Wannous - Ma7ketch l7ad | ونوس - محكيتش لحد

Subscribe: / @wannousmusic
Credits:
Audio Production & Cover Art: / wannous__
Lyrics:
ـــ
إياك تحكيلهم يسطى فوق بطل تعاتب
عاتبت مرة، التانية، التالتة، الرابعة فارق
قدر نفسك يا صاحبي الناس دي مش بتحاول
بتحاول انت ليه أدام انت مش فارق!
لو كنت فارق صح ... كان العتاب غيرهم
تقدر تقولي حاجة واحدة بتخليك تختارهم!
أراهن لو لاقيت ... أراهنك إنك لسه
قاعد تشرب وفاكر بعد كام سيجارة هتهدى
صحيح ... مش كان خلاص مفيش في صدرك دخنة
مكفكش اللي جرا وعايز تنتقم من نفسك!
بتزيد الطين ليه بله؟ ... ليه رجعت للكلام ده!
ونوس لو كان له حد يسمع يسطى مكنش غنى
ميخمكش إني فاضي ... ده غصب مش تراضي
بعمل عبيط أحسن ما أجيب سلاح وأفجر راسي
مفيش خيار إني أزعل عُمر ما كانلي في مرة حق
دايمًا بزعل وبسكت مش هتشوفني بحكي لحد
ـــ
ماحكيتش لحد
مامشيش ... زعلان
شوف حالي ازاي
ع الناس ... صعبان
اصعب احساس
تصعب ع الناس
واللي استنيته يمد ايديه مبقتش بتفرقلُه
ـــ
تفتكر يوم هرجع كويس! ... لو عندك رد قولّي
مش خايف أقتل نفسي بس خايف أزعل امي
كل الدنيا بترفضني ... مفيش غير المزيكا
وياريت بعد السنين دي عارف أصلًا أنجح فيها
آسف لو بحكي عني ومش بكتب عنك كتير
نصيحة من اللي إتساب متمسكش اللي سابك، سيب
لو في الحالتين خسران ... بلاش تخسر كرامتك
وأخلق مخرج لنفسك حتى لو مش لاقي مخرج
نعم ربنا كتير بس إحنا اللي عينينا مغشلقة
متحبش بنت الباشا لو إيديك متعاصة شقا
شوف اللي توبك بس ... حب اللي منك بس
ومهما تحس إنك وحيد ربنا معاك متخافش
ونوس معاك لو كانت كل الدنيا مش سامعاك
متقولش ليه؟ وعشان! وإرحم راسك م السؤال
أنا كنت زيك وأكتر ... ف أنا بنصحك مش أكتر
أدام هتعيشها مرة متمرمطش نفسك يسطى
ـــ
ماحكيتش لحد
مامشيش ... زعلان
شوف حالي ازاي
ع الناس ... صعبان
اصعب احساس
تصعب ع الناس
واللي استنيته يمد ايديه مبقتش بتفرقلُه
ـــ