وەرە یارم..کامکاران

[@ahmadzrar9979]

هەستی بەرپرسیارێتی و خەمخۆری بەڕێزتانە بۆ بڵاوکردنەوەی ئەم دەنگە ڕەسەن و موزیکە دڵگیرانەی کورد. زۆر سوپاس، ڕەنگە سوپاسێک بەس نەبێ بەڵام ئەوەی دەتوانم بیڵێم و بیکەم لە سوپاسێکی دەروونمەوە زیاتر نیە.

[@rebinma]

ه‌ره یارم ،وه‌ره ئه‌ی تازه یارم! وه‌ره ئه‌ستێره‌که‌ی شه‌وگاری تارم ! وه‌ره ئه‌ی شاپه‌ڕی باڵی خه‌یاڵم! وه‌ره ئه‌ی شه‌وچرای رووناکی ماڵم! وه‌ره خاسه که‌وی ڕام و که‌وی من ! وه‌ره ئیلهامه‌که‌ی نیوه‌شه‌وی من ! وه‌ره ئۆخژنی سینه‌ی پڕگڕی من! وه‌ره پیرۆزه‌که‌ی به‌رزه فرێ من! وه‌ره ئاوه‌نگی سه‌ر په‌لکی گوڵی سوور! وه‌ره ئاورینگی گه‌رم و مه‌شخه‌ڵی نوور! وه‌ره ئه‌ی ڕێژنه‌ بارانی به‌هاری! وه‌ره شیعری ته‌ڕی پڕ ورده‌کاری! وه‌ره ئه‌ی نه‌ونه‌مامی باخی ژینم! وه‌ره ئه‌ی شاگوڵی مێرگی ئه‌وینم ! وه‌ره کاروانکوژه‌ی کاتی به‌یانی ! وه‌ره بیره‌وه‌ری و ئاواتی جوانیم! وه‌ره ئه‌ی بوت هه‌تاکو بتپه‌رستم! وه‌ره مه‌مکۆڵه‌که‌ت بگرم به مستم ! وه‌ره ئه‌ی ((خه‌ج))، وه‌ره‌ ئه‌ی ((خاتو زین))م! وه‌ره با به‌ژن و باڵاکه‌ت ببینم! وه‌ره با دامرێ ئاوات و تاسه‌م ! وه‌ره با بسکه‌که‌ت لادا هه‌ناسه‌م ! وه‌ره با هه‌ڵمژم ئه‌م لێوه گه‌رمه ! وه‌ره با هه‌ڵگوشم ئه‌م ڕانه نه‌رمه ! وه‌ره جوانی، وه‌ره نازت بکێشم ! وه‌ره وه‌ک ده‌سته گوڵ داتنێم له پێشم ! وه‌ره با به‌س بکه‌م ئه‌م باوه _ باوه وه‌ره با بێن بکه‌م ئه‌و بسکه خاوه ! وه‌ره با ده‌ست له باڵاکه‌ت وه‌رێنم ! وه‌ره کوڵمه‌م له کوڵمه‌ی تۆ خشێنم ! وه‌ره سوور به له سه‌ر واده و به‌ڵێنی! وه‌ره کورد به مه‌که په‌یمان شکێنی! وه‌ره گیانم فیدای چاوی ره‌شی تۆ! وه‌ره باهه‌ست بکه‌م گه‌رمی له‌شی تۆ! وه‌ره ماچم ده‌یه ماچی خودایی ! که بێزارم له ماچی سینه‌مایی ------ ماموستا ‫#‏هێمن‬ موکریانی ١٩٧٦-١-١٢