Рет қаралды 5,092,789
كلمات الأنشودة
احنه الاثگال الخالسين المنطقه
احنه الشيوخ وأحنه حبل المشنقه
....
احنه رقم واحد فقط
احنه شيوخ اعله الارض
النه ولهلنه المعركه
والملعب بطول وعرض
نلوي الشوارب بالعرك
والصعبه من ندخل تفض
احنه الكبار اعله العرب
بالفزعه ناخذهم ركض
الما يعرف تدابيره حنطته تاكل اشعيره
البايع گاعه للغربه يموت بذله بالديره
عرفنه الباگنه ونعرف اليوميله
ويه اهل الفشك لا يلعب بذيله
احنه ازلام الصدر الكلفه
يمنه الموت اطرش بالزفه
....
احنه الملاليچ الصدگ ونتم فلح
يا ما صاخين وأحنه النگط ملح
عالين من الله وزلم
مثل النخل لا ما نطخ
زلم العراق اهل الفشگ
والشابع العايل كفخ
نشتري العركه مشتره
والسيف يطرب عالچرخ
ماتدري الاملح لو قفل
چيلاته ينجخهن نجخ
فگره اليندگ اويانه يشوف العار والذله
احنه اهل العزوبيه اهل الگهوة والدله
والعايل علينه انعزبه بچيله
ولد الملحه احنه انموت عالعيله
نفزع عالعايل نتحفه
يمنه الموت اطرش بالزفه
....
احنه الازلام الكلفه والگول وفعل
من فگر روحه اليغلط اويانه ويزل
الكشخه احنه اعله الزلم
اهل البخت والهيبه
الشور يمنه والحچي
بالراس احنه الشيبه
والعال بينه للسمه
لو طار هم نجيبه
احنه العگل وهل العگل
احنه الملح والطيبه
ونكيف عالطلابه ياهو الي يلاگينه
احنه ازلام گصابه وشحده اليمر بينه
مثل العنبر احنه وريحت الهيله
نركض عالطلابه اسرع من الچيله
انسوي بگاع الخاين خسفه
يمنه الموت اطرش بالزفه
الشاعر علاء سالم
اداء
جعفر المطيري و يوسف الصبيحاوي
غالب الكناني و احمد الشمري
علي العتابي و قاسم الساعدي
الهندسة الصوتية
حسين الزهيري
تصوير ومونتاج
حسين عادل
توزيع شبكي سمير الدبي
#يوسف_الصبيحاوي