"Veradardz" ensemble - Norhars ellim (Hamshen folk song)

Համշենի հայերի «Նորհարս էլլիմ» պարերգն է՝ «Վերադարձ» անսամբլի կատարմամբ: Հիմնադիր և գեղարվեստական ղեկավար՝ Ալեքսանդր Ավետիսյան: Մենակատար՝ Մերի Մարտիրոսյան:
Այցելեք «Վերադարձ» անսամբլի ֆեյսբուքյան էջ՝ / veradardzfolkensemble
և ինստագրամի էջ՝ ...
Երգը Համշենի բարբառի Խոփայի խոսվածքով գրառել և գրական արևելահայերեն է թարգմանել ՀՀ ԳԱԱ հնագիտության և ազգագրության ինստիտուտի գիտաշխատող Սերգեյ Վարդանյանը:
Երգի խոսքերը (տրամադրեց «Վերադարձ» անսամբլի անդամներից Վազգէն Սարգսյանը)՝
Չէքէտէս խադփուլի յա,
Մէչուս ալ փօլօր քալ չի,
Իսա քյաղիս դաղաքէ
Ինձի ալ ումիշ քալ չին։
Գալաթէ լէրթէզ արի,
Հէրու ջամփա քալէցի,
Դա՛, քէզի սէվդա դէվի,
Յէս ինձիգի քօլէցի։
Շադ էրանդ իմ, շադ էրանդ,
Քէլխուս ալ իփաղ ունիմ,
Խիգօյի քյաղին մէչէ
Չախալ աչվի յար ունիմ։
Նoրհարս էլլիմ, ինշալլահ,
Դուն ավէլիմ, մաշալլահ,
Քու դադին ու քու մօրէ
Քուրբա քօրձիմ, ինշալլահ։
Ձիյափան հէդ թէր արի,
Խադվին էնօղ ում դէյի,
Քյաղին մէչ յար հազ այի,
Էմմէն օր դէսնում դէյի։
Արաքագ իմ, թիբաձ իմ,
Օնջուրուդ գյուբաղնիյուս,
Լուսնիկա իմ, չարագդաձ իմ
Սէվդային օդանիյուս:
***
Ժակետս փայլփլուն է,
Գոտկատեղիս չի բոլորվում,
Այս գյուղի տղաները
Ինձ էլ համապատասխան չեն։
Կողովը մեջքիս դրեցի,
Հեռու ճանապարհ գնացի,
Դա՛, քեզ սեր տվեցի,
Ես ինձ այրեցի։
Շատ սիրուն եմ, շատ սիրուն,
Գլխիս էլ մետաքսե գլխաշոր ունեմ,
Խիգո գյուղում
Կապուտաչյա յար ունեմ։
Նորահարս լինեմ, ինշալլահ,
Տուն ավելեմ, մաշալլահ,
Քո հորն ու քո մորը
Գուլպա գործեմ, ինշալլահ։
Քաղաքից թել առա,
Որ զարդանախշ անեմ,
Գյուղում յար սիրեցի,
Որ ամեն օր տեսնեմ։
Արեգակ եմ, դիպել եմ
Անճուռուտի լանջին,
Լուսին եմ, լուսավորել եմ
Սիրածիս սենյակը։
Ծանոթագրություններ________________
չեքետ - ժակետ
խադփուլի - փայլփլուն
մէչ - մեջք, իրան
քյաղիս - գյուղիս
դաղաքէ - տղաքը, տղաները
ումիշ քալ չին - համապատասխան չեն
Գալաթ - կողով
լէրթէզ արի - շալակեցի
սևդա - սեր
դէվի - տվի
քօլեցի - այրեցի
էրանդ - սիրուն (երևի երանելի)
իփաղ - մետաքսե գլխաշոր
ինշալլահ (արաբ.)- Աստծո կամոք
դադ - հայր
քուրբա քորձիմ - գուլպա գործեմ
Ձիյափան հէդ թէր արի - քաղաքից թել առա
խադվին - զարդանախշ
հազ այի - հազ արեցի, հավանեցի
էմմեն - ամեն
դեսնում - դրսում
դէյի - տեսա
արաքագ - արեգակ
թիբաձ - դիպած
Օնջուրուդ - Անճառուտ (սարի անուն)
գյուբաղնի - լանջ
լուսնիկա - լուսին
չարագդաձ - լուսավորել (հավանաբար ճրագ բառից)

[@emmaeskandari3922]

Shnorhakalem. Շնորհակալեմ շատ գեղեցիկ

[@tatevikmargaryan8963]

Շատ հետաքրքիր են համշենահայերի երգն ու երաժշտությունը,տարբերվող են,նույնիսկ փորձում եմ թարգմանության միջոցով բառերի նշանակությունը մտապահել:

[@khanummkrtchyan7487]

Շնորհակալություն

[@user-fi7tl3sy7m]

Մեր զարմանալի (գեղեցիկ և՜ տեսքով, և՜ երգարվեստով), հետաքրքիր տեսակներից են։ Մեր պատմությունը և տեսականին հնարավո՞ր է վերլուծել, միավորել, համահավաք խորհուրդը հասկանալ։ Շնորհակալություն։

[@JohnyKondakjian]

Ohhh I love this so much!!! Blesses from Romania!

[@Aygaber]

Thank you and my warm greetings from Gyumri, Armenia.

[@Liviu-Theodor]

Nice to see another one from Romania interested in Armenian culture.

[@lba6859]

Thank you for the text in Armenian.

[@bloggermood]

Sad erand ganceguk ahckner 😊

[@user-dm5ti8qx4g]

😍😍😍