ဝါဆိုသင်္ကန်း ကပ်လှူရခြင်းအကြောင်း - ပါချုပ်ဆရာတော်ဘုရားကြီး

No video

ဝါဆိုသင်္ကန်း ကပ်လှူရခြင်းအကြောင်း - ပါချုပ်ဆရာတော်ဘုရားကြီး

Рет қаралды 1,552

Күн бұрын

ဝါဆိုသင်္ကန်းလှူရကျိုး(၇)မျိုး
_________________________________
ဗုဒ္ဓဘာသာဝင်တို့၏ ဝါတွင်းကာလ နီးလာပြီဖြစ်လို့ ဝါဆိုသင်္ကန်းကပ်လှူဒါန်းလျင် ရရှိနိုင်သည့် ကောင်းကျိုးတွေကို ရေးသား၍ ဓမ္မဒါနပြုလိုက်ပါတယ်…..
ဗုဒ္ဓဘာသာဝင်တို့သည် ဝါတွင်းအခါကာလမှာ နီးစပ်ရာ သံဃာတော်များသီတင်းသုံးရာကျောင်းတိုက်တို့မှာ အဖွဲ့အစည်းဖြင့်လည်းကောင်း၊မိသားစု ဖြင့်လည်းကောင်း၊တစ်ဦးတစ်ယောက်ထဲသော် လည်းကောင်း…..
ကျောင်းတိုက်ရှိသံဃာတော်များအား ဝါဆိုသင်္ကန်း ကပ်လှူဒါန်းလေ့ရှိကြပါတယ်။ ထိုသို့ သံဃာတော်များအား မိမိတို့၏ ချွေးနည်းစာဖြင့် ဝါဆိုသင်္ကန်းများ ကပ်လှူဒါန်သည့်အခါ…….
ထိုအလှူကို အကြောင်းပြု၍ ကောင်းကျိုးတွေဘယ်လောက်ရသလဲဆိုတာသိရင် မိမိတို့၏ အလှူဒါနအပေါ်မှာ ပိုပြီး
တော့ ဝမ်းမြောက်ဝမ်းသာဖြစ်ရပါတယ်…..
ပို၍လည်း အကျိုးပေးထက်သန်ပါတယ်။ ဒါမို့ကြောင့် ဝါဆိုသင်္ကန်း ပေးလှူဒါန်းရသဖြင့် မိမိတို့ရရှိနိုင်သည့် ကောင်းကျိုးတရားများကို တစ်ခုချင်းစီ သိထားသင့်ပါတယ်……
သံဃာတော်တို့အား ဝါဆိုသင်္ကန်းကပ်လှူဒါန်းသူတို့သည် နိဗ္ဗာန်ကိုမျက်မှောက်မပြုခင် စပ်ကြား ဘဝသံသရာမှာ ကျင်လည်သမျှ ဘဝတွေ မှာ လူချမ်းသာ၊ နတ်ချမ်းသာတွေဖြစ်၍ ကောင်းကျိုးတရား(၇)ပါးကိုရရှိနိုင်ပါတယ်……
(၁) အဝတ်၊ အထည်အတွက် စိုးရိမ်မှုတွေကင်းခြင်း ဆိုတဲ့အကျိုးတရားကိုရရှိနိုင်ပါတယ်။
(၂) ရုပ်ဆင်း အင်္ဂါပြည့်စုံညီညာ၍ ရွှေရောင်အဆင်း ဖြင့် တင့်တယ်လှပခြင်းဆိုတဲ့ အကျိုးတရားကို ရရှိနိုင်ပါတယ်။
(၃) ခုနှစ်ဆောင်တိုက်ခန်းမှာ မီးမထွန်းဘဲလင်းတဲ့ ပဘာဝတီမင်းသမီးလေးလို ခန္ဓာကိုယ်မှ အရောင် လင်းခြင်းဆိုတဲ့ အကျိုးတရားကိုရရှိနိုင်ပါတယ်။
(၄) အသားအရေ နုညက်ချောမွေ့ပြီးတော့ သူမတူအောင် ချောမောလှပတင့်တယ်ခြင်းဆိုတဲ့ အကျိုးတရားကို ရရှိနိုင်ပါတယ်။
(၅) မျက်နှာ အစရှိသည့် ခန္ဓာကိုအင်္ဂါအစိတ်အပိုင်းတို့မှာ မှည့်ခြောက်၊တင်းတိပ်၊ ဝက်ခြံအစရှိသည်များ လုံးဝကင်းရှင်းပြီးတော့ ခေတ်ပေါ်အလှပြင် ပစ္စည်းတို့ဖြင့် လုံးဝ လိမ်းခြယ်ခြင်းမပြုရဘဲ နဂိုပင်ကို သဘာဝအလှပိုင်ရှင်များဖြစ်နိုင်ခြင်းအကျိုးကို ရရှိနိုင်ပါတယ်။
(၆) ခေတ်ကာလလျောက် ပေါ်ပေါက်လာသည့် အဝတ်အထည်တို့ကို မိမိတို့စိတ်ထဲက အခုပေါ်နေတဲ့ အဝတ်ထည်းလေးဝတ်ချင်လိုက်တာလို့ စိတ်ထက တောင့်တလိုက်ရုံလေးနဲ့ ထိုအဝတ်အထည်တို့သည် မိမိထံသို့ တစ်ဦးတစ်ယောက်က လက်ဆောင် ပေးလို့သော်လည်းကောင်း…..
ဝယ်ပေးလို့သော်လည်းကောင်း၊ ပုံစံတစ်မျိုးမျိုးဖြင့် မိမိလက်သို့ ရောက်ရှိလာနိုင်ခြင်းဆိုတဲ့ အကျိုးတရားကိုရရှိနိုင်ပါတယ်။ အထက်ပါဖော်ပြခဲ့သည့် ကောင်းကျိုးတရားတို့ သည် လောကီကောင်းကျိုးချမ်းသာများသာဖြစ်၏။ လောကုတ္တရာကောင်းကျိူးချမ်းသာများမဟုတ်ပါ…..
(၇) ဝါဆိုသင်္ကန်းလှူဒါန်ဖူးသူ အလှူရှင်သည် ဘဝသံသရာတစ်ကွေ့မှာ အကယ်၍များ ဘုရားတစ်ဆူဆူဖြင့် ကံအားလျော်စွာ တွေ့ကြုံဖူးမျှော်ခွင့်ရသည်ရှိသော် ထိုဘုရားရှင်သည် ဝါဆိုသင်္ကန်းလှူဒါန်းဖူးခဲ့ သော ကောင်းမှုရှင်ကို (ဧဟိ ဘိက္ခု)ခေါ်လိုက်ရုံဖြင့်…..
ခန္ဓာကိုယ်မှာဝတ်ဆင်ထားသည့် အဝတ်တို့သည် သူ့အလိုလို ပျောက်ကွယ်၍ ရဟန်းအသွင်ဖြစ်ကာ ဧဟိဘိက္ခုရဟန္တာကြီးဖြစ်ရခြင်းဆိုတဲ့ လောကုတ္တရာ ချမ်းသာအကျိုးကိုရရှိနိုင်ပါတယ်….
ဝါဆိုသင်္ကန်းကပ်လှူဒါန်းခြင်းကုသိုလ်သည် အထက်ပါဖော်ပြခဲ့သည့် လောကီကောင်းကျိုးချမ်းသာ၊လောကုတ္တရာကောင်းကျိုးချမ်းသာ အဖြာဖြာတို့ကို ရရှိနိုင်မှာဖြစ်လို့ ဗုဒ္ဓဘာသာဝင်သူတော်စင်တို့သည်…..
ဝါတွင်းကာလ၌ မိမိတို့ စွမ်းနိုင်သလောက် နီးစပ်ရာ သံဃာတော်တို့အား ဝါဆိုသင်္ကန်းအလှူကို တစ်ဦးတည်းဖြစ်စေ၊မိသားစုဖြင့်ဖြစ်စေ၊ အသင်းအဖွဲဖြင့်ဖြစ်စေ လှူဒါန်းကြပါလို့ တိုက်တွန်းနှိုးဆော်ရင်း ဤဓမ္မစာစုလေးကို အဆုံးသက်လိုက်ပါတယ်….
ဆောင်ပုဒ်
စိုးရိမ်မဲ့ကင်း၊ ရွှေဆင်းရုပ်တူ၊ ကိုယ်မူရောင်ထွက်၊ နုညက်သားရေ၊ မပေညစ်ကြေး၊ ကြံတွေးတောင့်တ အဝတ်ရရှိ၊ ဧဟိဘိက္ခု ၊ ခေါ်ပြုရဟန်း ၊ ကျွတ်တန်းဝင်ရ၊ ကျိုးသတ္တ(ခုနှစ်ဝ)၊ မှတ်ကြစီဝရံ။ ။
မှတ်ချက်။ကာလအလျောက် ဝါဆိုသင်္ကန်းလှူဒါန်းရကျိုးဟု ရေးဖွဲ့ထားသော်လည်း ဘယ်အချိန် ဘယ်ကာလမှာ သံဃာတော်တို့အား သင်္ကန်းလှူလှူအထက် ဖော်ပြပါ ကောင်းကျိုး(၇)မျိုးကို ရရှိသည်ဟု ဓမ္မ မိတ်ဆွေများမှတ်ပါလေ။
(အောင်မော်စံဆရာတော်)
Credit
#dhamma
#တရားတော်များ
#listenme
#ပါချုပ်
#views