Рет қаралды 8,765
Mapuzüngufinge *
Kuse *
Ta ñi küme kewüṅ,
mapuche kewüṅ aṅay,
elelfiel nga ñi pu choy'.
Kom *
Mapuzüngufinge,
ta in nütram allkütunge,
kom pikeyin: yewekilnge!
trepepe ta mi piwke!
Kallfüllüfken *
Kuyfi mew ta in kewüṅ pewütuy ta in mapu mew,
pu kuyfike che em allkütumekefuy engün
itro fill mongen, üñüm ñi ülkantuael, kullin ñi zünguael.
Femngechi pelontukefuy engün
mülerkefuy kiñe fütra züngun, kay kiñe fütra kimün,
fey azümürkefuy engün chumngelu mapuzüngun pingelu,
chem mew am mapuche pingeyin.
Millako *
Inche küpa mapuche ülkantuael ñi püñeñ mew,
ta ñi pu trem che turpu mapuche ülkantulaenew.
Femngechi ta ñi koñi llükallükalaay,
kim chengerkeay, kim mapuchengeay,
tuwün kimnieay, ñi chezki kimuwalu,
fey mew ta ta ñi koñi ta ñi rüpü trekaalu.
Trepen, mapuche zomongen,
choyün trepeam, choyün trepeam
mapuzünguken.
Filutraru *
Ta mi chaw ta mi ñuke mew ramtufinge aṅay,
fey 'tra rume kimi engün, küme kimeltuay.
Ta in mapuche züngun nga inchin piwkentükuayin,
kom pu kimke che mew kom rume allkütuayin.
Pu chaw pu ñuke, rume kimeltumün ta in kewüṅ mapuche,
yewelkimün aṅay, nieymün fütrake kim che,
pichike wecheke che küme azümngeay,
llowzünguay ñi piwke.
Kurin *
Inche kimlafun ta ñi mapuzünguael,
welu trepelün ta ñi kimün ka rakizuam.
Inche kimuwün kom ta ñi pu lamngen,
fewla fillke aṅtü mew inche zoy kimael.
Kallfüray *
Inche ta ñi tayül mew mapuche zünguken,
fentren ṅewen mew inche ta kultrungken,
müna wangüŀen kuyfike che ñi kelluael
traftrafmekey ñi piwke rume ṅewentungeael.
Llitu püruan, allkütuan mapu mew,
ti pu kura züngukey, nütramkaenew,
ti kürüf ñi kuyfi ülkantun trepeenew,
rume ṅewentulen ta ñi kimün mew.
Waykil *
Ta in mollfün küpali kuyfi ṅewen, kuyfi rakizuam,
inchin ta zünguafuyin fey mew ta yewenuael,
inchin züngukeyin itro fill mapu mongen mew,
fey mew ta fey mew rume yamyekeenew.
Sakingele ta in kewüṅ, sakingele in mapuchengen,
ta in tükulpayeel inchin ta in weychafe em,
pu püllü kuñütuwmalkeyin wezake züngu mew,
ŀawen mew ŀawentulen, küme ŀawen eluenew.
Aleküyeṅ *
Mañumkülekeyin tüfachi kimün mew,
mapuzüngun elungeyin ta in püllü ṅewentuael,
mapuzüngun mew akutukey ta piwke,
felelay español wesa wingka zünguael.
Aflaay, kom ingkawayin ta in kewüṅ,
trekaltuayin, zünguayin pichike che mew,
femngechi azümtuayin kuyfike che ñi züngun,
azümtuayin kuseke papay füchake chachay ñi kimün.
Kaweskar G. *
{Kaweskarzüngun}
afselái lájep, afélai qólok.
afksésta kawésqar [cepaqas kelok]
[jesa] aes kawésqar-jeqe afsenak
[jesa] k'oanak [jeta] kualok-jénak
Kollella *
Zünguleyin ta in kewüṅ mongeleay, aflaay kay,
nütramkaleayin mapu ñi ṅewen mew,
kom rume kümelkaleayin, mañumkülekeyin
ta in kuyfike che em mew, kimün ka ṅewen mew.
Ta in ñuke ñi züngu kimuwayin, ingkawayin,
fewla rume ayüwküley ta ñi piwke,
ta in weychanngealu ta tüfa,
küme züngu ta in wüño azümtuael.
Filutraru *
Ngeykuftukey ta in piwke, traftraftukey,
ṅewentukey, züngumekey, ngillatukey,
fey mew ngünemapun allkütukey
ta in mañumngeael ta in küme allkütuael,
ta in azümtuael, inchin ta in kimün piwkentükuael.
Kiñe fütra lemuntu inchin, fentreleyin,
wenutuayin ta in kewüṅ, ta in mollfün, kom kiñewküleayin.
Chumngechi üñüm ñi ülkantun inchin ka fey ülkantuayin,
chumngechi fütra koyam inchin wüño choyütuayin.
Mawiza, wangüŀen, kürüf, kütral züngukey,
kay llüfken, ŀewfü, ŀafken, ti lemu nütramküley.
Mapuche züngun mew piwke mew puwtukey,
mapuche züngun mew ta in ülkantun tripaley.
Kom *
Mapuzüngufinge,
ta in nütram allkütunge,
kom pikeyin: yewekilnge!
trepepe ta mi piwke!
(transcripción al mapudungun por Hugo Campbell Sills y al kawesqar por Danilo Viličić Alarcón)