Woordfees-gesprek: Sê jou sê oor die Taalmonument ná 45 jare - Afrikaanse Taalmuseum en -monument

ATM maak buiging by Woordfees 2020
Die ATM het as deel van sy 45ste bestaanjaar op Dinsdagmiddag, 10 Maart, in Stellenbosch die vraag gestel oor wat presies in 2020 herdenk gaan word.
ʼn Paneel van kenners het gekyk hoe vanjaar se feesvieringe ʼn geleentheid kan bied om ’n strategie te vind om dié kontinentale kultuurbate relevant te hou. Alle teenwoordiges was gepols oor hul versugtinge wat die monument en museum betref.
“Hoe bewerkstellig die ATM ’n omgewing waarbinne maatskaplike samehorigheid, taaltrots en inklusiwiteit geskep kan word onder ’n taalgroep met die grootste rassediversiteit in die land?” het Michael Jonas, die ATM se direkteur, aan dr Marlene le Roux, Kunstekaap se hoof uitvoerende beampte, me Alana Bailey, AfriForum se hoof van kultuursake, prof Steward van Wyk, dosent in Afrikaanse letterkunde, en prof Wannie Carstens, taalkenner en skrywer, gevra. Gehoorlede het ook die geleentheid gekry om vrae te vra en bydraes te lewer.
Jonas het agt kwessies aanspreek en elk van die paneellede was gevra om uitgebreid op twee spesifieke vrae te antwoord. Daarna was daar ʼn lewendige ope gesprek. Die gratis geleentheid was van 15:30 tot 17:30 in die Adam Small Seminaarkamer in Victoriastraat.
www.taalmuseum.com
Facebook - / afrikaansetaalmonument
Twitter - / taalmonument
Instagram - / taalmonument