Рет қаралды 134,381
"Vallë vjen behari kurrë" është një nga thesaret më të mëdha folklorike, jo vetëm për zonën e Devollit dhe të Korces. Është kënduar në vitet 1960 nga Grupi i Vranishtit dhe konkretisht nga Nevruz Kondi, Adil Demiraj nga Eçmeniku, Ali Kondi etj. Janë fshatra mijra vjeçare dhe me pasuri të mëdha kulturore. Veçanërisht në Vranisht ka pasur një traditë të lashtë folklorike, sidomos nga familja Kondi. Përfaqesuesi më i hershëm dhe më në zë ështe babai i tyre Banush Kondi (Bana i Vranishtit), nga i cili ka pasur edhe regjistrime audio.
"Vallë vjen behari Kurrë" ky himn folklorik i Devollit, nëpermjet Nevruz Kondit shpreh me mjeshtëri dhe madhështi një ndjenjë të fuqishme njerëzore ndaj, jo thjesht beharit klimaterik si stina e begatë që vjen pas çdo dimri... Është behari i madh njerëzor që ikën, që nuk përsëritet, që nuk vjen më kurrë...
Këngën (bashkë me një tjetër këngë të kënduar në të njëjtën ditë dhe që nuk e kam publikuar), e kam marrë të regjistruar në një shirit magnetik në vitin 1979 nga vetë këngëtarët në familjen e tyre në Vranisht, mik i së cilës jam. Ali Kondit si levrues i folklorit i ishte dhënë nga Lidhja e Shkrimtarëve, nga vetë Dritëroi një magnetofon “Unitra” dhe kishte një sasi të konsiderueshme regjistrimesh.