萬千星輝頒獎典禮 ｜ 林敏驄大熱倒灶失落視帝獎 台上台下繼續妙語連珠

萬千星輝頒獎典禮壓軸獎項，最佳劇集由《下流上車族》勇奪，「車總」林敏驄上台發言成為全晚「壓軸彩蛋」：「我想講嘅好簡單，2023年係好特別嘅一年，3月18、19號有兩場好精彩嘅演唱會，希望到時見到大家。」一開口就伺機為自己的演唱會宣傳。失落視帝的「車總」續說：「恭喜山聰！個人榮辱好小事，識攞梗係攞終極大獎，見到我哋咁多同事攞咁多獎，我覺得真係能夠參與呢套劇係好驕傲。係咪要多謝珍姐 (曾勵珍)？我上次想多謝佢俾佢刮咗兩巴，同埋要多謝我老友總經理 (曾志偉) ，我同佢一齊做嘢做咗咁多年，佢對我無乜好過，我一路等佢良心發現。佢甚至係比我更加了解我，佢好似係一個最好嘅朋友，默默守護喺你身邊，知道晒你可以做到咩嘢，同埋知道你有咩不足，適當時候推你一下，多數係想推你去死。佢係有一顆善良嘅心，今晚呢度幾百人，我都數唔到有幾多個係佢幫助過嘅。佢令我哋幾個老嘢，鮑姐 (鮑起靜)，你 (江美儀)… 唔好以為着到成隻烏雞咁，做視后今朝啪咗幾粒`事後丸惡補一下。撩咩啊，唔好撩啦！」
林敏驄台上領獎發言已經相當搞笑，後台接受訪問時更加敢言：「三哥(苗僑偉)呢個頸箍有名堂㗎。(係咩，你講嚟聽下？)叫『無辜辜加個箍』！」三哥解釋：「呢個係三嫂畀我嘅，佢要箍住我。」林：「但係佢箍住你喉嚨，隨時搞出人命喎！」三哥更笑言視帝絕對非林敏驄莫屬：「賣晒報紙啦，林敏驄嚟得嘅，梗係攞(最佳)男主角㗎啦，唔攞(最佳)男主角佢唔嚟㗎！」三哥繼續講：「佢(林)今日好俾面㗎喇著西裝，佢本來係著明星足球隊嘅波衫嚟。」「車總」回應：「你唔好講啲咁低級嘅球隊，總之你講巴塞、曼城比較高級啲呀嘛。」　
主持接住問四人私交甚篤，更是好戲之人，有沒有合作機會，林敏驄立即答：「我哋合作通常在球場。」但三哥就笑言：「冇得合作㗎喇，因為林敏驄返咗嚟，冇機會畀我哋。」主持再問林有什麼感受，他神回應：「佢(苗僑偉）講啲嘢我從來都冇信過，你估我好似三嫂咁蠢呀，信佢講嘢，唔係使乜加個箍箍住佢啫？」講得興起，開始胡言亂語：「呢兩位華哥犀利啦，四大探長呢度有兩個。」黃日華立即回應：「我邊有做過站長啊，我守水塘架咋。」林敏驄口快快回應夾雜著疑似粗語：「係喎，你射『屌』(鵰)咋喎！」主持立即說這是直播，言辭要控制一下，林：「梗係直播？唔通攣嘅有得播？」而黃日華還調皮地補上：「直播嚟㗎，咁你講清楚啲呀，你再講多次呀！」三哥亦補充：「冇得剪㗎！冇得嘟㗎！」林秒回：「我嘟！點會冇得嘟呢，我而家就嘟！」

[@QEE260]

有林敏聰，冇悶場😂😂😂

[@Sylydia-s2e]

江美儀係咁教林敏聰點做、點做，其實車總比較喜歡自由發揮，唔喜歡受人控制。😁

[@feideepking]

林生直情係影帝級人馬😁👍

[@patrickleung9915]

真係只係驄哥先可以咁樣😂 但係又唔乞人憎 重超好笑好睇！服咗你呀車總

[@tomyeung9706]

林聰都看透人生啦，怎會恨拿獎吖，作詞獎項大把，留比山聰拿視帝才是正確👈志偉同他係好朋友，一早夾好了👈👈👈👌諗都諗到啦，娛樂圈，大家開心，雙贏。👏

[@polislukluk]

林敏聰真係值得尊敬！明知陪跑都來幫手制造全晚爆笑位！

[@chanchan-jk2gr]

係咪要多謝珍姐？🤣🤣🤣🤣🤣🤣.呢句真係堅，只有佢夠胆講

[@yuenyichan4593]

他忍住不哭~笑中有淚，令人感動

[@collalai6908]

一句“個人的榮辱好小事”，盡顯林敏驄的大將之風，非常得體和有風度！才子即是才子。儘管如此，聽見這句不免令人心酸，畢竟他演得太出色了，沒有獎項真的說不過去。希望以後仍然可以多些見到他，無論綜藝或劇集也好，畢竟很久沒有電視撈飯了，為了看他才追劇的。

[@perrymo3619]

林敏聰 冇得頂 看完又看 聽完又聽 笑中有淚 唔怪得曾志偉 用盡人情卡 都要搵你返嚟🤔💪👍👏😂🤣

[@lalalafrank]

须然没有得獎，但其实林敏聪嘅感言很有风度，真係估佢唔到！

[@kdnthll]

呢個林敏聰🦁

[@stephensin6510]

聰哥你已是民選視帝你好野兼好戲👍👍👍

[@macyfok6705]

成晚都係等睇林敏聰🤣🤣🤣

[@lingfung05]

林敏聰真係帶起咗冮美儀拎到視后，也帶比其他演員攞獎，套戲靈魂人物

[@ansonwong7089]

敏聰勁，壓到埸（民選視帝）夠膽講嘢👍

[@Azzx8632]

聰哥多謝總經理👍👍👍

[@hingfailee3094]

有才华嘅人，去到边度都系咁有能量！聰哥实至名归👍💪有聪哥笑呵呵😊😊😊🤭

[@AllenOC]

林敏聰D即時爆肚搞笑轉數真係驚人

[@user-mq8hp5lw3k]

只支持聰哥。想看他演唱會唱一家人。