ეშინიათ ვაქცინაციისაც, კორონა ვირუსისაც და ამ თვეების განმავლობაში გრძნობენ თავს დაუცველებად?
ინფორმაციის მოძიებას და სანდო ინფორმაციის ამოცნობას ცოდნა სჭირდება. ასევე, ინგლისური ენა მაინც უნდა იცოდე, რომ გაერკვე რა დამოკიდებულებებია განვითარებულ სამყაროში ვაქცინიზაციის თემასთან დაკავშირებით. როგორ ფიქრობთ საქართველოს მოსახლეობის რა ნაწილი მოიძიებდა, გადაამოწმებდა და დაფიქრდებოდა ვაქცინაციაზე? სწორედ ამიტომ, სანამ „იმ“ ხალხის დამუნათებას დავიწყებთ, იქნებ დავეხმაროთ მათ გადაწყვეტილების მიღებაში.

[@MOONLIGHT-so3iu]

ᲣნიᲭიერესი და ულამაზესი ქალბატონი