Рет қаралды 7,570
Abone OL: goo.gl/W99fFm
Copyright © ARB Şəki
Sayt: goo.gl/NfKDu5
Facebook: goo.gl/XVhVzG
İkinci Qarabağ müharibəsində öz canı və qanı ilə şanlı salnamə yazan şəhidlərimizdən biri də Zaqatala rayonunun Lahıc kənd sakini “Vətən Müharibəsi Qəhrəmanı” medalına layiq görülmüş kapitan rütbəli İsmayıl Səmədovdur. Hələ uşaqlıq yaşlarından hərbi sahəyə marağı və vətənpərvərliyi ilə seçilən İsmayıl, kim bilir, bəlkə də elə qəhrəman olmaq üçün doğulmuşdu. Yaşadığı qısa həyat yolunda qazandığı uğurlar da bunu deməyə əsas verir.
Yüksək savadı və intellekti ilə seçilən İsmayıl Səmədovun hər hansı bir ali məktəbə daxil olmaq şansı varkən o vətəninə xidmət etməyi seçir. Heydər Əliyev adına Hərbi Akademiyaya daxil olur. Peşəkarlığı və çevikliyi ilə seçilən İsmayıl Xüsusi Təyinatlı qüvvələrin kursunu uğurla bitirərək hərbi xidmətini Xüsusi Təyinatlı Qüvvələr sırasında baş leytenant rütbəsilə davam etdirir. Gürcüstanda iki dəfə ölkələrarası dağçılıq və dağçılığın təkminləşdirilməsi kurslarını müvəffəqiyyətlə başa vurur. Türkiyədə keçirilən EFES-2018 “Dəmir adam” yarışında komandası ilə birlikdə qalib gələrək, ölkəmizə birincilik gətirir. Bu uğurundan sonra ona Kapitan hərbi rütbəsi verilir. İsmayıl Səmədov 30 illik qısa ömrü ərzində bir çox medalla da təltif olunub. Aprel döyüşlərində qəhrəmanımız, düşmənin bir çox zirehli texnikasını və canlı qüvvəsini məhv edərək, döyüş yoldaşları ilə birgə Lələtəpə yüksəkliyini düşməndən azad edir. Cəsur kapitan Vətən müharibəsinin də ilk günlərindən döyüşlərdə iştirak edərək, düşmənin çoxlu sayda hərbi texnikasını və canlı qüvvəsini məhv edib. Hadrut qəsəbəsi uğrunda gedən döyüşlərdə düşmənlə üz-üzə vuruşan İsmayıl Səmədov qəhrəmancasına şəhid olub. Vəzifə borcunu şərəflə yerinə yetirdiyi üçün prezidentin sərəncamına əsasən İsmayıl Səmədova ölümündən sonra "Vətən Müharibəsi Qəhrəmanı" adı verilib. Həmçinin qəhrəman şəhid "Vətən uğrunda" və "Cəbrayılın azad olunmasına görə" medalı ilə də təltif edilib.
#GünəDavam #şəhid #İsmayılSəmədov