أوعى تخاف - أحمد سالم - الحكاية - الحلقة 4

تابعني على الفيسبوك : bit.ly/2R6P8Ry
تابعني على الانستجرام : bit.ly/30kw1I2
تابعني على التويتر : bit.ly/2RhVMVk
bit.ly/2R4VTmI لينك مقال اضرار القلب بسبب المبالغة في المشاعر الايجابية او السلبية
bit.ly/2Tijm6N لينك بحث التفاؤول و علاقاته بواجهة المشاكل
و ابتدت القصة يا مؤمن بأحد الاشخاص اللي بيقولوا انهم دارسين علم نفس و بدأ يزم في احساس الخوف
بشكل عام و استثنى منه الخوف من الخطر زي تعدية الشارع..... و بدأ في وضع مفاهيمه الخاصة ( زي ان الخوف مش مشاعر ). اه و الله يا مؤمن زي ما بقولك كده!!
طيب بدون الدخول في اخطاء علمية و ادبية بتملأ كلامه اللي بيعجب متابعيه و بيشوفوا فيه الخلاص و الطريق لحياة وردي و سعيدة
ففي الكام سطر اللي جايين هشرح اخطاء الشخص ده عن طريق شرح الصح إيه
الخوف إحساس هام جداً وضعه ربنا سبحانه و تعالى لغرض و هو تنبيه الإنسان من وجود خطر وشيك و قد يتسبب احساس الخوف في وضع جسم الإنسان في حالة الدفاع عن النفس او الهروب ( fight or flight mood)
و ده تعريف معتمد هتلاقيه في جميع القواميس العلمية المتخصصة سواء لعلم النفس او الطب
ساعات بنلخبط بين احساس الخوف و التوتر.... لان اعراضهم شبيهه ببعض. التوتر مثلاً زي لما تكون عامل عملة و مراتك هتقفشك.... لا جسمك جاهز للخناق ولا انك تتطلع تجري و لكن عندك نفس الاعراض من زيادة سرعة ضربات القلب و احساس هورمون الكورتيزول
فإذن الخوف مشاعر ( مش فعل عقلي زي ما هو بيقول) مع اني مش فاهم ايه فعل عقلي ده.. لان الاحاسيس كلها بيشارك في العقل عن طريق المستقبلات الحسية الخمسة
البصر ،السمع، الشم، اللمس، التذوق
ويبتدي يديك احاسيس بناء على انت يتستقبل ايه..... احساس قرف، احساس حب، توتر الخ
الخوف زيه زي اي احساس في الدنيا وجوده مهم... و الافراط في. استخدامه مضر
وجود الاحساس في وقته المناسب بيحميك
و لكن الإفراط في الخوف هيؤدي لرعب ( terrifying) و ده احساس تاني خالص
الخوف ذكر بشكل إيجابي في القرآن ( وَلِمَنْ خَافَ مَقَامَ رَبِّهِ جَنَّتَانِ) فين بقى يا استاذ ياللي بتقول و بتطلق ان الخوف اقذر احساس في الوجود!!
ده تعميم و عدم وعي و خلط بين اسلوب خاطئ للتربية مثلاً اللي انت ضربت بيه المثل في التهديد اللي بيؤدي لرعب ( افراط في الخوف) لكن الخوف من السقوط بشكل طبيعي ده شئ محمود مش مزموم خالص
من شروط اجابة الدعاء درجة من درجات الخوف ( فَاسْتَجَبْنَا لَهُ وَوَهَبْنَا لَهُ يَحْيَىٰ وَأَصْلَحْنَا لَهُ زَوْجَهُ ۚ إِنَّهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا ۖ وَكَانُوا لَنَا خَاشِعِينَ)
بلاش..... ايه رأيك ان الافراط في الضحك و الفرح شئ سيئ جداً نفسياً ( رغم ان كلنا بنحب الضحك و الفرح و بنعتبرهم من اسباب السعاده!!
مقالة اتنشرت على huffpost بعنوان
Too Much Negative and Positive Emotion Can Damage the Heart | HuffPost Life
يعني لو بالغت في المشاعر السلبية غلط او المشاعر الإيجابية برضو غلط
و لذلك حبايبنا بتوع ال ( positive psychology ) علم النفس الإيجابي من أحد اخطار تطبيقاتهم انهم بيلغوا دور المشاعر السلبية!!
المشاعر السلبية زي الخوف و الحزن زيهم زي مثلاً انواع حشرات و حيوانات ربنا خلقهم متخيلين انهم بيضرونا لكن وجودهم بيوزن الكون في سلسة الغذاء... و محاولات الإنسان للقضاء عليهم بيعمل خلل في التوازن ده ربنا قال ( وَالسَّمَاء رَفَعَهَا وَوَضَعَ الْمِيزَانَ . أَلاَّ تَطْغَوْا فِي الْمِيزَانِ) الميزان هنا في كل شئ حتى في مشاعرك
ربنا خلق كل شئ بحساب ( إِنَّا كُلَّ شَيْءٍ خَلَقْنَاهُ بِقَدَرٍ)
طيب الافراط في الخوف اسمه فوبيا
أكروفوبيا (فوبيا المرتفعات).
زينوفوبيا (فوبيا الغرباء).
كلوستروفوبيا (فوبيا الأماكن المغلقة).
زو فوبيا (فوبيا الحيوانات).
الجو فوبيا (فوبيا الألم).
اما علاج الخوف فله طريقتين في علم النفس الكلينيكي
1- flooding
2- systematic desensitization
و الاتنين مش منهم ان المريض بالخوف يقدر يتحكث بافكاره زي ما بيدعي
ده كلام مش موجود في اي كتاب علم نفس يا يسرى
افتكر فيلم من كام سنة لديزني اسمه ( inside out) الفيلم اشرف على كتابته علماء نفس و فيه مرجعية اكاديمية لكل الحقائق العلمية اللي فيه
الفيلم بيحكي عن بنت اسمها ( رايلي) من اول ما بتتولد لحد ما بتكبر و يبتدي يخصلها تغيرات فسيولوجية و نفسية
الفيلم بيحكي الموضوع من جوه دماغها في عندنا شخصية ( چوي) السعادة.... اللي طول الوقت بتعتبر نفسها صاحبة المكان لانها اول واحده تواجدت مع رايلي لما ابتدت توعى للدنيا و كان فيه ( سادنيز) اللي بتمثل الحزن و في. ( انجر) اللي بيمثل الغضب
طول الفيلم چوي كانت بتسيطر و ده ادى لمشاكل نفسية كتير..... لحد ما بيجي في اخر الفيلم.... الحزن هو بيكون الحل الوحيد انها ترجع بيتها لاهلها بعد ما سابتهم و هربت
من اكبر غلطات مدعين العلم ( الافراط في التعظيم من شئ او التقليل من شئ)
ديماً هتلاقي كلامهم مش موزون..... بيستغل جهلك و احتياجك لسعادة في وسط ضغوط حياتنا عشان يبيعلك مفاهيم مش حقيقية و ممكن تكون السبب في مشاكل اكبر بكتير
قلة التعامل مع مشاعر زي الاحباط و الخوف... بيؤدي لقلة مرونتك في التعامل مع التحديات و بتكون عامل زي الاطفال اول لما بيحصلك مشكلة تقول مش لاعب
افتكر ان كل شئ ربنا خلقه بقدر
و لله الأمر

[@Asma-dc6jx]

🌹🌹🌹🌹

[@ekramabdelrhman9250]

ربنا يكرمك ويجازيك عنا كل خير بس الصوت اللي ف اول الفيديو مرعب والله كنت حاطه الهاند فري واتخضيت جدا😭

[@medmed-kr2bo]

كلام جميل بس الحركه اللي في الاول رخمه

[@AID_Medicine]

😢😢 اه والله

[@hananelaraby9440]

جزاك الله خيرا يا تيتشر

[@user-yk3po8uo3w]

جزاك الله خيرا.

[@israaadeabes3277]

عاش يا تيتشر

[@bdjcgdhd-xm1qe]

درس جميل

[@Asma-dc6jx]

👏👏👏👏👏

[@ahmedeahb8895]

عاش

[@israaadeabes3277]

👏🏻👏🏻👏🏻

[@معلوماتيانا]

والله انا بسمع فيديوهات حضرتك دايما ونفسي جدا اتكلم مع حد.فاهم زي حضرتك وياريت ترجعوا برنامج الصحبه تاني وبارك الله فيك وجعله في ميزان حسناتك

[@Asma-dc6jx]

🌸🌸🌸

[@Asma-dc6jx]

🌼🌼🌻🌻

[@ayaabdelsattar9768]

مبدع جدا يا أستاذ أحمد جعله الله في ميزان حسناتك تُنبه كثيرا من الناس على المغالطات التي تحدث في حياتهم ممن حولهم. خرج الكثير ممن يسمون انفسهم علماء الطاقة.

[@ehdaaali8754]

جزاك الله كل خير من احد النعم اللي في حياتنا هو حضرتك دائماً بنتظر فديوهاتك بحماس 🤩🤩

[@hagerkhire8320]

هو ده المحتوي اللي المفروض يتقدم ... شكرا ي تيتشر علي العظمة 💙❤

[@بسنتاحمد-ت7ض]

بنحبك يا استاذ احمد وبنحب اغاني حضرتك دنا بخب الصحيان من النوم بدري وافطر فطار صحي واجري بحب شغلي راضي باجري ونمو البطيئ علي قهوة في اخر فيصل اعد برسم في بلوك نوت والواد بيحط الشاي دلدق علي رسمة مشنقة فاكر كل الاعمال الحلوة دي ياريت يكون فيه حاجات جديده لاننا والله اشتقنا لصوتك جدا 💖💖💖 ربنا يوفقك

[@سماء-ج4ج]

💜✨✨

[@samargom3a471]

الحلقة ماشاءالله مفيدة جدا ورائعة بالتوفيق يارب دايما

[@MisaraAhmed]

اتضايقت منك جامد فى الحركة اللى فى اول الفيديو دى

[@monzerelsmahy9205]

الخلاصة : خير الأمور الوسط

[@androidgames-2693]

حاجة ذكية انك تعمل علي تنشيط شعور الخوف بالحته المرعبة في اول الفيديو ...مع انها افزعتني لكن خلتني استوعب الفيديو اكتر . الناس البتنتقد الحته المرعبة المهد بيها الفيديو بقلهم ده لمصلحتكم عشان قوه استيعاب معلومات الفيديو بجانب زياده تذكر معلومات الفيديو بعد فتره .

[@radwahamed8620]

ربنا ينفع بكم وبالصحبة وجودكم أمل ودعوة ووعي كلنا محتاجنكم

[@rehamabdelaziz8861]

الحلقه جميله اوى. والفيلم بتاع inside out شكله فيلم تحفه انا هابقى اتفرج عليه ان شاء الله. واول حته في الفيديو بتخوف اوى ههههههه

[@Kindness978]

منتظرين . بارك الله فيك استاذ / احمد

[@Kindness978]

كلام موزون شكرا علي مجهودك

[@khalfkarm2418]

كلام في الجون فعلا الدعاوي بتاعت الايجابية والتفاؤل خلتني فعلا مع اول صدمة تعبت فسيا التوازن فعلا مهم جزاكم الله خيرا

[@engesraa1907]

جزاكم الله خيرااا كلام صح و مفيد

[@ryttalabdullaziz5359]

شكرًا بجد 🌸 اي فيديو بشوفوا ليك لازم اطلع وانا مستفادة منه 🌸🌸

[@shiymaaibrahimbadawy7643]

مبدع ديما ماشاء الله عليك ديما بنستفاد من حضرتك ومحتوي ديما هادف 👍👍👍👌❤

[@hamedsami8007]

اوبا بقي شغل و محتوى محترم👌 إدي جامد عشان جامد مخدش✌💪 الشكل بيتطور بالتوفيق يا صديقي العزيز #اللي#خايف#يروح

[@mahmoudashry2836]

الحلقه مميزه جدا ما شاء الله 👏

[@zezozezo1617]

جميل جدا 💛😍 اتمني حضرتك تستمر في الفيديوهات 😍

[@moataznaser523]

احسنت والله جزاكم الله كل الخير استمروا

[@ibrahemabdelkader]

انا بحبك يا احمد يا سالم انت من الشخصيات المحترمة ومتابعك من سنين ربنا يوفقك 🤲🏻💙

[@abdelazimmohamed322]

الشخص اللى بيقول ان الخوف فعل مش شعور بيفكرنى و انا بدرس فى العقيدة ( عن الناس الملحدين اللى بيقولوا ان لا وجود لاله و انهم جم للحياه بالصدفه ) بنبدأ بإثبات وجود الله بإثبات و جود الفطرة اللى هى شئ مش محتاج اثبات لاى شخص عاقل

[@fatmaabdelhady9427]

بجد الحلقة حلوة اللهم بارك ، انا سمعت الفيلم بس شفته من منظور تاني بعد ما حضرتك تطرقت للجزء ده ربنا ينفع بيك

[@basmahossam6506]

دائما مبدع مستنيه جدا⁦✌️⁩

[@fatmareda1763]

الفيديو كله علي بعضه حلو و شغل عالي سواء المحتوي او جوده التصوير او المونتاج❤

[@ola_emara]

جزاكم الله خيرا

[@rawanmostafa4546]

و كالعادة رائع جدا و الحلقة جامدة keep going

[@mernaahmad3243]

فيديو عظيم وتحليل حلو جداا للموضوع شكرا يا تيتشر

[@monzerelsmahy9205]

الخلاصة : شعورك بالسوء أو بالفرح تجاه شئ مش مقياس على أن الإحساس ده كويس أو لأ .

[@anasmasoud3550]

أنا خفت والله

[@saraelhammady7]

منتظرين جداً⁦❤️⁩⁦❤️⁩🔥

[@rawiaharoun5457]

جميل جدا يا تيتشر حلقة رائعة

[@sad018]

هام هام بعد ازنك انا امي ماتت وانا 11سنه وانا عمري 29 سنه ولدي مات هو كمان من 3سنين ومن بعد ولدي وانا تعبان جدا وبحس اني كل يوم بموت وخاايف من الموت جدا رغم اني عااارف ان الكل هيموت بس اول ما بفتكر الموضوع الدغط الدم يرتفع ونبض القلب يزيز لحت لاكبر دكترا الكل يقول تعب نفسي مش عاارف اروح لدكتور نفسي وله لا

[@olahamed7171]

جميييله جدا بجد عاش الله ينور 🌸

[@helalel-tahan6526]

جزاك اللّٰه كل خير يا تيتشر 💓⁦❤️⁩😘

[@munahamdy6568]

على فكره خضتنابجد

[@munahamdy6568]

ربنا يجازيك خير حضرتك من الناس اللى بجد ليها رساله نفع الله بك

[@houriagamal449]

حلو جداااا 👍 👍 👍 ربنا يوفقك يا رب 🌸⚘

[@hagerelkhodaryarchitect3539]

محتوي قيم جدا واسلوب رائع

[@mohamedshabanelomda9655]

من زمان وانا نفسي احضرك ڨيديو في ٢٠٢٠.... متابعك من ڨيديو هاتك مع الصحبه٢٠١٦ و١٧ و١٨..... بحبك في الله ودايمآ للأمام

[@salmasamir2298]

حلو كتير كالعاده .بالتوفيق تيتشر

[@springflower4182]

اتخضيت جداااا

[@fatema1088]

يسلم تفكيرك وعقلك ربنا ينفع بيك وربنا يبعدنا عن اليه بيعكوا في العلم 😀

[@egyptianhulk4412]

الهباد انا بتاع كله دين و فن و بتاع كله الشيخ الهباد رزق

[@basmalaabdel-fatah8064]

انا خوفت من الانترو😂😂😂

[@jaser3zzam695]

بعيدا عن الحتة اللي ف الاول😂 بس الحلقة حلوة😍

[@salmahasan9229]

حلو اووي الكونتنت ده ...ربنا يبارك لحضرتك

[@basmaelmohamady2812]

Super as usual.

[@حاجزوكا]

واللهي اختي بتحبك

[@alzahraaahmed2010]

جامد يااستاذنا حتى بالحته اللى ف اﻷول 😂😂😂😂😇

[@abdelrahmanfarag377]

عاااااش جدا

[@hassnaaabdelattif4436]

عاش يا تيتشر متميز كالعادة

[@mahmoudosmanelnoby8908]

الله عليك يا كبير , فيدوهات كتير بقي

[@jasminefares9689]

ابداعات السالم 🤗

[@abdelrhmanrafat9678]

المونتاج عظمة :)

[@samahaly5122]

فيديو رائع بس الموسيقي اللي في الخلفية شوية مش حلوة

[@mohamedfahmyelgamal]

💙💙💙

[@hassnaaabdelattif4436]

منتظرين يا تيتشر

[@nadakhaled4466]

ولا بنخااااااف😂😂💪✌

[@رضاالسيد-ض9ض]

الله يسامحك يا تيتشر علي الصورة الاولانية صرعتني والله بس جزاك الله خيرا علي الحلقة طب لو العكس حد دايما خايف من كل حاجة حواليه وحاسس انه مش عارف يعمل حاجة في حياته صحدا يعمل ايه

[@abdelrahmanfarag377]

🌸🌸🌸🌸🌸🌸

[@wagdyelkhatab5791]

👍

[@yousseftwheed995]

لايك ع الانترو بس 😎 ولسة هكمل الحلقة

[@abdelrahmanfarag377]

🌸🌸🌸🌸

[@dinakamal2192]

لا بجد حتة الصويت دي رخمه 😒💔

[@asaadsaad4030]

احسنت وجزاك الله خيرا ولكن الاية ويدعوننا رغبا ورهبا في شأن سيدنا زكريا. ويحيى وليس يعقوب بارك الله فيك

[@asaadsaad4030]

غفر الله لنا ولكم

[@Rubexcience]

ليه يا تيتشر الخضة دي 😂

[@islamismail560]

فيديو كويس بس الحركه الاولي دي بايخه اوي

[@aidenaidenbond]

ياعم ميصحش كده كنت حاطط السماعات 😡

[@m.elsesy5742]

طب امتحن ازاى انا بكرا بعد الخضه دى 😂😂

[@AmerTV4758]

مين اللي خاف من الانترو 😂😂

[@amalfathy2979]

بلاش الصور الوحشة والاصوات دي " لا يحل لمسلم أن يروع مسلما "

[@MohamedMekhemar-001]

على فكرة انت فصلتى منك بسبب حركة الانترو مكنتش موفقه مينفعش تبقى بتقول كلام محترم و تعمل حركة ذى دى

[@marinamagdy5509]

شايفة قدامى شخص مدعى بلا اى علم لكن بيتكلم باسلوب منمق يديك احساس كدة انه فاهم بس لو ركزت فى الكلام هتلاقيه كلام عام اوى اى حد قاعد على القهوة ممكنه يقوله مع شوية من "الدراسات اكدت" ، "الابحاث قالت " عمال يتكلم فى علم النفس ويقول بنعمل بنعالج وهو لا دكتور نفسى ولا اى حاجة

[@elshareef1139]

بالعكس و طبعا انتي حرة ف رأيك .طيب ممكن تقوليلي يعني اية الخوف فعل مش شعور حتي قوليلي باحساسك و مش لازم بكلام العلم. بتجربتك العادية

[@mostafaosama4858]

جزاك الله خيرا

[@mohamedabdalla9559]

جزاك الله خيرا