VENDOSET FATI I SYLVINHO! Ja çfarë ndodhi në takimin e fundit me Presidentin Duka

Zërave dhe pasigurive të fundit mbi trajnerin e kombëtares duket se i erdhi fundi.
Burime për Albtalent bëjnë me dije se një komunikim i fundit i presidentit Duka me trajnerin Silvinjo duket se ka zgjidhur ngërçin mes palëve dhe braziliani do vazhdojë të jetë në stolin kuqezi dhe për të paktën 2 vite.
Duka ka përmirësuar lehtë ofertën ekonomike për trajnerin duke e çuar në 800 mijë euro dhe duke i bashkëngjitur dhe një bonus rekord në rast kualifikimi në Botëror.
Tanimë palët kanë gjetur gjuhën e përbashkët dhe pritet takimi zyrtar mes tyre për të hedhur të zezën mbi të bardhë. Silvinjo do të vazhdojë rrugëtimin e tij me Shqipërinë me objektivin madhor kualifikimin në botëror.