曼聯費格遜模式奇蹟反勝？哥迪奧拿有何失敗之處？（何Wayne英超賽後評 - 曼城 1 : 2 曼聯）16-12-24

[@holunho0710]

賽前一個鐘公佈正選陣容，曼聯冇華舒福、加拿祖，出咗蒙特、阿馬特。即使，蒙特、阿馬特狀態極好，都唔可能追到前兩者嘅速度。速度係天生，後天、狀態好幫唔到手。曼城拖慢節奏，曼聯反擊速度不足下，我預期場波會好慢、和局。 開波後，果然如我所料。場波真係慢，即使有反擊，曼聯傾向慢慢嚟（般奴多次舉手由上至下撳落去）。典型五後衛進攻方法，去到兩翼衛就斬入去。蒙特受傷，換入明奴，同般奴換位，只係加強中場攔截、掃蕩力，冇增加反擊速度。上半場，曼聯最有威脅係烏加迪傳畀阿馬特嘅越位波。 曼城先有幸運入球，迪布尼傳中省中阿馬特改變方向，加華度頂入。不過，曼城入第二球嘅慾望只限上半場。下半場，曼城繼續保持優勢，諗住一球收夠籌。 曼聯下半場六十二分鐘先有第一次中目標埋門，來自般奴喺翼衛位斬畀阿馬特頂頭鎚。咁遠水路，一百球入到幾多球？曼聯做到邊路造入中路嘅反擊埋門，只可惜般奴 Chip 射唔中目標。曼城防線正式響警鐘。 般奴十二碼，源於紐尼斯雙重犯錯（回傳乏力、禁區內魯莽撞低阿馬特）。舒克斯冇緊逼佢，有需要噉樣傳畀艾達臣？可以帶返向後先傳，沿邊向前踢都得。為犯錯負責，努力追返去冇錯，錯在魯莽犯規。艾達臣已經出迎延遲阿馬特，曼聯隊友亦未跟上，紐尼斯加艾達臣已經搞得掂。嗰刻，佢應該先上腦，後一片空白，咪犯規囉。阿馬特醒目，值得一讚。 一失波，曼城本來嘅控制節奏直插谷底。馬天尼斯長傳，阿馬特心領神會，入楔控前，再窄位射入空門。一入波，我開心到係噉講粗口，同時諗唔明場波點解會噉。原來，曼城真係會因為一個失誤而崩潰。 高難度入球，一百球可以入幾多球？ 成場波贏阿馬特。不過，要靠對方失誤先有第一球，值得攞嚟打飛機咩？根本，啲曼聯球迷冇理過曼聯成場冇乜攻勢，同埋反擊唔夠快。 安東尼踢右翼衛表現唔錯，同阿馬特有配合。睇嚟，佢嘅唯一出路係右翼衛。不過，亦反映佢揀領隊嚟踢波。坦克叫佢踢左閘就不情不願，發脾氣；阿慕廉叫佢踢右翼衛就安安份份，冇發脾氣。 哥迪奧拿重犯足總盃決賽用貝拿度施華踢右翼嘅錯，佢已經唔記得上季曼市打吡，科頓右翼內切入遠射入網嘅經典場面。杜古踢左翼冇錯嘅，但係，冇乜腦囉，畀馬沙拉爾守死。 曼聯網三哥問：「仲有冇人質疑阿慕廉套三中堅？」又係一個唔識戰術嘅人喺度鳩噏。從來，三中堅對強隊都冇問題，對諾定咸森林嗰場，佢有冇質疑阿慕廉嘅三中堅戰術？弱隊死守，強隊唔係踢體能、球迷打氣，係踢成功、有效嘅控球在腳戰術。佢解釋到翼衛拉邊、翼鋒踢攻中？解釋唔到就唔好鳩噏。 坦克教嘅話，又會畀球迷叫炒佢㗎喇。從來，球迷唔識戰術，唔知戰術趨勢係乜，只係一班見贏波開眼嘅人。高層同樣。由此至終，炒坦克只係時間問題，曼聯註定唔會有成功之日。

[@WayneHo]

安東尼門口狗囉，熟悉嘅教練就扭計，唔熟嘅教練就聽話。曼城送禮後崩潰，仲有一場叫做輸俾皇馬。

[@siupeter3275]

烏加特進步得幾明顯，多左向前傳送同埋轉守為攻嘅組織。期待之後有多啲progressing。曼城嘅紐尼斯其實本身踢得唔係太差，就係需要最尾嗰下。

[@csh-il1ed]

Fit爆嘅彭馬同Alvarez就算而家仲喺曼城陣中，應該最多都只可以改變曼城現狀兩至三成。冇咗6號位Rodri去控制節奏，加上後防一堆傷兵同老人家，一樣係捱唔過嘅。何Sir啊，曼城前中後真係着哂火啦！

[@loksingwong650]

主持人講得啱，對手送禮才可以贏，但送禮也是比賽的一部分，整體唔少缺點，什麼陣式就係多L魚，你班人唔集中唔聪明，死牛一邊頸，什麼控傳又如何，多兩件傷咗就即死差不多九場，炒哥帥囉，賴係冇用嘅，幾時換人係睇時機嘅，換咗又唔係一定得，坦克就係睇唔到邊個累或傷，艾莫林就像費老咁叫幾個去熱身，坦克仲要同人商量才換，功力就這樣吧。的球員唔博乜嘢都死，皇馬、曼城睇到了。

[@aczephyr]

呢場波唔係曼聯踢得好，根本係曼城踢得差，臨尾兩球都係自爆，尤其係第二球，Gravdiol本來可以救到空門，但佢太高章想後踭解圍，點知失手俾個波慢流尾袋

[@bm7886]

以前覺得科登勁過彭馬好多，去到而家完全調返轉，科登偶像係大衛施華但就完全學唔到，彭馬偶像係馬列斯但就更加似大衛施華，10號位能力嚟講科登同彭馬真係差好遠

[@jasontse571]

彭馬絕對高科頓幾班 由控制節奏同閱讀球賽意識都保持到水準

[@99ghoston]

但點都好過同期既曼聯10號

[@WenweiJason-qb8ko]

我完全不觉得科登会好过庞马 不管在曼城。上个赛季踢到会飞还是因为曼城上个赛季是整队踢到很好 加上 rodri在身后 看看他过后在国家队 踢成怎样。一个厉害的球员不是你在整队状态好的时候 来刷数据然后自己踢到好。看看上个赛季 切尔西踢到怎样垃圾 一开始 只是后面庞马爆发到国家队 到现在还是那么厉害。这中才叫厉害

[@babybabybbbaby]

彭馬係現今英格蘭唯一天才

[@waiwaikeong]

記得何sir話過傳控足球係非常唔掂嘅足球戰術，但系放在現今足球世界確實最好亦系逼於無奈嘅戰術，因為依家嘅足球比賽太多了，傳控系為咗放慢節奏減少球員受傷給。只不過車仔俾出咗解決方案，就係買24個正選球員返嚟輪流踢就掂啦。。曼聯似乎都係朝哩個方向前進，個個有得落場做出貢獻。德比戰都可以唔出福哥加拿祖。新帥好野

[@WayneHo]

以前拉素試過，最終失敗，因為冇人甘願做B隊

[@alanapollo]

分析力夠獨到！

[@johnnylam7580]

刻薄點說，這場波是＜海軍對水兵＞，曼聯迷好開心可以反勝，曼城低潮幾時完結？

[@SteveeGui-e7y]

何sir, 曼城破密集進攻點沒有速度之外，有其他問題嗎？遠射能解決問題嗎？

[@tsuionki3245]

作為曼聯球迷都係支持換咗坦克。 眾所週知，以曼聯而家嘅財政狀況根本冇可能再大幅度替換陣容，坦克嘅能力已經見盡，阿莫林暫時嚟講各方面都算正路，近呢兩場佢似乎搵到方法激活舒克斯同安東尼，咁撇開陣式同踢法嘅爭議起碼呢樣嘢已經勝過坦克先啦，值得畀機會佢

[@joemok7779]

唔計紐尼斯送咁大份聖誕禮物，艾達臣真係回塘得好跨張，第二球佢完全反應遲鈍，完全跟唔到迪亞路。我係哥帥見到條後防又老又回塘，真係好無奈，睇黎之後都要出奧迪加。

[@alvinchan8717]

曼聯索性賣晒班大帝去沙特賺一筆仲好，曼城失第一球真係球員自己問題，曼聯球員都企定左係度，都仲要落腳產波，呢場應該本身係1一1，哥帥有時都係執着，成日都叫基亞利踢邊😂，後生仔又唔叫佢跑下企中間做默鬼

[@lineage2043]

所以賽後AMD都走去哥帅握手（買我啦好過1億兩億曼聯會放我走）

[@konanking4491]

球單刀比Mount都未必入啦😂 上場歐霸盃Mount都錯失咗兩球單刀

[@howardso01]

今季曼聯進攻唯一亮點就係Amad. 但TH 竟然 唔出佢, 有時連後備都無份, 所以抵炒. 曼城成隊波老化, 加上之前贏得太多贏到滯晒, 隊波缺乏爭勝心, 而家想話谷都谷唔起. 隊波需要新火花, 哥帥剛剛先續約唔會走, 所以睇嚟隊波下季要重建. 哥帥從未試過教一隊波教咁耐, 無乜經驗去maintain 隊波長居高峰, 曼聯費Sir 時代都有幾次高低起跌. 七小福 時代過去之後都經歷過三年低潮. 要到C 朗, Ronney 成熟先迎來一次高峰期.

[@WayneHo]

今季一開頭俾晒機會佢開季打正選，之後有一段唔用佢，背後係點解就唔知啦

[@howardso01]

@WayneHo 可能同Moyes 唔用Zaha 同一個原因. 😁

[@tigachiu4147]

如果當初坦克用多啲迪阿路，應該唔洗咁快抄

[@deantam4726]

Doku 走，先換走Maz 入Antony，成條右路唔同哂，呢個係turning point。

[@jackers2008]

迪亞路 頭錘 同埋 般奴 單刀 都有機會追和嘎...

[@lineage2043]

般奴算啦😂單刀又唔入，傳球又唔back check 控球又控出界 唯一就係點球夠信心🎉

[@WayneHo]

可以打和合理

[@lawtin]

爛船都有三斤釘，唔係三分釘

[@WayneHo]

收到

[@tommyau2002]

霍頓低迷，引致夏蘭特孤掌難鳴😅

[@brandonlau6323]

真係格食格，哥帥上場歐聯又係輸俾亞林，曼城上場對曼聯又係輸１比２，冇得做雙冠王。

[@SteveeGui-e7y]

咁撚辛苦諗住贏返啦，始終成場曼城節奏都拖慢得好緊要，唔急住嚟，其實已經有進步！但係同飛燕諾嗰場一樣戰術冇錯，球員心態冇錯，都可以輸球員發波瘟！球員今季不停自爆，其實係咪同年紀老化有關係呢？

[@cracklover3133]

😂魔性澎湃 應該絕左種

[@enghse888]

明顯今場波睇到連 mc最勁武器就係插入對手 half space都無，班波有心無力，amorim講 intensity出現左問題，即體能上，集中力同認知上

[@kwoksangleung9188]

⚽️⚽️⚽️⚽️⚽️⚽️⚽️⚽️⚽️⚽️

[@SteveeGui-e7y]

曼城唔送禮曼聯沒有機會贏！總算kovacic復出曼城開始會有好轉！最好買zubimendi派牌防中止血！

[@SteveeGui-e7y]

foden吃濕米！唔好講曼城球迷不體諒，已經聖誕啦！上季曼城靠他，但今季大回唐！根度簡都係！