ولد بسيط اصبح افضل لاعب كرة القدم بعد ان عاش تجربه صعبه وبيقدر يسجل 8 اهداف في 10 دقائق

ولد بسيط استطاع ان يصبح افضل لاعب في تاريخ كرة القدم بعد ان عاش تجربه صعبه وبيقدر يسجل 8 اهداف في 10 دقائق
مع انه كان ولد بسيط وعاش تجربة صعبة في حياته وهاجر مع اهله من البوسنة للسويد، الا انه اثبت موهبته في كرة القدم من اول ماتش لعبه، وقدر انه يسجل لوحده 8 اهداف في 10 دقايق بس وبعد ما كان فريقه مغلوب 4-0، غيّر النتيجة وهو اللى فاز بـ8 اهداف مرة واحدة.
يا تري عارفين مين اللاعب ده؟ لاعب سويدي اتنقل بين كل فرق الدوري الاوروبي، لعب في مانشستر واياكس، وسان ميلان والريال وكان من اقوي لاعيبة جيله.... تعالو نشوف مع بعض ونعرف ايه حكايته ومين هو....
بيبدأ الفيلم مع فريق (اياكس) ومجموعة من اللاعيبة كانو بيتمرنو، والمدرب كان بيوجههم ويعدّل طريقة لعبهم، وكان مركز علي لاعب بعينه وهو (زلاتان ابراهيموفيتش)، واللى مكنش بيلعب بالطريقة اللى المدرب بيقوله عليها ولا بيعمل بتوجيهاته، وده بيخلي المدرب يوقف التدريب ويزعقله عشان مش بيسمع كلامه وبيطرده من الملعب لغاية ما يبقي يقرر انه يحترم الفريق بتاعه حتي لو مكنش بيحب المدرب او بيحترمه.
لانها في النهاية لعبة جماعية ولو هو اتكاسل او قصر، هيأثر علي الفريق كله.
وساعتها (زلاتان) بيخرج من الملعب ويركب عربيته الاحدث موديل ويرجع بيته، وبيقضي وقته طول اليوم بين لعب البلايستيشن ومتابعة الاخبار.
وبيتضايق جدا لما بيسمع في التليفزيون رأي الناس فيه وانهم مش شايفين انه يستحق يلعب في نادي (اياكس) اصلا وانه يلبس التيشيرت بتاعه. حتي مبيقدرش يستحمل الكلام اللى كان بيتقال عليه وانه مهاجر كسول ملوش مكان في بلدهم...