WARID HUWI NAGAH SHAB E ZARBAT E HYDER. MARSIA BY ALAMDAR SAHIIL SAHAB

[@AliHassan-mf4gt]

warid huwi naagaah shab-e zarbat-e hyder bas kholte hi roza kamar baandhi ajal par us shab the kabhi sahen me geh hujre ke andar ham saaya ko har baar nidaa dete the rokar hyder ki sawari sooe firdous chali hai jaago ye shab-e qadr, shab-e qatl-e ali hai ____________________________ wallah mai do raato ka mehmaa'n hu’n tumhaara tar dekhoge kal qoon se resh-e rukh-e zebaa’n barsega lahoo teen din aflaak se har jaa aye sahebo is saal ali hajj me na hogaa tum eid ke din ro-oge shabbar se lipat kar royega hassan baap ke mimbar se lipat kar ____________________________ kulsum ne rokar kaha wa hasrato darda kya betiya ab sabr kare aap ko baba kis tarha yaqee'n tum ko huwa apni ajal ka farmaya jo irshaad-e payambar hai wo hoga do roz hai dunya me bas ab kooch hamaara ek-kisvi(21) ko uthega taaboot hamaara har ghar me sada hoyegi kal haye ali ki kal roti huwi aayegi yaa rooh nabi ki haalat mere gham me na bajaa hogi kisi ki kal aayegi yaa'n laash payambar ke wasi ki kal shia bhi sar kholenge aur ahle haram bhi zehra ki sada aayi kafan phaadenge ham bhi zainab se rivayat hai ke thi chaar-ghadi raat mushtaaq-e-qazaa ghar se chale syed-e qush zaat tasbeeh bakaff jamma huwe deodi pa saadaath waa'n sheh ne azaa'n di, yaha ki sab ne munajaat guldasta ho hyder se sar afraaz hamesha ya rab rahe dunya me ye aawaz hamesha phir baad-e azaa'n kaan me aawaaz ye aayi aye shiyo ali qatl huwe haq ki duhaayi is nouhe se aagah huvi saari qudaayi chehrou pa nabi zaadiyou ne qaak udaayi jannat se nabi phaad ke daamaan-e kafan aaye sar peet-te masjid me hussain aur hassan aaye ____________________________ baba ka lahu pehle to chehro'n pa lagaya phir dono ne ma baine gileem unko uthaya lekar jo chale rona ali ko bahot aaya shabbir ne poocha to ye hyder ne sunaya ronaa ye hai jab halq tu katwaayega pyaare koi tera laasha na utha-laayega pyaare