عاوزين 3 اجوان - مصر و الجزائر 2009 في تصفيات كاس العالم 2010 | الجزء الثالث | الله يا بلادنا الله

مصر و الجزائر 2009 على ستاد القاهرة ،، في اخر جولة من تصفيات كاس العالم 2010
منتخب مصر بالجيل الذهبي في تصفيات كاس العالم 2010 بجنوب افريقيا
بنسترجع مع بعض زكريات منتخبنا في الفترة دي .. نوستالجيا منتخب مصر
اثارة مباراة مصر و الجزائر في التصفيات
منتخب مصر
تاريخ منتخب مصر
الجيل الذهبي لمنتخب مصر
مصر و الجزائر 2009
تصفيات كاس العالم 2010
مصر و كاس العالم 2010
فيسبوك كوتش الغلابة : / coachelghalaba
تيك توك كوتش الغلابة: / coach_elghalaba
لو الفيديو عجبك اخبط لايك ,, وسيبلي رأيك في الكومنتات
واعمل سبسكرايب للقناة عشان يجيلك كل جديد ♥
#منتخب_مصر #كوتش_الغلابة #ملخص

[@mohammedchennaoui4510]

إتفرجت على الماتش ده في البيت مع زوجتي عليها رحمة الله و رضوانه و بعض الأقارب ، كان عمري وقتها 29 سنة و قضيت العشر دقايق الأخيرة واقف من التوتر و العصبية ... كانت أيام جميلة ♥

[@loser1729]

أنا والله اكثر شعب احبه مصر و ان شاءالله نتأهل احنا الإثنين للمونديال المقبل ❤️🇩🇿🇪🇬

[@Europeanfootball2-rg2my]

شكرآ انا مصري انشاء الله

[@coachelghalaba]

ان شاء الله ♥️♥️

[@Europeanfootball2-rg2my]

@@coachelghalaba انت مظلوم

[@yousefelazapy7228]

إن شاء الله ♥

[@sportinglion941]

يا أخي أكتب إن شاء اللَّه هكذا بشكل صائب​@@Europeanfootball2-rg2my

[@Abodahm_9]

الله على جيل مصر التاريخي اللي حقق ثلاث بطولات امم افريقيا متتالية منتخب يستحق يشارك في كأس العالم لكن كرة القدم ظالمة

[@ramyelgawady849]

كان عندي 16 سنة واتفرجت في مصطفى النحاس في شاشة كان حاططها مطعم أبو مازن الجول الثاني ده حرفيا كان زلزال كانت في كراسي بطير وقلعت التيشيرت الكنت لابسة ده كان اكتر جول افرح بيه في حياتي

[@coachelghalaba]

كلنا اتجننا بعد الجون ده ♥️♥️♥️

[@اماميرة-ر5و]

نحن خاوة مشي أعداء

[@احمدمنعم-س7ع]

ماتش مصر والجزائر ده شفته قبل كده في دار الايتام لما كان عندي 11 سنه

[@AmineBentahar-r5m]

أنا من الجزائر شاهدت الماتش في مقهى وقتها عمري 25 سنة تحية لأهل مصر الطيبين

[@المصمم-ه7ه]

قاعد مستني الحلقة بقالي كتيرر

[@kenandemashky9321]

هل فعلا كنا نستحق التأهل بدون لعب ناتش فاصل بس غيرو بند الهدف خارج الارض

[@المصمم-ه7ه]

@@kenandemashky9321 بص بس وضح سؤالك بعدها هرد عليك بس وضح سوالك ياحبي💛

[@محمدمصطفى-ط6ص6ع]

حضرت الماتش ده فى الاستاد .. كان يوم لا ينسى و لحظة هدف متعب كانت فوق الوصف ❤

[@M.Fouash]

كان عندي 10سنين وقتها واتفرجت عليه في البيت وميش هعرف برضو اقول احساسي ساعة جول متعب هدف غالي عليا لحد انهاردة

[@coachelghalaba]

♥️♥️♥️♥️

[@seif_elboghdady]

حرام عليك ي كوتش بوظت اعصابي انته حسستني اني بتفرج عليه لايف انا كان عندي 7سنوات ، حتي ولدي قبل المتش ما يبدأ بعتني اجيب ازازة 7up و حلويات و لا اكنه يوم عيد .امشي في الشارع حاسس اني محدش في البلد الا انا 🥰

[@coachelghalaba]

كان يوم عظيم

[@AhmedAyman2065]

اللي أنا مستغربه إن إزاي الجيل الذهبي بتاعنا اللي محضرتوش متأهلش كأس العالم إحنا كنا أقوى منتخب في أفريقيا ده إحنا المفروض نتأهل مرتاحين

[@coachelghalaba]

النصيب 💔

[@AhmedElgendy-sb2xv]

قضاء الله وقدره

[@BahiBahi-be8qs]

أنا من الجزائر كان عمري 25 سنة ...نعم كلامك صحيح ..في هذه الفترة كانت مصر مكتسحة و مسيطرة على إفريقيا بالطول و العرض لكن كما تقولون النصيب و كما نقول نحن الإرادة هي التي أهلتنا .....ملاحظة لو أعيدت المباراة 100 مرة ما كنا لنفوز على هذا الجيل الرائع في تلك الحقبة ...منتخب مصر كان رهيب جدا ..تحياتي إليكم

[@nabilounabilou6363]

​@@BahiBahi-be8qs قولي والله 😅

[@HcenZiani-q1r]

،كان عندي 26 سنة من الجزائر 🇩🇿

[@vidaloca8670]

كن أمين يا صديقي ، الذي بدأ بالشتائم هم المصريين قبل مباراة القاهرة .

[@فَاِعْلِخَيْرَ-م3ح]

الماتش دا كان من أهم أسباب ثورة يناير 😊

[@coachelghalaba]

فهمان ولله 😂♥️

[@rameztamer2211]

ايه العلاقة؟

[@rizqalsukkary9875]

كان. عندي ٢٤ سنه وشفته في إستاد القاهرة

[@ayaarous987]

طول عمرها العلاقة كويسة جدا بين الشعبين فلازم احنا الي منخليش حد يدخل بنا لا كورة و لا اي حاجة غيرها كل الاحترام لشعب المصري

[@mahmoudAhmed57959]

كان عندي ١٥ سنة مصر كلها كانت مستنيه المتش دة الشوارع كلها فاضية ساعتها كأنها ساعة فطار في رمضان مش هنسي فرصة بركات الي ضيعها في اخر ثانية عرفت ساعتها أنها مش مكتوبة لينا ومش هنصعد في متش أم درمان

[@coachelghalaba]

اليوم كان حلو اوي من اوله لاخره

[@mahmoudAhmed57959]

@@coachelghalaba لغاية دلوقتي مش بنسي اليوم دة بس للاسف يوم متش ام درمان مش بنساه الواحد قعد يوم مصدوم والبلد كلها كانت في حالة حزن تاني يوم

[@asbrok4347]

فزتو 2.0لما ضربتو لاعبين الجزائر ولكن شعب جزائري خلف ثأر في سودان تخبيت كالفأران

[@mahmoudAhmed57959]

@@asbrok4347 كسبتك أربعة صفر في انجولا 😂😂

[@asbrok4347]

@@mahmoudAhmed57959 ههههه بعد مشتريت حكم كوفي كوجيا كان هو رجل مباراة وكلنا نعرف مصر دايما تستخدم كولسة

[@MoHatem-mw9po]

كان عندي ١١ سنه واتفرجت مع ابويا الله يرحمه كنا ماشيين بنحلم بالماتش ده قبلها بااسبوع ورسمنا اعلام ع وشنا ف المدرسه احلي ايام والله

[@radwanelprice7094]

تحياتي لقاع ناس دزاير، بصح احنا كنا الأحق بالتأهل لفرق الأهداف خسرنا ٣ مقابل ١ بالجزاير وفزنا بالقاهرة ٢ صفر ولكن لأول مرة بالتاريخ تغير النظام لوجود محمد روراوة وله فضل كبير في ذلك وبعد ذلك رجع النظام كما كان ولكن هذا لا ينقص من قدر منتخب الجزائر الذي احترمه واشجعه بعد بلدي مصر، ولكن في النهاية هذه عدالة السماء استقبلتونا بالورود في الجزاير واستقبلناكم بالحجارة فكان المولي العدل، شعب مصر يعشق شعب الجزاير والله والفتنه كانت سياسيه لا أكثر،، احبكم في الله انا مصري متزوج جزائريه وعايش في الشلف

[@zizo-m4y]

كنت ابلغ من العمر 25سنة والان عمري 39 الله أكبر انها الأيام تمر مر السحاب نسأل الله أن يتم مابقي لنا من حياة أن نستغلها في مايرضي ربنا

[@Ahmedmahsaub-bc5jm]

دائما في المنتخب وحش الشاشه عمرو زكي

[@coachelghalaba]

♥️♥️

[@abdohassan5770]

عاش اوى اقسم بالله منتظرين حلقات اكتر واكتر عظمة كالعادة بخصوص المنتخب الفترة دى ❤

[@coachelghalaba]

تسلملي ♥️♥️

[@ahmedyossef4511]

كان عندي ١٠ سنين وقتها كنت قاعد بتفرج مع ابويا مش هنسى وقتها الهيستريا اللي كنت فيها مع جول متعب وقعدت اتنطط واصرخ لحد ما الماتش خلص انا لحد دلوقتي مش عارف اتخطى التصفيات دي وكل ما بتفرج عليها تاني دمي يتحرق اكتر

[@coachelghalaba]

💔💔💔💔💔

[@MalkAmaar-d9y]

كان عندي ٢٠سنة وكنت قاعد على قهوة في الشارع في اسكندرية وساعة الجون مش قادر أوصف فرحة عمري وفرحة الناس لغاية تاني يوم على الكورنيش والشعب كله معانا تصدقني لو قولتلك اني دموعي بتنزل على وجهي وانا بفتكر اليوم الجميل ده

[@abramSamir-yb1in]

اتفرجت ف البيت و كان عندى ١٦ سنه

[@user-bd9um3st1b]

١١ سنه 😮

[@علاءالدينممدوحطه]

كان عندي ٢٤ سنه وكنت مخلص جيش لسه

[@karimomar4658]

كنت فاكر أننا صعدنا في الماتش ده مكنتش اعرف وقتها أن في ماتش السودان وياريتنا ما كنا لعبنا في السودان والجزء الرابع هيبقى حزن الحزن 😢😢😢😢 اتفرجت انا واخويا الكبير وابويا وامي واخويا الصغير وكان عندي وقتها 9 سنين

[@coachelghalaba]

💔💔💔

[@AHMED-ff7gn]

كنت محبوس في الجوازات في السعوديه...وسمعته علي التلفون من مصر تحديدا. كفر الشيخ كان معانا شاب معاه تلفون رن علي خطيبته وسمعتنا المباراه من اذاعة الشباب والرياضه.علي التلفون😂❤

[@mbarekmbarek2026]

كان عندي عشرين سنه انا من المغرب كنت اشجع الجزائر لكن الآن احب منتخب مصر مافيهش خبث

[@محسنيونس-خ8ي]

14سنة كانت 2 إعدادى اتفرجته فى محل بتاع بلايستيشن كانوا عاملين شاشة عرض

[@coachelghalaba]

♥️♥️

[@marcogamal350]

في التليفزيون في البيت و كان عندي ٨ سنين و شوية ❤🇪🇬🇪🇬🇪🇬

[@الموالي̂̄-ذ9د]

طب ماتخليني انام معاك

[@coachelghalaba]

♥️♥️

[@AHMEDYT150]

في تلك المباراة استحق المنتخبان المصري و الجزائري المشاركة في كأس العالم 2010 كنا سنستمتع جدا و ليس من المستحيل عليهما تحقيق انجازات تاريخية كالوصول الى المركز الرابع او الثالث او حتى الوصافة و ممكن التتويج في البطولة 😊😊

[@aminemandile8360]

الله يابلادنا مرحناش المونديال الله 😂الهدف التاني تسلل واضح لاكن مصر ذالك الوقت كانت مسيطرة علي الكاف وتأخذ كل شيء بي القوة والدليل اعتداء علي الفريق الجزائري ولم تصدر في حقهم اي عقوبة للأسف افريقيا اللعينة

[@yacinehammoudi5151]

ياو لعبنا بعدها في ام درمان وربحناهم ورحنا للمونديال

[@MohamedEltahan-e4i]

طوال مشوار التصفيات مستوي الفريق كان زفت وطين وملعبناش مباراة واحدة حلوة ودي كانت النتيجة العادلة عدم صعودنا

[@coachelghalaba]

فعلا اداء المنتخب بيتغير في ماتشات التصفيات وبنعمل حاجات غريبة

[@mahmouddarwish645]

احله فيديوهات في الكوره

[@coachelghalaba]

حبيبي ♥️

[@Mohamdprod13]

كجزائري ، كانت افضل المباريات بين مصر و الجزائر🔥❤️ داربي عالمي ، و حتى بعد كل الأحداث اصبح المصريين و الجزائريين اكثر من إخوة في كأس افريقيا 2019 و 2021 ، تحيا مصر و تحيا الجزائر❤

[@mahmoudmossad3587]

كان عندى 21 سنه قلبي كان هايقف في الجون بتاع متعب

[@DreamLurker32]

معلش يا صحبى بس انتا بتحلم لو فاكر ان الجيل دا كان هيعمل حاجة انتا دفاعك كان سئ جدا يعنى خت 3 اهداف فى انهيار تام ضد الجزائر فى الجزائر واتعادلت مع زامبيا فى مصر هما بس اللعيبة الكبيرة اللى فى الجيل دا اللى مدنيك احساس انهم كانوا ممكن يعملوا جاجة كبيرة فى كاس العالم لو وصلوا بس نفس الجيل دا اللى خسر 4-3 من البرازيل خسر من امريكا 3-0 وخسر من اتجلترا 3-1 يعنى حتى لو وصلت مصيرك كان هيبقى تقريبا خروج من المجموعات لأنك كل اللعيبة اللى انتا بتفكر فيهم الكبار كانوا هجوم يأما خط نص مفيش الا وائل والحضرى وهما الاتنين مش هينقذوا خط الدفاع كل مرة دا انتا دفاعك كان سئ لدرجة ان الحضرى عمل ماتش حياتة ضد ايطاليا عشان يخرج مصر كسبانة يعنى الدفاع مساعدوش اصلا بشكل كافى هو بس اللى شال فرص لأيطاليا كتير صعبة جدا هو نفسه ميشلهاش فى اى ماتش تانى يعنى انتا دفاعك كان سئ جدا وبيخش فىه اجوان بسهولة بالذات الكور الثابتة والمهاجمين اللى عندك حتى لو واو اى فرقة كبيرة كنت هتلعبها هتمسك عليك كورة مكنتش هتلاقى فرص اصلا للمهاجمين وحتى لو جت فرصة هتضيع او لو جبت جون هيبقى داخل فيك اصلا 2 او 3 اى فرقة كبيرة بتمسك كرة على مصر كانت هتكسب وهنروح بعيد لية مجموعة الجزائرفى كاس العالم 2010 كان فيها فرقتين لعبناهم فى 2009 و 2010 انتا خت 3-0 من امريكا وخت 3-1 من انجلترا فى 2010 يعنى كان اخرك تكسب سلوفنيا اللى الجزائر اتعادلت معاها وبعد كدا تخسر من امريكا وانجلتر وتاخد مركز تالت وتودع البطولة دا على اعتبار انك هتكسب سلوفنيا اساسا اللى الجزار خسرت ضدها يعنى انتا كمنتخب مصر كنت ممكن تخسر ال3 ماتشات عادى جدا الجزائر اتعادلت مع انجلترا اللى كسبتك 3-1 وخسرت بالعافية 1-0 من امريكا اللى كسبتك 3-0 يعنى الجزاير وصلت كاس العالم 2010 فى رأى عشان دفاعهم احسن مننا مع ان هجمونا احسن بس لو دفاعك سئ دا هيخسرك كتير يبقى نفوق بقا من الاحلام دا اننا كنا ممكن نعمل حاجة فى كاس العالم 2010 والكلام اللى بنوهم نفسنبا بية دا عشان النستولجيا وخلاص والزكريات الحلوة النستولجيا بتفكرك الحلو اللى كان فى المنتخب يس مبتفكركش الدفاع السئ للمنتخب فى الفترة دى انا لسة فاكر ماتش مصر والجزائر هناك 3-1 كان اكبر مثال ان دفاعنا كان بايظ وكان انهيار تام خدوا اللى عايزونة من الماتش واكتر والفريق دا مفروض انة بطل افريقيا فى الوقت دا مرتين ورا يعض 2006 و 2008 و لعب ضد الجزاير اللى كانوا مش فى احسن اوقتهم ومكنوش حتى بيلعبوا فى كاس افريقيا بأنتظام ومع ذلك انهرت تماما قصادهم وخسرت بنتجة هما نفسهم معتقدش كانوا يتوقعوها وحتى الهجوم الاحسن بتاعك دا عمل اية ضد امريكا وانجلترا هدف واحد يعنى بكل النجوم اللى عندنا دول جبنا جول وحيد ضد فرقتين مهماش حتى منصفين عالى انهم ياخدو كاس العالم 2010 هههه يعنى انتا احسن من الجزاير بحاجة بيسطة من ناحية الهجوم وهما احسن منك دفاعيا دخل فيهم جول وحيد ضد انجلترا وامريكا ومنتخب مصر دخل فية 6 اجوان!!!!!!!!!!!!!!!! تخيل يا عزيزى لو كنت لعبت المانيا ولا اسبانيا ولا الارجنتين ولا البرازيل فى كاس العالم 2010 بقى؟؟؟ دا انتا كنت هتتعب اوى كمنتخب مصر ضد انجلتر وامريكا مبالك بقى الفرق الكبيرة زى اللى قولتهم دول يراجل اصحى بقى واعرف ان الكوؤة مش بالاسامى واللعيبة الكورة بالأداء المجمل للفريق يعنى الجزائر مكناش عندهم اسامى كبيرة فى 2010 بس ادائهم الجماعى هجوم ودفاعم ونص ملعب كان احسن من دفاعك وهجومك ونص ملعبك لما تحكم على الكورة بصلها من الناحية دى مش من ناحية الاسامى الكبيرة وخلاص ومحدش يجى يقولى طب محنا كسبنا الجزائر فى 2010 فى امم افريقيا مصر كانت بتلعب برغبة الانتقام من عدم التأهل لكاس العالم 2010 يعنى كان عندهم شحنة الانتقام من عدم الوصول لكاس العالم الشحنة دى مكنتش موجودة فى ماتش ام درمان الفاصل لكن انا بتكلم على اللعب الطبيعى والمستوى العام للمنتخب فى التصفيات بشكل مجمل مش مجرد ماتش واحد يعنى بتكلم على ماتشات التصفيات كاس العالم اللىمصر لعبتها فى سنة 2008 و 2009 مش ماتش واحد وخلاص

[@aminedafir4872]

حبيبي ممكن تعمل فيديو عن مشوار المغرب في كاس عالم قطر ❤

[@coachelghalaba]

ان شاء الله في الخطة ♥️♥️

[@maaoz1071]

كنت لسا متولتش

[@coachelghalaba]

🌚

[@kamelsaad4728]

انت نسيت و لم تقل ان الكرة تجاوزت الخط في الهدف الاخير

[@coachelghalaba]

لا هي متجاوزتش بس الجون اوفسايد

[@BAlfaydi]

متى تنزل حلقة القادمه اخوك من السعودية 🇸🇦🇪🇬

[@coachelghalaba]

خلال يومين ان شاء الله ♥️

[@Boda-gaming7]

مكنتش اتولدت

[@coachelghalaba]

🌚🌚

[@عبدالرحمنخالد-ك4ث2ج]

كان عندي ٦ سنين وكنت مدرك وقتها المنتخب والجيل الذهبي

[@coachelghalaba]

الله ينور

[@hichemelbahari8094]

🇩🇿❤️🇪🇬

[@coachelghalaba]

♥️♥️♥️♥️

[@vidaloca8670]

المصريين حولوا المبارة إلى معركة سياسة و حرب لتصفية أمور داخلية ، فمن أعلى سلطة تمت تسيير المبارة بهذا الشكل العنيف ضد الجزائر، يعني ربح المبارة باي طريقة كانت ، شحن جد غريب و تجييش كل مصر في هذا المباراة ضد الجزائر ، ....في الحقيقة بالنسبة لي المبارة كشفت لي مدى هشاشة مصر

[@mostafafathysalama1301]

اليوم ده حرفياً اغرب يوم عدى عليا ف حياتى كان عندى ١٠ سنين و يومها كان ابن خالى عندنا و الماتش كان بليل و نزلت اوصله يركب مواصلات الساعه ٣ العصر حرفيا الشارع كان فاضى مفيش مواصلات انت متخيل واقف نص ساعه تقريبا ف الشارع مفيش مواصله واحده و قعد معانا يومها و اتفرجت يومها على اجمل و امتع ماتش ف حياتى ٩٥ دقيقه هما الاجمل ف الكورة من ساعة م اتفرجت عليها حقيقى يوم مش هيتكرر تانى و اجواء مش هتكرر و جزء من اللى مضايقنى ف تصفيات كاس العالم الحاليه انهم قتلوا متعة التصفيات وقتلوا متعة التأهل ساعات بحس ان امتع ماتشات الكورة بتيجى كل ٤ سنين مرة واحدة بس ف كل القارات و هى مش ماتشات كاس العالم نفسه لا الماتشات اللى بتبقى بنفس ظروف ماتش مصر و الجزائر ٢٠٠٩ او مصر و السنغال ٢٠٢٢ اللى هى بتبقى ماتش فاصل حاسم واحد بس هيتأهل كاس العالم و التانى برا بتشوف اشرس و امتع اللحظات الكرويه ماتش حرفيا الفرقتين نازلين ياكلوا بعض بعشق الماتشات دى و بلف عليها ف كل التصفيات بتاعت كل قارة وقتها ♥️

[@AliAli-dm2rr]

على فكره انا عندي 11 سنه بتفرج عليك عايز اخويا بيديني كتاب 2009 ما تردش عليه لسه ما ردتش اصلا كتاب يعني قصدي مش الكتاب انا كنت مولود 2013

[@____ii8___]

يااه كان عندي 4 سنين ولما شوفت الڤيديو زعلت احساس ان خلاص الأيام دي مش هترجع تاني ولا الشغف هيرجع اعتزل ابو تريكه اعتزل بركات و متعب و عمرو ذكي و زيدان و الحضري و سيد و حسني و احمد حسن حتى كابتن حسن 💔

[@سندميمي]

والله غير عيب كبير اخوات مسلمين وبينهم تاريخ كبير عم يتخانقون على كرة ⚽ جلد كانت رايح تنوض حرب بين اشقاء على شي تافه وهذا هو مايرده الغرب

[@nourmohamedelsayed9504]

أنا كنت بشوف الماتش ده في الخيال ببساطة لأنى مكنتش اتولدت أساسا 🤣🤣

[@coachelghalaba]

😂😂😂

[@naramsin3889]

لا يا اخي الكريم الاستفزاز كان من الجانب المصري و قنواتوا الاعلامية التي وصل بها الحد الى شتم شهداء الجزائر ، اتحداك ان قامت القنوات الجزائرية بالمثل بعدها ضربتم الحافلة الجزائرية بالحجارة و اردتوا خلق سيناريوا بان اللاعبين هم من ضربوا بعضهم بعض

[@rabahmerzouk-ym5tn]

تفرجتو مع الأسرة. و لم اكمل المشاهدة للضغط النفسي الكبير

[@TiMOthyHISOoKA]

كان عمري وقتاها 6 سنوات و المشكلة كنت اشجع منتخبكم لأنه كان لدي تيشرت احمر زيه حتى الوالد كان يسرخ عليا 😂

[@KaremSaber-xn6dr]

كان عندي 16 بس رغم الفرحه عيطت بعد ماتش ام درمان

[@coachelghalaba]

كلنا عيطنا في ماتش ام درمان 💔💔

[@الاخضرالعنيد-ث4ث]

هدف مصر الثاني تسلل واضح تابعت المباراة من ليبيا واذكر ان ليبيا كلها شجعت الجزائر

[@mostafaaboelezz4844]

اقسم بالله انا مستنى الجزء الرابع متاخرش علينا يا كوتش

[@coachelghalaba]

في الطريق ♥️

[@ahmedabdalla7504]

اعمل حلقه عن تصفيات كاس العالم 2022

[@coachelghalaba]

اوكي

[@AHMED_ELGAMD]

متفرجتش للأسف عل الماتش عشان مكنتش موجود لسه😢

[@vidaloca8670]

هذه الأزمة كسرت نفوذ مصر في الكاف و كولستها طيلة عقود

[@hdjsjendjxheh3084]

كان عندي ٤ سنين وي متفرجتش علي الماتش اصلآ 😂

[@dremmer1]

كان عندي ٣٠ سنة واتفرجت علي كافيه اتكسرت كراسيهم 😂 من الفرحة

[@Freetour204]

ياااه الله يرحم الايام . كنت ساكن ف فيصل وكنت شغال ف مدرسه احمد بدوي ف مصر القديمه ..كانت ايام معفنه جدا .. هههههههههه. اليوم ده مش قادر انساه ..

[@Abodahm_9]

انا من السعودية تابعت المباراة ف مقهى طبعا اجمل ايام وقتها إذا تابعت مباراة ف مقهى لمنتخب مصر او نادي مصري الأشقاء المصريين يعملون اجواء رهيبه كان عمري وقتها 17 سنة 😂❤❤❤

[@mohamednasser4242]

كان عندي عشر سنين وكان قبل مباراة الجزائر فيه ماتش ودي مع تنزانيا عندنا في ستاد أسوان وانا اصريت اتفرج على الماتش من الأستاد المهم يوم الماتش وانا راجع من المدرسه خبطني موتسكل واغمي عليا لحد بليل صحيت شفت الماتش علي موبايل الي فيه اريال وبيجيب الارضي والماتش اتفرجته فى مستشفي أسيوط الجامعي ❤❤

[@YOUSSEFELJOKERMOSSAD]

كان عندي ٤ سنين كنت بحب بو تريكة اوي😂❤

[@coachelghalaba]

♥️♥️♥️

[@fethirezoug1557]

😢اكبر فتنة حصلت بين الاشقاء تحيا مصر من الجزائر

[@عاصمحبيب-ك3ج]

اهم حاجه ملخص مشوار الزمالك في القنفدرالية ٢٠١٩

[@coachelghalaba]

لسة شوية

[@بنناصر-ط8ل]

كان في عمري 11 سنة اربحناكم قلب ورب مي بديتو نتوما الفيتنه

[@jamalbelgium2307]

لا اله الا الله محمد رسول الله 🌷

[@Maktaba_kora]

شاهدت المباراة و كان عندي 5 سنين

[@_muhmmedalali4097]

أنا من سوريا وشاهدت المباراة في سوريا بمدينتي دير الزور كان عمري 15 سنة وعلى ما اتذكر كنت طالب صف تاسع اييييه ايام جميلة ، إن شاء الله ترجع

[@ahmedkamel3566]

اليوم ده عمرى ما اقدر انساه كان اول يوم ليا في شهر العسل والفندق اللي كنت فيه في الغردقة اخر ميعاد البوفيه عشان الماتش والمدام سمعت مني الفاظ عمرها ما سمعتها في حياتها 😂😂 وعشان ملهاش في الكوره نامت وصحيت مفزوعه علي صوتي وصوت القريه كلها وصوت مصر كلها بعد جون متعب 😂😂😂 يااااه احلي ايام والله 😢

[@coachelghalaba]

😂😂😂😂

[@sanaabdelmoniem735]

اتفرجت عالماتش ده فقهوه شارعنا مكانش في غيرها تقريبا ايام التلفزيون الكبير وكان عندي وقتها حوالي11 سنه وتقريبا ده كان اول ماتش رسمي للمنتخب اتفرج عليه مش فاكر الحقيقه هو الماتش ده اتلعب الاول ولا بطوله كاس العالم للقارات لاني متابعتش بطوله كاس العالم للقارات للاسف وكنت بسمع القهوه وصوت الناس فالشارع ومتلهف واتنطط مالفرحه اول مالناس تعلي صوتها وانا مش عارف دي هجمه ضايعه ولا جول😊😅 والله ذكراياات متتنسيش خصوصا جول متعب والهجمه اللي ضيعها بركات فالاخر🙂💔

[@TechnoTechnic-rk1uf]

الراجل الجامد بزيادة ❤❤

[@coachelghalaba]

حبيبي ♥️♥️

[@AhmedSeragKamel]

تحية طيبة لبلد المليون شهيد الجزائر

[@mohamedfarid414]

ازاي نصر اكتوبر مكتوب 40 سنة في 2009 وفي 2023 مكتوب 50سنة

[@mohamedfarid414]

انا هتجنن يا جماعة حد يرد

[@shekabeka4854]

علشان هو واخد لقطات من اعادة فى 2013

[@coachelghalaba]

ياعم الماتش متسجل ومتعاد على نايل سبورت سنة 2013 .. و دي احسن جودة للماتش لقيتها .. بس كدة 😂😂

[@AbdullahEldsoky-s9s]

انا ايام الماتش ده كان عندي 19 سنه كان هيجي لي جلطه الايام دي

[@massinissaziriamazigh8122]

هدف مصر الثاني تسلل

[@mohamedeldesoky7271]

كان عندي 6 سنين واتفرجت عليه ف البيت عادي ي كوتش

[@coachelghalaba]

كلنا كنا في البيت برضه 😅😅

[@mohamedeldesoky7271]

@@coachelghalaba علي فكره انا بحب فيديوهاتك اوي وشوفتها كلها وبتفرج عليك من زمان

[@adhamelgohary3927]

كان عندي ٩ سنين وكان جسمي بيترعش وأنا بتفرج

[@حليمشواي]

كان عندي 29 سنة كنت فاام درمن 8 ساعة وانا فل ملاعب

[@AhmedGamal-bx4if]

الحمد لله لو كان فب فار كان جول متعب اتلغي

[@rizka52s85]

ايام جميلة حتى الخسارة بالرغم من مرارتها كانت سحابة صيف .

[@ahmedmohamad689]

حسن شحاتة لو كان لعب على الأرض واعتمد على مهارات زيدان وابوتريكة وبركات لما نزل واعتمدنا على التسديد من بعيد بشكل أكبر في ظل ما كانوا واقفين في منطقة جزاءهم وسايبين فرصة للتسديد من بعيد في ظل وجود أبوتريكة واحمد حسن واحمد فتحي وغيرهم كان زماننا خلصنا الماتش ده بنتيجة أكبر بكتير أوي ولما لعبنا على الأرض وبطلنا نعلق مليون عرضية في ماتش أمم أفريقيا كسبنا برباعية مع الرأفة

[@coachelghalaba]

برضه الماتش ليه حسابات مختلفة .. انت كنت محتاج 3 اجوان قصاد فرقة رخمة اوي في الدفاع وفي نفس الوقت لاعيبة كورة حريفة ممكن يسجلوا فينا كمان ... فالماتش كان صعب اووي

[@ahmedgabr8280]

الامارات امارة عجمان مواليد اكتوبر ٨٣

[@thrombolic]

رغم اني شفت المتش ساعتها لكن اول مره اكتشف انه كان متكافيء بين الطرفين، الحضري شايل ٣ فرص مؤكده…ده غير ان كل عرضيه كنا بنلعبها كان عدد مدافعينهم مره و نص لمرتين قدنا فالصندوق-صعب جداً تسجل بالاسلوب ده، الصراحه دفاعهم كان اقوي مننا بكتير ⚽️

[@Jgghgh]

كان عندي ٤ سنين😂😂😂😂😂😂😂😂😂😂😂😂😂😂😂😂😂😂

[@FatahFatah-hf9rq]

10 دقاىق وقت إضافي كارثة 🤣🤣😂

[@MohamedHassan-pf6ye]

كانت ليلة أمتحان الدراسات😂😂

[@coachelghalaba]

دي كانت امتحانات الشهر ولا ايه

[@Yousef-mohamed-3mk]

فينك يسطا ❤🤞

[@coachelghalaba]

انا اهو ياعم ♥️♥️♥️♥️

[@HamzaKoufi-z7g]

لو فاز المنتخب الجزائري لما خرج من مصر

[@زيادمحمود-ش5س1ذ]

انا وقتها في 2010 مكنش فاهم حاجه لغايه مش عارف سالت امي ولا ابويا كاس امم افريقيا ولا لا ولا صعدت وقتها ولا مش فاكر ايه النظام بالضبط بس قلت لها ايه الاحتفاليه اللي حصلت في الشارع دي وكده وقعدت اتفرج على الكرتون 😂😂

[@زيادمحمود-ش5س1ذ]

كسبو كاس امم افريقيا ولا ايه

[@mahmoudmossad3587]

ياعم حرام عليك لازم تفكرنا

[@زكياحمدمسعود]

انا جزائري كان عمري 16 سنة

[@khouaneabdou4989]

الحياة.لاتعطي.فرصة.الله.هو.الذي.يعطيك.فرصة

[@AHMEDYT150]

ليش‌حاط‌نقاط‌بين‌الكلام‌كإن‌ماعندك‌مسافةاو‌إنك‌اهبل؟

[@mohamedhady5998]

سنواااااااات 😤😤😤😤😤😤

[@AhmedSaad-oz2cd]

كان عندي 21 سنة وكنا متجمعين ف شقة واحدة صاحبنا بنجهز نفسنا للاحتفال ، عايز اقولك على الرغم من مرور 15 سنة ع الماتش دة الا اني فاكرة بتفاصيله ولحد انهاردة جسمي بيقشعر مع هدف متعب ، كان عندنا شغف كبير جدا بالكرة وراح للاسف

[@coachelghalaba]

اه ولله 💔💔💔💔