Рет қаралды 8,271
خبير اثار بيقدر يعرف القطعة المزيفة بمجرد اللمس بيلاقى نفسه فى مواجهة اكبر عصابة فى العالم عشان يدور على تمثال نادر
بيبدأ الفيلم مع قصة بيحكيها بطلنا " زو يوان " بيقولنا فيها على المأساة اللى عاشها لما كان طفل صغير ,, و بحكيلنا انه كان عايش حياة جميلة فى الاول ,, لحد ما جه اليوم اللى جده اللى بيشتغل خبير للتحف والانتيكات اتورط مع رئيس شركة بلوسوم الكبيرة المشهورة بالتجارة فى التحف دى ,, و رئيس الشركة وقتها عرف ان حجد " زو يوان " باع تمثال اثرى غالى لجامع تحف يابانى ,, و بسبب كدة قال عليه شخص خاين و حكم عليه بالاعدام و اتنفذ فيه الحكم فى مكان عام قدام كل الناس ,, و الموقف كان مؤثر جداً ومكنش راضى يخرج من دماغ " زو يوان " مهما عدت عليه السنين ,, لكن المشكلة ان من الوقت ده وكل حاجة اتدمرت ,, و الناس فى الشارع بقت تشاور عليه و تشتمته هو وعيلته ,, و الاطفال الصغيرة كانوا بيضايقوه و بيرموا عليه ورق شجر و بيرموا طوب ,, و كمان اللى زود المشكلة ان والدته توفت بعدها على طول و كمان باباه سابه لوحده واختفى ,, و ده اللى خلى " زو يوان " يعيش لوحده من غير اسرة