Վարդավառը գալիս է - «Մասունք» ավանդական երգի-պարի խումբ (Մեր երգերը և մենք)

«Մեր երգերը և մենք» նախաձեռնության նպատակն է տարածել մեր մաքրամաքուր ժողովրդական երաժշտությունը։ Նախաձեռնության կողմից կազմակերպվում են ազգային երգերի բաց դասեր ամեն ամսվա առաջին ուրբաթ օրը։
Մեր առաջին գարնանային հանդիպման հյուրը «Մասունք» ավանդական երգի, պարի խումն էր։
Միասին երգեցինք ուրախ, պայծա՜ռ խաղերգեր, կատակերգեր ու ողջունեցինք եկող նախշուն գարնանը։
Շնորհակալությու՜՜՜ն մասունքցիներին այդքան գունեղ ու սիրուն օրվա համար։
Սա էլ՝ երգի բառերը․
Աղջիկ- Վարդավառը գալիս է,
Լուսամուտին կարմիր խնձոր շարել եմ, շարել եմ,
Ծաղիկը ցնծալիս է,
Տո՛ շան տղա, քեզնից լավին ճարել եմ, ճարել եմ:
Տղա - Սարեն իջան էրկու ղոչ,
Լուսամուտին կարմիր խնձոր շարել եմ, շարել եմ,
Մեկը փնջած, մեկը՝ ոչ,
Տո՛ շան աղջիկ, քեզնից լավին ճարել եմ, ճարել եմ:
Աղջիկ - Անձրև էկավ շաղալեն,
Լուսամուտին կարմիր խնձոր շարել եմ, շարել եմ,
Ուռու տերև դողալեն,
Տո՛ շան տղա, քեզնից լավին ճարել եմ, ճարել եմ:
Տղա - Հրես էկավ իմ ախպեր,
Լուսամուտին կարմիր խնձոր շարել եմ, շարել եմ,
Ալ ձին տակին խաղալեն,
Տո՛ շան աղջիկ, քեզնից լավին ճարել եմ, ճարել եմ:
Աղջիկ - Արևը սարի վրա,
Լուսամուտին կարմիր խնձոր շարել եմ, շարել եմ,
Մամուռը քարի վրա,
Տո՛ շան տղա, քեզնից լավին ճարել եմ, ճարել եմ:
Տղա - Սարեն ես գամ, ձորեն դու,
Լուսամուտին կարմիր խնձոր շարել եմ, շարել եմ,
Սերն ես ուտեմ, մածուն դու,
Տո՛ շան աղջիկ, քեզնից լավին ճարել եմ, ճարել եմ: 2X