【星級斜槓族】網絡女神Hazel林熙彤 甜美外表下藏着老靈魂 辦攝影展留住記憶中的九龍城

說起Hazel林熙彤，你可能未必立即想到是誰；但說到《老派約會之必要》的MV女主角，你一定不會陌生！20歲的Hazel憑藉水汪汪的大眼睛及甜美樣貌，火速成為網絡女神；出道2年更已接拍葉念琛的電影，成為要角之一。現時修讀設計系的Hazel，在甜美外貌下，其實擁有着一顆「老靈魂」，充滿着反差萌。
Hazel年紀輕輕，18歲時在社交媒體上被經理人發掘，入行兩年，一直身兼學生與藝人兩個身分。她憶述當時曾猶豫應否入行︰「但最後決定簽啦！因為我真係好想試吓，好彩屋企人都好支持。我好鍾意影相，亦好享受作為模特兒咁被人影，大家一齊完成一件事，齊心合力去做好。」
Hazel身形嬌小，有別於傳統高䠷模特兒的形象，她笑言︰「我嘅優勢可能係我上鏡睇落比真實嘅我高，哈哈！好多人見到我之後，都好驚訝原來我係咁細粒，有呢個反差都幾好吖！」
曾期望任職時裝設計師
不過，原來Hazel一直都不是以模特兒為事業目標，反而期望成為時裝設計師。「我由細到大都好鍾意睇fashion show，但我唔係想做model，反而係想做設計衫嗰個。不過，因為我DSE唔夠分入fashion design，當時又以為設計系讀嘅嘢應該差唔多，所以就揀咗呢科。」
入讀設計系後，Hazel發現原來兩者存在極大差異，但她並沒有打算讀回時裝設計，「讀design令我可以學習影相，搵到攝影呢個興趣，而且實用性、應用範疇都好似更適合我依家幕前嘅工作。」
從畢業作品到個人攝影展
Hazel熱愛攝影，最近更舉辦攝影展，帶大家認識她成長的地方-九龍城。她表示︰「九龍城近年需要重建，但我不斷思考究竟點解唔可以保留呢個咁有特色嘅社區。所以我上年嘅副學士畢業作品就揀咗做一本有關九龍城嘅書，希望透過相片同街坊嘅訪問，留低現有嘅九龍城。」
副學士畢業後，Hazel升讀理工大學傳意設計學系，但她對九龍城項目念念不忘。因此，她開始籌備相展，希望令更多人了解九龍城的獨有魅力。
性格跳脫如「飲醉酒」
雖然Hazel外表可愛，但她自認懷舊，擁有一個「老靈魂」。她說︰「我個樣感覺係行可愛路線，但其實我性格完全唔係咁。平常嘅我比較靜，啲朋友成日都話我好似長期飲醉酒，可能突然玩到好癲，但有時又會自己好靜咁坐埋一邊，不過佢哋都已經好習慣！」
身為學生與藝人，要同時兼顧兩者並不容易，但Hazel卻樂在其中，並直言︰「我諗我唔會放棄任何一邊，設計同幕前工作都係我鍾意嘅事，希望我畢咗業都可以好好平衡到兩邊嘅發展。無論係自己嘅攝影作品，定係人哋影我嘅硬照，都希望呈現林熙彤嘅更多可能性。」
策劃、記者：Crystal
攝影：Peter
場地︰Halfway Coffee
On Hazel:
服裝︰Maje
鞋履︰Salomon
化妝︰April Huang