تجهيز تويوتا اف جي Fj الجديدة للبر

السيارة هذه تم تسليمها لنا وهي وكاله بدون اي تعديل
وبالتالي انا واخوكم فادي اشتغلنا على تجهيزها بشكل كامل للبر نفس ماتشوفون فالفيديو
طبعا التعديلات هذه صارت بناءا على مقترح التعديل اللي قدمناه للعميل بالاشياء اللي بيحتاجها وبناءا عليها بدينا شغل في تجهيز السياره حتى تكون جاهزه لطلعات البر
الكثير حاب يجهز سيارته ولكن يروح يركب قطع فالنهايه يكتشف انها غير مناسبة له وما وفرت له النتيجة اللي كان يبحث عنها
ولكن مع اخوكم بوخالد وفادي التجهيزات كلها هذه صارت من خبرة طويله لنا فالبر وفي تجهيز السيارات وهذه اللي خلتنا نقدر نعدل السياره بهذه الطريقة الصحيحة اللي من بعدها مابيحتاج العميل يرجع يعدل او يستبدل قطعه بالمستقبل...يعني استثمر فلوسه مره واحده في تطوير ورفع اداء السياره
#nissan #vtc #turbo #explore #wheels_kingdom #offroad #desert #jeep #uae
#dubai #gopromax360 #insta360 #rally #فتك #نيسان #بر #modified #dubailife #4x4 #fj #wrangler #patrol #y61 #tb48 #rubicon #beautiful #sand #nature #sunset #safari

[@rashedalfalasi5281]

الصوت يباله تعديل. صوت بو خالد اسمعه يسار و فادي يمين. يعطيكم العافيه

[@wheels_kingdom]

اشكرك على الملاحظه وبنعدلها مستقبلا عشان ماتتكرر

[@ORD_JO]

ماشاء الله ع ال FJ عيبها الكبير الرؤية و بدرجة اقل ازعاج الهواء يعطيكم العافية 👌

[@fjtalal429]

ما شاء الله تعديل احترافي ومميز طبعا خبرتكم لها دور كبير . شرح وافي ومعلومات مفيده . ربي يوفقكم ويحفظكم دائما وابدا

[@kuwaitl]

الله عليك يابو خالد ابدعت .. والله يبارك له بحلاله موتر متعوب عليه شغله نظيف و مرتب

[@mpmaq2452]

بالتوفيق لك بوخالد وللاخ فادي عساكم ع القوة

[@tahavelo4753]

تحياتي لك من لمغرب واحلى فديو ياابو خالد

[@AnwarAlShanti]

عن تجربة الافجي سيارة جباره في البر بدون تعديل

[@GoogleXXXXX]

ماشاء الله تبارك الله ❤

[@cr7_979]

حياك يمعلم ❤😁

[@wesamfahd4171]

Great job.. Thanks for the informative vid

[@Khalidbmt]

م شاء الله تبارك الرحمن ربي يبارك لك

[@abdullahaldosri8595]

السلام عليكم اذا ألغيت الكارونة الأمامية في الفتك هل راح يفرق معاي الوزن

[@magician4444able]

فيديو مفيد جداً ، شاكر لكم، سؤال للاخ/ فادي تخبر مساعدات extended travel للافجي سعرها رخيص و اداءها جيد، بحكم اني اطلع في المواسم فقط. انا لقيت Dobinsons Extended Travel هل تتصحني فيه ، بحكم اني رافع الموتر 3 انش. و شاكر لك مقدما

[@fadibalaawi5281]

اهلا اخوي، الدوبنسون براند استرالي معقول وجيد، لكن في الاخر يعتمد على معايرة الجمبين Tuning. لكن انا افضل بخصوص البر البراندات الامريكية مثل الكنق والفوكس والايكون.. لانه نظام الجمبين مصمم للسرعات العالية مثل الرمل والصحراء

[@saadbinfaraj]

ماشاءالله تبارك الله تعديل جداً رائع ويعطيكم العافيه عالفيديو الجميل عندي سؤال بخصوص ليش وقع الاختيار على القير الاوتوماتيك بدال القير العادي دام ان السياره مخصصه للبر ؟ وهل فعلا قير الاف جي الاوتوماتيك ما يحكر او يثبت على نمره ؟

[@wheels_kingdom]

التويوتا ماعندك مشكله فالاوتوماتيك غياراته ممتازه وتقرد تبدل وترجع غيار بسهوله عكس السيارات الثانيه القير عادي فالاف جي ماله قطع غيار في صعوبه انك تحصل القير لو كسرت قيرك

[@أبوناصر-ز2ع]

ابوخالد وش نوع الكمبيوتر اللي على موترك الفتك❤

[@wheels_kingdom]

ماكسس

[@adelalsaweed9235]

محتوى بعض بول الخليج اكثر منا السعودية

[@abosal]

فيه افجي جديد وقديم؟

[@fadibalaawi5281]

اخوي المقصود في الافجي القديم والجديد المكينة القديمة والمكينة الجديدة، ثنيناتهم ٦سلندر ٤لتر ون جي ار، لكن في اختلافات بينهم في الهيد والاداء

[@bu3azoozz263]

شغل عدل

[@Ukojakk]

نوع الجير كولر

[@khalidalajmi57]

من وين العداد و كم سعره؟

[@Abodi1992FSA]

معك في كل حاجه لكن انك تقول مساعدات كنق لاستخدام الشارع او استخدام خفيف ماني معك في هذي ابد مساعدات ادفع فيها فوق ال ١٠ الاف عشان تقلي بستخدمها في شارع ولازم اعدل عليها عشان استخدمها استخدام خشن معلش تسويق مضروب

[@wheels_kingdom]

مثلك مابيستوعب هذا الكلام لانه ماعنده خبره فالبر وولاجرب سيارات مختلفه وجامبينات مختلفه عشان يفهم اللي نقوله الحل بسيط سوي شويه ريسيرج فالقوقل وهو بيجاوبك نفس كلامي

[@Abodi1992FSA]

@@wheels_kingdom يعني مُصر ان الكنق لاستخدام الشارع 😂 يعني ياجماعة الخير لا احد يشتري كنق الا لازم يسوي تيون عليها لو ماسويت تيون ماتنفع كثير في البر ركب كنق عشان تستخدمها في الشارع ، شوف قد اكون مافهمتك زين في شرحك او تكون ماوصلت المعلومة صح لكن لاتبين للناس ان لازم اذا غيرت مساعدات لازم تسوي عليها تيون وهي لاستخدام خفيف او للشارع مو كل الناس بتستخدم المساعدات نفس استخدامك فا المقصد انه تقدر تشتري كنق وبدون تيون وتستخدمها استخدام مو عادي استخدام فوق القوي وبتعيش معك وبتستمع فيها هذا مقصدي

[@fadibalaawi5281]

​اهلا اخوي.. بالعكس مش تسويق مضروب، هو فعلا المعلومة ممكن ما وصلتك بالشكل الصحيح، ابوخالد لما يقول سواقة شارع يقصد شارع / بر لكن في المعقول، وسرعات معقولة. يوم تجي بدك تزيد الليفل وتسوق سواقة بر مستوى عالي مثل اللي نسوقه لا كنق ولا غير كنق يتحمل الضرب والخشونة اللي يصير على الجمبينات.. كثير مواتر وقطع تكسرت مع الشباب اللي يطلعون للمستوى هذا من غير معايرة جمبينات بالشكل الصحيح.. ​@@Abodi1992FSA

[@fadibalaawi5281]

​@@Abodi1992FSAوطبعا الاغلبية من الشباب تدخل البر وتسوق وتطلع وما تحتاج معايرة جمبينات.. لانه سواقتها سواقة طبيعية، اي جمبين يتحمل مثل هاي السواقة، لكن يوم تجي بدك تطلع في المستوى، وتشد على الموتر، وتستفيد من الجمبينات اللي اشتريتهم فعلا فقط التيون الصحيح هو اللي يخليك تستمتع وتكسب ثقة عالية في السواقة والثبات وتضرب اي سرعات تباها على اي عرقوب قدامك 😉

[@tariqalshammari5940]

يبقى عيبه انه تماتيك والبر يبي له عادي

[@fadibalaawi5281]

كلامك منطقي، لكن الافجي والتيوتا بشكل عام قير الاتماتيك جدا ممتاز ويجاوب من غير تأخير، ويحكر على النمرة اللي تباها.. قير العادي في الافجي في عليه مشاكل في السينكرو جيرز.. ما يستحمل ضغط عالي على فترات طويلة

[@jihadbaba2582]

Very interesting build!