新手必看！？筆塗＋噴塗＋硝基漆＋琺瑯漆＋水性漆通通用上！素組做無縫的效果如何？高達君詳盡製作過程分享～

[@rightkickgolden3747]

法比既片當然每次都有睇到最後既，就算工序黎黎去去都係果d,但每次看製作都有得著，就是喜歡睇製作過程，繼續這種方向

[@littlefabi]

多謝支持💪🏻🥰 砌模型有趣嘅地方，就係即使用相近嘅技巧，但每次面對唔同嘅模型，都會遇到嶄新嘅挑戰，有全新嘅體驗，所以非常有趣😉

[@ricky31425]

Hello法比，好耐冇起你啲片度留言喇，事關最近自己工作上出現咗啲問題同挫折(其實係自己犯咗錯，造成好大嘅影響)，所以久久未能平復，連KZbin都冇乜心機睇。誰知睇到你上條片最後講到: 「其實玩模型又好做人又好，點會冇失敗冇挫折。」睇到真係眼濕濕，因為你講嘅野真係好啱我嘅situation。雖然可能我份人比較懦弱，我諗都要多一段時間先至可以放得低件事。不過每次當我失落嘅時候，我都會諗返起你講嗰一番說話💪🏻而有時無所事事，又開始亂諗嘢嘅時候，我都會睇返你以前啲片，特別係東京宅遊嗰啲(因為我好掛住日本呀！😭)，個人又會平靜返啲。所以，真係好多謝你法比☺️

[@littlefabi]

Ricky師兄，首先想同你講一句好重要嘅說話：你一啲都唔懦弱！ 我雖然唔知你喺工作上遇到咩問題，但係睇完你嘅留言，感受到你嘅自責，睇得出你係因為有責任感，所以先放唔低件事！我見過好多「真正懦弱」嘅人，佢哋害怕失敗，害怕面對，最喜歡逃避責任，總之有任何錯誤，都唔關佢哋事！ 失落只係一種情緒，同開心、興奮、期待等等一樣，係我哋人性嘅一部份，亦都係人生過程嘅一部份，當你打出上面嘅留言，我已經知道，你同「失落」已經漸行漸遠，而「勇敢」已經準備迎接緊你！💪🏻💪🏻💪🏻 今個月中我就會去台灣玩啦，到時會抽一日去拍攝有關模型玩具嘅題材，雖然我預計冇日本咁正，不過都好期待，再次同大家一齊去旅行😉

[@ricky31425]

@@littlefabi 好多謝你打咁多字回應我😭亦都好多謝你嘅安慰，我會努力同堅強💪🏻先祝你去台灣一路順風，玩得開心，唔好話咩正唔正，總之係你拍嘅都會100%支持！

[@timothytimothylau]

Ricky 師兄 醫生都唔係個個病人都救得返 唔駛咁自責 有同事同我講 你一定可以令工作上嘅問題消失 如果唔係你就係個問題 公司會要你消失😅 keep calm and carry on

[@littlefabi]

多謝支持💪🏻🥰 我都係將心比己，講樣嘢俾你知丫，其實有時無論係模型製作既中途，定係剪片趕片嘅期間，我周不時都有「想放棄」嘅念頭，但係諗起有觀眾們嘅支持，加上自己想認真將拍片變成終身事業，所以點都要咬緊牙關繼續努力💪🏻💪🏻💪🏻 即使過程有幾多問題，有幾辛苦，勇敢面對，人生精彩之處就係奮鬥😉

[@ricky31425]

@@timothytimothylau 多謝Timothy師兄！

[@bassbass64433260]

其實小法比做邊行？ 影片製作風格有啲似八十年代讀小學時既教育電視感覺，好懷念😊

[@littlefabi]

哈哈，那可能是因為我也從小看教育電視長大～現在是全職做KZbin呢😉

[@hugoluk10]

請問法比，用av漆筆塗可以用水稀釋，但噴塗呢？可唔可以都用水稀釋？定係要專門嘅溶劑？

[@littlefabi]

據我所知，AV油噴塗係另外有一個叫Air系列，流動性比起筆塗系列會更強！另外亦都需要使用噴筆專用溶劑稀釋，令噴出嚟嘅顏料更順滑！ 至於詳情，記得買嘅時候問返模型舖，以免買錯(因為佢實在太多系列，我買嘅時候都會問返模型舖意見)😉

[@mikechan3208]

Vallejo 又便又易上手，咁請問 Citadel 有咩優點呀？

[@littlefabi]

老實講，用Citadel只係因為有情意結！ 細細個第一次接觸上色，當時未有Vallejo呢個牌子，加上係玩戰棋，所以就用Citadel😝 我諗Citadel最大優點係入面有一隻叫對比漆，可以簡單一次過做出漸變色，另外就係兩家廠商都有自己獨特嘅顏色表，喺唔想自己調色嘅情況下，依然能夠喺Citadel顏色表中尋到寶😉

[@jasonchan2215]

好睇 如果個頭你上埋白色令佢唔透光或者令無縫更完美就更好 但都多謝你既分享

[@littlefabi]

多謝支持💪🏻🥰 今次製作上的確有好多不足，因為佢喺我心目中，只係一件半製成品！ 至於會唔會「完成」，可能就等我月中去完台灣之後再決定😝

[@TheKingOfGorilla]

helloo. 想請教下師兄如果係全白嗰種專門for新手試上色嗰種模型，上水油前使唔使噴底灰？ 唔該曬

[@littlefabi]

根據Bandai的指引，這種全白設定就是為了方便顏色發色，所以是不用噴底灰的！ 就我個人的見解，這種設定是為了方便新手，讓新手更能輕鬆體會上色的樂趣，所以我也不建議噴底灰，加重工作負擔😉

[@TheKingOfGorilla]

@@littlefabi 唔該曬師兄嘅解答，另外想問下我見有啲Ching會切完模型之後噴底灰，然後再上返同原本一樣嘅色，其實咁樣有咩用？

[@littlefabi]

你見到噴完底灰後，所謂的噴返「一樣」顏色，其實只是「差不多」的顏色，總言之用處便是噴自己喜歡的顏色😉

[@lwc_j]

今日喺秋葉原見到呢隻嘢，第一個感覺係咁怪嘅，就算平都冇買到。 呢隻嘢嘅Selling point係咩？

[@littlefabi]

我認為高達君吸引之處係可愛既二頭身設計，加上對新材質既好奇心，仲有價錢便宜，令我點都想入返隻親自感受一下，至於係咪一個好嘅體驗，就只能夠講，冇我想像中咁「愉快」😝

[@alvintoh9864]

想请问一下，正常材质的高达是不是也能不打水补土就可以直接笔涂上色? 请问有什么技巧吗？ 因为我以前的经验是油漆比较稀的话很难让高达表面上油漆，但是比较浓稠的话就会整个感觉漆面很厚

[@littlefabi]

讓我簡單分享一下自己的水性漆筆塗補色習慣： 基本上為了方便，99.99%的時間也是不上水補土，直接塗上零件表面😝 使用的牌子為Citadel+Vallejo，第一層多是把筆稍微弄濕，然後直接點顏料上色，顏料的感覺是略濃稠，會出現少量筆痕 第二層稀釋比例約為1:1，顏料感覺像是水的質感，塗上時感覺很順滑，筆痕也幾乎看不到 第三層跟第二層同樣，會全部塗滿一次，用途主要是用來修補邊角位的漏洞 使用以上方法，漆膜強度足夠，筆痕也不明顯😉

[@alvintoh9864]

@@littlefabi 但是citadel和vallejo两个浓稠度不一样哦，citadel普遍都比vallejo还要浓，你不管是citadel还是vallejo都是这样操作吗？

[@littlefabi]

Citadel 因為我都係隨心意稀釋，所以都用以上操作，至於Vallejo，就如影片中示範一樣，基本3層都係用1:1比例😉

[@frankiechan2936]

Bandai 真係出渣古君

[@littlefabi]

「茶渣」，聽落又幾正😝

[@ronnie_1205]

結論：水性油就係王道🤣🤣🤣🤣

[@littlefabi]

哈哈，的確，手油嘅話，水性油絕對係王道選擇！ 不過王道未必係唯一選擇，有時偏門都可以坐正，就睇吓我哋點樣將佢發揮💪🏻💪🏻💪🏻

[@ontinz]

Cement讀音係 是MAN黐

[@littlefabi]

多謝支持💪🏻🥰

[@peacefulomen]

唔太值得買兩盒, 你好有耐性搞佢🤣

[@littlefabi]

老實講， 素組完其實已經好想放棄，好不容易完成咗基本上色，仲諗緊應唔應該再進一步令佢進化😝