وحنا الحباب وفعلنا يرفع التاريخ صالح الزهيري |ظافر الحبابي |نادر الشراري| الوليد| الواهبي | ال زاحم

كلمات نخبه من الشعراء
جمال بندر
محمد ماجد
محسن بن تركي
فهد بن سهل
سلطان بن بتلاء
عبدالرحمن بن مضواح
عبدالهادي بن مضواح
وحنا الحباب وفعلنا يرفع التاريخ
نزيد الفخر فخر ونزيد الكرم مده
وصيت اقحطان يهمش الجدي والمريخ
لاهاب الضعيف الي طموحه على قده
عبدالهادي بن مضواح
سرا الليل والشاعر على قمة المشراف
حلف ما يخلي ناهي الشعر في حاله
يحوف القصيد ويعطي الناس عرض اكتاف
ولا وله عذر عن مدح كسّابة الطالة
على المدح يا كبر المكانة وصغر القاف
انا كني اللي يجمع البحر فـ بياله
وش اقول من شعر المدايح ووش ينضاف
على سيرةٍ في صفحة المجد مختاله
جمال بندر
-----------
تساق القصيدة في رضا السّامي النوّاف
مثل ما يساق النعم لـ اسمه و لـ افعاله
على اسم ابن دخنة ياقف الحقّ و الانصاف
و يربى الثنا ، و يغنّي المجد موّاله
يا متعب وسيع المعرفة راهي المضياف
خويّ السعد لا شانت و كبرت القاله
اعرفك و اعرف ان ماعلى الطيبين خلاف
و اشوفك و اشوف الضيق مشروب فنجاله
محمد بن ماجد
-------
لا مر الثنا بعض الاسامي وحاف وعاف
يمرك وهو خابرك مهوب يوراله
فعول الاكابر في جبين السما تنشاف
والامداح بابن سيرتك تفتح اقفاله
يقولون والعهده على ذمة العراف
الطيب له من اسمه نصيب يتهيا له
وانا يبو مسفر لو خذيت اول اسمك حاف
لقيت اسم متعب منطلق مدح بلحاله
محسن بن تركي
___________________
يابن دخنه الطيب يتوارث من الاسلاف
يجي ورث من عم السنافي ومن خاله
من تحده الدنيا على الظلم والاجحاف
يعنز على اللي مثلكم والسعد فاله
قبل حلفنا اللي يعرفونه هل الاحلاف
وبعد حلفنا يبطي الوقت ما زاله
فعول الحباب تجري الهايب الخواف
سلامي على قحطان رجلي وخياله
فهد بن سهل
________________
وانا شاعرن ماهوب يعسرني المحراف
لاغنو بقافٍ فيه تمجيد ورساله
تهب القريحه عنفوان وسطر واشعاف
مثل سيل ظلعٍ من يجي توه اشتاله
ومن منطلق حفظ المعاريف والأعراف
ارحب وربعي فالمواقيف هيّاله
زحول الحباب اللي سعى ذكرهم واطاف
ولدنا يقال الله يكثر من امثاله
بدون احتقار أشوف شعر الثناء ينعاف
إذا مايقال بمثل متعب ويهدا له
عبدالرحمن بن مضواح
_______________
ياطيب الرفيق النادر الفارق العرَّاف
مديحه على اسمه متعب اللي بيرقا له
ياويلك يابن دخنه من البذل والاسراف
بدربك من يحب الثنا ويش يبقى له؟
تشوف اثره من كل الابقاع والاطياف
على كبرها عجزت تكفّيهم الصاله
انا داري ان الطيب ورث ٍ من الاسلاف
لكن متعب بن مسفر اعدّه لحاله
سلطان بن بتلاء