☝️اوعى تنسي تاخدى الحاجات دى وانتى رايحه السكن الجامعى او المدينه الجامعيه🤔اساسيات سنه اولى جامعه

[@hagermahmoud6259]

انتي قمر ربنا يريح قلبك انا داخله تانيه دلوقتي وفي اولي حرفيا اتمرمط بسبب اني مكنتش عارفه وأهلي مسافرين محدش عملي دا انا والله لسه بشوف من تاني لاني حرفيا طلع عيني وعانيت السنه اللي فاتت جدا 😭😭😭😭😭💔

[@SaharNagah]

ربنا ييسرلك الامور يا حببتى وانا معاكى لو عندك اى سوال اكتبيلى ف الكومنتات وانا هرد عليكى او اعملك فديو رد على اسالتك ❤❤

[@hananmhjoub3902]

احلى حاجة انك معاك سجادة الصلاة والمصحف

[@wateenhakeem1129]

ي ربي كلامك حلو اوي و بسيط 💙

[@mera3746]

الله يوفقك ويريحك زي ما ريحتيني في حجات كتير

[@SaharNagah]

ربنا يباركلك يا حببتى دا من زوقك

[@نادرطه-1]

دلوقتي سيجنال وكلير وجونسون وديتول وكاماي مقاطعة 😊 والمونيكير يفضل متحطيهوش في الفيديوهات وبيحييك عشان مغطية معصم إيدك حقيقي فرحت كان ظني إنه هيظهر زي أغلب المتساهلات ولكن فاجئتيني🤍

[@toqaeid528]

حببتى الفيديو من ٣ سنين

[@saharnagah903]

الفديو دا من ٣ سنين يعنى قبل موضوع المقاطعه

[@mennasaeed7805]

كلامك قمر اللهم بارك بس بلاش فوطه للبشره بتدمر البشره عشان البكتريا اللي فيهو

[@salsabilali2200]

الفيديو تحفه بجد😍

[@shamsmekawy6211]

جميل جدا يا قمر 🤩🤩🤩

[@monaabdo944]

تب انا جامعتى بعيده ع محافظتى حوالى 12 ساعه سفر اخد هدوم وحجات تكفينى الترم كله ولا هنزل كل اسبوع الصراحه انا خايفه م الموضوع اووى

[@tiktok_3002]

وانا والله + انا بنت

[@monaabdo944]

@@tiktok_3002 ربنا يسترها علينا متقلقيش ان شاء الله خير

[@SaharNagah]

@Mona Abdo بصى يا قلبي نصيحتى بقي اول حاجه انك تعملى تقليل اغتراب او ما يفتح ع طول حتى لو كان اسمك نزل ف الكليه العيده دى وبداتى دراسه خدى بالاسباب الاول ...ولو تقليل الاغتراب متقبلش اللى هيحدد انك تنزلى كل اد ايه هو الكليه بتاعتك يعنى لو كليه عمليه وبتنزاى الجامعه كتير ومذاكرة وكورسات هتلاقي نفسك مش هتقدرى تنزلى غير كل شهر او اتنين و ممكن كمان مره ف الترم .....اما لو كليه ادبيه ف دا هيبقي اخف شويه وتقدرى تنزلى كل اسبوعين او تلاته الهدوم البيتى هتاخدى هدوم تكفيكى مثلا اسبوع وكل اسبوع بتغسلى اما الخروج بقي ف خدى كلهدومك ع هتنزلى الجامعه كل يوم وهتحبي هدوم كتير وشنطك وشوزاتك و كدا

[@HagearElnaggar]

طب انا رايحة السكن الجامعي هحتاج حلل وطبق لية مش هما اللي بيعملوا الاكل ممكن تردي

[@منهيوسف-ن9ج]

خدي معاكي عشان في مطبخ تقدري تسعمليه لو هتعملي حاجه تاكليها لنفسك😊

[@AmalShide]

احنا سكننا بنطبخ لنفسنا مفيش اكل

[@samamahmoud-v2e]

جامعة اي​@@AmalShide

[@rofayda2717]

احيانا بتكوني عايزة تسخني اكل احيانا يكون الأكل مش عاجبك فانت تعملي اكل

[@mennaislam6813]

بعد اذنك اسعار السكن الجامعي المميز بتكون حوالي كام فضلا ادعوا لي ادخل علاج طبيعي

[@SaharNagah]

بيختلف من محافظه ل التانيه يعنى فى سكن جامعى مميز ب ١٠٠٠ ف الشهر وف محافظة تانيه ب ١٢٠٠ ف الشهر

[@SaharNagah]

ربنا يكرمك يا حببتي وتدخلى علاج طبيعى و ربنا يجعلك الخير فيها يارب ❤❤

[@halarater1357]

هوه السكن المميز اي حد بياخده عادي ولا لازم يكون في طب و هندسه و الحاجات دي انا في كلية تمريض عادي اخده؟

[@zenabmohamed8266]

@@halarater1357 اي حد

[@rihana...1123]

تسلمي ي قمر ♥️♥️

[@SaraMohamedZainElgoharry]

هو السكن المميز بيكون سعره حوالي كام كدا ؟ و بيكون كام واحد في الاوضه؟ وممكن تبقى لوحدك مع زيادة السعر

[@moazelmasry2657]

عندنا ف سوهاج بيكون ٢ ف الغرفة وب١٥٠٠

[@noramohammed5978]

@@moazelmasry2657 فين ده بالظبط

[@moazelmasry2657]

@@noramohammed5978 ف سوهاج ف المدينة الجامعيه برضه

[@أميمةحسن-ك1ل]

أنا جبت ٨٧.٨٪ علمي علوم بس علشان كنت ازهر وحولت لثانوي اضطريت ابقي منازل يبقي مليش سكن جامعي بقاااا؟؟؟!

[@SaharNagah]

@أميمة_حسن معرفش والله يا حببتي اسالى ف المدينه الجامعيه برضو مش هتخسري حاجه

[@hasonatv7368]

عملتى ايه

[@ahmedel6379]

طيب كام واحد هيبقى معي في الغرفه

[@SaharNagah]

@Ahmed_El على حسب مش كل المدن زى بعض ف مدن ٤ ف الغرفه و مبانى ٦ ف الغرف ومبانى ٨ ف الغرفه

[@drmai6678]

هو أنا مش فاهمة حاجة يعنى أسكن سكن خارجى ولا جامعى و المشكلة إنى أصلا معنديش أصحاب و أنا اتقبلت علوم عين شمس و عايزاكم ترشحولى مكان و ازاى اقدم على السكن الجامعى

[@SaharNagah]

المدينه الجامعيه دى تبع وزارة التربية والتعليم ... السكن الخارجى بيبقي عماير وفيها شقق للطلبه

[@soabdelghany975]

مبعرفش اذاكر فاوض النوم فهل في جنينه مثلا او حته اذاكر فيها؟؟

[@SaharNagah]

متقلقيش فيه قاعات ومذاكرة جميله ...وكمان جنينه كتير بيذاكروا فيها

[@SaharNagah]

@So_Abdelghany

[@salmaabdulwahid511]

اعمل اي بالحلل هو مش مدينه ال بيعمللولنا الاكل

[@SaharNagah]

هتجيبي فيها الاكل .. وكمان لو هتسخنى هتسخنى فيها .. ولو حبيتى تعملى مكرونه او اى اكل هتستخدميها ..

[@همساتالقدر-د5ب]

طب اخد شنطة قد ايه كبيرة ولا صغيرة عشان المواصلات بعيدة اووي،يعني شنطة سفر

[@SaharNagah]

خدى شنطه كبيرة تلمى فيها حجاتك كلها المهمه اللى هتحتاجيها

[@basantabotahon9949]

@@SaharNagah طب لو هروح واجي بالاسبوع برضه اشتري الشنطه الكبير!!!!انا كنت هشتري الوسط مش الصغيره

[@TikTok-or3pp]

طب هو بالنسبة اني انا اطمن علي حاجتي فيه قفل بيبقي معمول من إدارة ال جامعة الحاجة كل طالب علشان منعا للسرقة او كده ولا اجيب قفل انا من عندي

[@SaharNagah]

خدى قفل كمبيوتر معاكى يا قمرى

[@rehabheshmat3254]

شكرا فيديو ا جميل❤️❤️❤️ لو سمحتى انا جبت 71% علمى علوم ومش عارفة ده هيدخلنى ايه تنصحينى ادخل كلية أي ليها مستقبل

[@SaharNagah]

اولا الف مبروك النجاح يا حببتى ثانيا بقا دى نصيحه اخت لاختها لو بتدورى ع حاجه بحيث انك تشتغلى حكومى على طول اول ماتتخرجي يبقا عليكى وعلى معهد فنى صحى انا معرفش هياخد كام السنادى بس هو معهد سنتين وبعدها على طول بتاخدى التكليف وتشتغلى فى الادارة الصحيه ف بلدكم ... اما لو انتى مش بتدورى ع الحكومى ف ممكن تدخلى علوم او تجارة .. علوم تقدرى تجيبي تقدير حلو وتفتحى معمل تحاليل طبية ....تجارة برضو حلوة لانى شفت اعلانات كتير الفترة الاخيرة لبنوك طالبه خريجين تجاره بس اهم حاجه شدى حيلك وهاتى تقدير حلو يسندك اى كان هى ايه الكليه وكمان متقلقيش من المستقبل دا فى علم الله و الرزق دا بيد الله سبحانه وتعالى اعملى استخاره و فكرى كويس واكتبى رغباتك و بعد كدا المكان اللى ربنا هيختاره ليكى وييسرهولك هو دا الخير ليكى يا حببتي

[@زاكرمعايه]

@@SaharNagah شكرا انتي استفد كان

[@رشامحمد-د1ك]

لو سمحتي انا كان نفسي ادخل سياسة واقتصاد واهلي كان نفسهم في حقوق ودخلته وحاسه ان مش فاهمه اي حاجه ممكن تفهميني لسا سنه اولي ومش عارفه اجيب لبس مريح للجامعه انا مختمره ومحتاره اوي

[@SaharNagah]

طلما ربنا وفقك لدخول حقوق يبقي هى الخير ليكى .... متخافيش دا طبيعى ع دى مرحله جديدة عليكى هتتعودى وهتفهمى كل حاجه واحدة واحده ....بالنسبه للبس هاتى خمرات ماليزى ع دريسات كاجول وتكون مريحه كدا وشيك على كوتشى وعمليه جدا ... وعشان عيونك هعمل فديو عن موضوع لبس الجامعه للمختمرات

[@somamarzouk9214]

انا خايفة اوي ي دكتور من السكن والغربة 😢

[@saharnagah903]

يا حببتى متخافيش ربنا معاكى وهتبقي على تواصل مع اهلك على طول وان شاء الله هتقابلى صحاب زيك حلوين وشبهك يهونوا عليكى الغربه

[@نسمهاملنسمهامل-س2م]

كلش حلوه فيديو💜

[@asmaa8013]

طب هو السكن الخارجي دا لازم آخد قفل معايا وهل كل واحد لي دولاب لوحده ولا مع بعض

[@menna3127]

اعتقد انو هيبى مشترك بس انتي احسن حاجه تسيبي الهدوم في الشنطه الهاند باج وطبقيها حلو وتحطيقها جنب السرير او مكتبك ووقت ما تحبي تجيبي لبس تطلعي

[@SaharNagah]

كل واحد ليه دولاب لوحدة

[@doniaalaa6277]

هو السكن الجامعي تبع المدينه بيبقي فيه كام فرد

[@rehab4537]

لوسمحتى أنا رايحة أحجز السكن أخد معايا حاجة من دلوقتي ولا لا

[@SaharNagah]

لو تمام هتحجزى واستقريتى ع المكان اللى هتسكنى فيه ممكن تاخدى معاكى حجات وتخففى ع نفسك بدل ما تاخدى كله ف يوم واحد ويبقي معاكى شنط كتيييير بس متنسيش تاخدى معاكى قفل ع تقفلى ع حاجتك ف دولابك وربنا يوقك يا قمر

[@SaharNagah]

@Rehab_

[@emansaidart1409]

شكرا حبيبتي تسلملنا

[@dinaaahmedd6165]

طب لو سمحت انا ممكن أكوي هدومي فين لو هسكن في المدينة؟

[@SaharNagah]

بتاخدى معاكى مكوتك الشخصيه

[@Mariammahmoud-12-3]

لو سمحتي انا جالي تربيه طفوله مبكره في بني سويف فيها سكن جامعى ولا لا

[@SaharNagah]

ليها سكن جامعى

[@صليعلىرسولاللهصلياللهعليهو-غ5خ]

اه فيها انا رايحة إن شاء الله

[@صليعلىرسولاللهصلياللهعليهو-غ5خ]

بس انتي مقدمتيش سكن جامعي اون لاين ليه ؟ من علي موقع الزهراء المشكلة انه قفل يوم 23

[@mennakassem7193]

هي تربيه طفوله اقليمي

[@madydady4503]

حد سكن فالشبان المسلمين الشاطبي قبل كده

[@SaharNagah]

صحبتي سكنت فيه بس ما رتحتش فيه قوانين كتير وتحكمات كتير

[@drnermeen8043]

حد سكن في جامعه الجلاله في السكن الداخلي ممكن حد يقولي ويفيدني اصل أنا خايفه اوي

[@SaharNagah]

متخافيش .. ربنا معاكى يارب و ييسرلك امورك يا حببتي

[@SaharNagah]

حببتي يا سمسم

[@anthulk5285]

طب معلشي هو حمام نستحمي فيه و لا لا و بوتاجاز ؟ 😂💔

[@SaharNagah]

اه يا قلبي فى حمامات وكمان فى بوتجاز بس بيبقي عليه طوابير 😂😂 @Ant Hulk

[@walaahassan5910]

طيب لو مدينه جامعيه هاخد معايا اطباق وحلل وكدا

[@nourali3744]

+1

[@SaharNagah]

اه لازم هتاخدى معاكى لان انتى لو هتاكلى فى اوضتك هتحتاجى حلل تجيبي فيها الاكل من مطعم المدينه واطباق هتاكلى فيها ومعلقتين وشوكتين و سيكنه بس متكتريش واما لو هتاكلى ف مطعم المدينه نفسه ف بيبقي فيه سرفيس استلس متقسم كدا لكل الاكل بتاخدى معقله بس وتروحى تاكلى هناك

[@salwaelshafei4590]

لو سمحتي جربتي العيشة بالمدينة الجامعية بنتي اول سنة لها العام الدراسي الي هيبدأ 9/10/2021 جاء لها كلية ألسن جامعة عين شمس ..بالله عليكي قوليلي ايه الصح السكن في بيت الطالبات وللا في المدينة الجامعية ..ارجوكي الرد

[@SaharNagah]

انا جربت الالتنين يا حببتي انا خدت سنه ف المدينه الجامعيه الميزة اللى فيها الامان طبعا و كمان موضوع الاكل اللى بترجع من الجامعه مش شايله هم انها تعمل اكل لاكن انا سبتها لانى مرتحتش ف الزحمه اللى ف المدينه الجامعيه وكمان البنات اللى كانوا ف اوضتى كانوا اكبر منى وانا كنت سنه اولى ف دايما كانوا يتخانقوا معايا ع النور و مفيش احترام ان فيه حد بيذاكر او نايم ... باقى سنين الجامعه خدتها ف سكن خارجى وكنت مرتاحه اووووى ع الرغم من انى كنت مسئوله ع نفسي ف تجهيز وشراء كل حاجه من اكل وشرب وكل اللوازم دى لانى محافظتى كانت بعيده وكنت بقعد بالشهر واللتنين منزلش بيتنا بحكم ان كليتى كانت عمليه الفكرة ف ان العدد بيبقي اقل وبترتاح لما تسكن مع اصحابها وبتبقي احلى ايام هو كل مكان فيه الحلو والوحش بس انا لقيت راحتى ف السكن الخارجى .... ربنا يكرم بنتوتك يارب وييسرلها كل خير .. بس دلوقتى كمان المدينه الجامعيه اتطورت وبقي في السكن المميز بيبقي فيه اعداد اقل وكمان وامكانيات عاليه ف المكان

[@ommahmoud5202]

يا ربي أنا عندي نفس المشكلة وخايفة أووي طب لو نتعرف انا وهي حتي نطمن بعض ونبقي سوا

[@ASH-ii3kc]

معلش سؤال غبي هو في نت في المدينه الجامعيه!!!

[@SaharNagah]

اه يا حببتي فى نت @ASH

[@soabdelghany975]

@@SaharNagah طيب بندفع تمن النت او احنا اللي بتشحت الباقه ولا ده بيبقي عليهم هما هي ال ٣٥٠ بتاعت المدينه دي فالشهر ولا الترم + تتوقعي السنادي فلوس المدينه هتكون كام

[@SaharNagah]

@@soabdelghany975 نت المدينه مش بتدفعي فيه حاجه بيبقي واى فاى مجانى ..ال ٣٥٠ دى كل شهر بتدفعيها حتى لو مش هتقعدى ف المدينه طول الشهر و بتبقا شامله الاقامه والتغذيه

[@rawdamohammed3711]

لو سمحتي هو اي كليه في الازهر فيها سكن

[@SaharNagah]

اه يا حببتي

[@salmaelmahdy1421]

انا هسكن برااا وخايفه اووي هو الموضوع صعب

[@SaharNagah]

الموضوع بسيط يا حببتي متقلقيش .. ان شاء الله هعمل فديو عن السكن الخارجى

[@somamarzouk9214]

اطمنتي وكدا ولا لسه خايفة

[@derooahmed7477]

اخد البيت كله معايا كده 😂😂😂

[@SaharNagah]

😂😂😂😂😂

[@nadasaadsoluman7708]

😂ربنا يفرح قلبك😂يارب... 🧡❤️❤️❤️

[@NoorNoor-ur6ec]

شكرا ياا قمري انا دفعه السنادي ومسافره اسيوط راحه كليه تربيه خاصه ادعيلي

[@SaharNagah]

ربنا يوفقك يارب يا حببتى ولو عندك اى سوال اكتبيلى ف الكومنتات انا كنت اسيوط برضو

[@ياسمينعبدالنعيم]

@@SaharNagah كنتي سكن جامعي؟ علشان انا رايحه سكن جامعي وقلقانه

[@AmiraMohammed-x8u]

اختي ف اسيوط برضو احنا من المنصورة

[@maamoonmohamed937]

بعد اذنك انا داخله تجاره طنطا ان شاءلله وهقدم ع سكن المدينه الجامعي كويس ولا اخد سكن خارجي بس بابا عايزاني اسكن في المدينه لو سمحتي انصحني اعمل ايه بصرااحه الفيديو جميل جداً وفادني كتير اووي بجدتسلمي♥

[@SaharNagah]

حبيبة قلبي مبسوطه ان الفديو عجبك واستنوا منى هعمل فديو الفرق بين السكن الجامعى والمدينه الجامعيه السكن الجامعى كويس جدا وامان بس بيبقي زحمه شويه واعداد كتير بس بيبقي راحه ف انك مش بتشيلى هم انك تعملى اكل او كدا لو المسافه بتاعت بيتكم مش بعيده اوووى هتقدرى تنزلى كل اسبوع او اتنين ... اما لو بعيده وبتنزلى كل شهر او اتنين وبلدك بعيده وكليه عمليه انصحك بالسكن الخارجى لان هتلاقي فيه راحتك اكتر

[@hagerelabsawy5851]

بس حضرتك السكن الخارجي غالي ​@@SaharNagah

[@soabdelghany975]

هو في تلاجه فالسكن الجامعي؟؟

[@SaharNagah]

على حسب المبني فى كبانى فيها وفى مبانى لأ

[@An-vx1gt]

💖💖💖💖

[@mahamohamed2400]

الفيديو فادني جداااا ♥♥♥♥ عايزة أعرف السكن الخارجي أسعاره ف حدود كام والمدينة برضو وكمان بيكون معايا كام بنت ف الأوضة وهل كلنا بناكل سوا ولا كل واحدة بتعمل أكل لنفسها

[@SaharNagah]

اسعار السكن الخارجى بتختلف من محافظه للتانيه و من منطقه للتانيه ف نفس المحافظة كل ما تكون قريب من الجامعه بتبقي افضل ع تتمشيها ومتركبيش مواصلات فى سكن خارجى ب ٣٥٠ وسكن ب ٤٥٠ وسكن ب ٥٠٠ ف الشهر دا غير بيبقي فيه حاجه اسمها استهلاك بيدفع مره واحده ف السنه وهكذا اللى بيحكم المكان والخدمات وقريبه او بعيده من الجامعه ....المدينه الجامعيه لو هتسكنى بدون تغذيه هتبقي ١٩٠ و بتغذيه ب ٣٥٠ ...بالنسبه لعدد البنات برضو بيختلف من مبنى لمبنى ..الاكل دا حريه شخصيه حابه تاكلى لوحدك تقدرى تعملى كدا حابه انك تاكلى مع بنات اوضتك برضو تقدرى تعملى كدا يفضل انك تاكلى مع بنات اوضتك الاكل بيربي مودة والفه مع البنات

[@AbdoAhmed-qo2ht]

انا رايح بكره السكن وخايف اوي

[@SaharNagah]

متخافش الموضوع بسيط ربنا يوفقك يارب

[@SaharNagah]

متخافش الموضوع بسيط ربنا يوفقك يارب

[@سبحانالله-ت8ق1ف]

طب بعد اذنك انا عندي استفسار هو احنا بمجرد ما بنقدم مدينه بنسكن علطول ولا لا؟!

[@SaharNagah]

قبل بداية الدراسة بيوم تقدرى تروحى المدينه الجامعيه ... بس تخلى بالك التقديم بيبقي من قبلها بفترة

[@nadasaadsoluman7708]

لما كل ده هناخده اومال ايه موجود في السكن😂يعني هاخد ملايه وبطانيه وكوفرته. ناقص اخد الاجهزه الكهربائيه😂😂😂😂😂

[@SaharNagah]

حتى لو كان متوفر بطانيه او ملايه ف المدينه مش هتقدرى تستخدميهم .. لان متعرفيش مين استخدمهم قبلك ... ثانيا مش بيبقوا حجات كويسه تقدرى تستخدميها .. وكمان بيتكتبوا عليكى ف العهده .. دا بالنسبه للمدينه الجامعيه

[@همساتالقدر-د5ب]

❤️❤️❤️😘

[@nagwanagah6414]

😂😂😂