我同《蘋果日報》的淵源 / 點解搵我創辦《忽然一周》?/黎智英的市場策略

  Рет қаралды 1,562

查小欣娛樂查篤撐Eileen Cha

查小欣娛樂查篤撐Eileen Cha

Күн бұрын

《蘋果日報》執笠,一份有26年歷史的報紙係市面消失,引起震動。呢集就講我同《蘋果日報》同埋黎智英的淵源,點解佢會為《蘋果日報》創《忽然一周》,《忽然一周》個名點嚟?以及黎智英的市場策略。
《蘋果日報》 於1995年6月20日創刊,在《蘋果日報》面世之前,肥佬黎派當時的得力助手Morris Ho來挖角,邀請我創辦一份免費周刊(當時周刊未有名字),我覺得奇怪,做本免費周刊,竟要來搵到我?原來肥佬黎發覺星期日因為不用返工,很多人不買報紙,所以報紙銷量比平日低,他就覺要星期日的市場有好大發展空間,實行要搶攻,方法是逢星期日買《蘋果日報》附送免費周刊,來穩定及攻破星期日的銷量,報紙未出版,已有此遠見。
當時我任《星期天周刊》創刊副總編輯,我答應加盟,因為創刊很有挑戰性,之前我創過兩份周刊,知道成敗之道,加上肥佬黎好free hand,任我一手一腳招兵買馬,不限budget,十分吸引。第一次跟肥佬黎開會,他講的理念好有啟發性,他説做免費周刊都要做到超高質,因為時間就是金錢,讀者肯花時間去睇,就等如俾咗錢買本周刊,如果唔好睇,係浪費咗讀者嘅時間,等如將佢哋嘅錢揼落咸水海。呢個角色換轉,企番係消費者立場睇佢哋嘅需要,更加迎合市場胃口,這一席話對我日後工作上製定市場方針,以及處事待人都很有幫助。
因為籌備過程認真以及精益求精,結果《忽然一周》比《蘋果日報》 遲了七個星期面世。甫出版便有口碑,超快達標,亦加快了我離開忽然一周的時間,甚麼原因,一陣講,先講肥佬嚟如何落足本給我創刊。
忽然1周大約籌備咗四月才出版,我初初上班的地方是一個工廠大廈的製衣廠房,只有幾張好舊嘅鐵寫字枱同櫈,我就係嗰度請記者、請編輯.
係請人過程過遇到最大嘅困難,就係好多人獅子開大口,要好高人工,呢個就係《蘋果日報》埋班帶黎的效應,佢哋周圍出高薪挖角,通行都覺得壹傳媒係金礦,所以我請人嘅時候,有人叫價高過攞緊嘅人工成三、四倍,不過高還高,亦有個講法話肥佬黎出咗名一將功成萬骨枯,當件事成功咗就會炒人,所以為咗保障我的編採組員,我用市價3倍人工請他們,同埋在雇傭合約定明炒魷魚,公司要付3個月代通知金,這比壹傳媒其他人的僱傭合約,只需一個月通知,有保障得多。果然,到最後就知道,幸好我訂了3個月通知這條件,結果保障了很多人,包括我自己。
點解一本免費周刊要籌備四個月?因為肥佬黎相信科學、相信數據,結果証明佢係啱嘅,埋晒班之後,我哋試刊,超級認真仔細,當真係出版咁做,做咗個版出嚟,就係街度隨機請十幾個途人嚟做讀者會,由書的size,封面設計,顏色,排位,標題,內容,逐樣問每一個人的意見。
其實忽然一周最元始第一版係大度,即係明周咁大本,就因為讀者會一句:「好似明周咁」,肥佬黎諗都唔諗就落命令改書度,原本佢入咗100箘紙做大度size,嗰度唔少錢,但係讀者唔buy,佢就一聲令下,揼晒啲紙,非常決斷。不計成本,唔係好多老闆咁捨得。
當時,資源、錢真係唔係問題,班攝影記者開張清單話要買80萬攝影器材,肥佬黎眼都唔眨亦唔問買乜嘢機有咩用,就叫會計部開張80萬支票,啲攝記好開心,我就提醒佢哋,你哋話要乜嘢器材公司就買俾你地,亦都即係話,你地冇藉口話因為器材唔好交唔到好相。
呢邊就買器裝備,一路不停試咗幾個書嘅size,最後我哋做咗個市面冇嘅怪度出嚟,比起A4 size 高啲橫啲,仲要封面拉開係張大海報,讀者會度個個俾like,於是拍板,嚟到改書名喇,就由有創作界鬼才之稱嘅林振強出場。
仲記得改書名會得四個人,肥佬黎、林振強、Morris Ho 和我。大家乜周物周噏一餐,冇個啱聽,忽然林振強話當時有部戲,叫做《忽然一橙》好有創意,佢話我哋係周刊就叫《忽然一周》啦,大家都覺得好搶耳,好特別,然後有人話,忽然一周咪即係「忽周」,發音令人有其他聯想,肥佬黎一錘定音話「咁咪好囉,容易記得」。拍板,《忽然一周》1995年8月6日出世喇!每逢星期日買《蘋果日報》免費附送忽周,尤其第一期封面,用咗謝賢同謝霆鋒兩仔爺赤膊着住泳褲騷肌肉響泳池享受父子樂,焦點在謝賢58歲,霆鋒15歲,剛出道的小鮮肉,十分吸晴,加製作認真,成為市場熱話,引起注意。不過响讀者度只攞到60分。當時星期日出書,星期一下晏,就同肥佬黎Morris Ho 開會,佢就會派成績表,「阿姐,今期咁多咁多分」同埋講埋讀者意見俾我知,等我哋改善。
唔知係好彩定唔好彩,每一期分數都有上升,60 、70 、80 好似坐升降機,班同事好開心,唔記得去到第五定第六期,唔係好記得啦,肥佬禮話,好多讀者反映,星期日要特登早起身落街買蘋果日報,眼啲都買唔到,搞到佢哋想瞓晏啲都唔得,好唔方便,肥佬黎有見及此話要改忽周出版日期,由星期日變星期六,當時Morris Ho話真係要改,肥佬黎爆咗句粗口,不係張紙到寫咗100%同200%兩個Number,話而家星期日出書係100%,如果改星期六係贏夠200%,即刻改,咁樣忽然提早一日出書,所有製作要提早晒,班同事要趕到裙拉褲甩,但係大家都知道冇得say no。果然改咗星期六星期出忽周,谷高咗蘋果日報嘅銷量,禮拜日嘅讀者亦冇流失。
讀者會嘅分數亦都一次比一次高,我知道係意味着,係就快離開忽然一周嘅時候。去到第10期,我哋攞一百分滿分,仲記得肥佬咪同我講「阿姐恭喜晒,話咁快就攞咗100分啦」,我心中一沈,知道呢個係不祥之兆。我返到編採部話俾啲同事聽我左100分喇!大家拍曬手掌好開心,話好嘢可以加人工啦,我即時潑冷水話,大家執定包袱啦,話口未完,枱頭電話響,係肥佬嚟,佢話阿姐上嚟傾兩句,呢兩句就結束左我係忽然一周大半年嘅生涯呢?
係咁嘅,肥佬黎同我講,話炒忽周同事要三個月通知,同公司嘅雇傭合約唔同,對其他部門唔公平,令管理層好難做,為咗一視同仁,要改為回一個月通知,加上忽周同事嘅薪酬標準比其他部門高,所以要作出調整,減薪三成,如果唔同意可以即時離職,如果留低就可以分到周刊盈利一百分比作為bonus。由於我係請班同事嘅時候,答應過佢哋唔會減人工,如果減人工,我就身先士卒第一個離職。我將肥佬黎嘅說話講俾班同事聽,任由佢哋自己選擇,我自己就向肥佬黎辭職,雖然係我辭職,但係肥佬黎照陪足代通知金俾我,保持良好關係,蘋果日報仲係娛樂版開專欄俾我,突然一周去到第48期,因為造謠話潘迪生患癌,俾潘迪生告,忽周當時總編輯,竟然搵我寫咗一篇採訪心得來提醒做記者應該點樣交义驗証一單猛料,呢個做法好特別,好開明。
忽然一周出現締造咗周刊全盛時期,令娛樂記者嘅身價三級跳,好可惜由於讀者閱讀習慣改變,忽周出現虧損,喺2015年宣布結業,點稔到6年後嘅今日《蘋果日期》宣布終結。最後出版嘅100萬份《蘋果日報》搶購一空,成為絕響。
#查小欣 #蘋果日報 #忽然1周 #肥佬黎 #查小欣娛樂查篤撐
記得五步曲:
🤝訂閱 subscribe - 👏點讚Like - 👌分享Share - 😉意見Comment - 🛎撳鐘仔
#查小欣專頁

Пікірлер: 5
@8051881
@8051881 3 жыл бұрын
這是最近最熱門的話題!好聽👂
@rositalee6834
@rositalee6834 3 жыл бұрын
查小姐用平和的語氣去講述一個真實的事情,其中没有怨恨、不平、憤怒,這是查小姐的大度。明眼人一看就是無良僱主加奸商加不擇手段的樣板。另外亦有一件事不吐不快,就是那個一直成为被攻击對像的短壽節目爆足一周,所有矛頭都指向查小欣,其实最應受批判的是該節目的監製,個人認為以爆料为主的娱乐节目不應是電視節目,衆所周知最快的渠道是電台、其次是報纸,電視製作需時,一定是最慢的媒体,為何無缐電視一個這樣大的機構竟然没有人想到這一点,仍然批準這樣一個製作,到出事的時候就將黑鑊蓋在主要主持人身上,是何道理。其实無缐是捉到鹿不懂脱角,以查小姐的資歷、以及她與各藝人的淵源、她的説話技巧,一定能做到一個出色的訪談節目。另外要提到一件令局外人大惑不解的事,就是當年陳志雲入主商台後即终止了與查小欣的合作關係,要知道小欣姐當年的電台節目(茶煲裡的茶篤撑)是一個高收聽率、多廣告的赚錢節目,為何陳志雲一來便出此下策?而他的頂頭還有一個與查小欣關係不錯的余琤,這些玄機看來不是我們正常人所能理解的。我在此要為查小姐打氣,祝你事业更上一层楼。 更祝健康和平安!!
@lyllyl3474
@lyllyl3474 3 жыл бұрын
謝謝查小欣小姐的分享!😊👍👍👍
@user-ei2mc1dj9g
@user-ei2mc1dj9g 2 жыл бұрын
肥佬黎的市場策略其實是投機取巧,並沒有一個長期的營運策略,著重于眼前,好不容易組建的一個團體,剛剛形成默契和幹勁,短時間內就做出成績,正所謂千軍易得,一將難求,可以看出肥佬黎的目光短淺,導致後來蘋果日報停運,這是我自己的猜測,有說的不對的盡情見諒
@VJBO
@VJBO 3 жыл бұрын
👍🌷🌈💯💯💯
Sigma girl and soap bubbles by Secret Vlog
00:37
Secret Vlog
Рет қаралды 15 МЛН
EVOLUTION OF ICE CREAM 😱 #shorts
00:11
Savage Vlogs
Рет қаралды 12 МЛН
Викторина от МАМЫ 🆘 | WICSUR #shorts
00:58
Бискас
Рет қаралды 5 МЛН
Это реально работает?!
00:33
БРУНО
Рет қаралды 3 МЛН
EP072|與精神病患的對話
16:31
DJ HauMin
Рет қаралды 4
Sigma girl and soap bubbles by Secret Vlog
00:37
Secret Vlog
Рет қаралды 15 МЛН