اوبل كورسا 1000 سى سى و 1200 سى سى

مقارنة بين نوعين اوبل كورسا ال 1200 سى سى وال 1000 سى سى
الاوبل كورسا ١٢٠٠ سى سى موديل من ٩٤ حتى ٩٧
ودى ٤ سيلندر ١٢٠٠ سى سى ٨ صباب يعني ٢ صباب لكل سيلندر
قدرة 45 حصان وعزم ٨٦ نيوتن متر
أقصى سرعة للموديل ده ١٤٤ كم/ساعة والتسارع من ٠-١٠٠ في ١٧٫٤ ثانية
حقن إلكتروني (يعني فيها وحدة كمبيوتر موتور و رشاش ) ، لكن رشاش واحد للموتور كله
إستهلاك البنزين الصفيحة هتمشيك 200 كم داخل المدينة و بيقل استهلاك البنزين على الطريق السريع
اما بقا اوبل كورسا 97
الاوبل كورسا ١٠٠٠ سى سى موديل من ٩٨ حتى ٢٠٠٠
ودى ٣ سيلندر ١٠٠٠ سى سى ١٢ صباب يعنى ٤ صباب لكل سيلندر يعني أداء أعلى وقدرة المحرك ٥٥ حصان وعزمه ٨٢ نيوتن متر
أقصى سرعة ١٥٠ كم / ساعة ً والتسارع من ٠-١٠٠ في ١٦ ثانية
وفيها حقن إلكتروني متعدد النقاط يعني في وحدة كمبيوتر موتور و ٣ رشاشات واحد لكل سيلندر
إستهلاك البنزين الصفيحة هتمشيك 300 كم داخل المدينة و طبعا بيقل استهلاك البنزين في الطريق السريع
والصفيحة المقصود بيها 20 لتر للى مايعرفش
بالنسبة للكماليات
الاوبل كورسا ال 1200 سى سى فيها 2 زجاج كهرباء أمامي
فتحة سقف مرايات كهرباء كاسيت
اما الاوبل كورسا ال 1000 سى سى فيها تكيف باور كاسيت مفتاح مشفر لمنع السرقة
يعني ماينفعش تعمل مفتاح عادي و يدورها لازم يكون فيه وحدة الشفرة مبرمجة
العربيتين تجميع أسباني وفى كميه من العربيات نزلت موديل ٩٧ فيها موتور 1200 سى سى العادي لكن فيها كماليات الموديلين إلي قبليها و إلي بعديها
العربيتين فيهم حقن إلكتروني يعني فيهم كمبيوتر
حجم الشنطة صغير نوعاً ما
مقاس الجنوط في الموديلين ١٣ بوصة لكن فيه ناس كتير مغيرة و مركبة جنوط 14 علشان الشكل و الثبات
العربية ثباتها محترم جداً بالنسبة لحجمها
البور ستيرنج في ال 1000 سى سى كهرباء يعني بيخلي العربية ناعمة و مريحة اكثر
وإن كانت العربية صغيرة يعني بدون باور مش هتكون صعبة ولا تقيلة
هتلاقى ناس كتير بتفتي و تقولك العربية نص باور و ربع باور و دة كلام غلط هي ال١٢٠٠ سى سى مافيهاش باور اصلا لكن العادي بتاعها مش تقيل لأن وزنها خفيف ومحور العجل صغير والجنوط صغيرة
واصلا مافيش حاجه اسمها ربع باور ونص باور ياإما فى مكنة باور ياإما مافيش مش عارف بيجيبو الكلام ده منين اوبل كورسا
الاوبل كورسا ال 1000 سى سى فيها بعض الحساسات بيستخدمها كمبيوتر العربية عشان يحسن أداء المحرك و يوفر في البنزين زى مثلا اوبل كورسا 1999 اوبل كورسا بسعر 50 الف جنية
حساس كمية الهواء MAF وده وظيفته يقيس كمية الهواء الداخل للموتور عشان يحدد أنسب كمية بنزين تترش في كل سيلندر عشان يوفر أكبر قدر من البنزين بدون ما يؤثر على الأداء نهائياً مقارنة اوبل كورسا 1997 مع 2000
وحساس السرعة الخاملة IDLE actuator ودة وظيفته إنه يسخن العربية في حالة انها باردة ، يعني من الآخر زى الشفاط بتاع زمان ، كنا بنشده الصبح لحد ما تسخن العربية وبعدين نرجعه ، هو الحساس دة بيعمل كدة بالضبط بس اتوماتيك مقارنة سيارة اوبل كورسا
وفيها كمان حساس البنزين TPS ودة وظيفته انه يقيس دوسة البنزين بتاعتك قد إيه عشان على اساسها الكمبيوتر هو إلي يحدد البنزين إلي يدخل الموتور عشان حضرتك ماتدوسشى بنزين زيادة و الموتور مايستفدش منه أو يتحرق على الفاضي من غير طاقة تخرج منه أو العربية تشرق ،
وفيها حساس كهربا CPS ودة وظيفته انه يحدد توقيت الشرارة بتاعة الإشعال ، يعني بدل الإسبراتير ،
ودة بيؤدي إلى إن الشرارة بتكون في توقيت أحسن و أقوى و بالتالي الموتور بيطلع قوة أعلى ويلغي مشاكل الإسبراتير كماليات اوبل كورسا
وفيها كمان حساس تسقيف Knock sensor ودة وظيفته إنه يمنع تسقيف الموتور نهائياً عشان كدة عمرك ما تسمع موتور Ecotec بيسقف و كمان بيخلي العربية تتعرف على نوع البنزين المحطوط فيها و دي ميزة مهمة عشان الموتور يستفيد بالبنزين إلي بيتحط فيه على أكمل وجه حسب نوع البنزين بدون مشاكل اسعار سيارات اوبل
العربية ال-1000CC مفيهاش موبينة لكن فيها كويلات راكبة فوق البوجيهات على طول عشان تكون الشرارة الخارجه من البوجيه او شمعة الإحتراق أقوى بكتير وأحسن ، وهتلاقى فوق كل بوجيه كويل خاص بيه عيوب أوبل كورسا
الفرق بين الموتورين في شوية الحساسات دى بس ، اوبل كورسا اوتوماتيك مشاكل اوبل كورسا
الحساسات مشاكلها اكثر وصيانتها اغلى لكن في المقابل استهلاك بنزين أقل و أداء افضل و قوة أعلى ، و غالباً مش بيحتاج يتغير فيهم غير اتنين إلي هما عليهم ضغط و إستهلاك جامد حساسات اوبل كورسا
حساس الهوا MAF ، و حساس ال-TPS بتاع دوسة البنزين

[@عماد2025]

حضرتك محترم جدا وشاطر جدا ومعلوماتك أمينة ودقيقة جدا

[@احمدابوهاجر.ومحبيالحمام]

جزاك الله خيرا على مجهودك ♥️♥️

[@الحمدلله-ل2م9ذ]

أحسن واحد يتكلم عن السيارات ، صدق وعلم وأمانة 👍👍👍

[@anaselattar6446]

ظهورك دائما متميز يا باشمهندس ايهاب🤩🤩 عايز عربية هاتش باك من ٥٠٠٠٠ الى ٧٠٠٠٠ اية الاقتراحات اللى حضرتك تقول عليها

[@ehabbakr]

الفيديو نازل بكرة ان شاء الله فيه 10 عربيات جزء اول و9 عربيات جزء ثانى سعر من 50 الف الى 70 الف جنية اوتوماتيك بتكييف

[@mohammedmosbah1818]

السلام عليكم ورحمة الله وبركاته. هل فى امامك سيارة اوبل كورسا 1000 سى سى

[@mohammedgaroda8366]

نعم الواضح أنه محرك1000سي سي محرك كويس لأنه معروض عليا سيارة موديل2001

[@الحمدلله-ل2م9ذ]

❤❤❤

[@ahmedabouzied6726]

لوسمحت يابشمهندس بعد اذنك كنت عايز اتواصل مع حضرتك عشان اسألك بعض الاسئله انا استدفت من حضرتك قبل كدا ف شرا ال127وحاليا عايز احدث فكنت عايز اعرف من حضرتك الافاده اذا سمحت

[@samehhossny8463]

انا كنت ناوى اشترى كورسا 94 1200cc بس كدة متهيألي استهلاك البنزين عالي ولا موفرة في البنزين؟؟

[@الحمدلله-ل2م9ذ]

ياريت فيديو عن الدايو ماتيز

[@شنودهعزمى-و6ج]

يا بشمهندس ياريت فيديو عن الميجان وان والتو والفرق بينهم عمليا رايك يهمنا

[@عبدالرحمن-ح3د1س]

جزاك الله خيرا على المعلومات القيمة خليك في منتصف الشاشة يا أستاذنا تحياتي وتقديري

[@islamnabil9008]

ماشاء الله عليك يابشمهندس ايهاب 💖💝 والله مافى حد عنده ضمير وفاهم زى حضرتك

[@midoziko9805]

هل فيه رقم للتواصل مع حضرتك

[@ahmadalarbe5675]

اناعاوز عرببه حضرتك اوبل كورسا1000سي سي

[@a-ezzat5677]

حضرتك تنص بسوزوكي سويفت ولا نوبيرا 1 ولا اوبل كورسا وال هتنصح بي افضل موديل ,, السيارة استخدام عائلي

[@farahathamzawy6442]

أحلى لايك لأحسن مهندس سيارات فى مصر

[@mahamdhassan9289]

طب سوال بعد اذن حضرتك بالنسبة للماتور ١٢٠٠اقصي سرعة حضرتك بتقول ١٤٤اقصي سرعة امال عدادها لية ٢٠٠ وهل عمرها ما هتجيب اكتر من ١٤٤

[@ahmedaaliahmedali3703]

جزاك الله خير على معلوماتك الرائعة

[@dr.omarhassan6413]

نشكرك على مجهودك وهذا الشرح المبسط وبهذا القدر الكبير من المعلومات

[@ehabbakr]

الف شكر لذوق حضرتك جزاك الله الخير

[@bishoymaher6357]

اوبل تسعينات ولا بولو تسعينات و ايهما افضل يا استاذ ايهاب و شكرا

[@mostafashakweer7627]

هو اوبل 1200 احسن من اسبرانز 113

[@CR-su9dz]

سلام عليكم ا. ايهاب المحترم الافضل اوبل كورسا 2004 ولا رينو كليو تقريبا نفس السعر متوسط 75000 ؟

[@ehabbakr]

اوبل كورسا افضل تحياتي

[@mistermaths1141]

طيب حضرتك قدامي كورسا ٢٠٠٤ بس مغيرة ماكينه ل ١٨٠٠ cc هل ده مفيهوش مشكله

[@جمالعلي-ه3ن]

ياخوي لو سمحت عندي أوبل كورسا 3سلندر يعني محرك 3 1998 هل جيد المحرك أم أعطاله كثيره

[@dsabamekg7838]

يعني اشتري ان هي يا باشمهندس ل 1200 ولا 1000

[@mohammedgaroda8366]

انا معروضة1000سي سي

[@lzpharma8889]

كنت محتاج معلومات عن سيارة فلاير 1100cc بشمهندس واية قطع غيار تمشي معاها لاني بواجه صعوبة في الموضوع دة للعلم موديل 2006

[@samehelmassry4213]

السلام عليكم ازيك يا بشمهندس ايهاب مجهود اكثر من رائع ممكن تعمل مقارنه بين نوعين سكودا فليشيا 1300 سى سى كربرتير وانجكشن و 1600 سى سى انجكشن تحياتى يا خالوق

[@ehabbakr]

ان شاء الله

[@amralgebaly7072]

تستحق كل تقدير تحياتي لحضرتك

[@dsabamekg7838]

السلام عليكم يا باشمهندس بيقولوا في تويوتا طالع جديد يا فندم تعمل540في الصفيح

[@adadaewoo2948]

ممتاز...ربنا يباركلك

[@ahmednaser1061]

محتاج مساعده حضرتك عاوز عربية في حدود 70الف تكون حالتها محترمة

[@Omar-q1q]

حلقه الجمارك

[@aedm8]

تحيه طيبه اخي ،👏

[@mohammedqassim1690]

مجهود اكثر من رائع .. تسلم يا محترم .. لو امكن مقارنة وافية بين كورسا وفيستا بالبيانات الوافية اللي حضرتك بتتميز بيها جدا شكرا

[@ehabbakr]

إن شاء الله

[@عبداللهالمكاوي-ف9ن]

نرجو ارسال لى تلفون خضرتك يا استاذ ايهاب

[@abooanase]

والله اني أحبك في الله جزاك الله الخير 🤲🏻 الحمد لله اني سمعت رأي حضرتك في العربية الكورسا لأني هشتريها ان شاء الله

[@ehabbakr]

جزاك الله الخير

[@elkaptin9642]

مشكور

[@AhmedAli-zx1mm]

بارك الله فيك

[@malakrezeik8978]

فيديو رائع مليان معلومات قيمة

[@jawadalhaj6471]

لمحه عن مضخة البنزين في أوبل كورسا 2003

[@sarasalem7308]

،👍👍👍👍👍

[@محمودعدس]

في طريق السفر العربيه تمشي بنفس الصفيحه أكتر من جوه البلد

[@ehabbakr]

اكيد

[@محمودعدس]

حضرتك عكستها في كلامك 😊

[@ehabbakr]

معلش جل من لا يسهو

[@محمودعدس]

@@ehabbakr ولا يهمك 😊

[@ehabbakr]

انا راجعت الفيديو مافيش اي غلطات حضرتك بس اللي مافهمتش المقصود انا بقول بتعمل ٣٠٠ كم في الصفيحه وعلي الطريق السريع الاستهلاك بيقل معناه علي الطريق السريع بتستهلك اقل من صفيحه يعني الصفيحه تمشيها اكتر من ٣٠٠ كم

[@جمالالدينمحمدعبدربهمحمدعبدربه]

مساء الخير يا استاذ إيهاب انا من أشد المعجبين فيديوهاتك ربنا يوافقك

[@ehabbakr]

الف شكر لذوق حضرتك ودعمك

[@sheikhAbdelrahman]

تسلم يا باشا على المعلومات القيمة

[@yasserebrahim8198]

الله ينور يا هندسة

[@mustafaeisa1570]

عايز عربية اوبل أقل من ١٦٠٠ وتكون اوتوماتيك في حدود ٤٠ الي ٥٠

[@maegdffahmy3885]

الاوبل كورسا 1200cc1994 ولا كيا برايد 2000 اوتوماتيك 1300cc

[@Ala79wad]

👍

[@alx970]

استاذ ايهاب لو سحمت معايا لانسر بومه من الزيرو و عاوز اشتري سيارة اكسباندر عائليه و عاوز رأي حضرتك

[@MrAdel1963]

وحشتنى اخي الحبيب كبير المقام ايهاب بكر - بيك اخوك عادل

[@ehabbakr]

حبيبي جزاك الله خيرا منور الدنيا

[@mahasheta4925]

ممكن اعرف السعر بتاع الأوبل ١٢٠٠مانيوال تعمل كام اذا تكرمت

[@بلبلواحد]

يا باشا عاوزك تجيب لي حاجه عن الفرد فستيا97

[@drmmtalaat]

ممكن تعليق علي ستروين اكسارا 2 وستروين سي 4

[@ehabbakr]

شغال على فيديو من 50 الف الى 70 الف عربيات اوتوماتيك بتكييف منهم الستروين اكسارا

[@اللغهاحليمعمسترمحمود]

حضرتك ما تكلمتش علي قطع ابغيار هل متوفره

[@badweygouda8484]

ماشاء الله ايه الجمال ده ... انسان محترم وخلوق وامين فى معلومة اتمنالك التوفيق والنجاح المستمر وكل التحيه والاحترام والتقدير لشخصك الكريم

[@ehabbakr]

الف شكر لذوق حضرتك ودعمك جزاك الله خيرا

[@badweygouda8484]

@@ehabbakr العفو من حضرتك والشكر لله وجزاك الله خير الجزاء

[@saidkamal8875]

كيا برايد أفضل ام هيونداي اكسيل؟

[@ehabbakr]

كيا برايد الكورى موديل التسعينات افضل لكن الإيرانى سيئة

[@hjuyhjbgfh1053]

كل عام وانت بخير سعر الاوبل كم يا فندم كورسا

[@جمعهجابر-ف2د]

ممكن تبعتلي رقم

[@mondybabar3921]

بارك الله فيكم وجزاكم كل خير

[@ehabbakr]

الف شكر لذوق حضرتك ودعمك جزاك الله الخير

[@Hassan_ahmed2218]

كل عام وانت بالف خير 💙💙 معلومات قيمة بجد ربنا يجازيك كل خير✅️✅️

[@ehabbakr]

كل عام وحضرتك بصحة وسعاده

[@AhmedSaad-il9jd]

راي حضرتك كورسا ولا بولو ٩٧

[@raniahussien7741]

استاذ ايهاب .لو محتاجة حضرتك تختار معايا عربية اعمل ايه ؟

[@3amercom129]

ده عامل حملة مقاطعة #والله_مانا_شاري 😂

[@ehabbakr]

للاسف يافندم انا مقاطع

[@raniahussien7741]

طب والله ما انا شاريه انا كمان ولا تزعل نفسك 😂

[@hbyh4979]

بحبك فلله ولله

[@ehabbakr]

جزاك الله خيرا

[@ابوخالد-ل2ع7ف]

تقرير مميز كالعاده ايهاب بك المحترم

[@ehabbakr]

الف شكر لذوق حضرتك جزاك الله الخير

[@eamt1567]

ايه رأي حضرتك في الشاهين محتاج عربيه وانا اول مره اشتري عربيه في ناس بتقولي هات شاهين

[@ehabbakr]

عربية محترمة الشاهين لكن اكشف عليها كويس لان كل الشاهين اللى شوفتها فى السوق فيها بارومه كتيرة بالتوفيق ان شاء الله

[@تامريوسف-س9ع]

بتبدا من موديل كام

[@بلبلواحد]

عاوز وحدي

[@Omar.bin.khattab]

شكرا يا هندسة ... بارك الله فيك

[@ehabbakr]

الف شكر لذوق حضرتك جزاك الله الخير

[@aborodaina9552]

ربنا يبارك لك ياريت تعمل لنا فيديو عن الفيات تمبرا لوسمحت

[@ehabbakr]

لن شاء الله قريبا

[@aborodaina9552]

شكرا لذوق حضرتك

[@ehabbakr]

تحت امرك

[@محمدصبحى-ض8خ]

السلام عليكم كنت عاوز اعرف الاوبل الكورسا موديل ٢٠٠٠ برازيلي ولا الماني ١٠٠٠سي سي

[@ehabbakr]

الاوبل كورسا المانى واسبانى وبرازيلى والاوبل استرا المانى وبرازيلى وكلهم احسن من بعض تقفيل البرازيل او اسبانيا زى الالمانى بالضبط وعندهم مراقبة جوده محترمة

[@محمداعمرادريس]

برك الله فيك وعملنا فيديو علي الوبل استر 1997

[@ehabbakr]

ان شاء الله جزاك الله خيرا

[@معداويالمعداوي]

تحياتي استاذنا ما معني العزم وكلمه لكل نيوتن

[@ehabbakr]

اتفرج علي فيديو الفرق بين العزم والقدرة ببيشرح الموضوع بالتفصيل

[@magednabil2506]

يا ترى بعد سنتين تلاته سعر العربيات هيختلف اللي في حدود 60 الف

[@ehabbakr]

نتمني السعر يقل

[@magednabil2506]

@@ehabbakr ياريت يا بشمهندس شكرا لحضرتك ومنتظر المزيد من فيديوهاتك الرائعه

[@lonesurvivor2124]

راي حضرتك في كورسا ٢٠١٥ اتوماتيك ؟! هل هي اعتماديه ..

[@ehabbakr]

اعتماديه لكن قطع غيارها غاليه

[@mohammeda8033]

استاذ إيهاب لو سمحت هل الفلوس بولو افضل ولا اوبل كورسا هاتشباك وهل في حاجة افضل منهم هما الاتنين مع العلم اني يهمني جدا الباور في العربية وتكون العفشه ناعمه على الطريق

[@ehabbakr]

فيديو نازل بكره ان شاء الله فيه 10 عربيات فى الجزء الاول بسعر من 50 الى 70 الف اوتوماتيك بتكييف وعدد 9 عربيات فى الجزء الثانى وهرشح منهم 4 عربيات من افضل الانواع فى الجزء الاول و4 فى الجزء الثانى

[@محمدعبدالعاطىمحمدعبدالعاطى-ذ6م]

بجد حضرتك راجل محترم جدا وشرحك صريح ومفيد

[@ahmadalarbe5675]

اجبهامن منين

[@ehabbakr]

من موقع اولكس او جروبات الفيسبوك بتاعة الاوبل