ვიქტორ დოლიძე, "ქეთო და კოტე", კონსერვატორიის საოპერო სტუდია, 2019 წ.

ვიქტორ დოლიძე, "ქეთო და კოტე", კონსერვატორიის საოპერო სტუდია, 2019 წ. დირ.პაპუნა ღვაბერიძე.რეჟ.ლელა გვარიშვილი.მხატვ.ნეიკო ნეიძე. მონაწ.- ბაია საგანელიძე.ლინა წიკლაური.გიორგი ბეროშვილი.ვარდუი პოზოიანი.ლექსო კაპანაძე.გოჩა დათუსანი. ვაჟა ლაზარიშვილი.ირაკლი აბაშიძე
------------------------------------------------
2022 წლის 18 - 28 ნოემბერს თბილისის სახელმწიფო კონსერვატორია საოპერო სტუდიის დაარსებიდან 70 წლისთავს აღნიშნავს. საიუბილეო ღონისძიებათა სერიას კონსერვატორიის დიდი დარბაზი უმასპინძლებს.
18 ნოემბერს , 19:00 საათზე, დიდი დარბაზის ფოიეში მოეწყობა სტუდიის დამდგმელი მხატვრის ნეიკო ნეიძის 20 წლის მანძილზე შექმნილი საოპერო კოსტიუმების ჩვენება. კოსტიუმებს აუდიტორიას წარუდგენენ კონსერვატორიის სოლო აკადემიური სიმღერის მიმართულების სტუდენტები და კურსდამთავრებულები.
ჩვენება გაიმართება კონსერვატორიის მუსიკის ტექნოლოგიის სტუდენტის - გიორგი კობერიძის ორიგინალური კომპოზიციების თანხლებით.
ჩვენების პარალელურად, დიდი დარბაზის ფოიეში გამოიფინება საოპერო სტუდიის არსებობის 70 წლის მანძილზე მოღვაწე მხატვრების კოსტიუმები, ესკიზები და დეკორაციები, რომელთა ხილვაც გამოფენის სტუმრებს საოპერო სტუდიის კონცერტმაისტერის - პიანისტ რატი გვალიას მუსიკალური შესრულების ფონზე შეეძლებათ. (გამოფენა დიდი დარბაზის ფოიეში საიუბულეო ღონისძიებათა სერიის დასრულებამდე დარჩება).
22 და 23 ნოემბერს, 20:00 საათზე, კონსერვატორიის დიდ დარბაზში გაიმართება ჯაკომო პუჩინის ერთაქტიანი ოპერა „ჯანი სკიკი“ . პანდემიის მიზეზით არსებული რეგულაციების გამო, სპექტაკლის პრემიერა გაზაფხულზე მხოლოდ ფორტეპიანოს თანხლებით შედგა, ამჯერად კი წარმოდგენები ორი სადადგმო შემადგენლობით, საოპერო სტუდიის ორკესტრთან ერთად ჩატადება. ორკესტრს პაპუნა ღვაბერიძე უდირიჟორებს. რეჟისორი - ლელა გვარიშვილი, მხატვარი - ნეიკო ნეიძე. ამ თარიღებში დარბაზის კარი გაიხსნება 19:00 საათზე და სტუმრებს ფოიეში გამოფენილი ესკიზების, დეკორაციებისა და სასცენო კოსტიუმების დათვალიერება შეეძელბათ.
28 ნოემბერს 19:00 საათზე კონსერვატორიის დიდ დარბაზში საიუბილეო ღონისძიებათა სერია დაიხურება გალა კონცერტით, სადაც კონსერვატორიის სტუდენტები ქართველ საოპერო ვარსკვლავებთან ერთად იმღერებენ. გალა კონცერტს მუსიკალურ თანხლებას გაუწევს საოპერო სტუდიის ორკესტრი, რომელსაც უდირიჟორებენ: თბილისის სახელმწიფო კონსერვატორიის პროფესორი - ზაზა აზმაიფარაშვილი, კონსერვატორიის საოპერო სტუდიის ხელმძღვანელი, პროფესორი გოგი ჭიჭინაძე, ასოცირებული პროფესორი ავთო მამაცაშვილი, ასისტენტ პროფესორი ლევან ჯაგაევი და ვახტანგ გაბიძაშვილი.
--------------------
კონსერვატორიის საოპერო სტუდია 1952 წლიდან არსებობს როგორც ვოკალურ-სცენური ოსტატობის სკოლა კონსერვატორიის სოლო აკადემიური სიმღერის ფაკულტეტის სტუდენტებისათვის. საოპერო სტუდიამ ამ წლების მანძილზე არაერთი საოპერო ვარსკვლავი აღზარდა, რომლებიც დღეს მსოფლიოს წამყვან სცენებს იპყრობენ და სახელს უხვეჭენ, როგორც საკუთარ ქვეყანას, ასევე კონსერვატორიის ვოკალურ სკოლასაც.
კონსერვატორიის საოპერო სტუდიამ, საქართველოში საოპერო მიმართულებით დამკვიდრებული ტრადიიციის შესაბამისად, საპრემიერო სპექტაკლი - ზ. ფალიაშვილის „აბესალომ და ეთერი“ 1952 წელს წარმოადგინა.
საიუბილეო ღონისძიებების გენერალური სპონსორია -
ბიპი საქართველო.
სპონსორი - საქართველოს საავტორო უფლებამფლობელთა ასოციაცია
”GERA”