وعصفت بنا الاقدار قصه جديدة حسب التفاعل انزل😘😍

[@قصصواقعيهحقيقه]

بس صوت سعود وهو يصيح لاااا جراااااح لاترمي عمك الشيخ وصوت طلقه طلعت من سلاح جراااح خلتني اكمز من مكاني واجر باختي فجر اجت عيني على جبار وهو بالكاع ويصيح ياويلك ياجراح ياويلك !! والدم سايل من عنده!!!! . . . يتببببببببببع..... وعصفت بنا الاقدار... البارت الثاني للكاتبه زهراء ( روزايه)... ردني ردني يالبگتني بليلة أجيتك دورت روحي اعلى روحي لا شفتها ولا لگيتك .. .... ساهره.. بنتتيييييي ياناس ياعالم قتلوا بنتي ياظالم الله ينتقم منك الله يشوفك اللوعه بجهالك الله يصليك بنار جهنم شلون قتلتوا بنتي زغيره بعده اريد بنتي ياظلام يا ماعدكم مخافه الله وين اخذتوا بنتي!! الحجيه بركات.. ياساهره ربج يشوف وهسه يصب غضبه على جبار بس رحمة ربج تخلصنه من هذا الحكم والجبروت تعالن كومنهه !! ساهره.. انتي كلتي هسه يلحك عليهم السبع وينه؟! الحجيه.. مالحك ياساهره مالحك !! لبابه ..صريخ ماما وشعرهه المنفوش ايدي الترجف وملابسي الممليه دم!! جسمي الفقد توازنه واحس نمل ويمشي ويه دمي.. عيوني مغوشه وحلگي متروس تراب روحي البدت تغيب مثل ماتغيب الشمس !! هذا القصر اشوفه مثل القبر وانسد عليه اريد الهوه !! اريد اخذ نفس !! حته البجي هنا ممنوع كلهه عايشه تحت جبروت الشيخ .. اختي!! ماما!! بابا!! كلهم بديت افقدهم بالسره واني طفله مااذكر غير دم اختي طفر على ملابسي ... مااتذكر بس رجفتي وعيوني الصورت المنظر والايد الي حمتني والفت عليه ودفعني وراا لزمة ايدي واني اصر على تشيرته بقوه وهو لازم معصمي بكل قوته ويدفعني ويميل جسمه كلما اتحرك حته لا اشوف المنظر ... صوت طلقات متتاليه خلت اذني اطن ووكعت بالكاع بس بعدهه ايده لازمتني ويحاول يحميني... والكل صاااح جرااااااااااح لاترمي عمك!!! بديت استعيد وعي وذاكرتي ورجعت لذاك المكان رجعت لاختي شهد الظلت ع تراب سابحه بدمهه وعينهه مفتوحه.. جراح ابن عمي بس مشايفته هوايه بالصدفه كلهم نفس الجبروت واكثر من طلقه طلعت من مسدسه كل الي اتذكره جبار مات مدري تصوب؟! سعود مثل مايسمو الذراع اليمين للشيخ جان صوته طاغي وهو يتوسل بجراح لاترمي عمك .. الشيخ جان بدون سلاح بس السجين بيده ينزل دم اختي منه ولو مارحمه الله جان هسه احنه نايمين بصفهه.. من ضرب الشيخ سعود وكف بوجه جراح جانوا اثنين وياهم ركضوا على جبار ويسعفون بي وسعود مثل الثور الهائج تلاوه ويه جراح جانت عيني تسجل بكل اتقان عمري ماراح انسه هاي المواقف شلون جراح دفع سعود

[@قصصواقعيهحقيقه]

بقوه وكع قريب ع الشيخ وضربه طلقه برجله ماراد يقتله.. ويه كل طلقه تطلع اشد على ايد فجر وحاول اخبي راسهه ماممكن راح نطلع سلامات بعد هاليوم والله العالم شنو من مرض راح يصيبنه !! تقرب علينه جراح ومسدسه بيده صار كدامنه وكانوا يريد يحمينه بظهره ودار وجهه ع شهد كل الي سمعته!! وهو يكول لا اله الا الله مرتين كالهه ورجع فرك وجهه والتفت علينه !! نفسهم هو اكيد مدام بسهوله قتل اكيد هذوله عايشين على الدم مثل ماكال بابا.. اريد اشوف اختي اريد احضنهه اريد اكلهه هناك يم العلي القدير اشكيله وكولي اني بريئه.. (واذا الموؤده سألت بأي ذنبُ قُتلت) هناك اسألي بأي ذنب انقتلتي وانذبحتي مثل الحيوان؟! هناك المكان الوحيد بي امان انتي خلصتي وارتاحت روحج بس احنه ماراح نطلع من هاي الحفره.. كلما اتحرك جراح يمنعني صار حاجز كدامنه صاح بصوت قوي محد يشيل لاجبار ولا سعود !! بحركه سريعه اندار علينه وسحبني من ايدي وايده تسحب بفجر ابد ماقبل نوكف هنااا طلع صوتي وكمت اصرخ شششششهد!! اريد اختي !! خلي اروح اكلهه احنه مسامحيج اختي بعدهه عينهه مفتوحه !! بس ابد ماانطانه مجال خلانه بالسياره وطلع تليفونه يخابر جان بهذاك الوقت هستوهه نازله التليفونات وموكلهه عدهه!! وراح للجنطه مال السياره طلع وصله جبيره يغطون بيهه السياره وراح ع شهد اني وفجر انباوع من الجامه الخلفيه.. كعد كدامهه وخله ايده على عيونهه وسدهن اشوفه يحرك شفايفه يمكن اشاهدلهه وغطاهه ورجع!! وجبار فاقد الوعي وسعود يصرخ من الم رجله بس الواكفين هذوله الاثنين ماخطوا خطوه والظاهر جراح عنده سلطه عليهم... صعد بالسياره وحركهه جان يسوق بسرعه هائله والسياره هدوء بس صوت البجي مالتنه حته مارفعت راسي وشفت الطريق لحدما وكفت السياره.. نزل كدامنه رفعت راسي اجينه لجهنم اجينه للقصر المهجوم شراح اكول لماما شراح نحجي ؟! فتحت الباب ونزلت واني اسحب بفجر احسهه راح تنشل ماتكدر تتحرك هوايه رياجيل جانوا واكفين بس كلهه مدنگه!! بس من دخلت سمعت جراح يحجي ويه واحد اسمه ضرغام ويكله حظر السياره الثانيه واخذ هويتك وياك واذا خابر السبع لاتحجي شي!! اول خطوه خليتهه بالباب واحس الروح تهرب مني وارجعهه بالقوه تأبى تدخل لهذا المكان او بالاحرى روحي ظلت يم اختي المذبوحه.. طبيت اني وفجر نمشي بالطرمه الجبيره طويله حيل وجانت صبحيه والكل طالعه للشغل لحدماوصلنه الباب الداخلي واسمع صوت ماما وهي تصيح بنااااتي!! الدموع جفت بمحاجرنه والروح ذابت مثل الشمعه!! والگلب مثل ورقه واجتهه ريح عاليه .. دفعت باب المطبخ مااتذكر بالضبط شفت منو؟! ومنو جانت واكفه بس اتذكر الصوت وهي تصيح اجن البنات اجن!! بعدهه مااتذكر اي شي!! لا اني ولافجر اثنينه لهنا وانتهت الطاقه وصرنه مثل السنبله الفارغه الضعيفه شكد تحاول تستقيم بوسط الريح وتاليتهه تنكسر... فتحت عيني واني راسي بحضن الحجيه وفجر بحضن عمه زينب ام جراح وماما منتهيه شبه فاقده!! لازمات اديهه وجانت مشلعه شعرهه ومن كدما باجيه وصارخه صوتهه مختفي ونفسهه ثگيل اساسا هي عدهه ربو وضيق بالتنفس.. تريد تحجي تريد دكول شلون عفتن شهد بس ماتكدر بس عيونهه تتحرك ودموعهه

[@قصصواقعيهحقيقه]

مثل الشلال .. اباوع بالوجوه شكد اكو ناس بنات عمي عشيره وجناينهم وبنات عماتي احس روحي تصيح ارحميني وين جنت ووين صرت؟! الحجيه.. خديجه الله يرضى عليج يمه كومي اخذي البنات لغرفتهن وانتي ام جراح عينج على ساهره ام جراح.. وين ترحين شيخه؟! محد حجه وكل ازلامنه مخبوصين ومانعرف شكو؟! الحجيه.. اريدن اروح اشوف ماكو زلمه يحجي الصار وينه جبار ؟! مو كتل البنت لو صار مثل ابن ادم حاير شلون يدفنهه؟! خديجه.. شيخه انه شفت ضرغام وجراح واخذوا واحد وياهم ماشفته منو وجان جراح عصبي.. لبابه.. حجيت واني اصك سن بسن بعدهم مايعرفون جبار عدل لوميت اصلا مايدرون جراح هيج سوه!! كحيت احس بلاعيمي مجرحه من بين اسناني وشفايفي الترجف طلع صوتي .. جراح ضرب الشيخ وسعود وعافهم هناك وجابنه ورجع اخذ ضرغام!! بعدني ماكملت كلامه شكو وحده عايشه تحت سكف جبار الظالم صرخت بصوت عالي!! صارت وحده تضرب بالثانيه حته عمه زينب ام جراح كامت تركض وتلطم ع صدرهه وتصيح يمه ابني !! زحفنه اني وفجر ع ماما بوسط ضعفهه والمهه ضمتنه بحضنهه وتبجي وهي دكول جانت خايفه شهد!! شهوده الهادئه جانت خايفه!! كامت ترجف موو؟! وبجت ومحد حماهه؟! اجتهه خديجه زوجه جبار الثانيه كومت ماما واحنه وياهه واخذتنه للغرفه طيبت خاطرهه ع الاقل بالكلام .. حجت ماما بصوت مبحوح كومي لبابه اخذي اختج وروحن غسلن وسمي ع جسمج بي دم وملابسج خليهن بعلاكه وطلعيهن من الحمام .. كمت اريد اخذ فجر ماتتحرك اسحل بيهه سحل دكول رجليه مايساعدني بس ضغطت عليهه واول وحده دخلتهه للحمام وحضرتلهه ملابسه سبحت وطلعت واني وراهه كعدت ع طبله صغيره واشيل مي من النجانه واغسل ودموعي تتسابق منظر اختي كدامي .. احس نفسي بعدني ممستوعبه الصار احس اني بعدني نايمه مثل كل يوم واحلم بكوابيس واكيد هذا كابوس وراح يخلص واكعد والكه شهد نايمه بصفي.. اباوع لماما هاي الانسانه العظيمه شكد تحملت وشكد صبرت ؟! رغم هاي المصيبه ولسانهه ماوكف عن قراءه الايات كلساع اسمعهه كالت لاحول ولاقوة الا بالله العلي العظيم.. مدت رجليهه وكل وحده بينه نامت ع رجل وكمنه نحجيلهه شلون طلعنه وشلون انقتلت شهد.. كلما نكول اسمهه تشهك وتلطم صدرهه وتصيح يابنتي دمج مايروح هدر.. ساهره.. ليش هيج طاوعتنهه ليش ماحجيتولي حته احميجن وامنعكم!! انت تدرن اني قررت اتزوج جبار حته احميكم ليش هيج؟! اني شلون ربيتكم يايوم ضميتن عني... لبابه .. ماما غلطنه مافكرنه شهد جانت دكول حافظه الطريق وبس نروح لخالوا نخلص ساهره.. واني مافكرتن بيه؟! وخالجن رجال مسالم يكدر يحميكم من واحد ظالم .. ساهره.. ليش يابناتي كعدت الصبح مفزوعه ادور عليجن عبالي ماخذيجن للخدمه من الصبح طلعتن مهزومات؟! امجن الجانت شامخه بزود ابوكم اني المعلمه مربيه الاجيال انضرب وانهان وانسب ويعيروني بتربيتي وتالي شحصلت اختجن لاودعتهه ولا حضنتهه ولاراح يسووله فاتحه مثل الناس وتندفن بدون ماتوكف امهه على راسهه.. لبابه.. ماما بدت تتعب ونفسهه صار حيل ثگيل كمت جبتلهه حبايه ع الاقل تنام وماتسمع الهوسه.. اذني ع البرا كلساع اكول هسه يفوت جبار علينه ويذبحنه ويكمل علينه عشنه برعب وخوف اباوع لفجر مانايمه بس جبرت نفسهه مغمضه عيونهه والبؤبؤ يتحرك بصوره عشوائيه وضامه نفسهه بحضن ماما... تقربت ع الباب وارتجيت ع الحايط اريد اسمع شصار اخاف اطلع احس كل الموجودين عدهم القتل عادي.. مرت نص ساعه واني عيني ع الساعه اباوع شلون تتحرك العقارب واشوف صوره شهد كدامي.. فزيت على صوت جراح وهو يحجي ويه الحجيه ويكلهه شايفه واحد عار يموت شايفه ظالم صار بي شي موالله يريد حطب لجهنم !! الحجيه.. واذا كتلته شيخلصك من العشيره منو راح يكول جبار ظالم راح يطلعوا ابو الكرم والدووايين وانت ياجراح هاي اخر سنه وتصير ضابط وتطلع من كليتك العسكريه اذا سمعوا مو يطردوك ماتفكر بروحك فكر بامك واختك منو الهن ويصيرن تحت رحمه جبار واولاده جراح.. وين عايشين بيا قذاره بيامستنقع بنيه عمرهه ١٧ سنه تنذبح مثل النعجه وحته ماعنده دليل عليهه وهن انهزمن من جوره زينب.. جراح انت عندك كليه موكالك سبع لاتغلط اي غلط التريده اطلبه من ابن عمك هو يسوو ليش ماخابرته جراح.. وليش سبع كبش فداء شكو سالفه عوجه تشمروهه براسه لان ماعندي اهل وماعنده عائله زينب.. لا ابني موهيج بس سبع هو يكدر يوكف بوجه الشيخ موانت ياجراح موانت.. انتظرك يوم يوم تصير واطلعني من هذا الگبر اني واختك لو ناوي تدفني هناا.. الحجيه.. تعال ياجراح دفنت بنت عمك وشلون خلصتوا السالفه من الشرطه!! جراح.. دبرهه ضرغام بهويته وراحت لرحمه ربهه.. وجبار وسعود كلشي مابيهم مسويلهم عمليه قصرت ماضربته بكلبه وخلي اروح سجن المهم اخلص الناس من شره ومن انسان فاشل مثله.. هيام.. والله وكبرت ياجراح وبعدك ماصارت عندك نجمه حته هيج تحجي ويه عمك

[@قصصواقعيهحقيقه]

الحجيه... هيااااام انطمي واسكتي امشي عن وجهي ميلي غاد .. جراح.. كافي اسكتن جبار مااشتكه وكال طلقه تايهه وعينكم ع البنات وامهن حالتهن النفسيه تعبانه العصر يوصل السبع واكيد راح يدري بالسالفه محد يضم عنه وهاي انه ماراح احجي اتوقعوا كلشي منه.. سمعت خطواته صعد الدرج البصف غرفتنه وظلن النسوان قال وقيل لحدماصاحت بيهن الحجيه.. اذن اذان الظهر كمت توضيت وصليت وماما وفجر غاطات بالنوم ماكعدتهن خليهن يرتاحن ع الاقل النوم احسن الهن من يكعدن ويصيحن وين شهد.. مديت ايدي ع الباب مترده اطلع لولا اخاف اطلع والكه جبار بس لا مايجي اكيد مايطلع هسه من المستشفى.. فتحت الباب بسرعه ومشيت منصيه راسي مباشرة لغرفه الحجيه الباب مفتوح طبيت وسديته جانت تصلي كعدت بالكاع واباوعلهه شلون توكف وشلون تركع بصعوبه.. الحجيه بركات مو ام بابا لااا جدو ابو بابا متزوج ٣ الاولى حجيه بركات مخلفه ولد واحد هو عمو ابو السبع متوفي ومتزوج اثنين وراهه وحده ام جبار وواحد شهيد بحرب ايران و٣ بنات متزوجات واصلا صايرات حجيات والثالثه مخلفه ابو جراح وبابا و اثنين ولد رايحين من هم شباب بسالفه عشائر وقاتليهم كملت صلاتهه والتفتت عليه وكالت تعالي هنا يابنتي .. تقربت من عدهه وكعدت بصفهه وهي بعدهه ع السجاده وبيدهه السبحه.. الحجيه.. انتي تصلين؟! لبابه.. بلي حجيه صليت هسه الحجيه.. فدوه لهالحلك والبلي امج نامت لبابه .. اي نامت هي وفجر شيخه ليش ممهتمين لاختي حياتكم ماشيه موالمفروض هسه عدكم فاتحه الحجيه.. يابنتي بعدج صغيره ماتعرفين التنكتل مثل المرحومه يسموو غسل عار مايسووله فاتحه ومنو يكدر يسوي فاتحه انروح ننفضح راح نكول راحت يم خوالهه وشهر ونكول تمرضت وماتت هناك .. لبابه.. واختي محد ياخذ حقه!؟ الحجيه.. حقهه؟! ربج ياخذه خلت ايدهه ع رجلي وطبطبت عليهه لاتخلين ابالج ثار ولاتفكرين تاخذين حق اختج ترى تضيعين مثل ماضاع السبع بالثار!!! بعدهه تسولف وصافنه بوجهي انفتح الباب بصوره سريعه .. شفت الضحكه والعيون لمعت وكالت هله هله بطوايفي هله بسبع بيت جريان.. التفتت علي اول مره اشوفه شكد اسمع بي وبين سطر وسطر ينذكر بس ماتوقعت راح اشوفه.. السبع ابن عمي عمره بالثلاثين دنك ع الحجيه باسهه من راسهه واني ادنيت على جهه جان لابس دشداشه نيلي ولاف غتره نيلي وبيهه نقط حمره خفيفه ع راسه اكو اثر بحاجبه مثل الطبره بشرته سمره بصراويه اصيله.. الحجيه.. ليش تاخرت هالمده؟! السبع.. عندي شغل جده شبي وجهج مكدر ومهموم؟! الحجيه.. مكدر ع فراكك وفراك عمك المرحوم السبع.. الله يرحمه والتفت عليه.. ورفع حاجبه عين ع الحجيه وعين عليه ويحجي اول مره اشوف هيج شخص متحكم بعيونه وراسه ويكدر يباوع لشخصين بلحظه وحده سألني منو انتي؟! الحجيه.. حقك ماتعرفهه هو انت منو يشوفك هاي بنت عمك المرحوم لبابه الوسطانيه . لبابه.. ماحجه اي كلمه بسرعه كام ونظرته انكلبت بعصبيه مدري بحقد يمشي ويحجي .. انه راح اروح لغرفتي .. موقفه ظل ابالي شبي؟!ليش ضاج من شافني وسمع بنت المرحوم ردت اسال واكتفيت لهنا لان بين التعب عليه.. كمت من يم الحجيه ورجعت لغرفتنه حشكت نفسي بصف ماما واحاول اطلع صور اختي بس لكيت نفسي اشهك من البجي... نمنه كلنه بدون اكل وشرب كل وحده بينه دموعهه يابسه ع خدهه مافتحت عيني غير على صوت اذان المغرب باوعت الغرفه فارغه خفت حيل خفت اخذوا ماما وفجر.. كمت بسرعه فتحت الباب وطلعت صار الهول كدامي لكيت ماما كاعده وفجر بصفهه وعماتي الي انكول عماتي وحته مااميز بيناتهن كلهه كاعده بوسط هدوء يعزن ماما مدري يشمتن مدري يذمن ماعرفت الغايه بالضبط!! كعدت بصف ماما وعيني عليهن وحده وحده يضحكن طبيعي ويسولفن مدري شلون عايشات وهن من الصبح ياخذوهن يكربون عليهن بالزرع اني سامعه يكولون نسوان الشيخ يكونن معززات مكرمات لا هنا بالعكس هن اتزوجوهن للخدمه وقابلات بالوضع وفرحانات ونسوان الشيخ يتاسبقن منو تفوز بالشيخ قبل الثانيه.. جبار عنده ٣ بنات اثنين متزوجات ووحده ممتزوجه تقريبا بعمر شهد الله يرحمهه بس ابد متحجي ويانه اسمهه ايناس.. اثناء ماكاعدين وانسولف كالت الحجيه كومي خديجه شوفي السبع وين؟! دزي ضرغام يكله الحجيه تريدك طلع من حجرتي وماشفته بعد ماادري دره بسالفه بنت المرحوم لوبعده .. ايناس.. كمزت من يمهه شيخه اني راح اشوفه لان هو من طلع من حجرتج شفته راح لصوب البستان القديم.. لبابه.. خزرتهه امهه هيام كعدت وظلت ساكته بس الحجيه من كالولهه للبستان القديم مدري شصار بيهه هي وام جراح حته خديجه انخبصن ويكللهه خلي يجي ضرغام ياخذج شيخه هم رجع للبستان القديم.. مااعرف شبيهن بس عيني جانت تراقب واذاني تسجل كلشي ممفتهمه كلشي غريب هنا!!! عيني سرحت بالفراغ ومرت نسمه هوه دافيه واني عبالك شميت عطر بابا واختي .. وراحت ذاكرتي للبعيد رجعت لحياتنه القديمه والابتسامه مرسومه ع وجهي... . . . يتببببببببع... احبكم...

[@قصصواقعيهحقيقه]

ﻭﻋﺼﻔﺖ_ﺑﻨﺎ_ﺍﻻﻗﺪﺍﺭ ... #بارت3و4 ــــــــــــــــــــــــــــــــــــــــــــــــــــــــــ #ﺍﻟﺒﺎﺭﺕﺍﻟﺜﺎلث ﻟﻠﻜﺎﺗﺒﻪ ﺯﻫﺮﺍﺀ ‏( ﺭﻭﺯﺍﻳﻪ ‏) ... ﻭ ﺗُﺪﺭﻙ ﺑﻌﺪ ﻣﺪﺓ !! ﺃﻥ ﻣﺎ ﺣﺪﺙ ﻟﻢ ﻳﻜﻦ ﻣﻨﺎﻣﺎً ﻛﻠﻤﺎ ﺃﺭﺩﺕ ﺍﻟﻬﺮﻭﺏ ﻣﻤﺎ ﺣﺼﻞ ﺍﻟﻮﺍﻗﻊ ﺍﻟﻤﺆﻟﻢ ﻳﻌﻴﺪﻙ ﻟﻪُ، ﻋﻨﺪﻫﺎ ﺗﺘﻤﻌﻦ ﻓﻲ ﺃﻱ ﺷﻲﺀٍ ﻟﺘﻨﺴﻰ ﺗﺮﺍﻗﺐ ﺍﻟﻮﻗﺖ ﻭ ﻫﻮ ﻳﻤﻀﻲ ﺑﺒﻂﺀ ﻛﻞ ﺩﻗﻴﻘﺔٍ ﺗَﻤﺮ ﺗﻘﺘﻞ ﺍﻷﻣﻞ ﺍﻟﺬﻱ ﺃﻭﻫﻤﺖ ﺫﺍﺗﻚ ﺑﻪ ﺑﺄﻥ ﻣﺎ ﺟﺮﻯ ﻟﻢ ﻳﺠﺮﻱ ﻭ ﻟﻦ ﻳﺘﺨﺬ ﺫﻟﻚ ﺍﻟﻤﺠﺮﻯ .. ﺗﺸﻴﺢ ﺑﻨﻈﺮﻙ ﻋﻦ ﺍﻟﺤﻀﻮﺭ ﻻ ﺗﺴﻤﻊ ﻣﺎ ﻳﻘﻮﻟﻮﻥ،ﻣﺠﺮﺩ ﺫﺑﺬﺑﺎﺕ ﺗﺘﺴﺮﺏ ﺍﻟﻰ ﺃﺫﻧﻴﻚ ﺗﺘﺤﻮﻝ ﻟﻨﻐﺰﺍﺕٍ ﻃﻔﻴﻔﺔ ﻣﺜﻞ ﻣﻮﺟﺎﺕِ ﺗﻴﺎﺭٍ ﻛﻬﺮﺑﺎﺋﻲ ﻟﺘﻌﺼﺮ ﻗﻠﺒﻚ ﻭَﺟﻌﺎً، ﻭ ﺗﺠﻌﻠﻚ ﻣﺘﺴﺎﺋﻼً ﻛﻴﻒ ﻳﻤﻜﻨﻬﻢ ﺍﻟﻌﻴﺶ ﻫﻜﺬﺍ؟ ﻭ ﻛﺄﻥ ﺷﻴﺌﺎً ﻟﻢ ﻳﻜﻦ !! ﻭ ﻛﺄﻥ ﻣﺎ ﺣﺪﺙ ﻟﻢ ﻳﺤﺪﺙ ﻫﻞ ﻳﻤﺘﻠﻜﻮﻥ ﻗﻠﺒﺎً ﻣﻦ ﺣﺠﺮ؟ ﻻ ﺃﻇﻦ !! ﺍﻟﺤﺠﺮ ﻭ ﺃﻥ ﻛﺎﻥ ﺻﻠﺪﺍً ﻟﻜﻨﻪُ ﻣﻦ ﺍﻟﺘﺮﺍﺏ ﻻﺑﺪ ﺃﻥ ﻳُﺴﻘﻰ ﺫﺍﺕ ﻣﺮﺓٍ ﻭ ﻳﻨﺒﺖ ﻣﻦ ﺃﻋﻤﺎﻗﻪ ﺛﻢ ﻳﻌﻮﺩ ﻃﻴﻨﺎً ﻟﻴﻨﺎً، ﺃﻣﺎ ﻫﺆﻻﺀ ﻻ ﻳﻤﺘﻠﻜﻮﻥ ﺣﺘﻰ ﻗﻠﺒﺎً ! ، ﺭﺑﻤﺎ ﺩﺍﺧﻠﻬﻢ ﻓﺮﺍﻍٌ ﺷﺎﺣﺐ ﻳﺠﻌﻠﻬﻢ ﻳﺮﻭﻥ ﺍﻟﺤﻴﺎﺓ ﻣﺴﺮﺣﻴﺔ ﻟﻴﺴﺘﻤﺮﻭﻥ ﺑﺎﻟﺘﻤﺜﻴﻞ ﺍﻟﻰ ﺣﻴﻦ ﻣﻮﺗﻬﻢ ﺗﻠﻚ ﺳﺘﻜﻮﻥ ﺍﻟﺤﻘﻴﻘﺔ ﺍﻟﻮﺣﻴﺪﺓ ﻓﻲ ﺣﻴﺎﺗﻬﻢ ﻷﻥ ﻛﻞ ﻣﺎ ﻳﺨﺼﻬﻢ ﻛﺬﺑﺔ، ﻟﻜﻦ ﻛﻴﻒ؟ ﻛﻴﻒ ﺳﺄﻛﻤﻞ ﺣﻴﺎﺗﻲ ﻫﻨﺎ ! ﺃﺳﻤﻊ ﺻﻮﺕ ﺻﺮﺍﺧﻬﺎ ﻓﻲ ﺃﺭﺟﺎﺀ ﺍﻟﻤﻜﺎﻥ ﻭ ﺃﺭﻯ ﻭﺟﻬﻬﺎ ﻓﻲ ﻛﻞ ﺍﻟﻮﺟﻮﻩ ﻋﺎﺋﻠﺘﻲ ﺗﺘﻼﺷﻰ ﺩﻭﻥ ﺳﺎﺑﻖ ﺃﻧﺬﺍﺭ ﻭ ﻻ ﺃﻋﻠﻢ ﻣﺘﻰ ﻳﺤﻴﻦ ﺩَﻭﺭﻱ ﺗﺘﻨﻬﺪُ ﺑﺼﻮﺕٍ ﺧﺎﻓﺖ ﻻ ﺗﻤﺘﻠﻚ ﺟﻮﺍﺏ ﻷﻱ ﺳﺆﺍﻝٍ ﻳُﻄﺮﺡُ ﻓﻲ ﻋﻘﻠﻚ ﺑﻴﻦ ﺍﻟﻮﻋﻲ ﻭ ﺍﻟﻼﻭﻋﻲ ﺗﺸﻌﺮ ﺑﻮﺟﻮﺩ ﺃﺭﻭﺍﺣُﻬﻢ ﺣﻮﻟﻚ ﻳﻐﻤﺮُﻙ ﺩﻓﺊٌ ﻣﻔﺎﺟﺊ ﺛﻢ ﺗﺮﺍﻫﻢ ﺃﻣﺎﻣﻚ ﺿﺎﺣﻜﻴﻦ ﻟﻚ ﻣﻦ ﺷﺪﺓ ﺍﻟﺬﻫﻮﻝ ﺗﻄﻠﻖ ﺍﻟﻌﻨﺎﻥ ﻟﺮﻭﺣﻚِ ﺗﺮﻳﺪ ﺍﻟﺬﻫﺎﺏ ﻣﻌﻬﻢ ﻟﻜﻦ ﻫﻞ ﻫﺬﺍ ﻭﻫﻢٌ ﺃﻡ ﺣﻘﻴﻘﺔ؟ ﻫﻞ ﻫﻢ ﻫﻨﺎ ﺣﻘﺎً؟ ﻛﺎﻟﻌﺎﺩﺓ ﻟﻦ ﺗﻌﺮﻑ ﺍﻷﺟﺎﺑﺔ ! ، ﺗﺒﺘﺴﻢُ ﻣﺴﺘﺴﻠﻤﺎً ﻟﺬﻛﺮﻳﺎﺗﻚَ ﻣﻌﻬﻢ ﺗﺎﺭﻛﺎً ﺟﻤﻴﻊ ﺍﻟﺘﺴﺎﺅﻻﺕ ﻭ ﻣُﺘﻨﺎﺳﻴﺎً ﻟﺤﻈﺎﺕٍ ﺗﺴﺎﻓﺮ ﺑﻬﺎ ﺑﻌﻴﺪﺍً ﻋﻦ ﻣﺎ ﺣﻮﻟﻚ ﻭ ﻻ ﺗﻌﻠﻢ ﺃﻥ ﻛﺎﻥ ﻫﺬﺍ ﻭﺍﻗﻌﺎً ﺃﻡ ﺿﺮﺑﺎً ﻣﻦ ﺍﻟﺨﻴﺎﻝ ﻟﻜﻦ ﻻ ﻳُﻬﻢ ﻷﻥ ﻫﺬﻩِ ﺍﻟﺤﻴﺎﺓ ﺭﻏﻢَ ﻛُﻞ ﺷﻲﺀ ﻫﻲ ﺣﻜﺎﻳﺔ ﺧﻴﺎﻟﻴﺔ ... ﺑﻘﻠﻢ ﺍﻟﻤﺒﺪﻋﻪ Rafal_RM .... ﻟﺒﺎﺑﻪ ... ﻧﺴﻤﻪ ﺍﻟﻬﻮﻩ ﺍﻟﺪﺍﻓﻴﻪ ﻭﺍﻟﻌﻄﺮ ﺍﺟﺘﺎﺣﻨﻲ ﻣﺜﻞ ﺍﻟﻤﺴﻚ ﺑﻴﻦ ﺍﻟﻮﻋﻲ ﻭﺑﻴﻦ ﺍﻟﻮﻫﻢ ﺗﺨﻴﻠﻲ ﻫﺬﺍ ﺑﺎﺑﺎ ﻭﻫﺎﻳﻪ ﺷﻬﺪ !! ﻃﺎﺭ ﻓﻜﺮﻱ ﻭﺳﺮﺣﺖ ﻻﻳﺎﻣﻨﻪ ﺍﻟﺠﻤﻴﻠﻪ ﻻﺧﺮ ﻳﻮﻡ ﻋﺸﻨﺎﻩ ﺑﺒﻐﺪﺍﺩ ﻗﺒﻞ ﻟﻨﺠﻲ ﻟﻬﻨﺎ ﺍﻧﺮﺳﻤﺖ ﺍﺑﺘﺴﺎﻣﻪ ﺭﺍﺣﻪ ﻋﻠﻰ ﻭﺟﻬﻲ ﻭﺍﻧﻲ ﺍﺗﺬﻛﺮ ﺣﻴﺎﺗﻨﻪ .. ﺑﻴﻮﻣﻬﻪ ﺩﻙ ﺍﻟﺠﺮﺹ ﻳﻌﻠﻦ ﻧﻬﺎﻳﺔ ﺩﻭﺍﻡ ﺟﻤﻌﺖ ﻛﺘﺒﻲ ﻭﺷﻠﺖ ﺟﻨﻄﺘﻲ ﻟﺒﺴﺘﻬﻪ ﺻﻔﺢ ﻭﺑﺎﻭﻋﺖ ﺑﺎﻟﺮﺣﻠﻪ ﺧﺎﻑ ﻧﺎﺳﻴﻪ ﺷﻲ .. ﻃﻠﻌﺖ ﻣﻦ ﺍﻟﺼﻒ ﺍﻣﺸﻲ ﺑﺎﻟﻤﻤﺮ ﺍﻟﻴﺎﺧﺬﻧﻪ

[@قصصواقعيهحقيقه]

ﻟﺒﺎﺏ ﺍﻟﻤﺪﺭﺳﻪ ﺍﻟﻜﻪ ﺍﺧﻮﺍﺗﻲ ﻭﺍﻛﻔﺎﺕ ﻫﻨﺎﻙ ﻳﻨﺘﻈﺮﻧﻲ ﻣﺜﻞ ﻛﻞ ﻳﻮﻡ ... ﻃﻠﻌﻨﻪ ﻧﻤﺸﻲ ﺳﻮﻩ ﺟﺎﻥ ﺍﻟﻔﺮﻕ ﺑﻴﻨﺎﺗﻨﻪ ﺳﻨﺘﻴﻦ ﺷﻬﺪ ﻋﻤﺮﻫﻪ ١٧ ﺑﺎﻟﺨﺎﻣﺲ ﻋﻠﻤﻲ ﻭﺍﻧﻲ ﺑﺎﻟﺜﺎﻟﺚ ﻣﺘﻮﺳﻂ ﻭﻓﺠﺮ ﺍﺧﺮﻧﻪ ﺑﺎﻻﻭﻝ ﻣﺘﻮﺳﻂ .. ﻣﻦ ﻓﺘﺤﻨﻪ ﻋﻴﻨﻪ ﻉ ﺍﻟﺪﻧﻴﺎ ﻣﺎﻋﺪﻧﻪ ﻋﻤﺎﻡ ﺑﺲ ﺧﺎﻝ ﻭﺍﺣﺪ ﻭﺧﺎﻻﺕ ﻭﻛﻠﻤﺎ ﻧﺴﺄﻝ ﻣﺎﻣﺎ ﻛﺎﻟﺖ ﺍﺑﻮﻛﻢ ﻭﺣﻴﺪ ﻣﺎﻋﻨﺪﻩ ﺍﻫﻞ ... ﺷﻜﺪ ﻧﺘﻤﻨﻰ ﻋﺪﻧﻪ ﺑﻴﺖ ﺟﺪ ﺍﻫﻞ ﺑﺎﺑﺎ ﻭﻧﺮﻭﺣﻠﻬﻢ ﺑﺲ ﺩﺍﺋﻤﺎ ﺍﻟﺤﺠﺎﻳﻪ ﺗﺘﻜﺮﺭ ﻣﺎﻋﺪﻛﻢ ﻋﻤﺎﻡ .. ﺍﻟﻤﺪﺭﺳﻪ ﻗﺮﻳﺒﻪ ﻉ ﺑﻴﺘﻨﻪ ﺍﻧﺮﻭﺡ ﻣﺸﻲ ﻧﺨﻠﺺ ﺍﻟﻄﺮﻳﻖ ﺳﻮﺍﻟﻒ ﻟﻮ ﻧﺤﺠﻲ ﻉ ﺍﻟﻤﺪﺭﺳﺎﺕ ﻟﻮ ﻋﻠﻰ ﻃﺎﻟﺒﺎﺕ ﻟﺤﺪﻣﺎﻧﻮﺻﻞ ﺍﻟﺒﻴﺖ .. ﻫﺎﻟﻤﺮﻩ ﺗﺨﺘﻠﻒ ﻋﻦ ﻛﻞ ﺍﻻﻳﺎﻡ ﺑﻌﺪﻧﻪ ﺑﺮﺍﺱ ﺍﻟﻔﺮﻉ ﻣﺎﻟﺘﻨﻪ ﻭﺷﻔﻨﻪ ﺳﻴﺎﺭﺍﺕ ﺑﻜﻴﻢ ﻭﺍﻛﻔﺎﺕ ﺑﺎﻟﺒﺎﺏ ﻭﻫﺎﻱ ﺍﻭﻝ ﻣﺮﻩ ﻻﻥ ﻣﺤﺪ ﻳﺠﻴﻨﻪ ﻏﻴﺮ ﺧﺎﻟﻮ ﻭﻣﺎﻋﻨﺪﻩ ﺳﻴﺎﺭﻩ .. ﺳﺮﻋﺖ ﺧﻄﻮﺍﺗﻲ ﻗﺒﻠﻬﻦ ﺣﺘﻪ ﺍﻭﺻﻞ ﺍﺷﻮﻑ ﺷﻜﻮ ﺍﺳﻤﻊ ﺻﻮﺕ ﺷﻬﺪ ﺗﺼﻴﺢ ﻋﻠﻴﻪ ﺑﺲ ﺍﻧﻲ ﺍﻭﻝ ﻭﺣﺪﻩ ﻭﺻﻠﺖ .. ﺍﻟﺒﺎﺏ ﺟﺎﻥ ﻣﻔﺘﻮﺡ ﺩﺧﻠﺖ ﻟﻠﺒﻴﺖ ﺍﺳﻤﻊ ﺻﻮﺕ ﺭﻳﺎﺟﻴﻞ ﻭﺻﻮﺗﻬﻢ ﻋﺎﻟﻲ ﻭﺑﺎﺑﺎ ﺻﻮﺗﻪ ﺍﻋﻠﻰ ﻣﻨﻬﻢ ﻭﻳﮕﻠﻬﻢ ﻋﻮﻓﻮﻧﻲ ﺑﺤﺎﻟﻲ ﺍﻧﻲ ﻣﺎﻋﻨﺪﻱ ﺍﻫﻞ ... ﺩﻛﻴﺖ ﺷﺒﺎﻙ ﺍﻟﻤﻄﺒﺦ ﻓﺘﺤﺘﻪ ﻣﺎﻣﺎ ﻭﺟﻬﻪ ﺍﺻﻔﺮ ﻣﻮﻉ ﺑﻌﻀﻬﻪ ﺍﻧﺰﻉ ﺑﺠﻨﻄﺘﻲ ﻭﺍﺣﺎﺟﻴﻬﻪ ﻣﺎﻣﺎ ﺷﻜﻮ ﺷﺒﻲ ﺑﺎﺑﺎ؟ ! ... ﻣﺎﻛﻮ ﺷﻲ ﻭﻳﻦ ﺍﺧﻮﺍﺗﺞ ﺷﻮ ﻭﺣﺪﺝ؟ ! .. ﻫﺬﻧﻲ ﺍﺟﻨﻲ ﻭﺭﺍﻳﻪ ﺑﺲ ﺍﻧﻲ ﻭﺻﻠﺖ ﻗﺒﻠﻬﻦ ﻣﺎﻣﺎ ﻣﻨﻮ ﻳﻤﻨﻪ؟ ! .. ﺧﻄﺎﺭ ﻉ ﺍﺑﻮﺝ ﺭﻭﺣﻲ ﺑﺪﻟﻲ ﺣﺘﻪ ﻧﺘﻐﺪﻩ .. .. ﻣﺎﻣﺎ ﻣﻮﻃﺒﻴﻌﻴﻪ ﻭﺑﻴﻬﻪ ﺷﻲ ﺣﺘﻪ ﻣﺮﺗﺒﻜﻪ ﻭﺧﺎﻳﻔﻪ ﻣﺎﺑﺪﻟﺖ ﺭﺣﺖ ﻛﻌﺪﺕ ﺑﺎﻟﺼﺎﻟﻪ ﺗﺼﻴﺮ ﻟﺰﻙ ﺑﺎﻻﺳﺘﻘﺒﺎﻝ ﻭﺍﺳﻤﻊ ﺣﺠﻴﻬﻢ ﺑﺲ ﻣﺎﻣﻔﻬﻮﻡ ﺑﺲ ﺑﺎﺑﺎ ﻣﺒﻴﻦ ﺧﺎﻳﻒ ﻭﻳﻜﻠﻬﻢ ﻣﺎﻋﻨﺪﻱ ﺍﻫﻞ .. ﻟﻤﺤﺘﻨﻲ ﻣﺎﻣﺎ ﻛﺎﻋﺪﻩ ﺍﺷﺮﺗﻠﻲ ﺑﺎﻟﺨﺎﺷﻮﻛﻪ ﺍﻟﻼﺯﻣﺘﻬﻪ ﺑﺴﺮﻋﻪ ﻛﻤﺖ ﻟﻠﻐﺮﻓﻪ ﺑﺪﻟﺖ ﻭﺍﺳﻤﻊ ﺍﺧﻮﺍﺗﻲ ﻭﺻﻠﻦ ﻭﻳﺴﻮﻟﻔﻦ ﻭﻳﻪ ﻣﺎﻣﺎ .. ﺭﺣﺖ ﻳﻤﻬﻪ ﺑﺎﻟﻤﻄﺒﺦ ﻭﻫﻦ ﺭﺍﺣﻦ ﻳﺒﺪﻟﻦ ﺷﻔﺘﻬﻢ ﻃﻠﻌﻮﺍ ﺟﺎﻧﻮ ٤ ﺭﻳﺎﺟﻴﻞ ﻭﺑﺎﺑﺎ ﻳﻔﺮﻙ ﺑﻮﺟﻬﻪ ﺳﺪ ﺍﻟﺒﺎﺏ ﻭﺭﺍﻫﻢ ﻭﺩﻧﻚ ﺭﺍﺳﻪ ﺑﺎﻟﻤﻐﺴﻠﻪ ﻳﻐﺴﻞ ..

[@عہلَآآويہآأإبہنہآأإلعہرآقہ]

القصه اججنننننننننننننننن كلش حلوه بس بنفس الوقت حزينة 😔 حباب كملهة

[@مهدويهالهوى-ع5ط]

عاشت الأنامل استمر مبدع

[@بصمتياموتالفرجال]

الله ع هذ الذوووق والحساس هاي القصيدة روووعه👍👍🌹🌹🌹🌹🌹

[@قصصواقعيهحقيقه]

الله عليك اخي العزيز

[@احمداحمد-ط9ي9د]

بلا زحمه عليك مممكن ترد شنو اسم قناتك بل واتباد اونطيني يوزر مالتةلاقناه

[@فراشه-ذ5ض]

بقيت اصرخ تشبه قصتنا الله اكبر على كل ظالم بحق مولاي

[@مصطفىماجد-م4ث]

ليت الزمان يرجع للوراء وأرى وجهك وهيبتك ياابي الغالي من بعدك انذلينا الله يرحمك

[@loloumkayan3957]

هاي القصه قريتهة وكملتهة للأخير حزينه كولش 🥺🥺

[@تباركخالد-ه4خ]

اكلج حبي هاي جزاء الأول مو

[@dh_ka23]

موجوده قصه كامله ب برنامج اسمه واتباد بس ابحثي بيه اني قاريتها ب تليجرام هم موجودم

[@iloveyouiraq379]

قصة رائعه جدآ جدآ وعاشت الأيادي بس يا ريت التكمله😭😭

[@الوردةالحمراء-ب4ن6ص]

قد قصة ررروعة اوووف يا اهل البصرة وعشكهم وغيرتهم أتمنى اتواصل وي أبطال القصة شلون قصة شلون حياة عاشوا الله يحفظهم كلهم ويصير عده السبع طفل من عقيق وين الكه واحد مثل السبع لو ضرغام العسل لو الجراح يمه اضمهم بكلبي قطورة لحك ضرغام ينكط عسل صافي ♥️♥️♥️♥️♥️♥️

[@kawthar_201]

فدوه شيصير بل اخير اني توني وصلت سبع م̷ـــِْن انسجن ولبابه مترجع لجراح

[@الوردةالحمراء-ب4ن6ص]

@@kawthar_201 يووو بعدلج اهواي بس نصيحه شوفية ع الواتباد اهواي احسن بس النهاية حلوة لبابة ما ترجع لجراح تزوج غيره وسبع يظل ع عقيق وضرغام يزوج رانيا بت خال لبابة وفجر تزوج وتسافر

[@kawthar_201]

@@الوردةالحمراء-ب4ن6ص هو ع واتباد شفت هسه خلصت بس ضايجه ع جراح

[@kawthar_201]

@@الوردةالحمراء-ب4ن6ص اكولج انطيني قصه حلـِۈۋ‏وھّ اقراهه

[@الوردةالحمراء-ب4ن6ص]

@@kawthar_201 اهواي قصص حلوة تابعته اقري وضاقت بي الارض وذيب بابل وكحل عرب وشفاه مخملية وعشك بدوي اهواي قصص روعة اني يمكن قارية ٣٠٠ قصة

[@فاطمةالسعدي-ج9ج]

شوكت تنزل التكمله😢خل اكمله قبل لاتبدي، امتحاناتي😧

[@بنتالناصرية-ث9ج]

استمر يا مبدع

[@bts-pd6rl]

اكول كلبي شوكت تكمل القصه يعني اخر بارت شوكت استمري قناتج كلش حلوه

[@قصصواقعيهحقيقه]

نزلت البارت الاخير وتسلمين هذا من ذوقج واني ولد مو بنت

[@banenbanen3981]

كملي

[@علوشببجي-ض1ي]

مو قصه اتخبل أجمل القصص كلهه صارلي ٤ ايام اقره بيهه هذ واقعنه صحيح 👌👌👌

[@مهدويهالهوى-ع5ط]

مشتركه جديده وياك بالتوفيق اخي

[@Qnoot-y5l]

هاي القصه قريته كلش حلوووو واتصير بيها احداث قويه

[@user-nb8cc5sf5i]

هاي مو قصة هاي ضيم بيهة ستين حظ عفية عليك على هاي القصةتخبل بس عفية لتنزل آلة تخلصهة😅💐🌺🍀☘️

[@user-se9ok2qt2j]

نهاية حلوة لو حزينة ممكن جواببب فدوة

[@كبرياءانثى-ظ9ه3ج]

آلقصـهہ فد شـي بسـ مـمـگن آلتگمـلهہ سـريعهہ حبآب

[@amadhassn9760]

فددووه الجزء الثاني

[@mumalal-saadi8467]

اول تعليق

[@جونالاسمر-غ9ف]

استمر عاشت ايدك وياك

[@بنتكركوك-ه4ذ]

كمل بداعت امك كملهه

[@ضيالقمر-ل1ز]

ممكن تشتركين بقناتي ورده

[@Fatima-vl9np]

ع كد ما عيوني يجرن دموع مداكدر اقرأ زين والله الرواية اتبجي الصخر

[@عاشقةالهدوء-ز7ظ]

الله على ذوقك وابداعك القصة كلش حلو 💙💚

[@قصصواقعيهحقيقه]

شكرا هذا من ذوقك

[@عاشقةالهدوء-ز7ظ]

@@قصصواقعيهحقيقه ممكن اسئل سؤال

[@عہلَآآويہآأإبہنہآأإلعہرآقہ]

كملهة كملهة كملهة كملهة كملهة كملهة كملهة التكمله عفيه

[@جروحالزمنهموم]

حلو تكمله

[@SarrmmaaddSam]

عاشت ايدك قصة ولا اروع

[@عاشقةنادين]

شوكت تنزل التكمله

[@ثقتيبنفسي-ل5ن]

حلاتؤؤ 👌رؤؤؤعه✌ اجمل قنات من قصيده ومن اغنيه ومن قصص ربي يوفقك ويحفظك اجمل بصمه 👍👍👑👑

[@قصصواقعيهحقيقه]

هلا اختي نورتي ربي يسعدك

[@مختنكحتىآلنفس]

بس بلازحمه هاي نفسهة قصه لبابه وجراح اذا هيه كملهة حباب خويه

[@قصصواقعيهحقيقه]

اي هي نفسها

[@مختنكحتىآلنفس]

@@قصصواقعيهحقيقه انشر بعد بل بارتات اذا تكدر انشرهة بل منتدى احسن واحلى والله

[@ali.alaraqibasra5676]

كمليها غاليتي

[@قصصواقعيهحقيقه]

بليل انزل اني ولد مو بنت

[@zahraak7003]

شو مانزلتو كملو فدوه ليوم مناشرين

[@خادمهالزهراء-ك5ي]

شوكت تكمله😊☺

[@shamashama9016]

لقصه فد شي حباب لتكملة بسرعه

[@مرتضئعقيل-ز5ج]

مشاللة استمري كلش حلوووووو

[@محمدعلي-ث7ض2ت]

شكرا الك بس التكمله ارجوك 🌹

[@محمدعلي-ع4ل4ر]

روووعه الله عليك التكمله 🌹🌹

[@مصطفىالجبوري-ز7ذ]

اجمل قصة بس شوكت النهاية

[@جوجوجوجو-ر7ج4ت]

روعة

[@خادمهالزهراء-ك5ي]

تكمله القصه ارجوك إذ ممكن واتمنئ أجاوب النهايه محزنه لو مفرحه

[@قصصواقعيهحقيقه]

والله ما اعرف اني ما قاريها وياكم اقرة لان مالحك عندي شغل انزل الكم واقرة يوميه بارت او ثنين

[@احمدحماد-ن1ه]

تخبل👌

[@خادمهالزهراء-ك5ي]

عفيه شوكت تنزل ﻻن والله ع نار

[@d.m7405]

نزل قصه طفله وضيعها القدر من تكمل هاي القصه 😊😊😊

[@قصصواقعيهحقيقه]

اوك دللي

[@d.m7405]

@@قصصواقعيهحقيقه ما يدلل عليك ضال م

[@نونه-ج3ي]

اذا ماحب اتنزل القصه الطلبتهة منك عادي كول صارلي فتره اكولك بيهة

[@قصص-س6غ]

شنو تردين

[@ضيالقمر-ل1ز]

@@قصص-س6غ اني اريد اسويلي دعم و تشتركين بقناتي فدوه

[@قصص-س6غ]

@@ضيالقمر-ل1ز اني اسويلج دعم

[@ضيالقمر-ل1ز]

@@قصص-س6غ يب

[@قصص-س6غ]

اوكي

[@bagdadbagdad8070]

:مرحبا ايها العالم هناك شعب يقوم بثورة الآن Hello world, there is a people who are making a revolution now #Save_the_Iraqi_people

[@خادمهالزهراء-ك5ي]

اجنن بس شوكت تكمل الضهر لو باليل

[@قصصواقعيهحقيقه]

انزل بليل ٢٠ بارت لان اليوم ماكدر ماشيء وردة🌹🌹🌹

[@خادمهالزهراء-ك5ي]

شوكت تكمله واﻻخيره

[@حسنرعد-ف4ش]

السلام عليكم ماجاي ينفتح اي بارت

[@قصصواقعيهحقيقه]

والله ما اعرف اخي جاي انطي لكل بارت انزله قلب والك هم نطيتك بعد ما اعرف

[@mumalal-saadi8467]

يا ريت تنزل التكملة على السريع فدوة

[@fatimaali_8004]

موجوده بلواتباد

[@btsjinhit5231]

بسرعة نزل خباب

[@Ak-di7vn]

وين تكمله 😶

[@قصص-س6غ]

تلكينهه منزلته بقناتي هم نفس القصه وراح اكملهه

[@Ak-di7vn]

@@قصص-س6غ ها تمام 🌷

[@كرارعلي-غ5خ1ل]

فدوة نزل قصة طفلة ضيعة القدر

[@قصصواقعيهحقيقه]

والله اخي هاي القصه لسه ما خلصانه نشر بس تخلص انزلها اني كلش حاب انزلها بقناتي لان رؤؤعه وفد شيء

[@كرارعلي-غ5خ1ل]

شكراً اخوية

[@مهدويهالهوى-ع5ط]

خليهه بالتعليق المثبت حته الكل يشوفهه

[@عليحسين-ق7ع2ذ]

قبل لا اشوف القصه النهايه حزينه او سعيده 🙂💜

[@رقية-ث8د2ي]

والله اني نفسج منتضرة واحد يرد علية قصة نهايتهة حزينة لو سعيدة بلييييز ردوو

[@مروهعلي-س3ف]

يعني سعيده و حزينه اكو ناس تفرجت حياتهم بس اكو بيهم ضل گلبهم ينزف قاريته مرتين كلش حلوه القصه

[@جونالاسمر-غ9ف]

خطية أختها راح تنذبح ٠💔😥

[@ياحسينياباالفضل-ض7د]

والله هاي فجر موتتني من الضحك على سوالفها ودكاتها الي تسوويهن . بس سوال يعني كل هذا الظلم والاجرام الي سووا جباروضرب السبع وعمى عيونه ومعقولة يرجع يتخابرون ويتزاورون وكأنه شي ماصاير

[@جنتجوعانةواكلتاسمي]

زين ممكن سوال كل شكد وتنزل تكملة الرواية ؟؟؟

[@قصصواقعيهحقيقه]

انزل بشكل يومي مرات انزل الضهر و ب ليل مرات لا بس بليل

[@محمدالبيطار-ذ2د]

رووووعه

[@سبِؤرتّيَّةّوِكذّأّ-ض8م]

الأغننننيةةةة🥺💔

[@ياحسينياباالفضل-ض7د]

ول القصه صارالهاسنه بس والله روعه اذا فعلا هيج أحداثها بصراحه الكاتب ال ددوركلش جبيربنجلحها اكواخطاءبكلمات عادي.. بس سوال رانيا من هربت وين لكونها وضرغام من سمع أسوأ.هاي الأحداث ليش عبرتوها ارجوالاجابه

[@fatmhali7433]

قصه روعه اشعار اذا نزلت لتكمله😊

[@افنان-ق1ع]

عفيه وين التكمله مالتها ممكن جواب

[@مرتضئعقيل-ز5ج]

بلليييززززز التكملة اجننننننننننننن

[@قصص-س6غ]

مكملتهه اني طبي برابط

[@محمدالبيطار-ذ2د]

عفيه شوكت تنزل قصه

[@قصصواقعيهحقيقه]

من تخلص هاي القصه بعد يومين وانزل جديدة

[@ikukk8847]

ننتضر الجزء الثاني من وعصفت بنا لاقدار

[@علي-ن6ف4ح]

منور رفعت إبن عمو العشر يموت

[@خادمهالزهراء-ك5ي]

شوكت تكمله

[@esraaalyousif1721]

قصه نار

[@مهدويهالهوى-ع5ط]

وين التكمله ابن الريف،

[@قصصواقعيهحقيقه]

باليل انزل

[@مهدويهالهوى-ع5ط]

@@قصصواقعيهحقيقه شكرا جاي نتعبك ويانه

[@قصصواقعيهحقيقه]

@@مهدويهالهوى-ع5ط ولو تدللل😍😘

[@user-ov8io2dm4e]

شوكت تكمل القصه

[@حسنرعد-ف4ش]

😍😍😍😍🌺🌺🌺السلام عليكم بس البارت اهواي ما جاي ينفتحن

[@meme-qc2wz]

بيهه تكمله ليش مناشرهه؟

[@مهديالبدري-ط7ض]

غالي

[@آۅممخډۅډ]

هاي شنووو قصه جديدة ماراح اقراها هسه م̷ـــِْن ارجع يلا اقراها هسه مخبوصه ناس بالسيارة حرام أإأذأإأ ركزت ع كلمه بالقصه 😂

[@ضيالقمر-ل1ز]

ممكن الاشتراك بقناتي وتفعلين الجرس ورده

[@جنتجوعانةواكلتاسمي]

خهههههه اقريها حلوة

[@بصمتياموتالفرجال]

هلووووو وينج رجعتي لا

[@ضيالقمر-ل1ز]

@@بصمتياموتالفرجال خيو انضم بقناتي وشترك بليز ما راح تخسر شي

[@قصصواقعيهحقيقه]

@@بصمتياموتالفرجال لا لسه بعدها

[@ملاكالروح-ع5ج7ق]

فدوه تكمله ليش مامكملهه جاوبني فدوه

[@قصصواقعيهحقيقه]

القصه كامله بالتعليق المثبت

[@شمس-ش7ج]

@@قصصواقعيهحقيقه بس ماكو نهايه ليش مامكمله

[@ahlimali190]

عفيه اشو قصت حياه امير انحذفت شون ارجعهه

[@قصصواقعيهحقيقه]

kzbin.info/www/bejne/rpXPaHWsadioiMk هذا الرابط

[@ahlimali190]

@@قصصواقعيهحقيقه العفو يطلع عندي محضور شون اكدر اكمل القصه 😔😔

[@kawthar_201]

عـْليگم •اللّـہ̣̥ شيصير بل اخير اني اوني وصلت م̷ـــِْن انسجن السبع وجراح ميرجع لبابه كوولي

[@صلواعلىالنبي-ض1ث]

صلوا على النبي صلى الله عليه وسلم استغفر الله العظيم واتوب اليه ٣٣

[@خادمهالزهراء-ك5ي]

شوكت التنزيل

[@خادمهالزهراء-ك5ي]

تكمله رجاء

[@مغروربسحلوه]

وين تكمله

[@اسيرهالهموم]

بداعت الغالي عندك كمله😭😭😭😭😭

[@d.m7405]

نزل التكمله حباب

[@d.m7405]

نزل التكمله فدووه 😭😭

[@عہلَآآويہآأإبہنہآأإلعہرآقہ]

كملهة بليزز كملهة كملهة

[@كبكيك-ط9ر]

لاش ماكملت قصة غزالة الشيخ 😔

[@قصصواقعيهحقيقه]

لا خيتي خلصتها يله نزلت

[@فاطمهالدليمي-ب4خ]

وين التكمله

[@خادمهالزهراء-ك5ي]

نزل بلييييز

[@asel23]

يلليل شطولها ها وبعد تكمله

[@جروحالزمنهموم]

تكمله

[@حموديصيانة-ظ5ج]

وين تكمله عاشت ايدك

[@ملاكالروح-ع5ج7ق]

ماكو النهايه ليش فدوه اريد اكملهه

[@دليميياخال-س8ظ]

من تنزل التكمله دزولي اشعار

[@MemeAlAhmed]

راح تنزلها بتعليق لو فيديو

[@بوشياحمد-ج5ض]

عفية القصة روعة الله يحفظك التكملة فدوة

[@بتبنياركابوفتخر]

الماعدهة ابو تبقة بلية جناح واني فقدت ابوي ونكسر جنحي ((💔😭

[@رضاالطائي-ل2ز]

ويلي ويلي الله يرحمكم أمي وابويه😭😭

[@اميرةالحلام-ط5ه]

تكمله بسرعه فدوه

[@خادمهالزهراء-ك5ي]

تكمله خلصت عفيه

[@عبداللهستار-ت2ذ]

وين تكمله

[@محسنالسراي-ك8ش]

هاي القصه حقيقيه

[@جروحالزمنهموم]

تكمله

[@قصصواقعيهحقيقه]

اي

[@قصصواقعيهحقيقه]

بليل انزل

[@كيكماري]

كملوهه فدوه

[@ملاكالروح-ع5ج7ق]

فدوه وين تكمله حباب

[@خادمهالزهراء-ك5ي]

مو كلت بالليل

[@قصصواقعيهحقيقه]

❤❤❤

[@user-nb8cc5sf5i]

هاي القصة بيهة مآسي هواية وتقهر الله يعين على قرايتهة