我知道前幾兩年我一直focus咗去一個錯嘅人度,但係我而家真係好鍾意你,仲記得啱啱開學嗰陣,我就決定高中嘅目標就係你,雖然你比起小學嗰陣性格變咗好多,但我都好開心你俾我知道而家最真實嘅你,我開始特登同你搭嗲,你笑嗰個樣真係好得意,其實每次同你講嘢我都俾咗好大勇氣,剩係聽到你把聲已經好開心。我發現你多咗望我,成日feel到有一股視線喺你嗰邊傳過嚟,我望過去你度嗰陣四目相對,嗰陣係真係好想將時間定格喺嗰刻,係真嘅。我開始同你喺ig 傾偈,嗰陣嘅拉扯真係好心動,恨不得即刻當面同你表白,再之後我約你喺學校旅行嗰日一齊去碼頭集合,我哋喺火車上面,我攞住你個電話,睇你有啲咩app,同你企得好埋,好開心。再之後約你出去玩,嗰日真係真係好開心,雖然我哋使咗兩舊都夾唔到小八貓哈哈,但膚淺咁講你為我使錢我真係開心,返去嗰陣我哋搭巴士,我哋坐得好埋,一上車坐定咗嗰陣毫好想毫不猶豫咁挨落你膊頭度,但我驚你會唔鍾意,過咗幾分鐘,我keep住望窗出面,因為望住你我會怕醜,你問我你唔眼瞓咩,我就借啲意挨咗落去啦,諗返都係覺得好開心,所以我嗰陣係完全無瞓到,感受住你呼吸嘅速度,喺度諗上到車嘅人見到我哋係咩樣。換咗位之後,你同個女同學開始傾偈,慢慢好似越嚟越熟咁,日日都見到你哋有講有笑,見住你哋咁開心咁我一定會唔開心㗎啦,日日都同啲frd 講你嘅事,一時為你一個眼神而開心,一時又因為你同佢傾偈而呷醋,當然我都無資格呷醋。之後無耐就係你生日,我膽粗粗咁約你出街慶祝,你應承咗,嗰日我哋真係好似拍拖咁,我哋行下行下,見到前面有對情侶拖住手行,你望住我,講咗個字「手」,然後攞咗隻左手出嚟擘大,我亦都好配合咁放咗隻手落去,十指緊扣嗰下,我望咗去第二邊,唔敢相信我竟然會同到你拖手,我係咁喺度傻笑,因為我真係好開心好開心,嗰日我都特別大膽,講咗好多平時唔敢講嘅土味情話哈哈,我哋成日就係喺度行嚟行去,真係好開心。喺搭巴士返去嗰陣,你開始好怕醜好細聲咁表白,你問不如我哋喺埋一齊,我應承咗,但你又話好尷尬,要再講過,我當然唔介意,等你幾耐我都得,好抱歉嘅係回程嗰陣我唔係好舒服,又頭暈又想嘔,所以俾唔到一個好好嘅反應你,我知道你肯表白已經好叻好勇敢,所以我都無講啲咩。返到屋企我都係唔敢相信你同我表白,想像唔到我哋真係拍拖會係點樣相處。但係過咗幾日,你都係無乜聲氣,我就開始急啦,同咗我個frd講,佢就走咗去 dm你幾時表白,再過多一排,你dm同我講,你做唔到,fine你舒服就最好,我就唔緊要嘅。上兩個禮拜,念一向返屋企食lunch嘅你同咗嗰個女同學去食燒肉like,我啲frd同我講返我先知,見住你哋lunch一齊行已經覺得唔妥,知道嗰一下我除咗震驚,就全部都係唔開心,你第一次中學約飯,第一次食燒肉,俾咗佢,我真係好好好傷心,尤其我啲frd仲喺度串我你哋有幾咁close嗰陣,我真係好想喊,但望住你哋個位本身就坐得好近,我真係無能為力,傷心到真係會唞唔到氣咁款,我開始諗點解我會咁鍾意你,你有咩咁好,我啲frd都有安慰我,我喺你哋面前都係扮無事。後尾有一日,我同你攤牌,你話你嗰陣有猶豫,就表示其實我係not that one,我真係feel到嘅剩係得心淡,愛而不得。我上堂嗰陣會望去你嗰邊睇下你做緊咩,有幾次你望返過嚟,個眼神變到好陌生,好似好嫌棄我咁,見到你同第二個女仔有講有笑,同我就望下就算,係真係心噏。今日放咗學你陪我周圍行,由10點幾行到1點幾,送埋我返屋企,喺途中我問你會唔會覺得我好煩,你話唔會,每個人都會遇到啱同唔啱嘅人,我問我同你啱唔啱,你話啱,作為朋友,我應咗句好,本身想再講啲咩,但都講唔出鳥,你應該唔會睇到啦,但係我想講我係真心鍾意你,我好想同你拍拖,好想好似其他情侶咁好用力咁攬實你,好想直接同你講我好鍾意你,我唔知我哋仲有無可能,我唔知我有無機會,但你如果想嘅話,我隨時都可以,love u