Рет қаралды 4,841
星光路上|自細愛唱歌棄商返港參賽 謝東閔轉走演員路唱歌魂不滅
啱啱扮完神仙嘅 謝東閔 《本尊就位》當中扮演嘅 呂洞賓 敦厚又老實,呢日佢接受 潘盈慧 《星光路上》 專訪,雖然近年演戲居多,不過參加《超級巨星2》入行嘅Brian,其實自細已經沉迷唱歌,細細個已經日夜唔停口唱住 林子祥 嘅《似夢迷離》。
一直到中學時代,對表演同歌唱嘅興趣都有增無減,不斷參加唔同歌唱比賽有機會就試,直至遇上知名嘅 戴思聰 老師,亦令自己成為歌手嘅夢想更加堅實。
畢業後投入社會,但係愛唱歌嘅心意就如單戀一樣收藏於心中深處,雖然已經返內地創業,不過就因為《超級巨聲2》嘅招募,成功入圍令佢離夢想靠近一步。由腳震到慢慢適應,只係邁向演員嘅道路又似乎同當初歌星夢越走越遠。
同期唔少朋友都成為歌手陣營,而經過幾年戲劇演出之後,Brian亦慢慢開始愛上演出,亦由身邊嘅唔同前輩中學習吸收,角色越來越多變化,由乖仔斯文變成變態殺手,仲首次扮演神仙,但係背古話對白就搞到頭都暈,就連畏高都死頂吊威吔上陣。
雖然近年接觸音樂機會減少,不過Brian同幾位行內好友合資開設音樂教室,就依然令佢保有音樂同演戲發展嘅夢想喇。
#星光路上 #謝東閔 #超級巨聲2 #唱歌 #比賽 #女警愛作戰 #殺手 #本尊就位
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0