Рет қаралды 112,918
朱買臣之迫寫分書 胡美儀 / 大AL 6:52
曲︰古曲 詞︰佚名 編︰李章明
女︰我錯嫁買臣歎倒運滿心苦困
佢兩餐都不繼 自稱君子樂貧
我最怕捱窮 心真不甘嘅
我暗地裡結識情郎 立心改嫁別人
女白︰哈 個隻咁嘅朱買臣呀
斬柴斬到日頭落崗都味 “懶” 返嚟嘅
一陣間佢返嚟呢 我就要迫佢同我離婚至得
男︰真係悲失運 二豎侵今朝我重發緊冷
帶病入山行 不幸我家有一個蠻妻
可歎佢難安份 只知把虛榮貪慕 不知所謂淑婦安貧
真個是柴米夫妻 事事要強為啞忍
女白︰哈 乜你捨得 “懶” 返嚟啦咩
男白︰阿如花 我今日唔知點解
上山斬柴覺得沾寒沾凍咁 好辛苦呀
你出去執劑藥返嚟煲俾我飲好嗎
女白︰哈 話之你死啦
男白︰哎吔 阿花我同你做咗禁耐夫妻
你都唔好咁絕呀你
男︰你為何待我咁忍心 一旦當路人
女︰你寒貧咯 男︰賒劑藥我飲啫
女︰執藥要銀架
男︰嘆貧窮在路邊無人問 苦煞你良人
女︰你個正病壞災瘟 更令你妻捱窮受苦困
男︰艱辛你要暫強忍
女︰我飢饉實惡忍 不再受你呃氹
女白︰聽住喇 宜家有人就俾錢你同我離婚
你究竟應唔應允呀
男白︰我呸 離婚
男︰拒絕錢財難退婚 你係如花休變心
你是我嬌妻 焉能另再婚 嫁夫縱是窮亦要安份
女︰你確實養妻都無能 重弊過一碌棍 鬼願共你捱貧
男︰唉 不過暫時累你遭苦困 終有日大富來臨
女︰請問何時你個窮鬼至會轉運 我冇咁得閒為你等架
男︰妻呀你要想真
女︰想去想來都要另配婚