許廷鏗 Alfred Hui －【良心發現 Guilty Conscience】Official Music Video

[@AlfredHuiOfficial]

留言分享你地對呢首歌嘅感覺俾我 同埋你最喜歡嘅一句歌詞 緣份嚟到 就會收到由我喺北海道寄出嘅手寫postcard 祝大家情人節快樂🤍

[@LEO-jp1xb]

好似心底裏有好多包袱，平時放低唔到，聽呢首歌可以喊一次，減少對某人的牽掛

[@charlieleung3300]

良心發現係一首好真實好有意境嘅歌！當初係演唱會聽就好鍾意呢首歌！歌詞令我諗返起自己都曾經有發生過同歌詞一樣嘅事😢特別喜歡－句歌詞係狠心的斬斷聯絡，應該很灑脫麼！為咗唔令自己再受傷就對自己狠下心斬斷同對方所有嘅聯絡，做左呢一步應該看似好灑脫，但心有餘悸好想重新再開始..... 多謝alfred寫左一份咁好嘅詞👍🏻👍🏻

[@yukichan_0508]

許老闆你好👋🏻 我覺得呢首歌好「許廷鏗」，歌詞好赤裸，聽到眼濕濕🥹 如果要我揀一句歌詞，我會揀「情共愛不必深究 再愛也不需佔有」🫶🏻

[@kinkicheung7163]

聽完都有痛心既感覺。 好多關係擁有時唔去珍惜，失去先後悔，往往已經太遲 我最鐘意既歌詞係： 恆星會墜落 明日重現那星宿 許老闆情人節快樂，繼續期待你既作品❤️

[@fanfankylie529]

Alfred 情人節快樂❤️❤️❤️ 良心發現 係一首虐心的歌 不過聽完哭過了，眼淚不會浪費的。因為您會更加清楚了解您自己。 面對一直放在內心， 不敢去碰的那一點。 人人都有過去，都有屬於自己的歷史。 神奇的是，Alfred永遠都會唱入人心。這歌詞能夠將大家在聽歌那一刻連在一起。 我最愛的一句是 “情共愛不必深究 再愛也不需佔有“ ❤️❤️❤️因為，有過就夠❤️❤️❤️ 💜大家情人節快樂💜

[@AlfredHuiOfficial]

大家記得轉做4K睇 效果更佳！

[@billwang5103]

為什麼Alfred這兩年變得這樣厲害， 好像是在音樂上想通了的人，脫變了。以前我只覺得Alfred 是一個唱得下的普通歌手，但現在, 我對你有無限的期待。

[@msc1004]

同感…多數係因為人生出現左一d變故先會咁😢

[@chodordor]

真！變得好有深度！演唱會又要買飛睇啦

[@YING0v0]

久違既鏗式情歌 更加正既係佛親手填既詞 直白到好令人心痛🥲

[@_.wkyhayley._]

「請施捨一次容錯 不安感比較多」 腳步本就緩慢的我，走在追追趕趕的路上，經歷著沒完沒了的追逐，不知不覺積下了數之不盡的不安。 作為中學生，尤其是在香港就讀中學而個人平庸到不能再平庸，總是有著某種庸人自擾的態度嘗試著於各方面催谷自己。 以我卻是面臨著一次次失拜和自我質疑。本就起步慢也比人晚，卻痴心妄想著自己可能夠以短短三年的時間追上一直在奮鬥的同學。在一次次失落後，「再不濟我也對比自己上次有進步欸」再也無法估勵自己冷靜面對。 機緣巧合下，在12月30號的晚上我聽到了良心發現，然後這一句歌曲就刻在心底了。雖說根據此詞的內容應該本是向對像奢求一次容錯好再改過的，但請容許我自行了解或稱曲解。 這句我是想送給自己的。追趕永遠是無窮無盡的，或許是應該給自己一次容錯，一次接受失望、失敗。不安感猶如黑動般永無止境，是時候放過自己，留下些少容錯的機會。 歌詞和mv取自演唱會現場的純粹抓到我的心了，不得不說自許團隊世一🥹 附帶一提，老實說我是頗慶幸尚算年幼的我未曾經歷失戀或是分手。但歌曲，作為傳播藝術的渠介，自然全在著無數聽者的個人見解。 (許老闆你好喔 我是一枚很愛你的學生粉xd

[@Kiki-qo7gf]

我是來自澳門的，我患了「夢見許廷鏗症」，我基本上晚晚都夢到你，可能我哋有緣！我最喜歡「良心發現後 寧願從沒有牽手」，牽手是很高的學問，你還記得第一次牽手嗎？很多人良心發現之後，都後悔牽過手，最痛是學習放手。

[@faaadooo2226]

「良心發現」- 完整的心路歷程 失去過後才懂得珍惜已變成人的慣性 在還沒失去的那一刻 其實每個人心裹都很清楚知道 若現在甚麼都不做 結局會變成那樣 但也許因為仍想停留美夢中/惰性 而錯過了每一個可以補救的機會 假如能夠捉緊其中一個機會 雙方的結局或會有所改變 但一切都只是「假如」「假想一切再重頭」可惜世界沒有如果 亦不能重來 沒有容錯 美夢破碎了 終歸現實 原來會不安 會痛 但又能怎樣？知道自己已錯過一切 沒有資格去挽留 只能假裝灑脫離開 當獨自一人時 徘徊在雙方的回憶中 希望還能有一絲絲機會 再次為彼此的關係補救 無論多少次的徘徊 結局仍不變 這段關係終須完結 世界仍不斷向前走 不斷逼著雙方從這段關係抽離 向前走自己的人生 有些關係未必需要佔有 放手或者會讓雙方有各自成長 對雙方都是一個好選擇 讓回憶收於心底 成為生命中的養分 由一開始的不安 不解 到最後真正灑脫的放手 開始明白到關係中的奧妙 重新一次認識彼此 認識自己 「良心發現」算是一首太現實的歌 不是可以隨便觸碰的 但每一次都能夠提醒自己必須向前走 「只想到日後 遙望前面那星斗」 有過就夠 收於心底

[@chengwendy9868]

「再愛也不需佔有」 那份只願對方過得安好的心意， 互相微笑祝福， 也許是真正愛一個人的美好吧。

[@jamiechan941]

聽完良心發現這首歌，令我憶起一個已斷絕來往的十年朋友。因為一些小事而大吵大鬧，最終導致絕交收場。然而，每晚發夢都會夢見我們的開心回憶。有時會很後悔，為什麼當初我不忍著自己的臭脾氣，或許結果就會變得不一樣。至所以喜歡這首歌，除了因為身同感受之外，它還警惕了我要記住這個教訓。當你以為可以像平常一樣可以和好，但原來已經回不到過去。正如一隻玻璃杯跌落地，出現了裂痕，但你點樣修補，條裂痕都總會喺度。所以，如果要選一句我最喜歡的歌詞，我會選擇「既沒有開口 也沒有資格再逗留」。既然已經不能彌補，只好改變自己，在其他關係中努力做一個更好的朋友。

[@kitcat5488]

一段關係最後沒法廝守，無論是對的時間遇上錯的人，還是錯的時間遇上對的人，面對錯失不安也是正常。即使有什麼不妥，歉疚並不是每一次「錯」都可以假想一切再重頭。錯愛始終也愛過，回憶總是美好的，相信每段關係總會有它的「對」，日後成為更好的自己。 我特別喜歡最後一句歌詞「再愛也不需佔有」，呢句歌詞唱到入心坎，既然沒有資格補救，只要曾在乎著擁有，選擇灑脫放下未嘗不是好事，或者是換另一個方式的愛 - 我的離開也是愛。 個人私心喜歡鏗式情歌，多謝Alfred親自填詞剖白自己的愛情世界，希望大家都可以透過呢首歌找到釋放情緒的出口。 相信緣份 仍願意相信吧🤍

[@sherylkong3990]

Alfred自從自己開公司之後d作品真係驚艷好多，以前d歌都係幾乎一式一樣，好似困左係框框咁

[@kkbox-6789]

好好聽的！如果有人看到此消息，请留下拇指。 我会回来，并再次听的歌🙋🏻💖💖

[@hazelchiu5533]

喜歡良心發現 因為我經歷了一段同樣痛苦的愛情 一段十年前的感情 因為是不同地方的關係 我們漸漸疏遠了 後來才知道原來對方岀盡全力去找我 但我沒有切身處地去思考對方的處境 我很自責 一段美好的感情放在眼前我並沒有好好珍惜 「請施捨一次容錯」 我想開口請對方再次留下來 因為我每天都被罪感追着跑 連晚上 我都喝得很醉才能入睡 入睡了，就會夢到那些開心的日子 但夢一醒，就會哭 「刺痛又如何？」 「你會回來嗎？」 MV 入面Alfred 同小CK 嘅走位舞步 好似講緊明明大家都有努力 但係二人永遠都唔會再相遇 「我知道錯啦， 可唔可以俾多次機會我？」 但我知道 無論之後做什麼去補救 都已經挽𣎴回這段感情 對方已經不會再回頭 「點解唔可以原諒我？」 我曾經很想去做點甚麼去補救 很想盡我所能去彌補我所犯過的錯 曾經完全放下自己所有生活 飛到對方那一邊 以為再努力珍惜就可以 「明白我做錯認錯也不夠」 記起我們在東壩共同看的星空 自責，刺痛，後悔的日子 一想起就很煎熬 「我地可唔可以重頭黎過？」 苦苦哀求後，迷失後 我們最終也沒有再一起 回想我只是想沒有那麼難過，想沒有那麼悔疚才想努力彌補 「對唔住呀」 「我地唔可以繼續一齊行落去」 「終須撤走」 十年，也是自我懲罰夠了 我願意原諒我自己了 我會放開手 換一種方式去繼續愛 「再愛也不需佔有」 / 以上是我的故事 我最想許老闆親手寫比我嘅歌詞係 “恆星會墜落 明日重現那星宿” 好想紀念那一年和他看到的星空。 告訴自己，我帶着回憶，情共愛，向前走。 謝謝Alfred 寫了如此道破心境的情歌 就像一個安慰。謝謝您如此坦白分享💙

[@ivywong7891]

最鐘意 “再內疚也別要找借口” 呢句 因為係俾自己清醒嘅一個位，終於識得喺自己後悔 幻想 入面走出黎…… 可能係好殘忍，好現實 好實在嘅一件事係，再沉浸喺後悔入面，俾再多嘅假設自己，錯過左錯失左，就係返唔到去果陣 就算再有類似嘅機會 有一樣嘅事俾你再做多一次而你做左呢一次唔係後悔嘅決定都唔會補救到“之前嘅過去左嘅野” 不如勇敢面對佢

[@arthuryu6759]

耳朵雙胞胎 啱啱穿羊水

[@FamilyCen]

😂笑死我，这个评论

[@hiulamli8510]

我聽完即刻生埋仔💛

[@sethma317]

久違既鏗式情歌 好有頭幾年作品既FEEL!

[@heyshirley]

「擦掉痕跡很久怎會念舊」呢句歌詞有某一個瞬間令我好心up💔💔💔 縱然時間抹掉所有關於你的痕跡，但我仍在心底想起你☹️☹️

[@navikyouka]

有幸買到年尾演唱會的門票，在現場第一次聽到是有點起雞皮，一來是近年比較少聽到alfred的情歌，二來是當時在現場聽著歌詞（對，比起旋律的更喜歡咀嚼歌詞）那種不明所以卻很有同感的痛又回來了。 數年前，我也以為自己已經找到一個可以其渡餘生的人。雖然不是拍了十年八年的長拖，最終甚至連一年也撐不過去，不過當時是愛得多麼投入及盲目，連愛到失去了自己都沒有在乎過，就算身邊好友的勸告也沒有聽進去。自以為是甚麼大情聖，擁有了愛情其他好像都不重要。 直到某天在對方的電話上看到一個熟悉又陌生的名字。熟悉，因為這個正是我另一個朋友的名字；陌生，是因為他們應該互不認識。再看之下，原來他們不見得光的關係在幾個月前已經開始，而當時我仍在盲目地享受著愛情的美好。當天對愛情的嚮往與自信，一下子崩塌得完全不像樣。 雖然有試過攤開事情最不堪入目的一面去嘗試一起解決，但對方的逃避和情緒勒索反倒令當時的我覺得自己才是有問題的那一位。「大概是我不努力，大概是我愛得不夠」。所以之後一段時間更用力去愛，花上更多的時間陪伴。最後發現即使身在一起，心早就不在了。對方早就預備好重新找尋另一段的愛情，只有自己一直埋首解決自以為很重要的問題。 感受最深的一句會是「良心發現後 寧願從沒有牽手」（雖然後來發現demo版本的「錯在我一早知不妥 然後我 獨個面對壁思過」更震撼就是了😂） 演唱會上，看著兜兜轉轉的舞台，ck和alfred相互的追逐，不由自主地代入了當時的自己和對方，想起了這段最後只維持了不足一年但卻是最刻骨銘心的愛情，好像又再陷入了當時分手後的陰霾和悲觀之中。 As time goes by，現在的我已經沒事了。既然注定是會失去的，倒不如好好記著曾經的美好，帶著學到的一課繼續好好走下去。雖然這個情人節未有新的人一起過，不過我相信，自己可以找到更好的。希望alfred 和大家也可以找到自己相信的人😎祝大家情人節快樂💕

[@mysteryshoppermarketing8357]

希望你生活愉快～ 隨緣自在

[@fireflylo4243]

好好聽，呢幾年做照顧者的壓力不斷聽你的歌，當時佛系人生很多感概。到左親人離開後 你的歌很有力量 可以恢復我的元氣 多謝你一直做好音樂

[@Vitagreen1441]

加油❤

[@fireflylo4243]

@@Vitagreen1441 thanks ❤️

[@kennisssw]

從來未當過需要《良心發現》嘅角色，但預過《良心發現》的前度。沒有這經歷，都憑歌寄意感受到失去最愛的痛，寧願從未開始過，都不願為對方帶來傷害。 "曾做錯都不追究 免卻我此刻歉疚" 喺懲罰良心發現的人，令對方於心有愧一世嘅最高境界。 *btw,當日喺演唱會見到行走既蒜頭唱緊咁狗血既情歌，立即Google seach 歌詞都搵唔到係咩歌，那怕的錯過了佛佛既正歌。

[@yucheung4359]

L佛好多歌都好聽，但最冇得輸一定係依種苦情歌，配合L佛把聲真係冇得輸

[@yikmingyip1542]

其實「天團」之外 都有好多默默耕耘既好歌手值得支持

[@zoelai-er6jp]

"不捨得失去聯絡.............遺下了我,我亦會不安,刺痛又如何......想開口請你留低有什麼不妥?" 一段不可告人的關係, 他良心發現後, 要向前走了.....遺下了我

[@immortalant5308]

喜歡《良心發現》是因為 許廷鏗很久沒有出鏗式情歌了 你說上一首是《仁至義盡》 我卻會說是《將心比己》《痛醒》 不過最近都已經三年多了 並不是說你這三年的歌不動聽 但十多年前令我入《鏗》的是《螞蟻》 所以一直以來對鏗式情歌是有種情意結💙 等了三年多終於有一首［欣宜］感慨萬分😭 有種覺得《許廷鏗回來了》的感覺🔙 新歌來說 最易入腦而且最喜歡的新歌就是這首 沒有之一 「可不可不要提我鬆開手的結果」 可能已經一早忘記 但可能有些事件有些地方 是曾經充滿著我們的回憶的 被回憶突然提醒了 原來錯過 原來鬆手 就不是這麼容易回頭 這句歌詞也是整首歌的第一句 希望許廷鏗能寫這句給我 當我每次看到的時候 能夠把這首歌由頭唱一次！

[@ZombieSC2016]

I like 《仁至義盡》& 《痛醒》too, these two songs also recalled my sad but unforgetable memories. and 《螞蟻》

[@user-dr1vx2cd9c]

是在說胡鴻鈞嗎？ 1:56 @huialfred

[@Wwy.T]

一段關係開始可能只是源於一次緣份 一段關係結束亦可能是源於一次過錯 也許放手與被放手 都有良心發現的一刻 很喜歡MV畫面上的設計 黑白與彩色畫面交錯 就好似回憶與現實 各自零碎的畫面 再配合舞台旋轉的設計 表演者的動作 好似表達梗內心不停掙扎 不停跌入當中的漩渦咁 另外很喜歡歌詞上的直接 換句話說很赤裸 亦係我覺得成就左依首歌既最大特色 有時對自己坦白 可能會比向人坦白更難 就算夢裡記起所有 就算是痛的 睡醒一覺 便能安慰自己只是一場夢 最喜歡的 「遺願我 夢裡尙記起所有」

[@samuellam1142]

呢首歌帶俾我，有點虐心的感覺，但很久沒有聽到鏗式情歌，終於都回來了！ 我覺得最喜歡的一句歌詞 係「良心發現後 寧願從沒有牽手」 原因係因為呢句表達出 當面對清楚自己，撫心自問，係這段感情之中發現自己的過錯，為了不傷害對方，寧願沒有開始過這段感情，簡單的一句歌詞，卻道出當中的辛酸，令人黯然神傷，但同時又令人刻骨銘心，因此，我很喜歡！

[@198ANNIE]

決定自組公司做獨立歌手後，牙佛你真係有好大改變，可能因為可以自己決定做咩歌，唱歌方法有明顯變化，而且信心又強左，期待有更多好歌👍

[@wensiuwaen8384]

「假的永久，假想一切再從頭」 第一次聽到「良心發現」依首歌已經覺得好入肉，每次聽到喊住諗返起剛分手的我們，曾經以為大家可以走到好遠好遠，但原來一切既承諾都係隨口講出嚟😢，好想回到以前。。。好愛大家的時候

[@hoifalam6267]

許延鏗這首良心發現歌詞是帶出人生的親情.友情各種要好好珍惜，不要等到過後才來後悔

[@0503joyce]

當時喺演唱會聽呢首歌嘅時候，有種講唔出嘅感覺，雖然我好幸運冇經歷過歌詞入面嗰種後悔同內疚嘅感受，但聽到首歌時個心都會un 住un住（明明自己都冇失戀）🥹 另外，MV入面冇複雜嘅場景同情節，更令人容易投入首歌嘅情緒🥹 我最喜歡嘅一句歌詞係 「傷春悲秋去或留，情共愛不必深究」 因為感情好多時都唔到自己控制，亦唔需要執着於自己過往嘅過錯而感到內疚，只要曾經真心相愛過就夠❤️

[@kamanli7931]

第一次聽到咁虐心既廣東歌，最喜歡最後個句「再愛也不需佔有」每次聽都覺得好痛 而今日嘅我：「可不可不要提我 即將要返港」就快完結我既北海道之旅，希望有機會收到呢份禮物 令行程更完滿❤

[@MrHugolane327]

近來好常聽返「你可能未必不喜歡我」 係講述一段當初冇開展到嘅戀情。 自己突然喺腦中將呢兩首歌連繫咗一齊 假使當初雙方真係走多一步而一齊咗 係咪就可以開花結果？ 或者過咗甜蜜期後，雙方開始爭吵、磨擦 然後才發現 原來對方都未必係最適合自己嘅果個人 但開始容易結束難 之所以欣賞「良心發現」 係因為果份勇敢，可以好誠實咁正視雙方失去嘅連繫 或者係會有一時嘅傷心，但好過勉強一齊而得到餘生嘅折磨 「終需撤走 傷春悲秋去或留」 又返返去「你可能未必不喜歡我」 或者唔開始，可能會遺憾，但先係最好嘅結局

[@graceyip9441]

我覺得這隻歌除了可以在愛情或者關係作解讀外，還可以在「追夢路上錯失的機會」上作解讀。 我慶幸還年輕，未有分手或失戀嘅經歷，但我嘗試用我最近的經歷，以另一個角度去欣賞這首歌。 常說趁尚有本錢、尚有青春，就要把握時間追夢。但當機會在眼前，你卻把他一次一次親手地砸碎，心裏就會悔疚、自責，就會反問自己是否還未夠努力 「會自責偏不懂自救」 正道出我當刻的感受。 在一次次的失敗、自我質疑後，能否走出陰霾，繼續相信自己的能力，繼續去追夢呢？ 你可以會說這些失敗，是日後成功的必經階段。 但當現實一次又一次地推倒你對夢想認知，否定你本來堅守的信念，而你再有沒有勇氣繼續堅守你所信的？ 我想，這跟失戀和關係的決裂，有着異曲同工之妙。 你同樣會反問自己究竟我哪裡做錯了？如果能夠再來一次，如果我再做好一點，有沒有挽救的餘地？當錯過了，你還有沒有勇氣，冒着在再次失去的感覺，繼續追夢，或者如果是在愛情世界裏，就是去經營下一段關係。 往往在錯過後，深夜獨處時，「良心」就會跟一大堆「藉口」在搏鬥。而最後還是「良心」勝利，之後就會覺得自己做得太錯，希望現實能「施捨一次容錯」，能容許你犯錯，給機會重頭來過。 但是你捉不住那個機會，錯過就是錯過。醒過來才領悟根本不可能再重來一次。 青春離你越來越遠，追夢的本錢也越來越少。所謂長江後浪推前浪，比你年輕的，比你還有體力，比你還有更多可能性。然後悔疚的感覺就一直輪迴，悔疚自己為何不懂把握得來不易的機會，之後受盡良心的責備，掉盡不可挽救的深淵…… 最後，對我來說最入心、最想佛寫的歌詞就是「良心發現後寧願從沒有牽手」。我覺得這句歌詞表達到那份，想回到過去的盼望和悔疚的感受，是最揪心的。

[@joellehhhhhh]

又一首值得細味嘅歌🥹 多謝阿佛努力做歌俾大家欣賞，每次唱歌都投入真感情，繼續努力💪🏻

[@creamsoda5153]

無用架啦 已經OUT啦🤣

[@KeiKyu-vy6gu]

一首充滿感傷和苦痛的歌曲。旋律動人心弦，歌聲深遠悠長。（最重要是有我愛的鏗式情歌的深情聲線🥹） 呢首歌讓我感受到三個字 「難」「錯」「愛」 發現曾經覺得對的選擇卻變成錯 難 發現之後的所選所做 難 曾深愛卻無法再廝守 想繼續愛 更難 但這一切的難 都因為愛。 「良心發現後 回望曾共對星斗」既提及歌名，又感受到曾經的浪漫時光。所以我希望收到這句歌詞🥺😍 如果有幸收到 天天都是情人節～❤️

[@guoyongshi9115]

許廷鏗同埋佢啲歌真係好難唔愛❤ 「良心發現」成首歌將自己嘅心路歷程完全表現出嚟，從開始嘅忐忑無助同徬徨，到我願意再試一試挽回一段感情，到真正失去，令我哋真正走入佢嘅內心世界。成首歌演繹得好有層次感，其實歌詞嘅一啲文法用字都唔係話好難，但係就唱出無比嘅刻骨銘心。 我最鍾意就係「終需撤走 傷春悲秋去或留 情共愛不需深究 再愛也不需佔有」（我貪心啲 許廷鏗有佢自己獨一無二嘅魅力，同埋佢獨特嘅唱法，成首歌係真係好入心入肺，好多謝你呀Alferd❤️

[@shiningstar8982]

第一次聽到良心發現這首歌是感到撕心裂肺般的痛，大概是聽到一段悲傷的故事，而感同身受，悲哀不已的感覺。如果痛楚能夠分等級的話，原以為這版本已經有十級痛，怎料到原來滿分不是十分，而是一百分。早前於許廷鏗IG曝光的Demo更加痛入心扉，反而顯得這個版本的良心發現添上了一份放下、勇於向前看的感覺。 記得在演唱會上初次聽見良心發現這首歌莫名地被觸動，旋律是典型的情歌，容易入腦，歌詞更是琅琅上口，十分有記憶點，連續兩晚聽到後，已經徹底上癮，一直祈求能夠盡快派台，相信這類型的歌曲一定能引起大眾共鳴，情感真摯、歌詞直白，用最簡單的文字，引起每位聽眾的經歷，不論有沒有過類似的感情故事，都會被歌者的經歷深深打動，為其惋惜、悲哀、擔憂、感動。 我一直認為文字及音樂都是特別的，特別有溫度，特別容易引起共鳴，人同此心，尤其是真心、真誠最易打動人。血與淚的回憶怎能不教人聽而流淚、傷感。 加上MV是採用了演唱會上許廷鏗與CK共同表演的片段，只想說句：「許廷鏗你犯規！」完全勾起當初演唱會初初聽到這首歌的驚艷！現場演唱總是不同的。我對良心發現時CK與許廷鏗的舞台動作更為喜愛，不斷追逐，若即若離，但永遠都追不上、碰不到、抓不緊，另外尤其深刻的是二人位置有相交的時候，但僅僅幾秒再度分開，有努力過，有掙扎過，最終失敗，CK黯然退場，獨留許廷鏗一人在台上聲嘶力竭，唱着屬於自己一人的歌。這段形體動作，令我感到我好像近距離地感受了一次失戀分手的掙扎、悲哀、努力、挽留、自責、無奈、放下的感覺。就像兩條線，因意外偶爾相交過一點後，便漸行漸遠，朝着沒有對方的方向漸漸遠離。不是沒有努力過，不是沒有內疚過，不是沒有自責過，不是沒有幻想過，如果一切能夠重來，我一定會做得更好，如果有如果…… 除了有一個很好很好的MV之外，我亦很喜歡最後一段的歌詞： 只想到日後 遙望前面那星斗 恆星會墜落 明日重現那星宿 終需撤走 傷春悲秋去或留 情共愛不必深究 再愛也不需佔有 很喜歡填詞人許廷鏗用星辰去比喻愛情，世界上沒有什麼是永恆的不變，對吧？即使是我共你看過的滿天星辰，亦會有墜落的一天，春天總會過去，很快便會到秋天，到時大概我會明白再愛也不需要佔有這個道理。最後一段歌詞我看見的是悲哀、自責過後，慢慢懂得放下。恭喜一切懂得放下的人。 由Demo版本聽到出街版的良心發現，就好像陪你感受過一次這段濃烈而深厚的經歷，可算是陪你找失戀的美好吧。不得不提我個人其實對Demo版的一句歌詞亦有反思： 既為人之初 那善惡之分怎識破 明白我尚有力氣上一課 由小至大，我們受過良好的教育，我們懂中英數，我們懂真善美，可是好像從來沒有人好好教過我們怎樣去愛，怎樣好好去愛。我們就像個孩子般在每段戀情中跌跌撞撞，慢慢摸索，幸運的人很快會學懂，但總有些人需要很長時間慢慢了解自己，先自愛，再有氣力去愛人。每段經歷都是寶貴的，有意義的，沒有任何人能全盤否定你的故事，因為每一段所謂錯誤的經驗都是為下一次做好準備，不斷的學習，不斷的上課，成為最好的自己，我相信對的人總會出現。 一首好的歌有很多標準，對我來說良心發現這首歌好聽，歌詞有意思，觸動到我，亦令我有所反思，這便是一首好歌，希望有更多的人懂得欣賞，好好細味。 如果有幸抽中Postcard的話，我想Alfred寫呢句俾我：情共愛不必深究 再愛也不需佔有❤️ 最後最後！ 祝許廷鏗喺你嘅人生道路上永遠走花路！ 可以有挑戰，可以有疲倦，但係一定要幸福！💙 希望自許CK WinWin 台前幕後，大家都要幸福🥰 繼續期待演唱會碟，同埋嚟緊嘅新碟！🫶🏻 offtopic講吓，好耐冇喺一首歌嘅留言區見到大家分享咁多自己嘅故事，一路睇，一路就覺得好感動，每個人嘅經歷都係獨一無二，可能而家睇嚟呢段經歷好失敗，好痛心，但係希望以後回顧嘅時候，大家可以放下，希望大家都可以從彼此嘅故事搵到力量，希望留言嘅每一位都可以幸福🥹❤️

[@Calvinckmusichk]

支持Alfred 🫶🏼🫶🏼

[@floorguardian52]

do a video on Alfred!!

[@smalldimples]

可以出一條關於Alfred嘅片🥹❤

[@heyshirley]

你上年應承做Alfred嘅歌曲分析wor😂仲未找數啊Calvin sir

[@lovecantopop]

「再愛也不需佔有」 呢首歌諗起好多好可惜嘅關係…. 如果懂得良心發現 個結果會唔會不一樣 會痛 因為在乎過 但人總會經歷一啲痛先會成長 幾愛一個人都要學識去放手 只能夠同自己和好 將來會遇到對嘅人 將呢份祝福送俾大家🤍

[@leochung1450]

唔知點解，我總係覺得良心發現同將心比己呢兩首歌係有少少關連。 明明是自己過錯， 對方仍然選擇相信、原諒、接受， 最後自己卻放棄對方，親手結束這關係。 …..連犯錯都不追究 卻叫我一生悔疚….. 無論時間相隔多久，這種後悔和內疚都已經深深刻進心裡，一輩子都不會消失。

[@tommytsui0127]

勁歌金曲上咗榜，繼2016痛醒後😱😱😱 幾時上埋去唱live？等你好耐

[@hojerry7177]

阿佛唱得好好聽，MV中的你帥帥好好睇~~ 🎵「遺願我 夢裡尚記起所有」🎵這句最印象深刻 或許曾經有一段因自己該珍惜的回憶，最後卻大部份回憶碎片都忘記了，只知道重要的人已離去，一去不復返，那時沒辦法叫她多等我一下，因為覺得她需要的不是脆弱的我，而是需要堅強得自己去面對那時繁重的課業，多年回過頭來看，知道她變了成熟，我也變了，但都過去了。《良心發現》自己內心歷程是怎麼過來的，即便知道放手很痛，但卻是對雙方最好的選擇～謝謝Alfred的好歌，再次讓我檢視，也知道過去的經歷，會成就更好的我～

[@longhimchiu]

聽依首歌真係好重好重，歌詞充滿住失去、不安、後悔、自責等情感，嗰一種一廂情願，嗰一種無力挽回嘅感覺，很真實。 有時候，我地嘅選擇會帶嚟唔同嘅結果，當我們經歷咗選擇所帶嚟嘅痛苦時，可能我地都需要俾自己一次容錯嘅機會。 有啲事情可能無法彌補，我地改變唔到人地對你嘅諗法，但我地可以從中學習同向前看，從經歷中學習同成長，將注意力轉向未來。 「#情共愛不必深究再愛也不需佔有」我地要學識放手，為自己找到更好嘅出路。感謝你Alfred！💙

[@lamcrystal7781]

今年紅館見好冇😭❤️

[@wingheiliu-wl1qy]

我係你第一次紅館演唱會前係fb留過一次好長嘅留言俾你知點解我會甘鍾意聽你嘅歌，對我嘅意義。不過唔知你有無留意過🤭 每一次聽你嘅情歌我都會好心痛都會喊 今次依首簡直就係完完全全剔中心 有啲人無論過左十年都仍然係心入面唔願意放底，仍然對佢有愧疚，多謝你依首歌，以後都會成為我嘅主題曲❤ 【情共愛不必深究 再愛亦不需佔有】

[@harrypotter2010100]

由演唱會聽完之後日日上KZbin 狂loop，終於等到正式派台

[@claracheng4299]

我喜歡這句，想開口請你留低，有什麼不妥，每次聽每次喊，我對這首歌好有感覺，好大感受，好感動，如果有個男，在我面前唱這首歌，我一定好感動，什麼恨都可以消除，重新開始，重新在一起，給機會比對方，也比機會自己

[@claracheng4299]

我錯過了你的相機，但可否可以得到你的poastcard

[@kachunsun5360]

喜歡呢首歌果種淡淡哀愁而又帶點釋懷，但又好似係想用力話俾自己聽要放手，唔好再勉強果種拉扯感。自己係一個當交深咗就會用盡所有力氣去愛嘅人，但又會因為處女座性格而令自己想得太多，導致當有啲情況反而令自己更唔知點去愛，有時更覺得對方係咪已經唔再愛自己。 所以想許老闆寫:”再愛也不需佔有”去提番自己，有啲人可能只係生命中嘅過客，可能佢岀現係重要，亦都要好好珍惜，如果能夠keep 到當然好，但當大家關係變了，就要學懂放手，真係再愛都唔一定要佔有，讓大家都有空間。

[@pohningtan]

Alfred平時的post也很像詩一般，這次填的詞更是不得了，字數、押韻、含意都很棒！再加上一take過的錄音，簡直就是黐線佬！ 「良心發現」看似是無法原諒自己曾經的過錯而和那個對的人擦肩，但最後的那段才發現原來是跟「佛系人生」互相輝映，淡然看破一切。由執著到提醒自己要放下，整首歌的情感細膩得來又很豐富，聽著聽著都好像死去活來 (literally)！ 曾經很糾結到底哪一個比較遺憾 1）喜歡一個人但始終沒能在一起 2）曾經在一起但卻不能走到最後 然後，好像在這首歌的歌詞中找到了答案。 「情共愛不必深究 再愛也不需佔有」

[@kityu2805]

聽完呢首歌即刻諗起Joyce 既無表面傷痕，呢兩首歌的歌詞都寫得好到肉

[@cindysylai5612]

首歌好好聽，最中意你的情歌，演唱會首唱已覺好有feel，like爆，會日日狂loop!

[@wingcheung1237]

首歌好赤裸，有種身同感受感覺，可能因為剛分手的原因，聽完會喊，好似份詞講到狠心的斬斷聯絡，應該很灑脫麼，確實我刪的時候會覺得自己會係放得低那個，原來唔係，只不過是強迫自己而已，聽完首歌，喊完希望真係會好過D，份詞最後一句話比我聽再愛也不需佔有，係時候要放手了。 如果要我一定要揀一句就是【良心發現後 寧願從沒有牽手】

[@masumiakai]

勁開心睇到咁多人開始cover鏗鏗嘅《良心發現》啊😆😆😆 唔經唔覺，呢條MV又去到熱門音樂影片#11 😗😗😗

[@hoiyenchan4889]

那麼無奈那麼虐心，何其深愛 好喜歡「再愛也不需佔有」 卑微，但我願意 跟心底裏的情人說聲 情人節快樂🤍

[@tangngaiying2719]

1:18 『遺願我 夢裡尚記起所有』 呢首歌的確每聽一次都會虐心一次 正正因為Alfred親自填嘅詞 配上佢歌聲嘅親和力 先會聽到咁大感觸 好多時只有係夜闌人靜嘅時候先可以俾自己回憶多次 第一次於演唱會現場聽 及後再聽呢個版本嗰感受都好唔同 現場嘅氛圍加上CK嘅表演可以話係昇華咗成首歌 所以我更喜歡聽live嘅版本 Loop咗首歌好多日 希望可以快啲紅館再見💙 繼續支持我最喜歡嘅男歌手💙(沒有之一)

[@Alison-rw5fd]

喜歡《良心發現》，喺唔同日子聽有唔同嘅感覺！第一次喺12月30日《In the round》演唱會聽得唔太清楚，可能因為音響問題或未夠時間咀嚼歌詞；到兩星期前聽派台及KZbin MV版本，愈聽愈虐心，歌曲描述嘅主角同自己好似...首歌好似為自己而寫咁，紀錄住深愛一個人嘅心路歷程，而demo歌詞就更赤裸！情人節當日聽《良心發現》，感覺首歌不停提醒我 - 不要因為當下幸福甜蜜，而忽略不小心再犯錯，否則有天被狠心的斬斷聯絡，「只聽到不要找我」、「全部我錯」... 而我最喜歡嘅歌詞係《傷春悲秋去或留，情共愛不必深究》，不止是愛情、友情或其他，對方離別有很多因由，只是找藉口離去；當自己被遺下，一直想知道因由、想改過... 而對方無責任交代原因，只能說緣份已盡，我哋無法控制離別，盡力做好自己就夠，最重要嘅係⋯相處時曾經美好嘅時光。 人生有好多過客，傷春悲秋去或留，而情共愛真的不必深究，深究往往令自己太累！ 我家書枱有會放置勵志及正能量postcard，希望許老闆為我寫《傷春悲秋去或留，情共愛不必深究》，許老闆親手寫嘅postcard將成為勉勵我人生嘅字句。我好想好想要許老闆親手寫嘅postcard，希望被選中，最後，多謝許老闆將赤裸的一面跟大眾分享，亦多謝自許紀錄團隊製造首首高汁音樂❤。

[@andylee3536]

「會自責 偏不懂 怎樣自救」 當良心發現，自己跌落心（深）淵，呢句歌詞好中！大概，我也是個曾經良心發現的人，所以成首歌聽起來特別有感覺以及畫面。過了好耐好耐之後，依然幻想如何補救，卻忘記如何自救，所以我選了這句歌詞。 許老闆，你玩得開心啲啦，等睇你食評遊記靚相，上次京都間串燒舖我Bookmark左下次去食，如果比你揀中寫張Postcard比我就好啦🥹🤪

[@masumiakai]

呢幾次CK同Alfred嘅合作，我發覺CK眞係好好戲，無論係亻言定假面具，抑或呢次嘅良心發現，都演繹得好好🥺🥺 同埋現場嘅燈光+走位，增加了不少亮點☺☺

[@photohang8177]

遺憾地沒法在演唱會現場聽許廷鏗第一次唱良心發現live 但慶幸有睇飯拍、亦有到油塘大本型聽了live新春版良心發現 第一次聽那副歌旋律已經很洗腦 看到飯拍和這MV見到Alfred和小CK在那旋轉台走來走去沒有接觸 配合歌詞就明白當中意思 當然，許廷鏗也在訪問中以第一身感受說他在台上真的沒有對望/看過小CK一眼 喜歡看這MV是因為它主要以黑白作主 - 黑白照大多用於逝去的人事，而這首歌正正在記載一個過去了的感情 用色適當不過 《擦掉痕跡很久 怎會念舊》 明明事過境遷，明明已經過了很長時間應該要放下， 但感性的我總會念舊 總會突然回想當天的事 好像跟擦字膠/塗改液的道理一樣：即使擦走了那些黑色字，其實也會看到有痕跡，無論時間過了多少 寫錯了就是寫錯了，做錯了就是做錯了 總會耿耿於懷、念念不忘

[@vincekong3378]

早兩日在電台聽到，好好聽。而家日日都要不停loop 首歌

[@eaglechan5552]

this song deserves no.1 on 903 chart...

[@KevinHang]

越聽越痛😢😢 歌詞一句句直達痛處

[@Ceroylia]

每日都會聽好多次每次都會毛管戙！ **情共愛不必深究 再愛也不需佔有**

[@sasa0956]

hello許老闆！！！ 我第一次聽呢首歌係你第一場嘅演唱會，前奏再加上你所寫嘅歌詞，兩者混合都引起我注意同有好深嘅感受。呢首歌係記錄住你⼀直以黎嘅經歷、你嘅高山低谷，所以先會有呢首歌嘅出現。 相愛、分離、後悔反省、意識到自己嘅過錯、放開，呢5個step係一個loop黎。好多人會後悔自己做過嘅錯事而令對方離開自己，想補救都已經補救唔到，想從重頭開始過都已經冇可能。 「狠心的斬斷聯絡」、「期望來日再補救」、「假想一切再重頭」 呢種不安感要去到幾時？對方可能已經修補好自己破碎嘅心，但自己點解仲要一次又一次咁去後悔以往嘅事？ 所以到呢首歌最後講到自己終於明白，所有野已經過去，回憶永遠都係心裏面，自己亦都明白所有嘅往事都要放下要move on。 「再愛也不需佔有」 呢一句亦都係我最鐘意嘅一句，因為呢句為呢個故事寫左一個總結，由分手到放下；亦都好好回應許老闆嘅中嘅最後一句「記憶留低這份愛」，不需要再擁有呢個人，曾經嘅回憶就已經足夠。 DEMO俾人嘅感覺係更痛心，但呢個version有一種放下嘅感覺。 感謝許老闆12年黎嘅堅持！希望你係日本玩得開心！

[@kageyamaruka1365]

其實「良心發現」呢首歌有好多歌詞都好入我心，由「不捨得失去聯絡，只可惜一碰即破」，令我不得不面對我依家呢段關係，過左四年，但對方永遠都係唔開心或者低潮時先會搵我，可除左最尾嘅「情共愛不必深究，但好少好少時間會真係關心我或者理會我感受，除左一開始認識時。 四年過去，曾經為左見佢，為左佢一句說話我兩個星期就飛一次香港，同佢食一餐茶記都好，見下面吹下水又或者睇下戲都好，果段時間係我最開心嘅日子。宜家雖然對佢仲有感情，亦都唔想咁放棄，但我已經開始覺得迷惘，就好似台上CK嘅舞步開始凌亂，逐漸崩潰，到最後CK即時想觸碰Alfred 但都係選擇轉身離開，但我呢？我是否能夠好似CK咁在掙扎過後選擇轉身離開呢？雖然今日已經有回覆過留言，但我覺得今次嘅留言可以表達嘅比較詳盡，但我最鐘意嘅歌詞仍然係最尾嘅「再愛也不需佔有」。

[@vivianleeismybestfriendxxx5322]

第一次聽呢首歌嘅時候，聽到Alfred你把聲嘅演譯，令我覺得呢首歌好傷感，睇完mv之後呢種感覺更甚。mv入面有個位唔知點解特別深刻--「只可惜一碰即破」嗰度，係隻手輕輕一掂，一掂我就已經眼濕濕。另外就係CK嘅表情、舞蹈、動作，都令觀眾更加投入到首歌當中。 mv係聽《良心發現》呢個故事嘅其中一個方式，但我更鍾意淨係聽住歌，合埋眼自己想像個故事嘅畫面。就喺咁做嘅時候，我發覺呢首歌好似同Ian嘅《再見 寧靜海》幾夾。唔知點解會想喺《良》嘅主歌之後接《再》嘅副歌，即係「著地之後 請忍痛放手」呢句。首先係兩首歌嘅主角都唔夠膽面對之前發生嘅事--「怎麼不敢再回憶 那日的經過」同「不敢再次 抬頭看 天邊的朗月」。然後係《良》呢首歌一直講主角嘅自責同歉疚之情，係到最後幾句先算有少少釋懷，而《再》都係講兩個人分開後就要忍痛放手。加上《良》呢首歌喺最後一段副歌有提及到「星斗」、「星宿」，同《再》月亮嘅主題不謀而合。以上種種原因令我覺得《良》呢個故事嘅主角可以試吓聽《再》呢首歌，可能可以從中得到少少慰藉。有時做錯咗嘅事就係無得補救，再內疚落去都無補於事，倒不如喺「良心發現後」「毋須更內疚」。總而言之我覺得兩首歌擺埋一齊聽又有另一番感受，唔知大家又係點諗呢？ 最喜歡嘅歌詞：「不捨得失去聯絡 只可惜一碰即破」一碰即破呢個意象好能夠觸動我，所以好鍾意。 最後想講埋之前喺fh熊館嗰度睇過Alfred你嘅訪問，好欣賞你嘅處世態度，希望你繼續加油，自許記錄越做越好。

[@bernardlau00428]

想特別讚讚拍攝、剪接同寫藝術字嘅朋友，令個MV多咗好多細膩感覺，睇到CK嘅細緻舞蹈表演同表情變化

[@jasonlin4068]

我希望老闆寫既沒有開口，也沒有資格再逗留。因為兩年前分手既時候，其實我哋冇正式一齊過，大家都怕羞，所以冇正式開口過過，但係而家良心發現後，沒有機會再開口。多謝老闆🤗🤗

[@maxineclark7826]

0:22 而家ge狀態😢 不捨得失去聯絡 只可惜一碰即破

[@sunflowert3903]

Alfred作詞👍🏻👍🏻👍🏻

[@AlfredHui-bw8kf]

你好，宝贝女孩，你好吗？谢谢你成为我的忠实粉丝，我真的很感谢你的爱和支持，表明你是我的特别粉丝，你叫什么名字，来自哪里？

[@ricotang0727]

第一次係演唱會聽嘅時候已經好鍾意，無論係旋律定係歌詞都令我好深刻，係久違既虐心情歌！最驚喜既係許廷鏗再次打開自己既內心世界，分享自己好personal既經歷同感受🥹希望大家唔好再經歷呢種遺憾了！ 如果揀中，想許老闆寫 「恆星會墜落 明日重現那星宿」！ Thanks so much!!

[@shizukadomoto8387]

本來 31/12 有飛去現場睇跨年演唱會，可惜當日快測確診 COVID 所以未能到場，只好割愛，後來 2/2 睇 MV 首播已被洗腦 喜歡良心發現這首歌，除了旋律好聽，歌詞虐心之外，就是欣賞 Alfred 能夠將最內心深處的自己挖出來，因為他對歌迷投了信任的一票，完全相信大家不會藉此傷害他，這份 Alfred 寫的歌詞驟眼看似絕望，但最後一句 “情共愛不必深究 再愛也不需佔有” 其實帶有希望的，最後釋懷學會放下，再慢慢重新向前行 我希望 Alfred 可以親手為我寫這句帶有希望的歌詞 “情共愛不必深究 再愛也不需佔有”

[@drlittlebear]

第一次聽到就覺得這首應該會成為我今年嘅top1，自將心比己以後就很少聽到Alfred唱這種類型嘅情歌，抒情又全程透露著悲傷的氛圍。分明是兩個人的故事，但是只有一個人在講述，隱去的那位雖然沒有一句，但是處處是觸不及的身影。就像演唱會上ck演繹的那樣，永遠只能是可見卻不可及的水中幻影。 最中意係「容許我殿後，期望來日再補救」呢句，每次聽到都不自覺聯想起《護航》「來日再由我，危劫中護航」，雖然歌詞全篇都是痛心的回憶，每多想一次都像是在心上多割一刀，留下一道疤，但是仍然表達出對對方的不捨眷戀，期盼有一天能補償到對方。這種痴情讓人動容，但同時我們也該想想，這種愛的方式真的是對方需要的嗎，纏得太緊，對方可能透不過氣，當我們以為給到對方最好的，其實恰恰是把她逼走的原因。為何會親手摧毀我們覺得穩定永恒的美好關係，可能在愛的學問上我們都還需要學習。

[@bernardlau00428]

初初聽到歌曲時，我最初預想的MV會是像《將心比己》或《你可能未必不喜歡我》一樣以故事劇情為主導。現在誕生的版本可算是意料之外，卻有驚喜。 首先，看演唱會時已很喜歡這個有CK伴舞的演出。她流暢亦充滿情感張力的肢體動作本身已很吸引，現在多得有齊遠近分鏡的版本，更將她的表情與眼神變化一一捕捉：不屑、摸索、懷恨、哀傷、死心… 全部都微妙細膩（為CK鼓掌灑花🎊）。配合MV中秀麗的書法文字，加強了作品的淒美感，要特別讚賞拍攝與後製團隊。 說回歌曲本身，易記、高低起伏流暢的旋律是經典情歌格調，成為玲瓏有致的軀幹；弦樂由最初帶點跳躍感的點綴，發展到bridge和副歌的連綿澎湃，就成為推進情緒層次的華美衣裳。歌詞故事完整，當中最重要的是立體地訴說了主人的性格與情感的轉折。有說「真心就不會輸」，將坦誠的歌詞配以Alfred細膩放輕到深情肉緊的演繹，就是撫慰這段戀愛傷勢的專屬療癒曲。 要選一段概括歌詞，我會選「傷春悲秋去或留，情共愛不必深究」。他人甚或自己的留下與離開，當中很多緣份的因由，是甚麼都不太重要了，重要是那些曾經的美好時光，都是雙方由零開始一起經歷與創造，向前塵致謝再放手，才可騰空出擁抱下一位的雙手。最後想用另一首歌的歌詞總結：用心戀愛下段道路定更精彩。 #良心發現後你又會想甚麼

[@19alextsang]

依句：假想一切再重頭 一個人失去咗佢要嘅嘢，不停要補救，但最後佢都失敗，咁佢就開始自責，然後自己就係佢嘅背後默默付出同幫助，以為終有一日可以重新開始，但最終只係自己一個人幻想出嚟

[@huiheitung4286]

我系尾場終於明白點解你要搵CK幫你伴舞，原來CK系講緊呢首歌既解釋，呢首歌既歌詞太直白🥹🥹🥹，我始終覺得系各大音樂平台聽既呢首歌，實在太heavy,反而系平時系活動或演唱會聽你唱既live版無甘heavy💙💙💙

[@lucychau4106]

聽完這首歌之後更加清楚Alfred的內心世界， 亦令到自己思考更多， 以為有好多人或事你都會覺得係"應份"， 但之後無左就會問自己點解。 歌詞中其中一句 "遺願我 夢裡尚記起所有"， 好多人或事都應該要及時， 不要後悔。

[@huahuaaaa]

星期三喺81聽到呢首 好鍾意❤

[@sarahongml]

这首歌曲仿佛在描述大部分遗憾的爱情，非常真实！歌词里也形容了在爱情里好多人曾经做错了，有些错误真的无法挽回，之后的内疚自责是一辈子！只有经过了才明白：- 情共爱不必深究 再爱也不需占有 （太喜欢这句了💕）

[@masumiakai]

大家繼續loop啊已經去到Top9啦，支持阿佛🥰🥰

[@dagumcheng1316]

自in the round開始的良心發現， 一直陪我捱過最艱難的時刻…還未完…不停 loop…直到「情共愛不必深究 再愛也不需佔有」，好像有點釋懷。

[@heureuxlagdi]

歌詞寫得很美,觸動內心的世界. 酸,痛！

[@Cwlaamss]

好鐘意呢把聲既Alfred 💙 好鐘意直白既歌詞💙 MV 同 concert 的演繹 有唔同感覺💙

[@ZombieSC2016]

個MV替我 recall 返2022年 [In the round] Alfred留給我一個很好的結尾 =) 歌詞，剛好，替我記錄了，一個 「不捨得失去聯絡」卻又只能「狠心的斬斷聯絡」的人。 剛好，在今天。 謝謝您，Alfred! buon San Valentino!

[@ricotang0727]

🥹🥹🥹好好聽啊，啲詞好靚，係演唱會第一次聽已經好深印象，好感動！

[@chingching02]

記得當日睇演唱會親眼睇到整個畫面，第一個感覺係個舞台好似一個藝術裝置，兩個人喺上面行走，而兩人亦無法相遇。亦從兩位不論表情、舞蹈、肢體動作，每一個細節都令我有揪心既感覺，有種講唔出既唔舒服。 而出左MV之後細嘗後感受更深。開始時就好似一個女仔闖進左一個男仔既生活入面，本來可能生活得好快樂，但慢慢發現大家當中有好多問題，令雙方都慢慢疏遠，到最後有一方忍唔住講分手，離開對方。轉台就好似講兩個人好似喺同一個軌跡上行走，但兩人沒有好好溝通，表達自己內心想法，最後導致分手，想挽救都救不了。 喜歡呢首歌係因為佢擊中我既內心，亦都表達左我既感受。記得喺兩年前，我第一次感受到虐心既感覺，喺我搭車既時候收到左一個唔想接收到既訊息。第一刻，我不停喺度諗係咪見面時間唔夠，冇好好溝通，不停責怪自己既不成熟，冇發現當中有問題。之後幾次見面，但都無法開口去勉救大家既感情，係因為經過一排既沉澱發現問題早已發生，當時沒有好好正視問題，而導致擁有呢個結果係一個好好俾自己反思既機會。由開始不停喺度諗點解會咁，到中段即使再不屬於我但都好想知道佢既生活，只因不捨得同佢斷絕所有與他有關既消息，到後期慢慢良心發現只要你現在活得安好我就安心了。 喺成首歌當中最鐘意「恆星會墜落 明日重現那星宿」呢句歌詞。 雖然無法再站在你身邊，但日子依然要過，願你生活找到屬於你既快樂，好好地過每一日。 希望能被揀中，收到Alfred既親筆，用呢句歌詞好好提醒一下自己。

[@tung323]

一首曲、調、唱都配合得宜的「情歌」就是能夠給每個人聽下，發展著每個人的故事。 一位好朋友結婚多年，但在近年卻開始了一段第三者關係，陪著她走著幾年間自已都體會很多，「感情」的不可理喻原來和「情緒病」一樣可怕。一個全世界甚至連自己都覺得的錯，但原來都只能不能自主地繼續錯落去。 第一次留心「良心發現」的所有歌詞便再一次使我諗想這位好朋友，很驚訝，每一個段落的歌詞就正正反影著她對自己、對配偶、對第三者個種千絲萬縷的糾結，直至現在還未能解得開。 「只想到日後 遙望前面那星斗 恆星會墜落 明日重現那星宿 終需撤走 傷春悲秋去或留 情共愛不必深究 再愛也不需佔有」 歌詞的結尾好似都提醒我哋唔好對感情太過執着，但人類永遠都係會犯同樣的錯，人永遠都好難好難學會珍惜，對自己想要的東西都放得太大，就這樣地不斷傷害身邊最親密的人⋯⋯ 一聽到呢首歌本來好想好想立即分享給朋友聽但卻沒有，因為更怕朋友只糾纏在歌曲的紛亂情緒，希望、更祝福所有還在這樣糾結的情感關於上的朋友們，能夠盡快走出陰霾，睇得清楚自己究竟想要和須要啲咩生活和咩人生。更希望有朝一日，朋友能聽到這首歌而得著釋懷。 現在香港生活已經好難喘息，希望我哋都能夠做好一點點，就讓世界改變一點點，香港人 · 一齊加油，共勉之。

[@hoichingchan9444]

「遣願我，夢裡尚記起所有」是最卑微而不舍的一方 亦是投入感情最重的一方 才會在夢中也追憶着那段感情。單方面的付出往往都是感情裏的「錯」可能對方永遠都感受不到「我」付出過的愛和努力 但只要在這段感情裏盡過力 就算結果未盡人意 也已經是「對」的結局 希望對方可以幸福 第一次在演唱會聽的時候 配上CK的舞蹈 可謂是視覺和聽覺上的體驗 心好像也跟着揪住揪住 但聽到最尾會有釋懷的感覺 沒錯…再愛也不一定需要佔有

[@barry_swy]

聽得出到而家都仲發掘緊你聲音既可能性 真係好正👍

[@charmaineyu1718]

最感觸既位置係「只想到日後 遙望前面那星斗 恆星會墜落 明日重現那星宿」 我聽左幾次之後冇再將【良心發現】單與愛情掛勾，而係世界上不同既愛。天上繁星或許都有著不同時段愛我既人，而我地總會有一日再見，就偶然望上天空望一下星際，記起一些回憶，愛就在。

[@winnieso6199]

首新歌真係好好聽，作詞人許老板真係不得了，要揀一句真係好難，整首歌既歌詞好有畫面，但響歌詞中領悟到《情共愛不必深究 再愛也不需佔有》，繼續加油寫多d好歌比樂迷聽，支持你😚

[@chauyinpik]

大推 推上冠軍歌 💕

[@chenganthony8940]

最喜歡嘅一句歌詞「從今到日後 如未能為你分憂」，良心發現呢首歌推出嘅時候同我最近嘅經歷非常之相似，你曾經有講過希望大家唔好明白嗰種嘅經歷，好可惜我偏偏經歷完，應該幾明白你當初嘅感受！ 12月30號同佢見面，竟然有緣份能夠一齊。但係偏偏31號去咗睇你演唱會拋低咗佢，但係佢一啲都冇介意，甚至乎等我能夠睇到你嘅演唱會好開心。 時間耐咗發現拍咗幾次拖最愛嘅係佢。偏偏自己唔知點解唔夠上心，唔夠成熟，又自我中心 ；一直忽略咗佢好重視嘅啲嘢，忽略咗佢嘅感受🥹。雖然嘗試製造好多唔同嘅驚喜，希望氹佢開心用自己認為最啱嘅方法去愛佢照顧佢，但其實一直幾耐都忽視咗佢真實嘅感受。一直以為佢會俾機會，然後諗住慢慢去改變自己嘅陋習；偏偏佢唔想再忍受，覺得要一個活左20幾年嘅人去改變佢20幾年嘅陋習係冇可能（但佢要求嘅全部都好合理） 或者係我唔夠上心，又或者係我以為佢可以有更多嘅容忍限度，去到關係嘅最後當然係分手。 好似係分手幾日後就聽到你出嘅新歌 其實一齊第二日都聽咗，只不過係嗰陣時冇細心留意到歌詞背後嘅故事亦未有相關經歷 有一日去到佢屋企樓下我哋行開嘅公園，一步一步慢慢行我哋走過嘅地方聽住你嘅歌，眼淚真係忍唔住！其實好痛好痛，真係唔識形容嗰種痛！可能你寫依首歌嘅時候都有差唔多嘅經歷同感受；「真係唔係好想用一個最愛嘅人去換取一個最大嘅教訓去迫使自己成長 」。曾經有憧憬「一齊每一日想嘅都係盡自己最大努力比幸福快樂佢」。但偏偏傷害咗佢，當然如果佢有個更好嘅，我會衷心祝福佢！ 雖然「能承認錯過 我面對一次 這種結果 」，但如果最後嘅結果係「從今到日後 如未能為你分憂」的確真係幾難受！ 最近每日都不停聽你首新歌，令到自己覺得更加痛，亦嘗試不停反省自己可能係想克服當中嘅傷痛，亦可能係希望自己可以好好反省同埋成長。聽咗原本版本，同埋你最後發佈嘅版本，兩個係截然不同嘅感受同埋歇斯底里嘅痛感。唔知道呢段感情嘅結果係點，但係都只能夠時刻提醒自己重新長大「記住要共最美的人 分享每個夜晚」好好珍惜而家所擁有嘅一切，盡自己能力唔好帶着遺憾入到棺材。 唔好意思，好似一直冇講到究竟鍾意呢首歌啲乜嘢，首歌好能夠有共鳴，你嘅作品亦伴隨着大家嘅成長每一句嘅歌詞都憾動我嘅心靈。獨立自主開公司，令到你嘅作品更加有溫度喺呢首歌，雖然感受到無限嘅痛楚難受，但係呢個先係大家真正鍾意嘅許廷鏗！一個有血有肉有自己思想作品有深度，作出唔同嘗試陪着大家成長，用自己親身經歷去提醒大家嘅好歌手。

[@carrielovep]

還記得演唱會聽首唱，2人沒有對望過，全程背對，已經大約說明歌曲既意思，歌詞完完全全直入內心深處。 斬斷聯絡後的情感，會不捨會想念但寧願瀟灑離去也不願再造成不好回憶。 最喜歡的一句歌詞：情共愛不必深究，再愛也不需佔有。

[@ansonheung8407]

不論係演唱會聽live定係音樂平台聽都好揪心，聽得出Alfred可能係自身經歷，可能係佢聽過其他人嘅經歷，「曾做錯都不追究 免卻我此刻歉疚」，超想喺呢份詞表達呢種痛，呢種歉疚。😢

[@wingkilui2635]

呢首歌旋律好好聽，歌詞好揪心，曾經彼此好愛對方諗住關係穩定了。但因為做錯一啲啲錯誤而分開🥺CK嘅演繹令到首歌更虐心，其中一幕想開口叫你但又放棄呢幕真喺不得了🥺 我最鍾意嘅歌詞喺:再愛也不需佔有

[@michellelam5651]

第一次聽良心發現是在除夕夜 當時身邊仍有他 然後這首歌上架時我們分開了 「怎麼不敢再回憶 那日的經過」多謝Alfred 創作了這麼痛的歌 可以讓痛有個出口

[@joy82180]

呢首歌表達到真誠既alfred, 好中意呢首歌，響呢個速食時代，良心發現都未必係易事！呢個video既燈光設計風格唯美優雅❤

[@記著愛己]

佢把聲⋯全是感情😌😌好好聽呀❤️