VLOG 059 - قصتي مع الثانوية

Follow me on Facebook: hzmsdq

[@yukikoky9346]

معرفش الفيديو ده جيه قدامي ليه دلوقتي الفيديو ده معمول في السنة اللي أنا كنت فيها بمتحن ثانوية عامة يعني من سنتين 2016 كان فيه تسريب للامتحانات ساعتها بس أيا يكن جبت 95.5% علمي علوم ، كنت عايزة ادخل أي حاجة ليها علاقة بالأحياء مجموعي السنة اللي قبلها كان يدخلني بطري ، كتبت بطري رغبة أولى بس مجاتش جاتلى الرغبة التانية اعلام القاهرة اكتر حاجة مش هنساها هو يوم النتيجة ، بابا كان بيحاول يمثل انه مبسوط ، بس انا عارفة ان من جواه كان مضايق كنت مدمرة حرفيا ، احساس انك اتحطيت في مكان مش مناسب ليك صعب ، جبت امتياز في اعلام ، اتقبلت في انترفيو القسم اللي قدمت فيه في الكلية بس لسة مش لقياني ربنا رزقني و قدرت احول جامعة خاصة ، طب أسنان ، اه انا بعيد اولى تاني ، بس حاسة باحساس افضل كتير ، محدش هيحس بيه غير اللي جرب كذا مجال لغايت ما اكتشف شغفه ، محدش هيفهم الشغف غير الناس اللي جربت كذا حتة بطريقة مذهلة ربنا يسرلي اموري و عرفت ابقى مقيدة في كليتين ، اولى اسنان و تانية اعلام طبعا مش قادرة اكمل في اعلام بسبب ضغط اسنان و كمان لاني مش عايزة اقصر في اسنان الشاهد في الموضوع ان اعلام كانت حلمي اول لما دخلت ثانوي ، كنت بدعي ربنا بيها من قبل ثانوي كمان علشان كدة ادعوا ربنا يرزقكم الخير و يرضيكم بيه ادعولى بقى علشان عندي عملى اليومين دول نسيت اقولكم ان اعلام علمتني حاجات كتيرة و فتحتلى ابواب لحاجات و مجالات تانية ، زي الماركتينج مثلا او السوشيال ميديا اللي حاليا بشتغل فيه جزئيا كمان في سنة اعلام ديه كنت بقدم على منح و الغريب اني اتقبلت للانترفيو في منحة بكالوريوس تركيا و ديه بتبقى حاجة صعبة جدا من اول مرة بياخدولها كورسات و تدريبات علشان يعملوها اخدت الايلتس و جبت فيه درجة عالية عندي مهارات من اعلام زي الpresentation skill مثلا و how to make a research , citation و حاجات تانية و ده مخليني متميزة شوية بين زمايلي في اسنان و مخلى الدكاترة تعرفني ديه كانت تاني حاجة اتعلمتها ، وري ربنا اد ايه انت بتسعى و هو هيديلك الخير

[@bephenomenalorbeforgotten4948]

ما شاء الله ربنا يوفقك أختي الكريمة ومن الواضح من كلامك أنك طموحة

[@omargamal164]

اتمني اني حضرتك تردي عليا و اعرف اوصل لحضرتك انا حالياً ٣ ث عام ، مش مقرره اوي انا عاوزه اي بس نفسي اتعلم لغات و ده ادخل ألسن المفروض (للعلم أنا شايله انجلش ف اولي و تانيه ثانوي والوقتي باخد برايفت انجلش عشان مستوايا الضعيف فيه حابه فعلا اني اتعلم لغات ) و برضو انا فكرة ف كلية اعلام لاني بحب اقسمها جدا و بحب التصوير و كل م اقرا ع اعلام احس اني بحبها اكتر ..بس ناس كتير بتقولي ملهاش مستقبل خالص ، وانا هدفي اني اشتغل و أنجح ف شغلي اللي هشتغله و اكتر حاجه تفيد بيها الناس و اقدر اني اسافر واتعلم اكتر , انا لسه ٣ ث بس حابه فكره الشغل جدا . و برضو زي م قولت لحضرتك اني هدفي اكون حاجه افيد بيها غيرها الناس دايما محسساني اني لا مقدرش اعمل كدة لاني ادبي وان انتي مش متاح ليكي طب أو هندسه عشان تقدري تفيدي غيرك ف مستقبل انا حاسه اني متلغبطه .. و برضو عاوزه أسأل حضرتك سؤال هو ازاي حضرتك دارستي ف كليتين ، يعني انا ينفع ادرس ف ألسن و اعلام مثلا بس م اخلص ثانوي

[@user-my8qj]

Yuki Koky حولتي كلية ايه ؟

[@alshimaasoliman6368]

بجد مش قادرة اوصفلك فرحتي بالتوفيق ياقمر

[@amalemam9820]

@@omargamal164 بعد ثانويه عامه ٢٠٢٠ بشوف قصص الناس

[@AnasMations]

انا حاليا في ثانوية عامة دفعة 2020 و الفيزيا كانت اكتر مادة حبتها طول السنة و لسه خارج من امتحانها النهاردة حاسس اني عكيت جامد و اول مرا اعيط بسبب امتحان, بس حاليا حاسس اني سعيد و راضي عشان عارف ان كل دا ربنا كاتبهولي و انا دوري اني بس اعمل الي عليا و اقوم اقوي من الاول. ادعولي, لسه فاضلي 4 امتحانات ❤

[@صلِعلىرسولاللَّه-خ2ظ]

ربنا يجبر خاطرك

[@ayatmohamed350]

دخلت ايه؟

[@AnasMations]

@@ayatmohamed350 حاسبات و معلومات الحمدلله زي ماكنت حابب

[@ayatmohamed350]

@@AnasMations ماشاء الله

[@user-ln9qq5de2p]

مش عارفه انا ليه بشوف دلوقتي فيديو عن النتيجه من ٧ سنين وانا لسه فشهر ٤ وامتحناتي فشهر ٦ _٢٠٢٤ ونفسي ادخل طب ان شاء الله ربنا يكرمني وادخلها لو فيها الخير ويراضيني ويكرمني لو حد جه بعد شهر ٧ _٢٠٢٤ يرجعني وشكرا يا حازم نصيحه فالجون وواقع في ناس عيشاه

[@abeermohamed]

أن شاء الله تجيبي الي نفسك فيه

[@mahahosny5998]

مش بحب سؤال عملتي ايه بس انتي قولتي حد يرجعني اتمني تكوني جبرتي وايا كان عملتي ايه ربك بيعوض

[@user-ln9qq5de2p]

@@mahahosny5998 %ثانويه ازهريه الحمد لله و جبت ٧٣

[@lolymo7019]

من سنتين جبت فى الثانوية ٩٠٪ علمى علوم وكان انهيار السنين ..ابويا هو اللى قالى متزعليش اية يعنى وخدنى وجبت اللاب توب اللى كنت عايزاه وخاتم هدية النجاح .. ودة فعلا اللى خرجنى من حالة الانهيار دى ودخلت الكلية وحبتها و بحاول ابقى مميزة فيها علشان بس افرح ابويا .. ثانوية اية اللى يتزعل عليها

[@user-we1er8mp4y]

يابختككككككككك باابوووووكيييييي ياختي ربننا يحفظهولك ياااا رب

[@abdelrhmanmohamed7282]

😂😂😎😎

[@ebrahimsalem1758]

كلية إيه ؟

[@abdohassan7874]

حضرتك ممكن اعرف دخلتي اي

[@lolymo7019]

@@abdohassan7874 علوم بس كنت السويس عشان اللى قبلت مجموعى و عملت تقليل اغتراب و جيت محافظتى ⁦❤️⁩ و بالمناسبة اتخرجت اهووو و بكرة اول يوم امتحانات فى دبلومه التحاليل ⁦

[@OLA-qz6sr]

أول مرة سمعت الڤلوج ده كنت في 2 اعدادي ساعتها كنت لسه مكتشفة الڤلوجات و خلصتها في يومين تقريبا ، كنت حاسة انه الكلام ده بعيد عني و ان لسه بدري علي الثانوية و كان نفسي مبقاش من الفئة اللي بتتظلم في الثانوية عشان مبقاش في تحدي اني اقعد ادور و اثبت نفسي و يبقي الموضوع اتصعب أكتر. السنادي كنت في ثانوية عامة و عملت اللي عليا و بشهادة كل اللي حواليا اني استاهل اجيب مجموع كبير و يوم النتيجة اتصدمت اني بعدت سيكا عن اللي كان نفسي فيه لاني كنت واثقة اني هجيب المجموع اللي اشتغلت عشانه فعلا و لكن لقيت غير كده. و دلوقتي اهو بعد شهر في كلية انا مكنتش بحبها و لا بفكر فيها ، حاسة اني لو رجع بيا الزمن مش هيبقي كل هدفي المجموع العالي عشان متحطش في زون اني ماشية ع الطريق المضمون اللي كله بياخده ، الفكرة كلها كانت متمثلة في اني نفسي افرح يوم النتيجة بس. و ده محصلش ف قررت اني هتحدي نفسي في الجامعة جايز يبقي الفرحة الأكبر متشالة فيها اساسا. عجبتني اوي جملة " ساعات بيبقي لازم تتظلم او متاخدش حقك ، عشان تعلم ع الحياة بعد كده " حاساها رسالة. تقريبا دي تاني مرة مثلا اعمل فيها كومنت ع القناة من سنين. الڤلوجز دي بنسبالي عمر و ذكريات رهيبة و دايما بعيدها في كل فترة من فترات حياتي و بجد so nostalgic. شكرا حازم.

[@DashaDay-iv7pt]

انا خلصت تانيه😂 ودلوقت رايحه تالته واول مرة اسمع لحازم النهاردة. وسمعت كم فلوج😅

[@ahmedabdelrahman3069]

كلية ايه

[@Radwa541]

🫂❤❤❤

[@user-xj6hb6fc8p]

الفديو بقالو كتير بس بفضل الله أن شفتو دلوقتي لان يعتبر بيكلم عن مشاكل ناس كتير فيها بذات أن انا في المرحله دى و انو الفديو هيسعدني اوى بإذن الله

[@sagdaismail3544]

محتواك فعلا مميز مش اول مرة الواحد يتأثر و يدمع عشان لمس الموضوع في نفسه

[@Aisha18658]

ثانويه ازهريه 2024 وفاضل 41 يوم علي الامتحانات دعواتكم 🤍

[@user-kd4cd9qb7s]

ربنا معانا بجد

[@Mariam-eb6qg]

ربنا يتولانا❤❤❤❤

[@moremore8728]

من قلب المعمعة اقولك لسه فاضل ١٣ يوم 😭

[@Aisha18658]

بكره اول يوم في امتحانات الثانوية الازهريه دعواتكم فضلاااا 🥺🤍🤍🤍🤍

[@user-kd4cd9qb7s]

@@Aisha18658 ابشري بالخير لن يضيعنا و هو يعلم انكِ ترددي بداخلكِ أنه معاكِ 🫂🫂🫂

[@ahmed-dl6sp]

صوت الشيخ محمد الكردي حلو جداا ما شاء الله 💙💙 و الفلوج عجبني جداا خصوصا ان انا ثانويه عامه و نتيجتي هتطلع كمان اسبوعين شكراا جداا يا حازم ❤

[@fatmaaiman6595]

انا ثانويه ازهريه علمي جبت مجموع عمري فحياتي كلها ماجبته مع اني دي اول سنه ازاكر اوي اوي كدا ومكنتش بنام حرفيا!! ومكنتش متوقعه كدا ابدا وعملت تظلم وليا درجات كتير جدا وفي اسئله مش متصححه. وماخدتش حاجه! والرغبات تنزلت من أربع أيام ومليش نفس اكتب اي حاجه في الرغبات ومعنديش رغبه في اني اعمل اي حاجه لاني حاسه بالظلم اوي والاحباط... دلوقتي الساعه 4:41 الفجر 5/8/2021 اتمني ارجع فيوم من الايام للتعليق دا واكون قدمت نجاح يرضيني وافرح امي بيه

[@basmalaahmad237]

عامله ايه دلوقتي ✨

[@ahmedabdelrahman3069]

ايه الدنيا دلوقتي

[@fatmaaiman6595]

@@ahmedabdelrahman3069 سبحان الله أنا مش فاكرة أنا كتبت الكومنت دا أمتى بالظبط بس أنا حاليا في تالتة كلية وبطلع من أوائل الشعبة بتاعتي و بحب كليتي جدا جدا وبحب الدكاترة لاقية نفسي فيها أوي وبحبها والدكاترة كلهم بيحبوني وبيقدروني جدا لأني مجتهدة دايما باخد منهم تشجيع حقيقي ربنا كريم اوي اوي أنا شعوري من سنتين أو أكتر وانا بكتب الكلام دا كان سىء كنت شايفة الدنيا سودااا بس دلوقتي أهلي فخورين لأبعد الحدود أمي أول سنة ليا في الكلية لما قولتلها إني جبت امتياز وطلعت من الأوائل بكت و أتمنى ارجع تاني كمان سنة ونص وأنا محققة حلمي في إني أتعين معيدة دعواتكم يا جماعة ليا لاني عندي بكرة امتحان ميد وطالع عيني وفاقدة الشغف😂💔 وحقيقي قيام الليل سحررر مفيش حاجة توصلكم للي انتم عاوزينه غير الدعاء الالحاح في الدعاء الله يقر عنينا باللي احنا عاوزينه ويحققلنا كل أحلامنا بكتب الكلام دا عشان لو حد شافه ممكن أكون سبب ولو بسيط في إنه يتشجع ويعرف إن مفيش حاجة اسمها كليات قمة أنت ممكن تعمل القمة في أي مكان والله بالتوفيق للجميع ♥️

[@fatmaaiman6595]

سبحان الله أنا مش فاكرة أنا كتبت الكومنت دا أمتى بالظبط بس أنا حاليا في تالتة كلية وبطلع من أوائل الشعبة بتاعتي و بحب كليتي جدا جدا وبحب الدكاترة لاقية نفسي فيها أوي وبحبها والدكاترة كلهم بيحبوني وبيقدروني جدا لأني مجتهدة دايما باخد منهم تشجيع حقيقي ربنا كريم اوي اوي أنا شعوري من سنتين أو أكثر وانا بكتب الكلام دا كان سيء كنت شايفة الدنيا سودااا بس دلوقتي أهلي فخورين لأبعد الحدود أمي أول سنة ليا في الكلية لما قولتلها إني جبت امتياز وطلعت من الأوائل بكت و أتمنى ارجع تاني كمان سنة ونص وأنا محققة حلمي في إني أتعين معيدة دعواتكم يا جماعة ليا لاني عندي بكرة امتحان ميد وطالع عيني وفاقدة الشغف 😂💔وحقيقي قيام الليل سحررر مفيش حاجة توصلكم للي انتم عاوزينه غير الدعاء الالحاح في الدعاء الله يقر عنينا باللي احنا عاوزينه ويحققلنا كل أحلامنا بكتب الكلام دا عشان لو حد شافه ممكن أكون سبب ولو بسيط في إنه يتشجع ويعرف إن مفيش حاجة اسمها كليات قمة أنت ممكن تعمل القمة في أي مكان والله بالتوفيق للجميع♥️

[@norhan3mad991]

انا دفعة 2022 حاليا انا خلصت ثانوية عامة والنتيجة هتظهر بعد اسبوع تقريبا معنديش كومنت او كلام اقوله بس حبيت اوثق اللحظة 😂💪🏻

[@amirahossam3828]

هوثق معاكي ♥️😂

[@darkmode2480]

ايه اللي حصل

[@osamaabotaleb1019]

ها نجيب الشربات ولا اي😂🎉

[@moremore8728]

طب ايه امتحاناتي كمان ١٣ يوم 😂

[@moremore8728]

​@@osamaabotaleb1019انت لفيت كل الكومنت 😂

[@happysomya]

سبحان الله الڤلوج دا شفته في أكتر وقت انا محتاجاه ☺️😅 عاااش بجد جزاك الله خيرًا

[@user-nh5bp5gd2p]

soma somaya وانا كمان

[@dohanasser5623]

مرحله سخيفه جدااا و بتسيب اثر نفسى مش حلو .. نصيحه منى للشباب ال لسه داخل جامعه فكك من اى مسميات خالص خد خلفيه وفيره عن الكليات و مواد دراستها و المجالات التعرف تشتغل فيها و تلاقى نفسك فيها علشان متحرقش وقت و جهد على الفاضى.. الفلوج رائع جدا 👍💪

[@hajar.sherif]

صح عندك حق جزاك الله خير كان في تذكير بسيط للحديث يقول لا تسبوا الدهر فإن الله هو الدهر، فعشان كدة كلمة مرحلة سخيفة مندرجة تحت الحديث دة، فكان تذكير عشان تعدلي الكومنت بمثلا فترة صعبة أو حاجة🌿

[@FATMAMOHAMED-rv5rd]

ثانويه عامه 2024 لسا مخلصه امتحانات امبارح...وحقيقى الفيديو فرق معايا جدا ايًا كانت النتيجه مش هتفرق خالص...اكيد هت الخير

[@lenaggar]

حلو البوء الأخير بتاع ضغط الحياة خليه دافع إنك تكافح وتعلم ع الحياة

[@AlfarisWs]

جزاك الله كُل خير يا حازم انا فترة الثانوية بالنسبالي باحمد ربنا اني نسيتها تماماً من حياتي، او عالاقل معادتش مأثره عليا زي زمان، ولله الحمد قدرت اتخطاها وعملت ايام الكلية تقريباً زيك بس باختلاف اني كنت داخل حاجه بحبها. اللي في ازمة دلوقتي اخويا الصغير عاد 3 ثانوي مرتين لحد دلوقتي، والسنة دي شال مادة تاني .. انا هافرجه عالفلوج ده عشان يطلع شوية من ضغط البيت ويفكر يبدأ شغل فعلاً

[@ahmedabdelrahman3069]

اخوك عمل ايه ؟ اشتغل ف حاجه ولا لأ ؟

[@AlfarisWs]

@@ahmedabdelrahman3069 الحمد لله اه اتخرج واتجوز واشتغل كمان ❤️🤲

[@dego33faster52]

الحياه العملية ...شئ و النظرية....شئ مختلف لأن الممارسة تختلف عن التنظير و انا اكتشفت دا حرفيا في كلية تجارة تحديدا قبل و بعد الانتهاء منها و الشحن المعنوي و التحفيز من الأهل لدخول كليات القمة ( طب . هندسة . صيدله) بدون مراعاة لامكانيات الشخص و مهاراته وحبه للكلية من عدمه يؤثر على مساره ليس بالكلية فقط وإنما بحياته عامة وأهم حاجه - كما قلت حضرتك- هي الشغل قبل التخرج فترة مهمة جدا لأي شاب و بتصقل تجاربة الحياتية و بيطلع للحياة العملية فاهم شوية ( مش ابيض ياورد) بتفرق معاه كتيييييييير!!

[@user-tz5mu7ie8z]

ثانوية عامة 2022 والواحد جاب أخره والله 💔😅 اللهُ المستعان، دعواتكم:)

[@user-tz5mu7ie8z]

@As Ma الله يوفقنا يا جميل")💙

[@abdallahsayedbbb]

و احنا مكانوا دلوقتى احنا بقا من جبنا اخرنا احنا جبنا اخر اخرنا

[@user-tz5mu7ie8z]

@@abdallahsayedbbb الوقت ده صعب فعلًا بس هيعدي اجمد كده واستعين بالله الحياة بعد الثانوية جميلة 😂

[@abdallahsayedbbb]

@@user-tz5mu7ie8z دى الحاجه اللي بتحفزنى اصلا ... ... ان شاء الله نجيب أعلى المجاميع بإذن الله 😌😓

[@mustafamuhammad5954]

أقسم بالله أنا حاسس إن الڤلوج ده معمولى أنا مخصوص شكرا بجد💙

[@My92Music]

جميل جدا .. شكرًا على المشاركة .. تصوير مشهد الغروب مع اختيار الايات الي ليها علاقة بكل الي اتقال قبل كمان ممتاز.. استمر الفولجز رائعة

[@omarsalem6435]

واقسم بالله الواحد ماغش حاجه واتظلم جاب ٧٤٪ بعد ماكان نفسو ف هندسه ميكانيكا بعد كدا حبيت اخش فنون جميله وكذا فرع بحبو ف كليات مختلفه بس الحمدلله ربناا مش شايف اني هاحقق حاجه فيهم بس مش خايف ولا زعلان ومتفائل جداا الحمدلله

[@eslamqabil7355]

عملت أي دلوقتي ي مان 😅❤

[@businessisboomin7252]

@@eslamqabil7355 wanna know too

[@Samaa_Shaaban]

بدل مش شايف قول مقدرليش

[@marwaawad7034]

انا دفعه 2018 كنت علمى علوم بردو الحمد لله وبحب الاحياء جداا والله وكنت هموت وابقى دكتورة بس للاسف ربنا مارادش والكليه الوحيده الى كل ما حد يسالنى عنها اقوله انى مستحيل ادهلها كانت تربيه وسبحان الله الاسبوع الجاى هقدم ف تربيه لانى حاولت على قد ماقدر ادخل كليه ليها علاقه بالحاجه الى بحبها او قريبه حتى لو معهد بس للاسف مجموعى مجابش اى حاجه من دى بالمناسبه انا جبت 88.29 واتظلمت جدا لان على الى حسبته كان المفروض اجيب 94 او 95 ومعملتش تظلم لان قالولى مش هاخد حاجه وفعلا اعرف ناس عملت تظلم وماخدتش حاجه انا اظن ان الدفعه بتاعتنا معروفه لاننا كنا مفعلين هاشتاج ظلم تصحيح ثانويه عامه وحاولنا نعمل حاجه بس مفيش فايده وانا حاليا كل ما افتكر يوم النتيجه بقعد اعيط وبقيت مستسلمه للامر الواقع وهدخل الكليه الى عمرى ما حبتها وهحاول اعمل فيها حاجه يعنى الله المستعان مع العلم ان بابا لحد دلوقتى بيقارنى باولاد اصحابه واولاد الجيران الى جايبين اعلى منى ومش مقتنع انى اتظلمت وبيقولى يافاشله✋😅 بس باذن الله مش هياس وهدور على حلم تانى وهحاول احققه

[@tayseerroshdy200]

تربية عام ولا اساسي لو عام بيس يا مان وادخلي احياء انا نفس توقعاتك دي بس انا بقي 82 😂 ولبست في تربية أساسي 😂😄

[@marwaawad7034]

لا تربيه اساسى بردو

[@user-oe4yn6wc6g]

@mina bela عملتى ايه

[@DashaDay-iv7pt]

فات 3سنين عجبك تربيه ولا لاؤ متقبلتيهاش😅

[@maryammohamed5080]

@@marwaawad7034 عامله ايه دلوقتى ..فات 5 سنين 😂 ..اعتقد اتخرجتى اصلا ..اتمنى تكونى حبتيها و قدرتى تعملى فيها حاجه و تثبتى انك نجحتى

[@mohanaddalal1505]

كلامك معبر جدا الواحد كان محتاجه دلوقتي انا الحمد لله جايب مجموع جامد بس مش عاوز اعيش حياه نمطيه . ربنا يوفقك

[@bosycat2570]

قولت لماما سامعه يا ماما بصتلى بصه مش لطيفه ومشيت 😂

[@ayamoh3132]

هههههههههههه

[@user-dy4lv1th7m]

Bosy Cat 😂😂😂😂

[@user-ho6xo1jt5s]

ممكن ماماتك معاها حق

[@omaryousry8000]

هههههههههه

[@zeinabsaber5568]

وعملتي اي دلوقتي 😂

[@AmanyAnwar-gl5fy]

حلو اوي فكره انك لما تتظلم فالحياه كده علمت عليك بعد كده انت هتعلم عليها

[@hagarihab6388]

اناا في ٣ اعدادي 😂.. و بكره المذاكرة و سيرتها اصلا بس انصحكوو نصيحةة.. للناس ال لسه مدخلتش ثانوية عامة اذا كانو في ثانوي او اعدادي.. اشتغلو علي نفسكو في الحاجات ال بتحبوها من دلوقتي حتي لو هتخشو كلية ملهاش علاقة بالمجال ال بتحبوه بس اشتغل علي نفسك فيها بردو عشان تحاول تشتغل في الحاجة ال بتحبها دي .. انا عن نفسي بحب مجال الفلك جدا و دايماا بقرأ في المجال دا و بروح ايڤينتات عنه و بروح كورسات فيه.. و مهتمة بالمجال دا جدااا و مع انه مجال شغله قليل في البلد دي بس بحاول و طول ما انت بتحاول في الحاجة ال بتحبها و حاططها في دماغك عمر ما ربنا هيخيب ظنك.. اتعب من دلوقتي و متفكرش في حكاية الثانوية و لا نيلة.. استمتع بكل لحظة دلوقتي في المجال ال بتحبه و اتحدب نفسك والناس كلها.. عشان متندمش في الآخر علي الوقت الضاع منك . وشكرا✋

[@asmaasalem6541]

Hagar Ihab انتى اكيد دخلتى اولى ثانوى الوقتى بس اقسم بالله نصيحتى ليكى انك متناميش فى اولى وتانيه ثانوى متغلطيش غلطتى 😢 والله هترتاحى كتير فى تالته ومتخافيش مستواكى فى اعدادى مالوش اى علاقه بثانوى اقسم بالله كان معايا ناس مبيعرفوش يقرؤا وبيتحسبوا الوقتى من الناس اللى هتجيب طب ☺

[@whatever11463]

Úmãã šãĺĕm وانتي دخلتي ايه

[@asmaasalem6541]

Shams Mohamed انا لسه فى تالته ثانوى

[@whatever11463]

Úmãã šãĺĕm بصرة

[@asmaasalem6541]

Shams Mohamed ههههههه عامله ايه ف المذاكره

[@mortamm]

أجمل قفلة :)

[@Fatma1A]

سبحان الله وانا ف تانيه ثانويه كنت ف اللجنه انا واتنين تاني بس الي مبنغشش وكل الي كان بيغش شال ملاحق.. إن الله عزيز ذو انتقام.

[@esraaaboda7381]

انا لسه قناتك دلوقتي بس بجد انت كائن يستحق التقدير نفس تفكيري تماما

[@MuhammedWGamal]

حازم ممكن ترد عليا يعني لو سمحت انا اولاً اول مرة اشوف حضرتك واحد صحبي لما شفني زعلان قالي اتفرج عليك طيب اسمع مني حكيتي دي انا كنت في اولي ثانوي انتهيت كل حاجة عن اختراع والاختراع ده كان عبارة عن سلاح ليزر وبسيط جداً ومفعوله قوي المهم انا من وانا في ابتدائي كانوا مسميني اينشتاين علشان لافيزيا دي كانت حياتي كنت حافظ النسبية كاملة وكنت بشرحها وكنت حافظ قوانين نيوتن بكل ما يخصها عربي وانجليزي وكنت بشرحهم كمان لمهم اخدت مشروعي ده ورحت لجهات كتير في الدولة علشان المشروع محدش عبرني ويرفضوه وفي الاخر واحد قالي في وشي كدة انت يا ابني مش كان المفروض تجيلنا لانك هتتعب انت في بلد !@#^*& فمش هتنجح وامشي احسنلك من هنا هما عوزين الكفتا جيت بعدها قطعت كل الورق ورميته ومسحت كل الفيلات المتعلقة بيه من علي الكومبيوتر ومن بعدها معرفش اي حاجة عن الفيزيا ودلوقتي رحت جبت الناتيجة شلت فيزيا وكنت زعلان قولي بقي اعمل ايه

[@mohamedmohsen1135]

امشي في سكة المنح التعليمية لدول بتهتم بالبحث العلمي.

[@abdallahsayedbbb]

ادعى عليهم

[@lethargic_cow]

اختيار الآية 👍👍👍👍👍

[@user-re8xb8lu4m]

ان شاءالله احكى قصتى بعد كام شهر من دلوقتى #ثانويةعامة٢٠١٩وتكون خير بأذن الله ✋😐

[@user-mr2vk6lt3e]

عملتي ايه

[@Queen22270]

أيوة عملتي ايه طمنينا؟!💕

[@fatimael_zhraa4521]

طب احكي بقي يااخت🌸

[@tryingcloud]

👁️👁️

[@user-oe4yn6wc6g]

عملتى ايه ، عدا ٣ سنين

[@mennaammar6037]

أنا كنت شفت الفلوج دا و انا ف ثانوية .. و اتمنيت ان الكلام دا ميكونش ليا او مضطرش اني اعيده تاني بعد ما اخلص مثلا .. خلصت منها اهو و لكن اكتأبت امبارح جداً و افتكرت الفلوج فقلت اسمعه تاني .. فالاية اللي ف الآخر دي كانت ف وقتها جدا و حسيت اني عايزة اعيط جدا من جمال كلام ربنا دا .. ف شكراً بجد جزاك الله خيراً على احساسي دلوقتي 👌🎯

[@ahmedabdelrahman3069]

عملتي ايه دلوقتي؟💫

[@ahmedabdelrahman3069]

وصلتي لحد فين دلوقتي؟💫

[@asmaasherif2100]

ما شاء الله جميل يا حازم و ماما شافت الفلوج بس ولا اي اندهاش ضحكت كده وقالتلي حاضر هزغرط لما تجيبي درجه وحشه ههه

[@user-vr7rn5zp6j]

وايه النتيجة ؟

[@rabeaelnahrawy4578]

انا طول عمري بفضل الله من الاوائل وعمري ماقليت عن 97 .. المدرسين واهلي رايحة جاية ي دكتورة ..ي دكتورة ! والسنة دي اتصدمت ب مجموع عمري ماتخيلته والمدرسين كنت براجع معاهم وحاسبين لي مجموعي ويوم ما اتظلم هاجيب 98 !! ويوم الفيزيا كنت الوحيدة بفضل الله الي حليت الامتحان كله حتي المسائل الي اتلغت لاني كنت بحبها .. وعشان مارضتش اساعد حد ولا اغش ولا اغشش زمايلي طلعوا عليا افترائات كاذبة وتعبت جدا ونمت ع المحاليل والله ورحت الكيميا من غير ما اذاكر ..بس حليت الحمد لله يعني .. تيجي الصدمة اني اقل واحدة !! نقصت 20 درجة فيزيا وانا حليته كله وكان عندي مصطلح بس الي غلط ب 1 .. وكل المواد الاقي نفسي ناقصة فيها وانا المفروض اقفل انا كنت براجع من نماذج الوزارة وعارفة اخطائي .. والاقي نفسي جايبة 89.4% اعمل بيها ايه وحياتي ادمرت وكل احلامي اتبخرت وجفوني تقرحت وقلبي انفطر والله .. بقالي 3 ايام مش بخرج مت اوضتي ولا اكل ولاشرب ولا بتكلم مع حد ومش قادرة ارفع عيني .. انا تقريبا ميتة بس متعلقة في امل بسيط ان ربنا يعوضني عمري ما فشلت بالشكل دا ومش مصدقة لحد الوقتي اني خلصت بالمجموع دا .. نفسي اصلي واتهجد زي الاول جالي حالة من السخط استغفر الله وبرجع ارضي واقول الحمد لله انا احسن من غيري ... وامبارح خالتي جابت لي بالطو وعليه اسمي من الخارج ع اساس انها ماتعرفش الي حصل ... كوابيس السنة كلها تعابين وحوريات بشعة " انا كنت محصنة نفسي والحمد لله حافظة القرآن وكنت بقرأ في الحفلات ولما يطلبوا مني اخرج اسلم ع حد مش بقدر .. انا مكسوفة جدا اني ماقدرتش اوري لاهلي نتيجة تعبي ومذاكرتي وعبادتي... ماكنتش عاوزة طب والله كنت عاوزة مجموع كبير واختار انا مجال البحث العلمي " كانت امنيتي بجد ... مش متخيلة ان كل تعبي راح .. ومش مستعدة اخرج للعالم تاني.. مش هقدر انتج اي انجاز .. ماعدش عندي طاقة ... وايماني بيقل .. تقريبا بخسر نفسي "

[@hiccupxx4783]

Rabea Elnahrawy اسمعي الآيات الفي آخر الڤلوج، ارضي يمكن دا اختبار من ربنا عشان يعوّضك بالخير، ربنا مش عاوز يضرّك أكيد، حازم كانت حياته بتنتهي بالفعل وشوفي دلوقتي فين، دي مش النهاية، النهاية هي انك تيأسي وتفقدي الأمل في الله سبحانه وتعالى وبما أنك حافظة للقرآن الكريم فدا أكيد مش هيحصل بإذن الله، ﴿والآخرةُ خيرٌ وأبقىٰ﴾ ، ﴿وبٙشِّر الصّٙابرين﴾، ﴿واللهُ يٙعلمُ وأنتم لا تعلمون﴿﴾ 🌸

[@amanyhegazy7164]

Rabea Elnahrawy ربنا يعوضك خير بآذن الله من واقع انى دكتوره حديثه تخرج اكلمك على الموضوع من نظره شامله شويه ، بصي الطب فعلا مش امله فيه عيوب كتير جدا بتفني حالك فيه وللأسف مفيش تقدير وحتى مفيش أمن يحميكي من أهل مريض قرروا يفشوا غلهم بالدكاتره نتيجه ان قريب ليهم كانت حالته صعبه جدا ومات ، في دكاتره بتتعرض للخطر وفي منهم بيموت من الضغط والعدوى ، مش ممكن لو دخلتي طب كان لا قدر الله مثلا لقطي عدوى مثلا وعمرك انتهى فربنا قدر ليكي شي أحسن ! مش ممكن لو دخلتي كليه قمه كنتي مش هتحققي بيها ذاتك وهتبقي شخص عادي جدا ! مش ممكن ربنا حطك بمجال أصعب وبتحدي أكبر عشان تبقى مميزه فيه وتثبتي لنفسك والناس انك مميزه وتقدري تحققي شي !مش ممكن فشلك ده هو بدايه حقيقيه لنجاح كبييييير اوى وفخر لأهلك بيكي ! مش ممكن ده ابتلاء _وليبتلي الله ما في صدوركم وليمحص ما في قلوبكم ! اقرأي سوره العنكبوت أول ثلاث آيات بتمعن وهي هترد عليكي ليه يارب ! لأن احنا بدار بلاء امتحان فامتحان فتمحيص ، شوفي الانبياء وابتلائاتهم والصالحين والامثل والامثل اقرأي قصه الإمام أحمد ابن حنبل وتعذيبه بالسجن شوفي دلوقتي الشباب ومرضهم شوفي اخوانا بسوريا ، شوفي المعتقلين ، شوفي المرضى شوفي حجات كتير اوى تتلاقى ربنا ينزل عليكي صبر ورضا من عنده واسمعي سوره يوسف وافتكري ايه ولا تيأسوا من روح الله انه لا ييئس من روح الله إلا القوم الكافرون ، الكلام ده ليا قبل ليكي لأني بصبر نفسي قبلك لأن كل إنسان فينا مبتلى بشي ومتعرفيش فعلا مش ممكن لو دخلتي كليه قمه كان يبقى حزنك الأكبر !!!!!!! ادعى كتير اللهم قدر لي الخير حيث كان ثم ارضني به ربنا يرضيكي ويرض عنك وينزل عليكي السكينه والرضا ويثبتك ويصرف عنك وساوس الشياطين يارب ، كلمه على جنب كل مميزين اللي بالعالم كانوا أفشل الفاشلين وكانت دي شراره نجاحهم ، ربنا يكرمك ويسعدك ويفرج همك ويثبتك وميجعلش فتنتك في دينك لأن أهم شي على الإطلاق الدين لو خسرناه هنخسر نفسنا ومش هيبقى في معنى للحياه ،

[@amanyhegazy7164]

Rabea Elnahrawy احسب الناس أن يتركوا ان يقولوا آمنا وهم لا يفتنون ، ولقد فتنا الذين من قبلهم فليعلمن الله الذين صدقوا وليعلمن الكاذبين ، ولا تيأسوا من روح الله إنه لا ييئس من روح الله إلا القوم الكافرون ، وليبتلي الله ما في صدوركم وليمحص ما في قلوبكم

[@user-fi6yf9fp3d]

امانى حجازى جزاكى الله كل خير كلامك رائع بكل ما تحمله الكلمة من معنى دعواتك ليا انا لسا 3 ثانوى

[@rahmaismailsayed4976]

اكيد انتي في مكان احسن دلوقتي وربنا عوضك خير

[@hajar.sherif]

صح عندك حق جزاك الله خير كان في تذكير بسيط للحديث يقول لا تسبوا الدهر فإن الله هو الدهر، فعشان كدة كلمة مرحلة سخيفة مندرجة تحت الحديث دة، كان تذكير لحضرتك ولمن لا يعلم

[@fatimaalshami7434]

عم شوف الفيديو 2017 و من غير بلد بس ما بعرف كيف اجا قدامي .. و بوقت كتير صح ... كنت ناوية احرق كتب الجامعة .. الله يهدي بالك و يوفقك

[@user-pv6gb8zb5c]

finally!! عودا حميدا😀😀😀

[@ahmedismailmardo2090]

vlog عظيم اول فيديو اشوفوا ليك

[@ayaelkhodary2225]

عندي تعليق بسيط ......من رايي ان مش معنى ان الواحد مش يعيش في بلده انه ميقدرش ينجح ويتحدى ويحاول ...... أنا مش في ثانوية عامه بس عايشه في ألمانيا من تقريبا ثلاث سنين آليته دي بفضل الله قدرت أني تكون الاولى على برلين .... اللي عايزه أديهوللكم أنكم لازم تتحدوا الظروف اللي اتحطيتوا فيها وتقدرا تثبتوا نفسكم فيها

[@fatmamohamed2738]

ماشاء الله عليكى ربنا يكرمك اكتر واكتر وينفع بيكى الامة ❤

[@ayafathy3218]

كلام مهم جدا بس ياريتنى شوفته وقت ما نزل من سنه يلا الحمد لله..

[@mohamedyasser1924]

جامد جدا يا حازم ما شاء الله انت بتتطور بشكل ملحوظ وسريع ماشاء الله

[@user-or2jr4ze2b]

اليوم التاني من امتحانات ثانوية عامة النهاردة قبل امتحاني بساعات اول مرة من اول السنة داخلة مش شايلة هم مش بفكر كل ما افتكر الايام اللي كنت بخبط دماغي في الحيطة من كتر التفكير كمية العياط عشان خايفة المرة دي أنا مسلمة أمري لله وراضية باللي جاي أتمني ربنا يوفقني ويساعدني اليوم زي كل مرة بينقذني فيها يارب كُن لي نصيراً♥️

[@user-or2jr4ze2b]

@@mohamedbedear الحمد لله الذي رعي أمانينا حتي أزهرت طب بشرى ولله الفضل والمنه💕

[@Yaqeen7680]

​@@user-or2jr4ze2b مش عارفة ليه لما بشوف كومنت لحد دخل كلية كان بيتمناها عيونى بتدمع وببتسم ابتسامة عريضة ساذجة 😂كأن انا ده مبارك ليكِ ودعواتك لينا بقا ربنا يكرمنا من واسع فضله

[@user-or2jr4ze2b]

@@mohamedbedear موفق بإذن الله إن شاء الله تعبك وجهدك يكلل باللي بتتمناه والجميع يا رب خلي بس عندك أمل في ربنا لأخر لحظة

[@user-or2jr4ze2b]

@@Yaqeen7680 ربنا يرزقك طعم الفرحة باللي بتتمنيه ويديم ابتسامتك وفرحتك شكرًا إنك فكرتيني بالكومنت ده عشان أفتكر الوقت اللي كنت فيه في محنة وربنا عداها بفضله ورحمته واستجاب لدعائي علي الرغم من سيري الكسير بإذن الله موفقة ومستجابة الدعاء 💕

[@taha.sherif.1]

​@@user-or2jr4ze2b سبحان الله انا دلوقت بشوف الفيديو دا ف نفس وقتك تقريبا وانا داخل ع تاني مادة بكرا مبارك ليكي تحقيق الحلم ودعواتك العقبي لنا ❤

[@AmrElhandoum]

انا عايزك تتكلم فى فلوج كامل عن بدايه استبرك لحد دلوقتى من الالف الى الياء كل الخطوات الممله عشان انا ناوى ان شاء الله ناوي اعمل شركه زيك و انافسكوا انتوا و دوتس بس انا لسه داخل على ثانويه عامه وربنا يستر بقى =D

[@abdelrahmansobhy4426]

استبرق* بالقاف هو مقتبسها من الاية ( عاليهم ثياب سندس خضر واستبرق ) سورة الانسان

[@Sara_Elmahdy]

ثانوية عامة 2024😂💚

[@alaaoda9870]

والله زمان على زمن الفلوجز الجميل ♥️

[@hagarkhaled1821]

لا فعلا بجد فى ظلم جامد جدا او ممكن نسميه استهتار دولة انا كنت ثانوية ازهرية من سنة ووقت اما عرفت المجموع رحت وعملت اعادة تصحيح وللاسف اسوأ تصحيح فى العالم لان الورقة مكنتش متعلمة اصلا وطبعا محدش اخد حاجة لان هما كان هاممهم الفلوس بس احلى حاجة مع انى كنت معترضة على الكلية الا انى بجد حمدت ربنا عليها جدا واكيد هو ليه حكمة فى انى ادخل المكان ده

[@user-nz3hl4wf2j]

الاول نهايه الفلوج جميله جدا....كنت عاوز ادخل فنون جميله اتظلمت وفرقت معايا ع درجه ونص ودخلت اعلام وعرفت ان ليها علاقه بالجرافيك وانى ممكن اشتغل ع نفسى فيه والله بسبب كنت عاوزة ادخل فنون......اعملنا فلوج وقولنا ازاى نبدا جرافتى ونتطور نفسنا فيه✌🌸

[@ayaa2911]

كنت فين من بدري.. الحمد الله على دخولي كليتي الوحشة الجميلة الحمراء 😅😂😂❤️

[@ahmedsaberkhalaf1543]

من ناحية الظلم انا فى الفرنساوى ناقص 5 درجات مع العلم ان اللى قدامى ناقل منى الامتحان وفى الاخر يطلع هو مقفل الفرنساوى وانا ناقص 5 درجات ... بس الحمد لله مجهودى ما رحش على الفاضى ... ثانويه 2015 :) " ان الله لا يضيع اجر من احسن عملا "

[@sosomon7074]

ahmed saber دخلت ايه

[@sunshine-e7o]

ثانوية عامة السنادي مش عارفه لو جيت تاني وشوفت الكومنت ده هكون فين وهل هكون مبسوطة ولا لأ بس انا نفسي اكون سعيده في المجال الي هكون فيه حتي لو مش صيدلة واحقق انجاز كبير في حياتي بجددد اتمني اكون سعيده دلوقتي وان ربنا ميضيعش تعبي واكون شخص صالح وليا اثر طيب وسط الي حواليا ❤❤

[@yomnamahmoudeldeeb5219]

يارب يكتبلك الخير و يرضيكي بيه ❤️ انا كمان ثانوية عامة السنادي

[@sunshine-e7o]

@@yomnamahmoudeldeeb5219 ويكتب لكي الخير يا رب ❤️

[@Starboy11576]

يا رب يكرمك اخر كرم و يفرحك دايما 🎉

[@mahahosny5998]

دلوقتي بعد النتيجه ما طلعت ربنا يوفقك في المكان اللي هتروحه وهيكرمك ان شاء الله

[@sunshine-e7o]

@@mahahosny5998 اللهم آمين ❤️

[@hiccupxx4783]

أتمنى أن العنده تعليق إيجابي يكتبه والماعندوش لِيٙقُل خيرًا أو ليصمت

[@drahmed9359]

حلو الفيديو دا خصوصا اني في ثانويه عامه علمي علوم 💫

[@omartarekll]

كنت 2021 زيي

[@zahraakamal3411]

ربنا يكرمك كنت مستنيه فلوج زي ده جه في وقته ربنا ينفع بيك

[@emanelersh374]

فيديوهاتك ماشاء الله محتوي جمييل جداااا ربنا يباركلك والله انا ثانوية عامه 2020 بتمني ادخل الكليه اللي بحلم بيها من صغري ادعولي نفسي ف طب اسنان بالله عليكم ادعولي

[@user-oe4yn6wc6g]

عملتى ايه

[@emanelersh374]

@@user-oe4yn6wc6g دخلت تمريض الحمدلله علي كل حال

[@user-oe4yn6wc6g]

@@emanelersh374 الحمد لله دائما و أبدا ولعل لكِ خيراً و نصيباً بها ❤

[@emanelersh374]

@@user-oe4yn6wc6g الحمدلله💜

[@user-cg9uz9dq2j]

انا في هندسه شبرا يا حازم وباخضر محاضرات في t2 اوقات هههههههههههههههههههههه شوفت الصدف

[@abdallahahmed1873]

الحته الاخير دي فصلتني 😂😂😂😂 T2

[@hagaralaaeldeen8354]

من فترة لاقيت شغل بالنسبة للمجتمع -مش قد المقام- كنت حاباها جدا و اليوم اللي قبل الشغل جالي تدريب في بنك و بما إني في تجارة روحت البنك..انا فعلا حاسة اني كرستيانو رونالدو و واقفة جول جدااااا👍 بس فعلا الحمدلله اني بدأت قبل ما اتخرج

[@mennawageeh6544]

hi five للمره التانيه✋ انا سبحان الله حصل معايا حوار مشابه لكلامك ومحتاره ادى نفسى فرصه ومسبش المكان اللى اشتغلت فيه ولا اشوف حاجه تانيه ربنا يوفقك للى فيه الخير

[@hagaralaaeldeen8354]

+Menna •Hassan لا ده انتي تيجي فيسبوك بقى يا منة😅✋

[@promise1328]

ادعولنا بقي دفعه 2024🥹❤

[@englishtimewithmr.mohamede3125]

ربنا يوفقك يا حازم ڤلوج رائع

[@AbdullahRaafat]

د/أحمد عبدالله اللي بيشيل فيزياء في شبرا بيسلم عليك وبعدين انا بتفرج ع الفيديو علشان بحسبك هتقول هندسة حلوه وتحببني فيها تقول ان هي مكانتش على مزاجك وكمان قولت شبرا اللي التوزيع الجغرافي رماني فيها

[@hagerezz4033]

4:11 شيلت كل المواد ال ليها لازمه 😂😂😂😂😂😂

[@EsraaAtef-zi7hi]

اتمني ارجع بإذن الله بعد رحله الدراسه وانا محققه الي بتمناه❤

[@ahmedsoudy4696]

بحاول اشوووف كل اللى الفلوج اللى فاتتنى الفتره اللى فاتت بصراحه بستفيد منك جدا يا جازم ربنا يباركلك يارب

[@mennaislam6813]

ادعولى اطلع الاولي علي الجمهورية ♥️💙

[@zeinabsaber5568]

عملتي اي دلوقتي

[@AhmedHamdyAlhosary]

من احسن الفديوهات اللى شوفتهالك

[@ahmedyahia9405]

حضرتك احبطتني انا في هندسة شبرا وحاسس بياس دلوقتي بس انا خلصت اعدادي والدكاترة كويسين لحد ما والمعيدين ممتازين بس انا دلوقتي خفت علشان لسة داخل اولي تخصص

[@hashish_7]

كل هندسات مصر بنت كلب يا عم.. لو عاوز تكمل في المجال فعلا اشتغل مع نفسك بقي

[@noorhisham4576]

ahmed yahia سيبها ع الله ..مش معنى ان شخص مقدرش يعمل حاجة ..عادي ممكن ربنا لم يرد له ذلك ودلوقتي ربنا فتحها عليه ما شاء الله..بس اهم حاجة إنك تسيبها لله وربنا مش بيضيع تعب حد ..كل ميسر لما خلق له

[@mennaislam6813]

عملت ايه دلوقتى؟

[@user-iw3zg4kv6e]

هي فعلاً أسخف فتره ياااااالله

[@AhmedMohamed-wb1ry]

فديو جميل انا فى اخر شهر ثانوي عام متعبتش طول سنه حلوبسبب انى مش لاقي حلم او هدف فى كليه يشجعني بس بحاول اشد فتره دي معني متاخر ف كام ماده بس لعله خيروهدفي هو اجتهاد وانول توفيق ربنا

[@mohamedmasoud7131]

حمد الله علي السلامة ، فلوج ممتاز ، كُليتي برضه كانت هندسة شبرا ماتفكرنيش

[@emanmem8453]

انا كليتي دخلتها برغبه بابا اللي حواليا نصحني بيها زي اللي حصل معاك عشان شايفين ان ليها مستقبل الحمدلله مش زعلانه

[@esraaabadr1530]

welcome back ^^ عاش جدا استمر 👍💪

[@basmallahusseinbadawy8996]

جزاك الله خير الجزاء 🤲

[@IbrahimElBoghdady]

T2 Te Two TeTo وبما اننا بنكتب اسلام بالـ E و ابراهيم بالـ i يبقي TeTo= Tito تيتو هههههههههههههههههههههههههههه

[@gege2301]

حمد لله على السلامة 😉😉

[@AbdullahAtlam]

فعلا الحقيقه ان المرحلة دى اسوء مرحلة

[@y.m3289]

الفكرة ان الواحد لما يكون طالع عينه كذا سنة في الكلية بيستخسر الوقت و المجهود اللي ضاع حتي لو مش حابب المجال نفسه

[@shimamohamed354]

جزاك الله خيرا

[@user-dp9qj7hh5w]

انا حالتي النفسية زفت😭😭💔 وقاعدة المفروض عليا بكره امتحان انجليزي مفتحتهوش اصلا وقاعدة شايلة طاجن ستي ع دماغي 😭💔

[@osamaabotaleb1019]

دخلت اي ؟

[@yasmeenfarghali3315]

احلي vlog

[@yosofjoo]

جزاك الله خيرا💖

[@dinafouad3493]

جزاكم الله خيرا ..

[@nova22q65]

ايوة طبعا حصل ظلم حتي في اعادة التصحيح و في الاخر محدش خد درجات لما واحد ينفخ نفسه طول السنة و في الاخر يتساوي بواحد محشش ولا بيعمل اي حاجة ولا بيتعب في حياته ولما ولاد القضاة و اللواءات يتجابلهم الاجابات في الامتحان يبقي اكيد ظلم 😡

[@youssifmoha1592]

فضلت شايل فيزيا كتير 😂😂😂😂

[@ayamansour9625]

inspiring story for real

[@ayahassan1797]

30/4/2022 ٣ ثانوي 2022 ادعولي😔

[@maryammohamed5080]

عملتى ايه

[@Sarah100269]

نعلم ع الحياة فعلاً

[@mercury5215]

شكراً جداً

[@mohamedkaram1268]

طيب لو كنت مثلا جاتلك صيدلة او اي كلية طبية كنت برضو هتعديها بنفس ال process ده ولا نفسيتك كانت هتبقي مرتاحة ليها وهتكمل فيها ؟

[@7osnytech323]

Mohamed Karam الله اعلم

[@فاطمةمحمود-ز2ص]

شكرا يا حازم 🌥

[@hasnaamohamed2326]

انا دايما بحب الانجلش ف كل الراحل ما بنزلش عن ٣ درجات عن النهائي اتا كدا ممكن ان شاء الله من كلام حضرتك انمي نفسي فيه يجانب الدراسه ويكون هو مستقبلي 👈😊

[@noname-in3hu]

زيك بالظبط...

[@emadabode4280]

من ناحية الظلم فيه ظلم حصل الوزارة انتقمت مننا فى التصحيح وفى الامتحانات عشان التسريبات اللى حصلت اكتر مادتين كنت خايف منهم امتحانهم كان جاى سهل بالنسبالى كان العربى والفيزياء راجعت الامتحانات فى البيت لقت نفسى ناقص فى الفيزياء 3 درجات والعربى ناقص 6 من غير التعبير ماينفعش يتحسب لانهم بيحسبوه بدماغهم فهو توتال التعبير كله 9 درجات ففرضا ان ان نقصت ال9 كلهم + ال6 اللى غلطتهم هنقص 15 درجه عربى فى النتيجه بقى نقصت 20 عربى و15 فيزياء يعنى 35 درجه بيعادلو 8.5% ده غير الرياضه والكيمياءالى كانوا جايين انتقام عشان التسريبات نقصت 30 فى الكيمياء والرياضه دور تانى واللغتين نقصت فيهم9 درجات وجبت 64.5% وواحد صاحبى اكتشف نظريات وقوانين للرياضه بتدرس لسه فى الجامعات ومتكرم من الوزارة المدرسه واستضافوه فى قناه الحياه جايب 65% نروح ننضم لداعش بقا ونفجرالوزارة ولاننتحر ولا نعمل ايه !!

[@user-pv6gb8zb5c]

والله انتوا أكبر من البلد دى و فعلا احسن حاجه انك تعلم عليهم زى ما علموا عليك! هتعلم عليهم لما تبقى ناجح فى حياتك! اوعى تيأس

[@kareemhany6012]

حازم انا مش عارف هوايتي وشبه مكسل اني ادور عليها وبعدين مهارات التحليل عندى كويسة وانا تايه ومحتاج اي نصيحة انا في ثانية ثانوى وباستعد لثالثة ثانوى وربنا يسهل والدنيا ماشيه والحمد لله

[@ahmedesamamer]

عملت ايه في ثالثة ؟؟

[@AbdullahAhmed-bt5yt]

ثانوية عامة 2024 دعواتكم اجيب فوق ال ٩٥% ❤😢

[@user-zn1dt8cd1o]

انا من دفعه التابلت ٢٠٢١ المظلومة جبت ٥٠ في الميه ثانوية عامة وشايل أحياء وانا كنت بذاكر ليل نهار وربنا أعلم أني عملت لي عليا. اصحابي كانوا بيغشوا من الحمامات والتليجرام ودخلوا كليات قمه. وانا اهو فاشل مش عارف كليه هتقبلني ولا. الثانويه العامه خليتني اكره نفسي وبتنمي الموت. ي الله انا تعبت

[@ahmedabdelrahman3069]

حياة و هنموت كلنا في الآخر و افتكر ان رئيس دولتك كان فاشل ف ثانويه ف يعني اشطا اجتهد و اشتغل بس المهم بقا عامل ايه دلوقتي؟

[@user-np9xo5gu3b]

عليا فيزيا بكره... وكم الضغط متمناهوش لألد أعدائي بس كل امتحان بندم اني كان لازم ادخل الل انا بحبه مش الل اهلي عايزينه 🙂، الله المستعان.

[@mustafatube18490]

كل الثانوية كنت اموت كل يوم قبل دخولي و بعد خروجي .. فعلا اسوء ايام حياتي

[@kerypapj9566]

انا مش فاهمه حاجه منك حضرتك😂😂😂ايييييش هاااادا

[@rofaidaashry7771]

ايا كان بس اللي غش دا حط علي نفسه و حط نفسه في مكان مش مكانه و دخل كليه مش بتاعته و هيشتغل شغلانه مش من حقه ورزقه هيبقي حرام لانه في الاساس اتبني علي غش.. يعني في الآخر هو اللي حط علي نفسه

[@islam_mo5]

حمدالله عالسلامة ي حاااااااااازم